ಈ ಕೀಬೋರ್ಡ್ ಮೇಲೆ ನೀರು ಬಿದ್ರೂ ಏನಾಗಲ್ಲ!

ಕಂಪ್ಯೂಟರ್ ಮುಂದೆ ಕೂತು ಕುಟ್ಟುವಾಗ ಅಮ್ಮ ಬಂದು ಕಾಫಿ ತಗೊಳೋ ಅಂತ ಹೇಳಿದ್ರು ಅಂದುಕೊಳ್ಳಿ. ನೀವು ಪಾಪ ಫೇಸ್ ಬುಕ್ ಅಲ್ಲಿ ಫ್ರೆಂಡ್ ಜೊತೆ ಚಾಟ್ ಮಾಡ್ತಾ ಕೊಡು ಕೈಗೆ ಅಂತ ಕಾಫಿ ಇಸ್ಕೊಳೋವಾಗ ಅಕಸ್ಮಾರ್ತ್ ಆಗಿ ಕೈತಪ್ಪಿ ಕಾಫಿ ಕೀಬೋರ್ಡ್ ಮೇಲೆ ಚೆಲ್ತು ಅಂತ ಇಟ್ಕೋಳಿ, ಆಗ ಕೀಬೋರ್ಡ್ ಅನ್ನ ನೀವು ಬಿಸಾಕಬೇಕು ಇಲ್ಲಾ ಅಂದ್ರೆ ಮಕ್ಳು ಮನೇಲಿ ಇದ್ರೆ ಅವ್ರಿಗೆ ಆಟ ಆಡ್ಕೊಳಿ ಅಂತ ಕೊಡ್ಬೇಕು ಅಷ್ಟೇ.

ಆದ್ರೆ ಈ ಥರ ಕಾಫಿ, ನೀರು, ಏನೇ ಬಿದ್ರೂ ಸರಿಯಾಗಿ ಕೆಲಸ ಮಾಡೋ ಕೀಬೋರ್ಡ್ ಒಂದನ್ನ ಲಾಜಿಟೆಕ್ ಮೌಸ್ ಹೊರತಂದಿದೆ. K310 ಹೆಸರಿನ ಇದರ ಮೇಲೆ ಏನೇ ಗಲೀಜು ಬಿದ್ರೂ ಅದನ್ನ ನೀರಲ್ಲಿ ನೆನೆಸಿ ಒಗೆಯಬಹುದಾಗಿದ್ದು, ಸುಮಾರು 11 ಇಂಚ್ ನೀರಿನಲ್ಲಿ ಮುಳುಗಿಸಿದರೂ ಏನೂ ಆಗದಂತೆ ಮಾಡಲಾಗಿದೆ.

ವಿಂಡೋಸ್ XP, ವಿಂಡೋಸ್ ವಿಸ್ತಾ ಹಾಗು ವಿಂಡೋಸ್ 7 ತಂತ್ರಾಂಶವಿರುವ ಕಂಪ್ಯೂಟರ್ ಗಳಿಗೆ ಈ ಕೀಬೋರ್ಡ್ ಹೊಂದಾಣಿಕೆಯಾಗುತ್ತದೆ ಎಂದು ಕಂಪನಿ ತಿಳಿಸಿದೆ.

ಈಗಾಗಲೇ ಅಮೆರಿಕಾದಲ್ಲಿ 40 ಡಾಲರ್ ಗೆ ಬಿಡುಗಡೆಯಾಗಿರುವ ಇದು ಅಕ್ಟೋಬರ್ ವೇಳೆಗೆ ಭಾರತಕ್ಕೂ ಬರುವ ನಿರೀಕ್ಷೆ ಇದೆ.