ಮೈಕ್ರೋಸಾಫ್ಟ್ ನ ವಿಂಡೋಸ್ ತಂತ್ರಾಂಶ ಅಕ್ಟೋಬರ್ 26 ಕ್ಕೆ ಬರುತ್ತೆ ಅಂತ ಸುಮಾರು ದಿನಗಳ ಹಿಂದೆ ಕಂಪನಿಯು ಪ್ರಕಟಿಸಿತ್ತು.
ಆದರೆ ವಿಂಡೋಸ್ 8 ಆಧಾರಿತ ಮೈಕ್ರೋಸಾಫ್ಟ್ ಸರ್ಫೇಸ್ ಟ್ಯಾಬ್ಲೆಟ್ ಅನ್ನು ಮೈಕ್ರೋಸಾಫ್ಟ್ ಅನಾವರಣ ಮಾಡಿದ ದಿನದಿಂದ, ಅದು ಯಾವಾಗ ಮಾರುಕಟ್ಟೆಗೆ ಬರುತ್ತೆ ಎಂಬ ಕುತೂಹಲ ಎದ್ದಿತ್ತು. ಈಗ ಅದೆಲ್ಲದ್ದಕ್ಕೆ ತೆರೆ ಎಳೆದಿರುವ ಮೈಕ್ರೋಸಾಫ್ಟ್, ಸರ್ಫೇಸ್ ಟ್ಯಾಬ್ಲೆಟ್ ಅನ್ನು ವಿಂಡೋಸ್ 8 ಬಿಡುಗಡೆಯಾಗುವ ದಿನ (ಅಕ್ಟೋಬರ್ 26) ದಂದೇ ಇದನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.
ಮೈಕ್ರೋಸಾಫ್ಟ್ ನ ಮೊದಲ ಟ್ಯಾಬ್ಲೆಟ್ ಆಗಿರುವ ಸರ್ಫೇಸ್ ಎರಡು ಮಾದರಿಯಲ್ಲಿ ಬರಲಿದ್ದು, ಟ್ಯಾಬ್ಲೆಟ್ ಗೆಂತಲೇ ಸಿದ್ದಪಡಿಸಲಾಗಿರುವ ವಿಂಡೋಸ್ RT ಹಾಗು ಲ್ಯಾಪ್ಟಾಪ್ ಹಾಗು PCಗಳಿಗೆ ತಯಾರಾಗಿರುವ ವಿಂಡೋಸ್ 8 ಪ್ರೊ, ಈ ಎರಡು ಟ್ಯಾಬ್ಲೆಟ್ ಗಳು ಬಿಡುಗಡೆಯಾಗಲಿವೆ.
ಮೈಕ್ರೋಸಾಫ್ಟ್ ಸರ್ಫೇಸ್ ಟ್ಯಾಬ್ಲೆಟ್ ನ ವಿಶೇಷತೆ ಏನೆಂದರೆ ಇದನ್ನು ಲ್ಯಾಪ್ಟಾಪ್ ರೀತಿಯಲ್ಲಿ ಅಟ್ಯಾಚ್ ಆಗಿರುವ ಕೀಬೋರ್ಡ್ ಬಳಸಿ ಹಾಗು ಟ್ಯಾಬ್ಲೆಟ್ ನಂತೆ ಟಚ್ ಸ್ಕ್ರೀನ್ ಬಳಸಿಯೂ ಬಳಸಬಹುದಾಗಿದೆ.
ಇವೆರಡರ ಫೀಚರುಗಳು ಈ ರೀತಿ ಇವೆ :
1)Windows RT ತಂತ್ರಾಂಶವಿರುವ ಸರ್ಫೇಸ್ ಟ್ಯಾಬ್ಲೆಟ್
- 10.6 ಇಂಚ್ HD ಡಿಸ್ಪ್ಲೇ
- ವಿಂಡೋಸ್ RT ತಂತ್ರಾಂಶ
- 9.3 mm ದಪ್ಪ, 676 ಗ್ರಾಂ ತೂಕ
- ಮೈಕ್ರೋ SD, USB 2.0, ಮೈಕ್ರೋ HD ವೀಡಿಯೋ, 2×2 MIMO ಆಂಟೆನಾ
- ಮೈಕ್ರೋಸಾಫ್ಟ್ 15 ಆಪ್
- ಟಚ್ ಕವರ್, ಟೈಪ್ ಕವರ್
- 32 GB ಹಾಗು 64 GB ಮೆಮೊರಿ
- ವಿಂಡೋಸ್ 8 ಪ್ರೊ ತಂತ್ರಾಂಶ
- 13.5 mm ದಪ್ಪ , 903 ಗ್ರಾಂ ತೂಕ
- 10.6 ಇಂಚ್ HD ಡಿಸ್ಪ್ಲೇ
- ಮೈಕ್ರೋ SDXC, USB 3.0, ಮಿನಿ ಡಿಸ್ಪ್ಲೇ ಪೋರ್ಟ್ ವೀಡಿಯೋ, 2×2 MIMO ಆಂಟೆನಾ
- ಟಚ್ ಕವರ್, ಟೈಪ್ ಕವರ್, ಪಾಮ್ ಬ್ಲಾಕ್
- 64 GB ಹಾಗು 128 ಗಬ್ ಮೆಮೊರಿ
