ಈ ಫನ್ ಟ್ಯಾಬ್ಲೆಟ್ ಡಾಕ್ಟರ್ ಹುಡುಕಿಕೊಡುತ್ತೆ

By Varun

Updated: Thursday, August 16, 2012, 12:20 [IST]

ಭಾರತದ ಗೋ ಟೆಕ್ ಡಿಜಿಟಲ್ ಕಂಪನಿ ಈಗ ಟ್ಯಾಬ್ಲೆಟ್ ಮಾರುಕಟ್ಟೆಯಲ್ಲಿ ಸಂಚಲನ ಉಂಟುಮಾಡಬಹುದಾದ ಆರೋಗ್ಯದ ವಿಷಯಗಳಿಗೆ ಸಂಬಂಧ ಪಟ್ಟ ಆಪ್ ಗಳು ಇರುವ ಆಂಡ್ರಾಯ್ಡ್ ಸ್ಮಾರ್ಟ್ ಟ್ಯಾಬ್ಲೆಟ್ ಒಂದನ್ನು ಬಿಡುಗಡೆ ಮಾಡಿದೆ.

Guide My Treatment ಎನ್ನುವ ಪ್ರೀ-ಲೋಡೆಡ್ ಆಪ್ ಇದರಲ್ಲಿದ್ದು, ಇದರ ಮೂಲಕ, ಆರೋಗ್ಯದ ತುರ್ತು ಪರಿಸ್ಥಿತಿಯಲ್ಲೂ ನೀವಿರುವ ಜಾಗದ ಹತ್ತಿರದಿಂದ ಡಾಕ್ಟರ್ ಹಾಗು ಆಸ್ಪತ್ರೆಗಳನ್ನು ಹುಡುಕುವ ಹಾಗು ಡಾಕ್ಟರ್ ಜೊತೆ ಆಗಲೇ ಅಪಾಯಿಂಟ್ಮೆಂಟ್ ಕೂಡ ಕೊಡಿಸುವ ಸೌಲಭ್ಯ ಹೊಂದಿದೆ.

ಈ ರೀತಿಯ ಸೌಲಭ್ಯವಿರುವ ಮೊದಲ ಆಪ್ ಇದಾಗಿದ್ದು, ಉಚಿತ ವೈಫೈ ಸೌಲಭ್ಯ ಒದಗಿಸುವ ಓಜೋನ್ ಹಾಟ್ ಸ್ಪಾಟ್ ಸೇವೆಯನ್ನೂ ಒದಗಿಸಲಿದೆ.

ಹಂಗಾಮಾ ಆಪ್, ಫನ್ ಬಜಾರ್ ಹಾಗು Attano EduTV ಮೂಲಕ ಸುಮಾರು 1500 ಶಿಕ್ಷಣಕ್ಕೆ ಸಂಬಂಧಿಸಿದ ಇ-ಬುಕ್ ಹಾಗು ವೀಡಿಯೋಗಳನ್ನೂ ಒದಗಿಸಲಿದ್ದು, ಇದರ ಫೀಚರುಗಳು ಈ ರೀತಿ ಇವೆ:

7 ಇಂಚು ಕೆಪಾಸಿಟಿವ್ ಟಚ್ ಸ್ಕ್ರೀನ್

800 X 480 ರೆಸೊಲ್ಯೂಶನ್

ವಿಜಿಎ ಕ್ಯಾಮೆರಾ

ಆಂಡ್ರಾಯ್ಡ್ 4.0 (ಐಸ್ಕ್ರೀಮ್ ಸ್ಯಾಂಡ್ವಿಚ್) ಆಪರೇಟಿಂಗ್ ಸಿಸ್ಟಮ್

3G (ಕೇವಲ ಡಾಂಗಲ್ ಮೂಲಕ)

DR3 512 MB RAM ನ

1.0 GHz ಪ್ರೊಸೆಸರ್

HDMI ಪೋರ್ಟ್, USB, ವೈಫೈ ಸಂಪರ್ಕ

4 GB ಆಂತರಿಕ ಮೆಮೊರಿ

32 GB ವರೆಗೆ ವಿಸ್ತರಿಸಬಹುದಾದ ಮೆಮೊರಿ

3600 mAh ಬ್ಯಾಟರಿ

8 ಗಂಟೆಗಳ ಬ್ಯಾಕ್ ಆಪ್ (ಮ್ಯೂಸಿಕ್ ಪ್ಲೇಬ್ಯಾಕ್)

ಈ ಟ್ಯಾಬ್ಲೆಟ್ ಜೊತೆ ಬಾಹ್ಯವಾಗಿ ಮೌಸ್, ಕೀಲಿಮಣೆ ಮತ್ತು ಇತರೆ ಮಾಹಿತಿ ಹಂಚಿಕೆಯ ಸಾಧನಗಳನ್ನು ಕನೆಕ್ಟ್ ಮಾಡಬಹುದಾಗಿದೆ. ಒಂದು ವರ್ಷ ವಾರಂಟಿ ಇರುವ ಈ ಟ್ಯಾಬ್ಲೆಟ್ ನ ಬೆಲೆ 5,999 ರೂಪಾಯಿ.