ಲೆನೊವೊದ ನಾಲ್ಕು ನೂತನ ವಿಂಡೋಸ್‌ 8 ಚಾಲಿತ ಸಾಧನ ಬಲಿದೆ

ಲೆನೋವೋ ಸಂಸ್ಥೆಯು ಇಂದು ವಿಂಡೋಸ್‌ 8 ಚಾಲಿತ ನಾಲ್ಕು ನೂತನ ಮಾದರಿಯ ಐಡಿಯಾ ಪ್ಯಾಡ್‌ ಯೋಗ 13, ಯೋಗಾ 11, lynx ಹಾಗೂ ತಿಂಕ್‌ಪ್ಯಾಡ್‌ ಟ್ವಿಸ್ಟ್‌ ಸಾಧನಗಳನ್ನು ಅನಾವರಣ ಗೊಳಿಸಿದೆ. ಭವಿಷ್ಯದಲ್ಲಿ ಮೊಬೈಲ್‌ ಬಳಕೆ ಹಾಗೂ ಕಂಪ್ಯೂಟರ್‌ ಬಳಕೆ ಕುರಿತಾಗಿ ಜನಸಾಮಾನ್ಯರಲ್ಲಿ ಬದಲಾವಣೆ ತರುವ ಸಲುವಾಗಿ ನೂತನ ಸಾಧನಗಳನ್ನು ತರಲಾಗಿದೆ ಎಂದು ಸಂಸ್ಥೆ ತಿಳಿಸಿದೆ.

ಸಂಸ್ಥೆಯು ತನ್ನಯ ನೂತನ ಮಾದರಿಗಳಲ್ಲಿ ಉತ್ತಮ ದಕ್ಷತೆ ಹೊಂದಿರುವಂತಹ ಟ್ಯಾಬ್ಲೆಟ್‌ ಹಾಗೂ ಲ್ಯಾಪ್ಟಾಪ್‌ಗಳ ಮಿಶ್ರ ಮಾದರಿಗಳನ್ನು ತರಲಿದೆ ಎಂದು ಸಂಸ್ಥೆಯ ಹಿರಿಯ ಉಪಾಧ್ಯಕ್ಷ ಪೀಟರ್‌ ಹೊರ್ಟೆನ್ಸಿಯಸ್‌ ತಿಳಿಸಿದ್ದಾರೆ. ಸಂಸ್ಥೆಯ ಪ್ರಕಾರ ಈ ನೂತನ ಮಾದರಿ ಸಾಧನಗಳು ಗ್ರಾಹಕರಿಗೆ ತಮ್ಮ ಪಿಸಿ ಬಳಕೆಯಲ್ಲಿ ಹೊಸ ರೀತಿಯ ಅನುಭವ ನೀಡಲಿದೆ ಎಂದು ತಿಳಿಸಿದೆ,

ಅಂದಹಾಗೆ ಲೆನೋವೋ ತರಲಿರುವ ನೂತನ ಸಾಧನಗಳು ಹೇಗಿವೆ ಎಂಬುದನ್ನು ಒಂದೊಂದಾಗೆ ತಿಳಿದು ಕೊಳ್ಳೋಣ.