ಈ ಟೆಕ್ ಕಂಪನಿಗಳ ಹೆಸರಿನ ಹಿಂದಿನ ರಹಸ್ಯವೇನು ?

Posted By: Varun

    ಈ ಟೆಕ್ ಕಂಪನಿಗಳ ಹೆಸರಿನ ಹಿಂದಿನ ರಹಸ್ಯವೇನು ?

    ನಮ್ಮಲ್ಲಿ ಮಗುವಿಗೆ ಹೆಸರಿಡುವ ಮುಂಚೆ ಪುರೋಹಿತರನ್ನು ಕೇಳಿ, ಜನ್ಮ ನಕ್ಷತ್ರ, ತಿಥಿ, ಮಾಸ, ಪಕ್ಷ, ಇದನ್ನೆಲ್ಲಾ ಲೆಕ್ಕಕ್ಕೆ ಇಟ್ಟುಕೊಂಡು ಡಿಸೈಡ್ ಮಾಡುತ್ತಾರೆ.

    ಆದರೆ ಕಂಪನಿಗಳಿಗೆ ಹೆಸರಿಡುವ ವಿಷಯಕ್ಕೆ ಬಂದರೆ ಕಂಪನಿಯನ್ನು ಯಾರು ಶುರು ಮಾಡುತ್ತಾನೋ/ರೋ, ಅವರು ತಮ್ಮ ಹೆಸರೋ ಇಲ್ಲವೆ ಮಗಳ/ಮಗನ ಹೆಸರು, ಹೆಂಡತಿ ಹೆಸರು, ದೇವರ ಹೆಸರು ಇಡುತ್ತಾರೆ. ಈ ರೀತಿ ಪ್ರತಿಯೊಂದು ಕಂಪನಿಯ ಹೆಸರಿನ ಹಿಂದೆ ಒಂದು ಅರ್ಥ ಇಲ್ಲವೆ ಕಥೆ ಇರುತ್ತದೆ.

    ಜಗತ್ತಿನ ಪ್ರಮುಖ ಕಂಪನಿಗಳ ಹೆಸರುಗಳು ಹೇಗೆ ಹುಟ್ಟಿಕೊಂಡವು ಎಂದು ತಿಳಿದರೆ ನಿಮಗೇ ಆಶ್ಚರ್ಯವಾಗುತ್ತದೆ. ಹಾಗಿದೆ ಒಂದೊಂದು ಕಂಪನಿಯ ಹೆಸರಿನ ಹಿಂದಿನ ಕಥೆ.

    1) ಆಪಲ್ - ಜಗತ್ತಿನ ನಂ.1 ಕಂಪನಿ ಎಂದು ಖ್ಯಾತಿ ಪಡೆದಿರುವ ಆಪಲ್ ಕಂಪ್ಯೂಟರ್ಸ್ ಹೆಸರು ಹೇಗೆ ಬಂತು ಗೊತ್ತಾ? ಆಪಲ್ ನ ಸ್ಥಾಪಕ ಸ್ಟೀವ್ ಜಾಬ್ಸ್ ಕಂಪನಿ ಶುರುಮಾಡಿದ ಮೇಲೆ ಹೆಸರನ್ನು ನೋಂದಾಯಿಸಲು 3 ತಿಂಗಳು ತಡವಾಯಿತಂತೆ. ಹಾಗಾಗಿ ತನ್ನ ನೌಕರರನ್ನು ಒಂದು ದಿನ ಕರೆದು ತಮ್ಮ ಕಂಪನಿಗೆ ಆ ದಿನ 5 ಗಂಟೆಯೊಳಗೆ ಹೆಸರು ಸೂಚಿಸದಿದ್ದರೆ ತನಗೆ ಇಷ್ಟವಾದ ಹಣ್ಣಾದ ಸೇಬಿನ ಹೆಸರನ್ನೇ ಇಡುವುದಾಗಿ ಎಚ್ಚರಿಸಿದನಂತೆ. ಮುಂದೆ ಏನಾಯಿತು ಎಂದು ನಿಮಗೆ ಗೊತ್ತೇ ಇದೆ.

    2) ಸಿಸ್ಕೋ ಸಿಸ್ಟೆಮ್ಸ್ (CISCO) - ತುಂಬಾ ಜನರು ಅಂದುಕೊಂಡಿರುವಂತೆ CISCO ಯಾವುದೋ ಹೆಸರಿನ ಸಂಕ್ಷಿಪ್ತ ರೂಪ ಅಲ್ಲ. ಆ ಕಂಪನಿ ಶುರುವಾಗಿದ್ದು ಸ್ಯಾನ್ ಫ್ಯಾನ್ಸಿಸ್ಕೋ ದಲ್ಲಿ. ಹಾಗಾಗಿ ಅದರ ಪದಗಳನ್ನ ಸೇರಿಸಿ CISCO ಎಂದು ಹೆಸರಿಡಲಾಯಿತಂತೆ.

    3) ಸೋನಿ - ಸೋನಿ ಎಂದರೆ ಲಾಟಿನ್ ಭಾಷೆಯಲ್ಲಿ ಸೌಂಡ್ ಎಂದರ್ಥ.ಸೋನಿ ಕಂಪನಿಗೆ ಹಾಗಾಗಿ ಈ ಹೆಸರು ಬಂತಂತೆ.

    4) ಒರಾಕಲ್ (ORACLE) - ಒರಾಕಲ್ ಕಂಪನಿಯ ಸ್ಥಾಪಕ ಲ್ಯಾರಿ ಎಲಿಸನ್ ಹಾಗು ಬಾಬ್ ಓಟ್ಸ್, ಐಬಿಎಮ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾಗ ಅಮೆರಿಕಾದ CIA ದ ರಹಸ್ಯ ಪ್ರಾಜೆಕ್ಟ್ ಗೆ ಕೋಡ್ ಬರೆಯಬೇಕಾಗಿ ಬಂತಂತೆ. ಆ ಪ್ರಾಜೆಕ್ಟ್ ನ ಸಂಕೇತ ನಾಮ oracle ಆಗಿದ್ದು, ಅದಕ್ಕೆ ಕೆಲಸ ಮಾಡಿದ್ದರಿಂದ oracle ಹೆಸರನ್ನೇ ಮುಂದೆ ತಾವು ಶುರು ಮಾಡಿದ ಕಂಪನಿಗೆ ಇಟ್ಟರಂತೆ.

    5) ಮೋಟೊರೋಲಾ - ಈ ಕಂಪನಿಯ ಸ್ಥಾಪಕ ಇದನ್ನು ಮೊದಲು ಶುರು ಮಾಡಿದ್ದು ಕಾರುಗಳಿಗೆ ರೇಡಿಯೋ ಉತ್ಪಾದನೆ ಮಾಡಲಂತೆ. ಆ ಕಾಲದಲ್ಲಿ ಖ್ಯಾತವಾಗಿದ್ದ ರೇಡಿಯೋ ಕಂಪನಿ ವಿಕ್ಟೋರೋಲಾ ಹೆಸರಿಂದ ಸ್ಪೂರ್ತಿ ಪಡೆದು ಮೋಟೊರೋಲಾ ಎಂದು ಹೆಸರಿಟ್ಟನಂತೆ.

    6) ಯಾಹೂ (YAHOO) - "ಗಲೀವರನ ಸಾಹಸಗಳು" ಪುಸ್ತಕದಲ್ಲಿ ಬರುವ ಈ ಪದದ ಅರ್ಥ- ಅತಿ ಮಾನವ ಅಂತೆ. ತಮ್ಮನ್ನು ತಾವು ಅದೇ ರೀತಿ ಅಂದುಕೊಂಡಿದ್ದರಿಂದ ಯಾಹೂ ಸ್ಥಾಪಕರಾದ ಜೆರಿ ಯಂಗ್ ಹಾಗು ಡೇವಿಡ್ ಫೈಲೋ, ತಮ್ಮ ಕಂಪನಿಗೆ ಇದೇ ಹೆಸರು ಸೂಕ್ತ ಎಂದು ನಿರ್ಧರಿಸಿ ಈ ರೀತಿ ಇಟ್ಟರಂತೆ.

    7) ಮೈಕ್ರೋ ಸಾಫ್ಟ್- ಬಿಲ್ ಗೇಟ್ಸ್ ತನ್ನ ಕಂಪನಿ ಮೈಕ್ರೋ ಕಂಪ್ಯೂಟರ್ ಹಾಗು ಸಾಫ್ಟ್ವೇರ್ ಗಳ ಮೇಲೆ ಗಮನ ಕೇಂದ್ರೀಕರಿಸಿದ್ದರಿಂದ ಈ ಹೆಸರು ಇಟ್ಟರಂತೆ.

    8 ) ಇಂಟೆಲ್ - ಇಂಟಿಗ್ರೇಟೆಡ್ ಎಲೆಕ್ಟ್ರಾನಿಕ್ಸ್ ಎಂಬ ಪದವನ್ನು ಚುಟುಕುಗೊಳಿಸಿ ಈ ಹೆಸರನ್ನು ಇಡಲಾಯ್ತಂತೆ.

    9) Hewlett Packard  (HP) - ಇದರ ಸ್ಥಾಪಕರಾದ ಬಿಲ್ ಹೆವ್ಲೆಟ್ ಹಾಗು ಡೇವ್ ಪಕರ್ಡ್ ನಾಣ್ಯ ಚಿಮ್ಮಿಸುವುದರ ಮೂಲಕ ಈ ಹೆಸರನ್ನು ಅಂತಿಮ ಗೊಳಿಸಿದರಂತೆ.

    10) ಗೂಗಲ್ (google) - ಮೊದಲಿಗೆ ಈ ಸರ್ಚ್ ಎಂಜಿನ್ ನ ಹೆಸರನ್ನು googol ಎಂದು ಇಡಲಾಗಿತ್ತಂತೆ. ಆದರೆ ಇವರಿಗೆ ಮೊದಲು ಹಣ ಹೂಡಿದ ಕಂಪನಿ, googol ಎನ್ನುವ ಹೆಸರಿಗೆ ಚೆಕ್ ಬರೆಯುವ ಬದಲು google ಎಂಬ ಹೆಸರಿಗೆ ಕೊಟ್ಟಿದ್ದರಿಂದ ಆ ಹೆಸರನ್ನೇ ಇಟ್ಟರಂತೆ.

    ನಿಮಗೂ ಈ ರೀತಿ ಬೇರೆ ಕಂಪನಿಗಳ ಹೆಸರಿನ ಮಾಹಿತಿ ಇದ್ದರೆ ದಯವಿಟ್ಟು  ನಮಗೆ ತಿಳಿಸಿ.

    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more