ದೇಶದ ಮಾರುಕಟ್ಟೆಗೆ ಜೀನಿಯಸ್ ಪೆನ್ ಟ್ಯಾಬ್ಲೆಟ್

Posted By: Staff
ದೇಶದ ಮಾರುಕಟ್ಟೆಗೆ ಜೀನಿಯಸ್ ಪೆನ್ ಟ್ಯಾಬ್ಲೆಟ್
ಮಾಹಿತಿ ತಂತ್ರಜ್ಞಾನ ವಿತರಣೆ ಕಂಪನಿಗಳಲ್ಲಿ ಇನ್ಸ್ಪಾನ್ ಇನ್ಫೋಟೆಕ್ ಇಂದು ಜಾಗತಿಕವಾಗಿ ಜನಪ್ರಿಯಗೊಳ್ಳುತ್ತಿದೆ. ಕಂಪನಿಯು ತನ್ನ ನೂತನ ಪೆನ್ ಟ್ಯಾಬ್ಲೆಟನ್ನು ದೇಶದ ಮಾರುಕಟ್ಟೆಗೆ ಪರಿಚಯಿಸಲು ಯೋಜಿಸಿದೆ. ಇದು ಜೀನಿಯಸ್ ಕಂಪನಿಯ ಟ್ಯಾಬ್ಲೆಟ್. ಇದನ್ನು ಇನ್ಸ್ಪಾನ್ ಕಂಪನಿಯು ವಿತರಣೆ ಮಾಡುತ್ತಿದೆ.

ಜೀನಿಯಸ್ ಪೆನ್ ಟ್ಯಾಬ್ಲೆಟ್ ಜೊತೆಗೆ ದೇಶದ ಮಾರುಕಟ್ಟೆಗೆ ಇನ್ನಷ್ಟು ಉತ್ಪನ್ನಗಳನ್ನು ಪರಿಚಯಿಸಲು ಕಂಪನಿ ನಿರ್ಧರಿಸಿದೆ. ಅಂದ್ರೆ ಮೌಸ್ ಪೆನ್, ವೈರ್ ಲೆಸ್ ಉತ್ಪನ್ನಗಳು, ಕಿಡ್ಸ್ ಡಿಸೈನರ್ ಪೆನ್ ಟ್ಯಾಬ್ಲೆಟ್ ಕೂಡ ಪರಿಚಯಿಸಲಿದೆಯಂತೆ.

ಕಂಪನಿಯು ಜಿ-ಪೆನ್ ಎಫ್ 350, ಈಸಿಪೆನ್ ಎಂ506 ಮತ್ತು ಜಿ-ಪೆನ್ ಎಂ712ಎಕ್ಸ್ ಇತ್ಯಾದಿಗಳನ್ನು ಮಾರುಕಟ್ಟೆಗೆ ಪರಿಚಯಿಸಲಿದೆ ಎಂದು ಮೂಲಗಳು ಹೇಳಿವೆ. ಇಷ್ಟು ಮಾತ್ರವಲ್ಲದೇ ಕಂಪನಿಯು ಈಸಿಪೆನ್ ಎಂ610ಎಕ್ಸ್ ಮತ್ತು ಮೌಸ್ ಪೆನ್ ಐ608ಎಕ್ಸ್ ಮಾಡೆಲ್ ಗಳನ್ನು ಸಹ ಪರಿಚಯಿಸಲಿದೆಯಂತೆ.

ಜೀನಿಯಸ್ ಜಿ ಪೆನ್ ಎಫ್ 350 ಟ್ಯಾಬ್ಲೆಟ್ 3 x 5 ಇಂಚು ವಿಸ್ತಾರವಾಗಿದೆ. ಇದು ಉಬುಂಟು ಅಥವಾ ವಿಂಡೋಸ್ ಸಿಸ್ಟಮ್ ಹೊಂದಿರುವ ನಿರೀಕ್ಷೆಯಿದೆ. ಜೀನಿಯಸ್ ಜಿ-ಪೆನ್ ದರ ಸುಮಾರು 3,200 ರು. ಆಸುಪಾಸಿನಲ್ಲಿರಲಿದೆ ಎಂದು ಮೂಲಗಳು ಹೇಳಿವೆ. ಈಸಿಪೆನ್ ಎಂ506 ಟ್ಯಾಬ್ಲೆಟ್  5 x 6 ಡಿಸ್ ಪ್ಲೇ ಹೊಂದಿರಲಿದೆ.

ಇದರೊಂದಿಗೆ ಬ್ಯಾಟರಿ ಅಗತ್ಯವಿಲ್ಲದ ಕೊರ್ಡೊಲೆಸ್ ಪೆನ್ ಕೂಡ ಇದೆ. ಒಟ್ಟಾರೆ ಈ ಟ್ಯಾಬ್ಲೆಟ್ ತೂಕ 420 ಗ್ರಾಂ ಇದೆ. ಈಸಿಪೆನ್ ಎಂ506 ದರ ಸುಮಾರು 6,260 ರುಪಾಯಿ ಇರಲಿದೆ.

ಜಿ-ಪೆನ್ ಎಂ712ಎಕ್ಸ್ ಮತ್ತೊಂದು ಟ್ಯಾಬ್ಲೆಟ್. ಇದು ಮಲ್ಟಿಮೀಡಿಯಾ ಟ್ಯಾಬ್ಲೆಟ್ ಆಗಿದ್ದು, 12 x 7 ಇಂಚಿನ ಡಿಸ್ ಪ್ಲೇ ಹೊಂದಿದೆ. ಈಸಿಪೆನ್ ಎಂ610ಎಕ್ಸ್ ಟ್ಯಾಬ್ಲೆಟ್ 6 x 10 ಇಂಚಿನ ಡಿಸ್ ಪ್ಲೇ ಹೊಂದಿದೆ. ಈಸಿಪೆನ್ ಐ608ಎಕ್ಸ್ ಮತ್ತು ಮೌಸ್ ಪೆನ್ ಐ608ಎಕ್ಸ್ ದರ ಕ್ರಮವಾಗಿ 6,600 ರು. ಮತ್ತು 3,699 ರು ಇರಲಿದೆ.

Please Wait while comments are loading...
Opinion Poll

Social Counting