6 ಗ್ರಾಂ ಕ್ಕಿಂತ ಕಡಿಮೆ ತೂಕದ boAt Valour Ring 1 ಸ್ಮಾರ್ಟ್‌ರಿಂಗ್ ಬಿಡುಗಡೆ!

ಭಾರತೀಯ ವೇರಬಲ್ ಮಾರುಕಟ್ಟೆಗೆ boAt ತನ್ನ ಹೊಸ ಪ್ರಯೋಗವಾಗಿ Valour Ring 1 ಸ್ಮಾರ್ಟ್‌ರಿಂಗ್ ಅನ್ನು ಬಿಡುಗಡೆ ಮಾಡಿದೆ. ಸಾಮಾನ್ಯ ಸ್ಮಾರ್ಟ್ ವಾಚ್ ಧರಿಸುವ ಅಗತ್ಯವಿಲ್ಲದೆ, ದಿನನಿತ್ಯದ ಆರೋಗ್ಯ ಮತ್ತು ಫಿಟ್‌ನೆಸ್ ಮಾಹಿತಿಯನ್ನು ಹಿನ್ನಲೆಯಲ್ಲಿ ಸಂಗ್ರಹಿಸುವ ಉದ್ದೇಶದಿಂದ ಈ ಡಿವೈಸ್ ಅನ್ನು ವಿನ್ಯಾಸಗೊಳಿಸಲಾಗಿದ್ದು, ಬೆರಳಲ್ಲಿ ಸುಲಭವಾಗಿ ಧರಿಸಬಹುದಾದ ಈ ಸ್ಮಾರ್ಟ್ ರಿಂಗ್, ಸರಳತೆ ಮತ್ತು ತಂತ್ರಜ್ಞಾನವನ್ನು ಒಟ್ಟಿಗೆ ತರುವ ಪ್ರಯತ್ನವಾಗಿದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಹಾಗಾದರೆ, boAt ಪರಿಚಯಿಸಿರುವ ಹೊಸ Valour Ring 1 ಸ್ಮಾರ್ಟ್‌ರಿಂಗ್ ಹೇಗಿದೆ ಎಂಬುದನ್ನು ನೋಡೋಣ ಬನ್ನಿ.

boAt Valour Ring 1 ಸ್ಮಾರ್ಟ್‌ರಿಂಗ್: ವಿನ್ಯಾಸ ಮತ್ತು ಪ್ರಮುಖ ವೈಶಿಷ್ಟ್ಯಗಳು
ಹೊಸ boAt Valour Ring 1 ಹಗುರವಾದ ಟೈಟಾನಿಯಂ ಫ್ರೇಮ್‌ನಿಂದ ನಿರ್ಮಿತವಾಗಿದ್ದು, ತೂಕ 6 ಗ್ರಾಂಗೂ ಕಡಿಮೆ ಇದೆ. ಸ್ಕ್ರೀನ್ ಇಲ್ಲದ ವಿನ್ಯಾಸವೇ ಇದರ ವಿಶೇಷತೆಯಾಗಿದ್ದು, ಯಾವುದೇ ಡಿಸ್ಪ್ಲೇ ಅಥವಾ ನೋಟಿಫಿಕೇಷನ್‌ಗಳಿಲ್ಲದೆ, ಬಳಕೆದಾರರ ಆರೋಗ್ಯದ ಮೇಲೆ ಮಾತ್ರ ಗಮನ ಕೇಂದ್ರೀಕರಿಸುವುದು ಇದರ ಕಾರ್ಯನಿರ್ವಹಣೆ. ಹಾಗಾಗಿ, ಸಾಂಪ್ರದಾಯಿಕ ವಾಚ್‌ಗಳನ್ನು ಧರಿಸುವವರಿಗೆ ಇದು ಅಡ್ಡಿಯಾಗುವುದಿಲ್ಲ.

ಇನ್ನು ಫೀಚರ್ಸ್ ಕುರಿತು ನೋಡುವುದಾದರೆ, ಆರೋಗ್ಯ ಟ್ರ್ಯಾಕಿಂಗ್ ವಿಚಾರದಲ್ಲಿ Valour Ring 1 ಸಂಪೂರ್ಣ ಪ್ಯಾಕೇಜ್‌ನಂತೆ ಕಾಣಿಸುತ್ತದೆ. 24x7 ಹೃದಯ ಬಡಿತ ಮಾನಿಟರಿಂಗ್, SpO2 ಟ್ರ್ಯಾಕಿಂಗ್, HRV ವಿಶ್ಲೇಷಣೆ, ಸ್ಕಿನ್ ತಾಪಮಾನ ಮಾಪನ, ಒತ್ತಡ ಮಟ್ಟದ ಮಾಹಿತಿ ಮತ್ತು VO2 Max ಅಂದಾಜು ಮುಂತಾದ ಪ್ರಮುಖ ಫೀಚರ್‌ಗಳು ಇದರಲ್ಲಿ ಲಭ್ಯ. ದಿನನಿತ್ಯದ ಹೆಜ್ಜೆ ಎಣಿಕೆ ಮತ್ತು ಚಟುವಟಿಕೆ ಟ್ರ್ಯಾಕಿಂಗ್ ಸಹ ಇದರ ಭಾಗವಾಗಿದೆ.

ನಿದ್ರೆಯ ಗುಣಮಟ್ಟವನ್ನು ಗಮನಿಸುವ ಬಳಕೆದಾರರಿಗೆ ಈ Valour Ring 1 ಸ್ಮಾರ್ಟ್‌ರಿಂಗ್ ಉಪಯುಕ್ತವಾಗಬಹುದು. ನಿದ್ರೆಯ ಹಂತಗಳು, ಆಳವಾದ ನಿದ್ರೆ, ಲಘು ನಿದ್ರೆ ಹಾಗೂ ದಿನದ ವೇಳೆ ತೆಗೆದುಕೊಳ್ಳುವ ನಾಪ್‌ಗಳನ್ನೂ ಇದು ಪತ್ತೆಹಚ್ಚುತ್ತದೆ. ಈ ಎಲ್ಲಾ ಮಾಹಿತಿಯನ್ನು ಹೊಸ ವಿನ್ಯಾಸದ boAt Crest ಆ್ಯಪ್ ಮೂಲಕ ಸ್ಪಷ್ಟವಾಗಿ ನೋಡಬಹುದು.

Photo Credit: