'ರೆಡ್‌ಮಿಬುಕ್ 14 ಪ್ರೊ' ಬಿಡುಗಡೆ!..ವಿಶ್ವದ ಅತ್ಯುತ್ತಮ ಅಗ್ಗದ ಲ್ಯಾಪ್‌ಟಾಪ್?!

'ರೆಡ್‌ಮಿಬುಕ್ 14 ಪ್ರೊ' ಇಂಟೆಲ್ ಕೋರ್ ಐ5 ಬೆಲೆ

ಇಂಟೆಲ್ ಕೋರ್ ಐ5 (10210 ಯು) ಸಿಪಿಯು ಮತ್ತು 8 ಜಿಬಿ RAM ಮತ್ತು 256 ಜಿಬಿ ಎಸ್‌ಎಸ್‌ಡಿ ಸಂಗ್ರಹದೊಂದಿಗೆ ಜೋಡಿಸಲ್ಪಟ್ಟಿರುವ ಬೇಸ್ ಆವೃತ್ತಿಯ ಬೆಲೆ ಸಿಎನ್‌ವೈ 3,999 (ಸರಿಸುಮಾರು ರೂ .40,000).ಗಳಾಗಿವೆ. ಮಧ್ಯಮ ಹಂತದ ಮಾದರಿಯು ಅದೇ ಇಂಟೆಲ್ ಕೋರ್ ಐ5 (10210 ಯು) ಪ್ರೊಸೆಸರ್ ಹೊಂದಿರುವ 8 ಜಿಬಿ RAM ಮತ್ತು 512 ಜಿಬಿ ಎಸ್‌ಎಸ್‌ಡಿ ಹೊಂದಿರರುವ ಮಾದರಿಯು ಸಿಎನ್‌ವೈ 4,499 (ರೂ. 45,000) ಬೆಲೆಯನ್ನು ಹೊಂದಿದೆ.

'ರೆಡ್‌ಮಿಬುಕ್ 14 ಪ್ರೊ' ಇಂಟೆಲ್ ಕೋರ್ ಐ7 ಬೆಲೆ

ರೆಡ್‌ಮಿ ಬುಕ್ 14 ಪ್ರೊನ ಅತ್ಯುನ್ನತ ಶ್ರೇಣಿಯು 10 ನೇ ಜನ್ ಇಂಟೆಲ್ ಕೋರ್ ಐ 7 (10510 ಯು) ಪ್ರೊಸೆಸರ್ ಮತ್ತು 8 ಜಿಬಿ RAM ಮತ್ತು 512 ಜಿಬಿ ಎಸ್‌ಎಸ್‌ಡಿ ಸಂಗ್ರಹದೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಇದು ಖರೀದಿದಾರರಿಗೆ ಸಿಎನ್‌ವೈ 4,999 (ಸರಿಸುಮಾರು 50,000 ರೂ.) ರೂ.ಗಳಿಗೆ ಖರೀದಿಗೆ ಲಭ್ಯವಿರಲಿದೆ. 10 ನೇ ಜನ್ ಇಂಟೆಲ್ ಪ್ರೊಸೆಸರ್ ಹೊಂದಿರುವ ರೆಡ್ಮಿಬುಕ್ 14 ಪ್ರೊ ಸೆಪ್ಟೆಂಬರ್ 6 ರಿಂದ ಚೀನಾದಲ್ಲಿ ಮಾರಾಟವಾಗಲಿದೆ.

'ರೆಡ್‌ಮಿಬುಕ್ 14 ಪ್ರೊ'ನ ಒಟ್ಟಾರೆ ವಿವರಣೆ ಹೀಗಿದೆ

ಮೂರು ರೂಪಾಂತರಗಳಲ್ಲಿ ಬಿಡುಗಡೆಯಾಗಿರುವ ಎಲ್ಲಾ ರೆಡ್ಮಿಬುಕ್ 14 ಪ್ರೊ 10ನೇ ಜನ್ ಇಂಟೆಲ್ ಪ್ರೊಸೆಸರ್ಗಳಿಂದ ನಿಯಂತ್ರಿಸಲ್ಪಡುತ್ತದೆ. ಜೊತೆಗೆ ಎಲ್ಲಾ ಮೂರು ರೂಪಾಂತರಗಳು ಎನ್‌ವಿಡಿಯಾ ಎಂಎಕ್ಸ್ 250 ಜಿಪಿಯು ಅನ್ನು 2 ಜಿಬಿ ಜಿಡಿಡಿಆರ್ 5 ಮೆಮೊರಿಯೊಂದಿಗೆ ಅವಲಂಬಿಸಿವೆ. ಆದರೆ, ರೆಡ್‌ಮಿಬುಕ್ 14 ಪ್ರೊನ ಅತ್ಯುನ್ನತ ಶ್ರೇಣಿಯು 10 ನೇ ಜನ್ ಇಂಟೆಲ್ ಕೋರ್ ಐ 7 ಪ್ರೊಸೆಸರ್ ಅನ್ನು ಹೊಂದಿರುವುದು ಇವುಗಳಲ್ಲಿ ಇರುವ ಪ್ರಮುಖ ಬದಲಾವಣೆ ಎನ್ನಬಹುದು. ಇನ್ನುಳಿದಂತೆ ಒಂದೇ ರೀತಿಯ ಫೀಚರ್ಸ್ ಅನ್ನು ನಾವು ನೋಡಬಹುದು.

'ರೆಡ್‌ಮಿಬುಕ್ 14 ಪ್ರೊ'ನ ವಿನ್ಯಾಸ ಹೇಗಿದೆ?

ರೆಡ್ಮಿಬುಕ್ 14 ಪ್ರೊ 14-ಇಂಚಿನ ಪೂರ್ಣ-ಎಚ್‌ಡಿ (1,920 x 1080 ಪಿಕ್ಸೆಲ್‌ಗಳು) ಪ್ರದರ್ಶನವು 178 ಡಿಗ್ರಿ ವೀಕ್ಷಣಾ ಕೋನ ಮತ್ತು 250 ನಿಟ್‌ಗಳ ಗರಿಷ್ಠ ಹೊಳಪನ್ನು ಒಳಗೊಂಡಿದೆ. ಲ್ಯಾಪ್ಟಾಪ್ ಸುಮಾರು 1.5 ಕಿ.ಗ್ರಾಂ ತೂಗುತ್ತದೆ ಮತ್ತು 323 x 228 x 17.95 ಮಿಮೀ ಆಯಾಮದಲ್ಲಿ ಬಳಕೆದಾರರಿಗೆ ಅತ್ಯುನ್ನತ ಅನುಭವ ಸಿಗಲಿದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಸ್ಟ್ಯಾಂಡರ್ಡ್ ರೆಡ್‌ಮಿಬುಕ್ 14 ಪ್ರೊನ ಸಾಮಾನ್ಯ ಸಿಲ್ವರ್ ಪೇಂಟ್ ಹೊರತುಪಡಿಸಿ, ರೆಡ್‌ಮಿ ರೆಡ್ಮಿಬುಕ್ 14 ಪ್ರೊ ಪಿಂಕ್ ಮತ್ತು ಗ್ರೇನ ಎರಡು ಹೊಸ ಬಣ್ಣಗಳಲ್ಲಿ ಬಂದಿದೆ.

'ರೆಡ್‌ಮಿಬುಕ್ 14 ಪ್ರೊ' ಇತರೆ ಫೀಚರ್ಸ್

ರೆಡ್ಮಿಬುಕ್ 14 ಪ್ರೊನಲ್ಲಿ ಪೋರ್ಟ್ ಆಯ್ಕೆಯು ಎರಡು ಯುಎಸ್‌ಬಿ 3.0 ಪೋರ್ಟ್‌ಗಳು, ಒಂದು ಯುಎಸ್‌ಬಿ 2.0 ಪೋರ್ಟ್, 3.5 ಎಂಎಂ ಹೆಡ್‌ಫೋನ್ ಜ್ಯಾಕ್ ಮತ್ತು ಒಂದು ಎಚ್‌ಡಿಎಂಐ ಪೋರ್ಟ್ ಅನ್ನು ಅಳವಡಿಸಲಾಗಿದೆ. ಈ ಲ್ಯಾಪ್ಟಾಪ್ 46W ಬ್ಯಾಟರಿಯನ್ನು ಹೊಂದಿದ್ದು, ಕೇವಲ 35 ನಿಮಿಷಗಳಲ್ಲಿ 50 ಪ್ರತಿಶತದಷ್ಟು ಚಾರ್ಜ್ ಆಗುತ್ತದೆ ಮತ್ತು ಒಮ್ಮೆ ಸಂಪೂರ್ಣವಾಗಿ ಚಾರ್ಜ್ ಮಾಡಿದ 10 ಗಂಟೆಗಳ ಕಾಲ ಉಳಿಯುತ್ತದೆ. ವಿಡೋಂಸ್ 10 ಬೆಂಬಲಿಸುವ ಲ್ಯಾಪ್‌ಟಾಪ್ ಎನ್ವಿಡಿಯಾ ಜೀಫೋರ್ಸ್ MX250 ಗ್ರಾಫಿಕ್ ಕಾರ್ಡ್ ಹೊಂದಿರುವುದು ವಿಶೇಷವಾಗಿದೆ.