ಆಂಡ್ರಾಯ್ಡ್ ಓರಿಯೋದಲ್ಲಿ ವೈಫೈ ನೆಟ್ವರ್ಕ್ ವೇಗವನ್ನು ತಿಳಿಯುವುದು ಹೇಗೆ?

ಗೂಗಲ್ ಆಂಡ್ರಾಯ್ಡ್ 8.1 ಓರಿಯೋ ಅಪ್ಡೇಟ್ ನಲ್ಲಿ ಉತ್ತಮವಾದ ಮತ್ತು ಉಪಯುಕ್ತ ಫೀಚರ್ ಒಂದನ್ನು ನೀಡುತ್ತಿದ್ದು, ಈಗ ಸಮೀಪದಲ್ಲಿ ಲಭ್ಯವಿರುವ ತೆರೆದ ವೈಫೈ ನೆಟ್ವರ್ಕ್ಗಳ ವೇಗವನ್ನು ಅದಕ್ಕೆ ಕನೆಕ್ಟ್ ಮಾಡುವ ಮೊದಲೇ ತಿಳಿಯಬಹುದಾಗಿದೆ. ಈ ಅಪ್ಡೇಟ್ನೊಂದಿಗೆ ವೈಫೈ ಸೆಟ್ಟಿಂಗ್ಸ್ ಈ 4 ಸ್ಪೀಡ್ ಲೇಬಲ್ಗಳನ್ನು ತೋರಿಸಲಿದೆ : ವೆರಿ ಫಾಸ್ಟ್, ಫಾಸ್ಟ್, ಓಕೆ, ಸ್ಲೋ. ಪಾಸ್ವರ್ಡ್ ಕೇಳುವ ಖಾಸಗಿ ವೈಫೈ ಗಳ ನೆಟ್ವರ್ಕ್ಗಳ ವೇಗ ತೋರಿಸದಿದ್ದರೂ ಅದರ ಸಿಗ್ನಲ್ ನ ಬಲ ಅಥವಾ ಶಕ್ತಿ ಎಷ್ಟಿದೆಯೆಂದು ಸೂಚಿಸಲಾಗುತ್ತದೆ.

ಹತ್ತಿರದಲ್ಲಿ ಲಭ್ಯವಿರುವ ತೆರೆದ ವೈಫೈ ನೆಟ್ವರ್ಕ್ಗಳ ವೇಗ ತಿಳಿಯಲು 'ಯುಸೇಜ್ & ಡಯಾಗ್ನಿಸ್ಟಿಕ್ಸ್ ಶೇರಿಂಗ್' ಫೀಚರ್ ಮೇಲೆ ಅವಲಂಬಿತವಾಗಿದ್ದು ಜನರಿಂದ ಕಲೆಹಾಕಿದ ಮಾಹಿತಿಯಿಂದ ಇದನ್ನು ತಿಳಿಯಲಾಗುತ್ತದೆ. ನೀವು ನಿಮ್ಮ ಫೋನ್ ನಿಂದ ಈ ನೆಟ್ವರ್ಕ್ ಗೆ ಕನೆಕ್ಟ್ ಮಾಡಿದಾಗ , ಈ ನೆಟ್ವರ್ಕ್ ನ ವೇಗ ಎಷ್ಟಿದೆಯೆಂಬ ಮಾಹಿತಿಯನ್ನು ಗೂಗಲ್ ನೊಂದಿಗೆ ಹಂಚಿಕೊಳ್ಳಲಾಗುತ್ತದೆ. ಹಾಗಾಗಿ ಈ ನೆಟ್ವರ್ಕ್ ರೇಟಿಂಗ್ ಫೀಚರ್ ಆ ನೆಟ್ವರ್ಕ್ ನ ವೇಗ ಹೇಗಿದೆಯೆಂಬುದನ್ನು ಬಹುತೇಕ ಖಚಿತವಾಗಿ ತಿಳಿಸಬಲ್ಲದು. ಈ ಲೇಖನದಲ್ಲಿ ಆಂಡ್ರಾಯ್ಡ್ ಓರಿಯೋ ಮೂಲಕ ನಿರ್ದಿಷ್ಟ ವೈಫೈ ನೆಟ್ವರ್ಕ್ ವೇಗವಾಗಿದೆಯೇ ಇಲ್ಲವೇ ಎಂದು ತಿಳಿಯುವ ಬಗೆಯನ್ನು ವಿವರಿಸಿದ್ದೇವೆ.

ಹಂತ 1: ನಿಮ್ಮ ಸಾಧನದ 'ಸೆಟ್ಟಿಂಗ್ಸ್' ಆಪ್ ತೆರೆಯಿರಿ

ಹಂತ 2: 'ನೆಟ್ವರ್ಕ್ & ಇಂಟರ್ನೆಟ್' ಕ್ಲಿಕ್ ಮಾಡಿ-> ವೈಫೈ -> ಟಾಗಲ್ ಬಟನ್ ಅನ್ನು ಆನ್ ಮಾಡಿ

ಹಂತ 3: ಈಗ ಮೆನುವಿನಲ್ಲಿ ಲಭ್ಯವಿರುವ ವೈಫೈ ಗಳ ಪಟ್ಟಿಯನ್ನು ಕಾಣಬಹುದು

ಹಂತ 4: ಪಟ್ಟಿಯಲ್ಲಿರುವ ನೆಟ್ವರ್ಕ್ ಗಳ ಪೈಕಿ ನಿಮ್ಮ ಅಗತ್ಯಗಳಿಗೆ ಸೂಕ್ತವೆನಿಸುವ ವೈಫೈ ನೆಟ್ವರ್ಕ್ ಅನ್ನು ಆಯ್ದುಕೊಳ್ಳಿ

ಹಂತ 5: ಸಾಮಾನ್ಯವಾಗಿ ಸಿಗ್ನಲ್ ನ ಬಲವನ್ನು ಒಂದು ಐಕಾನ್ ನ ಮೂಲಕ ತೋರಿಸಲಾಗುವುದು. ಉದಾಹರಣೆಗೆ, ಐಕಾನ್ ತುಂಬಿದಂತೆ ಇದ್ದರೆ ಸಿಗ್ನಲ್ ನ ಶಕ್ತಿ ಉತ್ತಮವಾಗಿದೆ ಎಂದು ಅರ್ಥ.

ನಾವು ಈಗಾಗಲೇ ತಿಳಿಸಿದಂತೆ ಸಿಗ್ನಲ್ ನ ಶಕ್ತಿಗೆ ಅನುಸಾರವಾಗಿ ವೈಫೈ ವೇಗವನ್ನು ನಾಲ್ಕು ವಿಧವಾಗಿ ತೋರಿಸಲಾಗುವುದು.

ಸ್ಲೋ : ನೀವು ಈ-ಮೇಲ್ ಮತ್ತು ಟೆಕ್ಸ್ಟ್ ಮೆಸೇಜ್ಗಳನ್ನು ಕಳುಹಿಸಬಹುದು. ಇಮೇಜ್ಗಳು ನಿಧಾನವಾಗಿ ಬರುತ್ತದೆ

ಓಕೆ : ನೀವು ವೆಬ್ ಪೇಜ್ಗಳನ್ನು ಓದಬಹುದು, ಸಾಮಾಜಿಕ ಜಾಲತಾಣಗಳನ್ನು ಬಳಸಬಹುದು, ಸಂಗೀತವನ್ನು ಸ್ಟ್ರೀಮ್ ಮಾಡಬಹುದು ಮತ್ತು ಸ್ಟ್ಯಾಂಡರ್ಡ್-ಡೆಫಿನೇಶನ್ (SD) ವೀಡಿಯೋಗಳನ್ನು ನೋಡಬಹುದು.

ಫಾಸ್ಟ್: ನೀವು ಹೆಚ್ಚಿನ ಹೈ-ಡೆಫಿನೇಶನ್ (SD) ವೀಡಿಯೋಗಳನ್ನು ಸ್ಟ್ರೀಮ್ ಮಾಡಬಹುದು ಮತ್ತು ವೀಡಿಯೋ ಕಾಲ್ ಗಳನ್ನು ಮಾಡಬಹುದು.

ವೆರಿ ಫಾಸ್ಟ್ :ನೀವು ತುಂಬ ಉತ್ತಮ ಗುಣಮಟ್ಟದ ವೀಡಿಯೋಗಳನ್ನು ಸ್ಟ್ರೀಮ್ ಮಾಡಬಹುದು

ನೀವು ನೆಟ್ವರ್ಕ್ ನ ವೇಗವನ್ನು ನೋಡಲು ಬಯಸುವುದಿಲ್ಲವೆಂದಾದಲ್ಲಿ ನಿಮ್ಮ ಸಾಧನದ ಸೆಟ್ಟಿಂಗ್ಸ್ ತೆರೆಯಿರಿ. ಸೆಟ್ಟಿಂಗ್ಸ್-> ನೆಟ್ವರ್ಕ್ & ಇಂಟರ್ನೆಟ್ -> ವೈಫೈ -> ವೈಫೈ ಪ್ರಿಫರೆನ್ಸಸ್ -> ಎಡ್ವಾನ್ಸ್ಡ್ -> ನೆಟ್ವರ್ಕ್ ರೇಟಿಂಗ್ ಪ್ರೊವೈಡರ್ -> ನನ್

ಆಂಡ್ರಾಯ್ಡ್ 8.1 ಓರಿಯೋ ಅಪ್ಡೇಟ್ ಕೆಲವೇ ಮೊಬೈಲ್ಗಳಿಗೆ ಲಭ್ಯವಾಗಿದ್ದು ಶೀಘ್ರವೇ ಹೊರಬರಲಿದೆ.