ತಂತ್ರಜ್ಞಾನ ಮತ್ತು ಗುಣಮಟ್ಟಕ್ಕೆ ಮತ್ತೊಂದು ಹೆಸರೇ ಸೋನಿ ಎಂದರೆ ತಪ್ಪಾಗಲಾರದು. ತನ್ನ ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಉತ್ಪನ್ನಗಳನ್ನ ಪರಿಚಯಿಸುವಲ್ಲಿ ಅದು ಮೊದಲ ಸಾಲಿನಲ್ಲಿ ನಿಲ್ಲುತ್ತದೆ. ಅದಕ್ಕೆ ಮತ್ತೊಂದು ಉದಾಹರಣೆ ಈಗ ಬಿಡುಗಡೆ ಯಾಗಿರುವ ಸೋನಿ HX925 ಬ್ರವಿಯ ನ 65 ಇಂಚ್ ಎಲ್.ಇ .ಡಿ ಟಿ. ವಿ.

ಇದರಲ್ಲಿನ x -ರಿಯಾಲಿಟಿ ಪ್ರೊ ತಂತ್ರಜ್ಞಾನ ಪ್ರತಿ ಪಿಕ್ಸೆಲ್ ಅನ್ನು ವಿಶ್ಲೇಷಣೆ ಮಾಡಿ ಅತ್ಯುತ್ತಮ ಗುಣಮಟ್ಟದ ಚಿತ್ರ ವೀಕ್ಷಣೆಗೆ ಅನುವು ಮಾಡಿಕೊಡುತ್ತದೆ. ಮೋಶನ್ ಫ್ಲೋ ತಂತ್ರಜ್ಞಾನವೂ ಅಡಕವಾಗಿರುವ ಈ ಟಿ.ವಿ, ಇತರ ಟಿ.ವಿಗಳಿಗಿಂತ ನಾಲ್ಕು ಪಟ್ಟು ಸ್ಪಷ್ಟ ಚಿತ್ರ ಮೂಡಿಸುತ್ತದೆ.

ಇಂಟರ್ನೆಟ್ ಸೌಲಭ್ಯವೂ ಇದ್ದು ಯೂಟ್ಯೂಬ್, ಫೇಸ್ ಬುಕ್ , ಟ್ವಿಟರ್ , ಸ್ಕೈಪೆ ಬ್ರೌ ಸ್ ಮಾಡುವುದರ ಜೊತೆಗೆ, ಸೋನಿ ನೆಟ್ವರ್ಕ್ ನ ಲೈಬ್ರರಿ, ಸ್ಟಾರ್ ಮೀಡಿಯಾ ದ ಎಲ್ಲ ಹೊಸ ಚಲನಚಿತ್ರಗಳು, ಆಲ್ಬುಂ ಹಾಡುಗಳ ಬಗ್ಗೆಯೂ ಮಾಹಿತಿ ತಿಳಿದುಕೊಳ್ಳಬಹುದು.ಟೂ- ಡಿ ಯಿಂದ ತ್ರೀ- ಡಿ ಗೆ ಬದಲಾಯಿಸುವ ತಂತ್ರಜ್ಞಾನದಿಂದ ನಿಮ್ಮ ವೀಕ್ಷಣೆ ಮತ್ತಷ್ಟುಉತ್ತಮವಾಗಲಿದ್ದು ಎರಡು ಜೊತೆ ತ್ರೀ- ಡಿ ಕನ್ನಡಕಗಳ ಜೊತೆ ಬರಲಿದೆ.

ಇಷ್ಟೆಲ್ಲಾ ಇದ್ದಮೇಲೆ ಇದರ ಬೆಲೆಯೂ ಜಾಸ್ತಿ ಇರಲೇಬೇಕು. ಸೋನಿ ವೆಬ್ ಸೈಟ್ ನ ಪ್ರಕಾರ ರೂ.3,59,900 ಗೆ ಇದು ನಿಮಗೆ ಲಭ್ಯ.