ನಿಮ್ಮ ಐಪ್ಯಾಡಿಗೆ ಲಾಗಿಟೆಕ್ ಸಾಥ್ ನೀಡಿರಿ

By Super

Updated: Wednesday, March 27, 2013, 13:37 [IST]

ಗ್ರಾಹಕ ಎಲೆಕ್ಟ್ರಾನಿಕ್ ಉದ್ಯಮದಲ್ಲಿ ಲಾಗಿಟೆಕ್ ಜನಪ್ರಿಯ ಕಂಪನಿ. ಲಾಗಿಟೆಕ್ ಕಂಪನಿಯು ಆಪಲ್ ಐಪ್ಯಾಡ್ ಸೇರಿದಂತೆ ಹಲವು ಕಂಪನಿಗಳ ಉತ್ಪನ್ನಗಳಿಗೆ ಆಕ್ಸೆಸರಿ ನೀಡುತ್ತದೆ. ಕಂಪನಿಯು ಈಗ ಆಪಲ್ ಐಪ್ಯಾಡ್ 2ಗಾಗಿ ವಿಶೇಷ ಕೀಬೋರ್ಡ್, ಸ್ಪೀಕರ್ ಸ್ಟಾಂಡ್ ಇತ್ಯಾದಿಗಳನ್ನು ನಿರ್ಮಿಸಿದೆ.

ಆಪಲ್ ಐಪ್ಯಾಡಿಗಾಗಿ ಕಂಪನಿಯು ವೈರ್ ಲೆಸ್ ಬೂಮ್ ಬಾಕ್ಸ್, ಟ್ಯಾಬ್ಲೆಟ್ ಸ್ಪೀಕರ್ ಇತ್ಯಾದಿಗಳನ್ನು ಹೊರತಂದಿದೆ. ಮನರಂಜನಾ ಉದ್ಯಮದ ಗ್ರಾಹಕರನ್ನು ಪ್ರಮುಖವಾಗಿ ಗಮನದಲ್ಲಿಟ್ಟುಕೊಂಡು ನೂತನ ಆಕ್ಸೆಸರಿ ಹೊರತಂದಿರುವುದಾಗಿ ಲಾಗಿಟೆಕ್ ಪ್ರಕಟಣೆಯಲ್ಲಿ ತಿಳಿಸಿದೆ.

ಐಪ್ಯಾಡ್ ಸ್ಕ್ರೀನ್ ಗೆ ರಕ್ಷಣೆ ನೀಡುವ ಅಲ್ಯುಮಿನಿಯಂ ಕೇಸಿಂಗ್, ಲಾಗಿಟೆಕ್ ಕೀಬೋರ್ಡ್ ಕೇಸ್(ಪೆಟ್ಟಿಗೆ) ಇವೆಲ್ಲ ಆಕರ್ಷಕ ಆಕ್ಸೆಸರಿಗಳು. ದುಬಾರಿ ಐಪ್ಯಾಡನ್ನು ಜೋಪಾನವಾಗಿಟ್ಟುಕೊಳ್ಳಲು ಈ ಆಕ್ಸೆಸರಿಗಳು ನೆರವಾಗುತ್ತವೆ.

ಲಾಗಿಟೆಕ್ ಸ್ಪೀಕರ್ ಸ್ಟಾಂಡನ್ನು ವಿಶೇಷವಾಗಿ ಆಪಲ್ ಉತ್ಪನ್ನಗಳಿಗಾಗಿ ನಿರ್ಮಿಸಲಾಗಿದೆ. ಕಂಪನಿಯ ಇನ್ನೊಂದು ಪ್ರಮುಖ ಆಕ್ಸೆಸರಿಯೆಂದರೆ ಲಾಗಿಟೆಕ್ ವೈರ್ ಲೆಸ್ ಹೆಡ್ ಸೆಟ್. ಇದು ಬ್ಲೂಟೂಥ್ ಕನೆಕ್ಟಿವಿಟಿ, ಮೈಕ್ರೊಫೋನ್ ಇತ್ಯಾದಿ ಫೀಚರುಗಳನ್ನು ಹೊಂದಿದೆ. ಲಾಗಿಟೆಕ್ ನೂತನ ಆಕ್ಸೆಸರಿಗಳ ದರದ ಕುರಿತು ಯಾವುದೇ ಮಾಹಿತಿ ಲಭ್ಯವಿಲ್ಲ.