ಭಾರತದಲ್ಲಿ Vivo T4 Lite 5G ಫೋನ್ ಮಾರಾಟ ಆರಂಭ: ಕೊಡುಗೆಯ ಬೆಲೆ 9,499 ರೂ.!

ಭಾರತದಲ್ಲಿ ಅತ್ಯಂತ ಕಡಿಮೆ ಬೆಲೆಯ 5G ಸ್ಮಾರ್ಟ್‌ಫೋನ್‌ಗಳ ಸಾಲಿಗೆ ಹೊಸ ಸೇರ್ಪಡೆಯಾಗಿರುವ Vivo T4 Lite 5G ಫೋನಿನ ಮೊದಲ ಮಾರಾಟವು ಇಂದಿನಿಂದ (ಜುಲೈ 2 ರಿಂದ) ಆರಂಭವಾಗಿದೆ. ದೇಶದಲ್ಲಿ ಕಳೆದ ಜೂನ್ 24 ರಂದು Vivo T4 Lite 5G ಸ್ಮಾರ್ಟ್‌ಫೋನನ್ನು ಬಿಡುಗಡೆ ಮಾಡಲಾಯಿತು. ಇದೀಗ ಈ ಸ್ಮಾರ್ಟ್‌ಫೋನ್ ಕಡಿಮೆ ಬೆಲೆಯ ಮೊಬೈಲ್ ಶ್ರೇಣಿಯಲ್ಲಿ ತನ್ನ ಛಾಪು ಮೂಡಿಸಲು ಸಜ್ಜಾಗಿ ಬಂದಿದೆ. ಹಾಗಾದರೆ, ಹೊಸ Vivo T4 Lite 5G ಫೋನಿನ ಬೆಲೆ, ಕೊಡುಗೆ ಮತ್ತು ವೈಶಿಷ್ಟ್ಯಗಳು ಯಾವುವು ಎಂಬುದನ್ನು ನೋಡೋಣ ಬನ್ನಿ.

Vivo T4 Lite 5G: ಬೆಲೆ ಮತ್ತು ಲಭ್ಯತೆ
Vivo T4 Lite 5G ಸ್ಮಾರ್ಟ್‌ಫೋನ್ ಜುಲೈ 2 ರಿಂದ ಫ್ಲಿಪ್‌ಕಾರ್ಟ್, ವಿವೋ ಇಂಡಿಯಾ ಇ-ಸ್ಟೋರ್ ಮತ್ತು ಆಯ್ದ ಆಫ್‌ಲೈನ್ ಚಿಲ್ಲರೆ ಅಂಗಡಿಗಳಲ್ಲಿ ಖರೀದಿಗೆ ಲಭ್ಯವಿದೆ. ಇದು ಪ್ರಿಸ್ಮ್ ಬ್ಲೂ ಮತ್ತು ಟೈಟಾನಿಯಂ ಗೋಲ್ಡ್ ಎಂಬ ಎರಡು ಆಕರ್ಷಕ ಬಣ್ಣಗಳಲ್ಲಿ ದೊರೆಯುತ್ತದೆ.

Vivo T4 Lite 5G ಫೋನ್ 4GB RAM ಮತ್ತು 128GB ಶೇಖರಣಾ ಆಯ್ಕೆಗೆ 9,999 ರೂ.ಗಳ ಪ್ರಾರಂಭಿಕ ಬೆಲೆಯಲ್ಲಿ ಲಭ್ಯವಿದೆ. 6GB RAM + 128GB ಶೇಖರಣಾ ಮಾದರಿಯ ಬೆಲೆ 10,999 ರೂ., ಮತ್ತು 8GB RAM + 256GB ಶೇಖರಣಾ ಮಾದರಿಯ ಬೆಲೆ 12,999 ರೂ. ಆಗಿದೆ.

ಬಿಡುಗಡೆ ಕೊಡುಗೆಯಾಗಿ, Vivo T4 Lite 5G ಸ್ಮಾರ್ಟ್‌ಫೋನ್ ಮೇಲೆ SBI, HDFC ಅಥವಾ Axis ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ಗಳನ್ನು ಬಳಸುವ ಗ್ರಾಹಕರು 500 ರೂ. ರಿಯಾಯಿತಿಯನ್ನು ಪಡೆಯಬಹುದು. ಇದರಿಂದ ಆರಂಭಿಕ ಬೆಲೆಯು 9,499 ರೂ.ಗೆ ಇಳಿಕೆಯಾಗುತ್ತದೆ.

Vivo T4 Lite 5G: ಪ್ರಮುಖ ವೈಶಿಷ್ಟ್ಯಗಳು
ಹೊಸ Vivo T4 Lite 5G ಸ್ಮಾರ್ಟ್‌ಫೋನ್ 6.74-ಇಂಚಿನ HD+ (720x1,600 ಪಿಕ್ಸೆಲ್‌ಗಳು) LCD ಡಿಸ್ಪ್ಲೇಯನ್ನು ಹೊಂದಿದ್ದು, ಈ ಡಿಸ್‌ಪ್ಲೆಯು 90Hz ರಿಫ್ರೆಶ್ ದರ ಮತ್ತು 1,000 ನಿಟ್‌ಗಳ ಗರಿಷ್ಠ ಹೊಳಪನ್ನು ಒದಗಿಸುತ್ತದೆ. ಹಾಗೂ TÜV ರೈನ್‌ಲ್ಯಾಂಡ್ ಕಡಿಮೆ ನೀಲಿ ಬೆಳಕಿನ ಪ್ರಮಾಣೀಕರಣ ಹೊಂದಿರುವ ಈ ಡಿಸ್ಪ್ಲೇ ಕಣ್ಣುಗಳಿಗೆ ಆರಾಮದಾಯಕವಾಗಿದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಈ ಫೋನಿನಲ್ಲಿ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸರ್ ಅನ್ನು ಸಹ ನೀಡಲಾಗಿದೆ.

Vivo T4 Lite 5G ಫೋನ್ 6nm ಆಕ್ಟಾ-ಕೋರ್ ಮೀಡಿಯಾಟೆಕ್ ಡೈಮೆನ್ಸಿಟಿ 6300 ಚಿಪ್‌ಸೆಟ್‌ನಿಂದ ಶಕ್ತಿ ಪಡೆಯುತ್ತದೆ, ಇದು 8GB ವರೆಗೆ LPDDR4X RAM ನೊಂದಿಗೆ ಜೋಡಿಸಲಾಗಿದೆ. ಆಂತರಿಕ ಶೇಖರಣೆಯು 256GB ವರೆಗೆ ಲಭ್ಯವಿದ್ದು, ಮೈಕ್ರೋ SD ಕಾರ್ಡ್ ಮೂಲಕ 2TB ವರೆಗೆ ವಿಸ್ತರಿಸಬಹುದು. ಸಾಫ್ಟ್‌ವೇರ್ ವಿಭಾಗದಲ್ಲಿ, Vivo T4 Lite 5G Android 15 ಆಧಾರಿತ FuntouchOS 15 ನೊಂದಿಗೆ ಕಾರ್ಯನಿರ್ವಹಿಸುತ್ತದೆ.

ಕ್ಯಾಮೆರಾ ವಿಭಾಗದಲ್ಲಿ, ಈ Vivo T4 Lite 5G ಫೋನ್ ಡುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿದ್ದು, 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕ ಮತ್ತು 2-ಮೆಗಾಪಿಕ್ಸೆಲ್ ದ್ವಿತೀಯ ಸಂವೇದಕವನ್ನು ಒಳಗೊಂಡಿದೆ, ಜೊತೆಗೆ LED ಫ್ಲ್ಯಾಷ್ ಯೂನಿಟ್ ಇದೆ. ಸೆಲ್ಫಿಗಳು ಮತ್ತು ವಿಡಿಯೋ ಕರೆಗಳಿಗಾಗಿ, ಫೋನ್ ಮುಂಭಾಗದಲ್ಲಿ 5-ಮೆಗಾಪಿಕ್ಸೆಲ್ ಸೆನ್ಸರ್ ಅನ್ನು ಹೊಂದಿದೆ. AI ಫೋಟೋ ಎನ್‌ಹಾನ್ಸ್ ಮತ್ತು AI ಎರೇಸ್‌ನಂತಹ AI- ಬೆಂಬಲಿತ ವೈಶಿಷ್ಟ್ಯಗಳು ಸಹ ಇವೆ.

ಬ್ಯಾಟರಿ ವಿಭಾಗದಲ್ಲಿ, Vivo T4 Lite ಫೋನ್ 6,000mAh ಬ್ಯಾಟರಿಯನ್ನು ಹೊಂದಿದ್ದು, 15W ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಸಂಪರ್ಕ ಆಯ್ಕೆಗಳಲ್ಲಿ 5G, 4G, Wi-Fi, ಬ್ಲೂಟೂತ್ 5.4, GPS ಮತ್ತು USB ಟೈಪ್-C ಪೋರ್ಟ್ ಸೇರಿವೆ. ಇನ್ನುಳಿದಂತೆ, IP64 ಧೂಳು ಮತ್ತು ಸ್ಪ್ಲಾಶ್-ನಿರೋಧಕ ರೇಟಿಂಗ್, SGS 5-ಸ್ಟಾರ್ ಆಂಟಿ-ಫಾಲ್ ಪ್ರೊಟೆಕ್ಷನ್ ಮತ್ತು MIL-STD-810H ಮಿಲಿಟರಿ-ಗ್ರೇಡ್ ಶಾಕ್-ರೆಸಿಸ್ಟೆನ್ಸ್ ಪ್ರಮಾಣೀಕರಣಗಳನ್ನು ಪಡೆದಿದೆ.