ಡೆಲ್ ನ ವಿಂಡೋಸ್ 8 ಟ್ಯಾಬ್ಲೆಟ್ ನಲ್ಲಿ ಏನಿದೆ

ವಿಶ್ವದ ಅಗ್ರಗಣ್ಯ ಪಿ.ಸಿ ಹಾಗು ಲ್ಯಾಪ್ಟಾಪ್ ಉತ್ಪಾದಕ ಡೆಲ್, ವಿಂಡೋಸ್ ನ 8 ತಂತ್ರಾಂಶ ವಿರುವ ಟ್ಯಾಬ್ಲೆಟ್ ಅನ್ನು ಹೊರತರಲಿದೆ ಎಂಬ ಸುದ್ದಿ ನಿಮಗೆ ಗೊತ್ತೇ ಇದೆ. ಹೆಚ್ಚುತ್ತಿರುವ ಆಂಡ್ರಾಯ್ಡ್ ಆಧಾರಿತ ಟ್ಯಾಬ್ಲೆಟ್ ಗಳು ವಿಶ್ವದೆಲ್ಲೆಡೆ ಖ್ಯಾತವಾಗಿರುವ ಸಂಧರ್ಭದಲ್ಲಿ ಡೆಲ್, ಬಹುನಿರೀಕ್ಷಿತ ವಿಂಡೋಸ್ 8 ತಂತ್ರಾಂಶ ಆಧಾರಿತ ಟ್ಯಾಬ್ಲೆಟ್ ಅನ್ನು ಹೊರತರಲಿರುವುದು ಹಲವರ ಹುಬ್ಬೇರಿಸಿದೆ.

ಅದರ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಮೈಕೆಲ್ ಡೆಲ್ ರ ಪ್ರಕಾರ, ತಮ್ಮ ವಿಂಡೋಸ್ 8 ಟ್ಯಾಬ್ಲೆಟ್ ನಿಂದಾಗಿ ಕಾರ್ಪೋರೆಟ್ ಗ್ರಾಹಕರರಿಗೆ ಮೈಕ್ರೋಸಾಫ್ಟ್ ನ ಆಫಿಸ್ ಅಪ್ಲಿಕೇಶನ್ ಗಳನ್ನು ಉಪಯೋಗಿಸಲು ಸಾಧ್ಯವಾಗುವುದಲ್ಲದೆ ಕಾರ್ಪೋರೆಟ್ ನೆಟ್ವರ್ಕ್ ಗಳಿಗೆ ಹೊಂದಾಣಿಕೆಯಾಗುವಂತೆ ಸಿದ್ದಪಡಿಸಲಾಗುವುದು ಎಂದಿದ್ದಾರೆ.

Latitude 10 ಎಂದು ಈ ಟ್ಯಾಬ್ಲೆಟ್ ಗೆ ಹೆಸರಿಡಲಾಗಿದ್ದು, ಅಕ್ಟೋಬರ್ ನಲ್ಲಿ ವಿಂಡೋಸ್ 8 ಆವೃತ್ತಿ ಬಿಡುಗಡೆಯಾಗುವ ದಿನದಂದೇ ಈ ಟ್ಯಾಬ್ಲೆಟ್ ಮಾರುಕಟ್ಟೆಗೆ ಬರಲಿದೆ ಎಂದು ಪ್ರಕಟಿಸಿದೆ.

ಈ ಟ್ಯಾಬ್ಲೆಟ್ ನ ಸ್ಪೆಸಿಫಿಕೇಶನ್ ಗಳು ಈ ರೀತಿ ಇರಲಿವೆ ಎನ್ನಲಾಗಿದೆ:

• 10 ಇಂಚಿನ ಟಚ್ ಸ್ಕ್ರೀನ್


• ವಿಂಡೋಸ್ 8 ತಂತ್ರಾಂಶ


• ಡ್ಯುಯಲ್ ಕೋರ್ ಇಂಟೆಲ್ ಆಟಮ್ ಕ್ಲೋವರ್ ಪ್ರೋಸೆಸರ್


• 720 p HD ಡಿಸ್ಪ್ಲೇ


• ಇಂಟಿಗ್ರೇಟೆಡ್ 2 GB ರಾಮ್


• ಇಂಟೆಲ್ ಗ್ರಾಫಿಕ್ಸ್


• 128 GB ಐಚ್ಛಿಕ ಮೆಮೊರಿ


• 8 ಮೆಗಾಪಿಕ್ಸೆಲ್ ಕ್ಯಾಮೆರಾ


• 3G ಮತ್ತು ವೈಫೈ


• ಸ್ಪೀಕರ್, ಸ್ಟೀರಿಯೋ ಹೆಡ್ ಫೋನ್


• 10 ಗಂಟೆಗಳವರೆಗೆ ಕಾರ್ಯ ನಿರ್ವಹಿಸುವ ಸಾಮರ್ಥ್ಯವಿರುವ 6 ಸೆಲ್ ಬ್ಯಾಟರಿ

ಡೆಲ್, ಈ ರೀತಿಯ ಹೈ ಎಂಡ್ ಫೀಚರುಗಳು ಇರುವ ಟ್ಯಾಬ್ಲೆಟ್ ಅನ್ನು ಹೊರತರುತ್ತಿರುವುದು ಖಂಡಿತವಾಗಿಯೂ ವಿಂಡೋಸ್ ಬಳಕೆದಾರರಿಗೆ ಸಂತಸದ ವಿಷಯವಾಗಿದೆ.