ತೋಷಿಬಾ ಡೈನಾಬುಕ್ ಲ್ಯಾಪ್ ಟಾಪ್ ಗೆ ಸ್ವಾಗತ

Posted By: Staff

ತೋಷಿಬಾ ಡೈನಾಬುಕ್ ಲ್ಯಾಪ್ ಟಾಪ್ ಗೆ ಸ್ವಾಗತ
ಹೈಫೈ ಉತ್ಪನ್ನಗಳನ್ನು ಹೊರತರುವಲ್ಲಿ ತೋಷಿಬಾ ಯಾವತ್ತೂ ಮುಂದು. ಕಂಪನಿಯ ಇತ್ತೀಚಿನ ಉತ್ಪನ್ನದ ಹೆಸರು Toshiba Dynabook R731. ಈಗಾಗಲೇ ಈ ಲ್ಯಾಪ್ ಟಾಪ್ ಜಪಾನಿನಲ್ಲಿ ಬಿಡುಗಡೆಯಾಗಿದ್ದು, ದೇಶಕ್ಕೂ ಶೀಘ್ರದಲ್ಲಿ ಆಗಮಿಸುವ ಸೂಚನೆ ದೊರಕಿದೆ.

ಡೈನಾಬುಕ್ ಲ್ಯಾಪ್ ಟಾಪ್ ನಾಲ್ಕು ವಿಭಿನ್ನ ಆವೃತ್ತಿಗಳಲ್ಲಿ ಆಗಮಿಸಿದೆ. ಅಂದರೆ ತೊಷಿಬಾ ಡೈನಾಬುಕ್ R731/39B, ಡೈನಾಬುಕ್ R731/37B, 36B ಮತ್ತು 16B ಆವೃತ್ತಿಗಳು ದೊರಕುತ್ತಿವೆ.

ತೋಷಿಬಾ ಡೈನಾಬುಕ್ ಆರ್731 ಲ್ಯಾಪ್ ಟಾಪ್ ವಿಂಡೋಸ್ ಆಂಡ್ ಪ್ರೊಫೆಷನಲ್ ಅಪರೇಟಿಂಗ್ ಸಿಸ್ಟಮ್ ಹೊಂದಿದೆ. ಇದು 2.50 ಗಿಗಾಹರ್ಟ್ಸ್ ನ ಇಂಟೆಲ್ ಕೋರ್ ಐ5-2520 ಎಂ ಪ್ರೊಸೆಸರ್ ಹೊಂದಿದೆ.

ತೋಷಿಬಾ ಡೈನಾಬುಕ್ ಆರ್231 ಲ್ಯಾಪ್ ಟಾಪ್ 4 ಜಿಬಿಯ RAM ಸಂಗ್ರಹ ಸಾಮರ್ಥ್ಯ ಹೊಂದಿದೆ. ಇದು ಪರಿಷ್ಕೃತ ಡಿವಿಡಿ ಬರ್ನರ್ ಕೂಡ ಹೊಂದಿದೆ. ಡೈನಾಬುಕ್ ವಿನ್ಯಾಸ ಆಕರ್ಷಕವಾಗಿದ್ದು ಗಮನ ಸೆಳೆಯುತ್ತದೆ.

ತೋಷಿಬಾ ಲ್ಯಾಪ್ ಟಾಫ್ ಗಳು ಯಾವತ್ತೂ ಅತ್ಯಧಿಕ ಸುರಕ್ಷತೆಯ ಫೀಚರುಗಳೊಂದಿಗೆ ಬರುತ್ತವೆ. ಈ ಲ್ಯಾಪ್ ಟಾಪ್ ಕೂಡ ಟಿಪಿಎಂ ಎಂಬ ಸುರಕ್ಷತಾ ಅಪ್ಲಿಕೇಷನ್ ಹೊಂದಿದೆ.

ಈ ಲ್ಯಾಪ್ ಟಾಪ್ 13.3 ಇಂಚಿನ ವಿಶಾಲವಾದ ಎಲ್ ಇಡಿ ಡಿಸ್ ಪ್ಲೇ ಹೊಂದಿದೆ. ಇದರ ಫಿಕ್ಸೆಲ್ ರೆಸಲ್ಯೂಷನ್ 1366x268 ಫಿಕ್ಸೆಲ್ ಆಗಿದೆ. ಈ ನೋಟ್ ಬುಕ್ ವೈಫೈ, ಬ್ಲೂಟೂಥ್ ಕನೆಕ್ಟಿವಿಟಿ ಮುಂತಾದ ಫೀಚರುಗಳನ್ನು ಹೊಂದಿದೆ. ಯುಎಸ್ ಬಿ 3.0 ಮತ್ತು ಎರಡು ಯುಎಸ್ ಬಿ 2.0 ಫೋರ್ಟ್ ಜೊತೆಗಿದೆ.

ಈ ಲ್ಯಾಪ್ ಟಾಪ್ ಎಸ್ ಡಿಎಕ್ಸ್ ಸಿ ಮೆಮೊರಿ ಕಾರ್ಡ್ ಗೆ ಬೆಂಬಲ ನೀಡುತ್ತದೆ. ಗಿಗಾಬೈಟ್ ಎಥರ್ನೆಟ್, ಎಚ್ ಡಿಎಂಐ ಔಟ್ ಪುಟ್, ಡಿ ಸಬ್ ಕೂಡ ಇದರಲ್ಲಿದೆ. ಈ ಲ್ಯಾಪ್ ಟಾಪ್ ತೂಕ ಕೇವಲ 1.44 ಕೆ.ಜಿ. ತೋಷಿಬಾ ಡೈನಾಬುಕ್ ಆರ್731 ದರ ಸುಮಾರು 45 ಸಾವಿರ ರು.

Please Wait while comments are loading...
Opinion Poll

Social Counting