ಗೂಗಲ್, ಹೆಸರಾಂತ ಲ್ಯಾಪ್ಟಾಪ್ ಉತ್ಪಾದಕ ಅಸುಸ್ ಜೊತೆಗೂಡಿ ತಯಾರಿಸುತ್ತಿರುವ ಬಹುನಿರೀಕ್ಷಿತ ಆಂಡ್ರಾಯ್ಡ್ ಟ್ಯಾಬ್ಲೆಟ್- ಗೂಗಲ್ ಅಸುಸ್ ನೆಕ್ಸಸ್ ಜೂನ್ ತಿಂಗಳಲ್ಲಿ ಬರಲಿದೆ ಎಂಬ ಸುದ್ದಿ ಬಂದಿದೆ. ಜುಲೈ ವೇಳೆಗೆ ಬರಬೇಕಿದ್ದ ಈ ಟ್ಯಾಬ್ಲೆಟ್ ಅನ್ನು ಅವಧಿಗೆ ಮುನ್ನವೆ ಹೊರತರುತ್ತಿರುವ ಗೂಗಲ್ ಈಗಾಗಲೇ 6 ಲಕ್ಷ ಟ್ಯಾಬ್ಲೆಟ್ ಗಳನ್ನ ಸಿದ್ಧಪಡಿಸಿದೆ ಎಂದು ಡಿಜಿಟೈಮ್ಸ್ ವರದಿ ಮಾಡಿದೆ.
ಕೆಲವು ತಿಂಗಳುಗಳ ಹಿಂದೆಯಷ್ಟೇ ಗೂಗಲ್ ನ ಎರಿಕ್ ಸ್ಕ್ಮಿಟ್, ತಮ್ಮ ಕಂಪನಿ ಟ್ಯಾಬ್ಲೆಟ್ ಅನ್ನು ಬಿಡುಗಡೆ ಮಾಡಲಿರುವ ಸುದ್ದಿಯನ್ನು ಖಾತ್ರಿಗೊಳಿಸಿದ್ದರು. ಆಂಡ್ರಾಯ್ಡ್ 4.0 ಐಸ್ಕ್ರೀಮ್ ಸ್ಯಾಂಡ್ವಿಚ್ ತಂತ್ರಾಂಶ, 7 ಇಂಚ್ ಸ್ಕ್ರೀನ್, ಡ್ಯುಯಲ್-ಕೋರ್ ಕ್ವಾಲ್ಕಾಂ ಪ್ರೋಸೆಸರ್ ಹೊಂದಿದೆ ಎನ್ನಲಾದ ಈ ಟ್ಯಾಬ್ಲೆಟ್, ಅಮೆಜಾನ್ ನ ಕಿಂಡಲ್ ಟ್ಯಾಬ್ಲೆಟ್ ಗೆ ನೇರ ಸ್ಪರ್ಧೆ ಒಡ್ಡಲಿದೆ ಎಂದು ಹೇಳಲಾಗುತ್ತಿದೆ.
