Apple MacBook Pro ಮೇಲೆ 50 ಸಾವಿರ ರೂ.ರಿಯಾಯಿತಿ: ಏಕಾಏಕಿ ಭಾರೀ ಚರ್ಚೆ!

ಫ್ಲಿಪ್‌ಕಾರ್ಟ್‌ನಲ್ಲಿ ಇತ್ತೀಚೆಗೆ ಕಾಣಿಸಿಕೊಂಡ 14 ಇಂಚಿನ Apple MacBook Pro (M3 ಚಿಪ್) ಸಾಧನವು ಟೆಕ್ ವಲಯದಲ್ಲಿ ಏಕಾಏಕಿ ಭಾರೀ ಚರ್ಚೆಗೆ ಕಾರಣವಾಯಿತು. ಏಕೆಂದರೆ, ಅಧಿಕೃತ ಎಂಆರ್‌ಪಿ ₹1,39,900 ಬೆಲೆ ಹೊಂದಿರುವ 14 ಇಂಚಿನ Apple MacBook Pro (M3 ಚಿಪ್) ಕೇವಲ ₹89,999 ಬೆಲೆಯಲ್ಲಿ ಲಭ್ಯವಾಗಿದ್ದು, ಗ್ರಾಹಕರಿಗೆ ಸುಮಾರು ₹50,000 ರಷ್ಟು ನೇರ ರಿಯಾಯಿತಿ ದೊರೆತಿದೆ. ಆದರೆ, ಈ ಆಫರ್ ಹೆಚ್ಚು ಸಮಯ ದೊರೆಯಲಿಲ್ಲ ಎಂದು ವರದಿಗಳು ಹೇಳಿವೆ.

ಭಾರತದಲ್ಲಿ ಮ್ಯಾಕ್‌ಬುಕ್ ಪ್ರೋ ಸರಣಿಯ ಮೇಲೆ ದೊಡ್ಡ ರಿಯಾಯಿತಿಗಳು ಸಾಮಾನ್ಯವಾಗಿ ಕಾಣಿಸಿಕೊಳ್ಳುವುದಿಲ್ಲ. ವಿಶೇಷವಾಗಿ ಹೊಸ ತಲೆಮಾರಿನ ಮಾದರಿಗಳಲ್ಲಿ ಡಿಸ್ಕೌಂಟ್ ಸೀಮಿತವಾಗಿರುತ್ತದೆ. ಆದರೆ ಈ ಬಾರಿ ₹90,000 ಕ್ಕಿಂತ ಕಡಿಮೆ ಬೆಲೆಯಲ್ಲಿ ಮ್ಯಾಕ್‌ಬುಕ್ ಪ್ರೋ ಕಾಣಿಸಿಕೊಂಡಿರುವುದು, ಅದನ್ನು ಮ್ಯಾಕ್‌ಬುಕ್ ಏರ್ ಬೆಲೆ ಶ್ರೇಣಿಗೆ ಹತ್ತಿರ ತಂದು ನಿಲ್ಲಿಸಿದೆ. ಇದೇ ಕಾರಣಕ್ಕೆ ಈ ಲಿಸ್ಟಿಂಗ್ ತಕ್ಷಣವೇ ಗಮನ ಸೆಳೆದಿದೆ. ಆದರೆ, ಈ ಆಫರ್ ಮತ್ತೆ ಲಭ್ಯವಾಗಲಿದೆಯೇ ಎಂಬ ಬಗ್ಗೆ ಮಾಹಿತಿ ಇಲ್ಲ.

ಪ್ರಮುಖ ಮಾಧ್ಯಮ ವರದಿಗಳಂತೆ, ಫ್ಲಿಪ್‌ಕಾರ್ಟ್‌ನಲ್ಲಿ Apple MacBook Pro (M3 ಚಿಪ್) ಲಿಸ್ಟಿಂಗ್ ಲಭ್ಯವಿದ್ದ ವೇಳೆ ಕೆಲವು ಬ್ಯಾಂಕ್ ಆಫರ್‌ಗಳೂ ಉತ್ಪನ್ನ ಪುಟದಲ್ಲಿ ಕಾಣಿಸಿಕೊಂಡಿದ್ದವು. ಆದರೆ ಈ ಆಫರ್ ಹೆಚ್ಚು ಸಮಯ ಮುಂದುವರಿಯಲಿಲ್ಲ ಮತ್ತು ಸ್ಟಾಕ್ ಶೀಘ್ರದಲ್ಲೇ ಮುಕ್ತಾಯಗೊಂಡಿತು. ಆದರೂ, ಉತ್ಪನ್ನ ಲಭ್ಯವಿದ್ದಾಗಲೇ ಅದರ ಸ್ಕ್ರೀನ್‌ಶಾಟ್‌ಗಳನ್ನು ಸೆರೆಹಿಡಿಯಲಾಗಿದ್ದು, ಈ ಬೆಲೆ ಮತ್ತು ರಿಯಾಯಿತಿ ನಿಜವಾಗಿಯೂ ಇದ್ದುದನ್ನು ದೃಢಪಡಿಸುತ್ತದೆ ಎಂದು ಹೇಳಿವೆ. ಆದರೆ, ಮತ್ತೆ ಈ ಆಫರ್ ಬಗ್ಗೆ ಮಾಹಿತಿ ನೀಡಿಲ್ಲ.

ಈ ಲಿಸ್ಟಿಂಗ್‌ನಲ್ಲಿ ಕಾಣಿಸಿಕೊಂಡ ಮಾದರಿ 2023ರಲ್ಲಿ ಬಿಡುಗಡೆಗೊಂಡ 14 ಇಂಚಿನ MacBook Pro M3 ಆಗಿದ್ದು, ಇದರಲ್ಲಿ Apple M3 ಚಿಪ್, 8GB ಯುನಿಫೈಡ್ ಮೆಮೊರಿ ಮತ್ತು 512GB SSD ಸ್ಟೋರೇಜ್ ನೀಡಲಾಗಿದೆ. ಡಿಸ್ಪ್ಲೇ ವಿಭಾಗದಲ್ಲಿ Liquid Retina XDR ಪ್ಯಾನೆಲ್, 120Hz ProMotion ಸಪೋರ್ಟ್, ಮತ್ತು MagSafe ಚಾರ್ಜಿಂಗ್, HDMI ಹಾಗೂ SD ಕಾರ್ಡ್ ಪೋರ್ಟ್‌ಗಳಂತಹ ಪ್ರಮುಖ ಕನೆಕ್ಟಿವಿಟಿ ಆಯ್ಕೆಗಳು ಲಭ್ಯವಿವೆ. Apple ಹೇಳುವಂತೆ, ಈ ಲ್ಯಾಪ್‌ಟಾಪ್‌ ಒಂದು ಚಾರ್ಜ್‌ನಲ್ಲಿ 22 ಗಂಟೆಗಳವರೆಗೆ ವೀಡಿಯೋ ಪ್ಲೇಬ್ಯಾಕ್ ನೀಡಲು ಸಮರ್ಥವಾಗಿದೆ.

ಆದಾಗ್ಯೂ, ಈ ಡೀಲ್‌ ಕುರಿತು ಯೋಚಿಸುವಾಗ ಮೆಮೊರಿ ಕಾನ್ಫಿಗರೇಶನ್ ಪ್ರಮುಖ ಅಂಶವಾಗುತ್ತದೆ. 8GB ಯುನಿಫೈಡ್ ಮೆಮೊರಿ ದಿನನಿತ್ಯದ ಬಳಕೆ, ಆಫೀಸ್ ಕೆಲಸ, ವೆಬ್ ಬ್ರೌಸಿಂಗ್, ಮತ್ತು ಲಘು ಕೋಡಿಂಗ್‌ಗೆ ಸಮರ್ಪಕವಾಗಿರುತ್ತದೆ. macOS ಮತ್ತು Apple Silicon ಆಪ್ಟಿಮೈಸೇಶನ್‌ ಕಾರಣದಿಂದ ಸಾಮಾನ್ಯ ಬಳಕೆಯಲ್ಲಿ ಹೆಚ್ಚಿನ ತೊಂದರೆ ಕಾಣಿಸುವುದಿಲ್ಲ. ಆದರೆ, ದೊಡ್ಡ ವೀಡಿಯೋ ಫೈಲ್‌ಗಳ ಎಡಿಟಿಂಗ್, ನಿರಂತರ ಕ್ರಿಯೇಟಿವ್ ವರ್ಕ್‌ಫ್ಲೋಗಳು ಅಥವಾ ದೀರ್ಘಾವಧಿಯ ಬಳಕೆಯನ್ನು ಯೋಜಿಸುವ ಬಳಕೆದಾರರಿಗೆ 16GB ಮೆಮೊರಿ ಇರುವ ಮಾದರಿ ಹೆಚ್ಚು ಸೂಕ್ತವಾಗಿರುತ್ತದೆ.

ಒಮ್ಮೆ ಖರೀದಿ ಮಾಡಿದ ನಂತರ ಮೆಮೊರಿ ಅಪ್‌ಗ್ರೇಡ್ ಮಾಡುವ ಅವಕಾಶ ಇಲ್ಲದಿರುವುದರಿಂದ, ಬಳಕೆದಾರರು ತಮ್ಮ ಪ್ರಸ್ತುತ ಮತ್ತು ಭವಿಷ್ಯದ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ಖರೀದಿ ನಿರ್ಧಾರ ತೆಗೆದುಕೊಳ್ಳುವುದು ಮುಖ್ಯವಾಗಿದೆ. ಪ್ರೋ ಡಿಸ್ಪ್ಲೇ ಅಥವಾ ಹೆಚ್ಚುವರಿ ಪೋರ್ಟ್‌ಗಳ ಅಗತ್ಯವಿಲ್ಲದವರಿಗೆ ಹೊಸ MacBook Air (M4 ಚಿಪ್) ಒಂದು ಪರ್ಯಾಯ ಆಯ್ಕೆಯಾಗಿ ಪರಿಗಣಿಸಬಹುದಾಗಿದೆ. ಗಮನಿಸಿ: ಇಲ್ಲಿ ಉಲ್ಲೇಖಿಸಿರುವ ಬೆಲೆಗಳು ಲೇಖನ ಬರೆಯುವ ಸಮಯಕ್ಕೆ ಸರಿಯಾಗಿದ್ದು, ಮುಂದಿನ ದಿನಗಳಲ್ಲಿ ಯಾವುದೇ ಮುನ್ಸೂಚನೆ ಇಲ್ಲದೆ ಬದಲಾಗುವ ಸಾಧ್ಯತೆ ಇದೆ.