ಫ್ಲಿಪ್‌ಕಾರ್ಟ್ ಫ್ರೀಡಂ ಸೇಲ್: ಜನಪ್ರಿಯ 43-ಇಂಚಿನ ಸ್ಮಾರ್ಟ್‌ಟಿವಿ 12,999 ರೂ.ಗೆ!

ನೀವು ಹೊಸದೊಂದು ಸ್ಮಾರ್ಟ್‌ಟಿವಿ ಖರೀದಿಸಲು ಇಚ್ಚಿಸಿದ್ದರೆ ಇದೊಂದು ಸುವರ್ಣಾವಕಾಶ. ಏಕೆಂದರೆ, ಆಗಸ್ಟ್ 1 ರಿಂದ 8 ರವರೆಗೆ ನಡೆಯುತ್ತಿರುವ ಫ್ಲಿಪ್‌ಕಾರ್ಟ್ ಫ್ರೀಡಂ ಸೇಲ್‌ನಲ್ಲಿ, ಜನಪ್ರಿಯ ಬ್ರ್ಯಾಂಡ್‌ಗಳಾದ ಶಿಯೋಮಿ, ಥಾಮ್ಸನ್, ಎಲ್‌ಜಿ ಮತ್ತು ಬೆಸ್ಟನ್‌ನ 43-ಇಂಚಿನ ಸ್ಮಾರ್ಟ್ ಎಲ್‌ಇಡಿ ಟಿವಿಗಳ ಮೇಲೆ ಭಾರಿ ರಿಯಾಯಿತಿಗಳನ್ನು ಘೋಷಿಸಿದೆ. ಈ ವಿಶೇಷ ಮಾರಾಟದಲ್ಲಿ ಗ್ರಾಹಕರು ಟಿವಿಗಳ ಮೇಲೆ ಶೇಕಡಾ 45 ರಷ್ಟು ರಿಯಾಯಿತಿಯವರೆಗೆ ಉಳಿತಾಯ ಮಾಡಬಹುದಾಗಿದೆ. ಈ ಸೇಲ್‌ನಲ್ಲಿ ಲಭ್ಯವಿರುವ ಕೆಲವು ಅತ್ಯುತ್ತಮ ಸ್ಮಾರ್ಟ್ ಟಿವಿ ಡೀಲ್‌ಗಳು ಈ ಕೆಳಕಂಡಂತಿವೆ.

ಬೆಸ್ಟನ್ 43 ಇಂಚಿನ FHD LED ಸ್ಮಾರ್ಟ್ ಟಿವಿ (Beston)

ಬಜೆಟ್ ಸ್ನೇಹಿ ಬೆಲೆಯಲ್ಲಿ ಸ್ಮಾರ್ಟ್ ಟಿವಿ ಹುಡುಕುತ್ತಿರುವವರಿಗೆ ಬೆಸ್ಟನ್‌ನ ಈ 43-ಇಂಚಿನ FHD LED ಸ್ಮಾರ್ಟ್ ಟಿವಿ ಅತ್ಯುತ್ತಮ ಆಯ್ಕೆಯಾಗಿದೆ. ಈ ಟಿವಿಯ ಮೂಲ ಬೆಲೆ ₹23,999 ಆಗಿದ್ದು, ಫ್ರೀಡಂ ಸೇಲ್‌ನಲ್ಲಿ ಶೇಕಡಾ 45 ರಷ್ಟು ರಿಯಾಯಿತಿಯೊಂದಿಗೆ ಕೇವಲ ₹12,999 ಕ್ಕೆ ಲಭ್ಯವಿದೆ. ಇದು Android TV OS ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು ನಿಮ್ಮ ನೆಚ್ಚಿನ ಶೋಗಳನ್ನು ನೋಡಲು Netflix, Prime Video, Disney+ Hotstar ನಂತಹ ಅನೇಕ ಪ್ರೀ ಇನ್‌ಸ್ಟಾಲ್ಡ್ OTT ಅಪ್ಲಿಕೇಶನ್‌ಗಳನ್ನು ಒಳಗೊಂಡಿದೆ. ಹಣಕ್ಕೆ ಉತ್ತಮ ಮೌಲ್ಯವನ್ನು ನೀಡುವ ಈ ಟಿವಿ ಸಾಮಾನ್ಯ ವೀಕ್ಷಕರಿಗೆ ಒಂದು ಪರಿಪೂರ್ಣ ಡೀಲ್ ಆಗಿದೆ. ಬೆಸ್ಟ್ ಆಡಿಯೋ ಕ್ವಾಲಿಟಿ, ಉತ್ತಮ ವೀಕ್ಷಣಾ ಅನುಭವ ಮತ್ತು ಬಳಕೆದಾರ ಸ್ನೇಹಿ ಇಂಟರ್ಫೇಸ್ ಇದರ ಪ್ರಮುಖ ವೈಶಿಷ್ಟ್ಯಗಳಾಗಿವೆ.

ಶಿಯೋಮಿ ಮಿ ಎಫ್ ಸರಣಿಯ 43 ಇಂಚಿನ 4K ಸ್ಮಾರ್ಟ್ ಟಿವಿ (Xiaomi Mi F Series)

ಅಲ್ಟ್ರಾ HD ಅಥವಾ 4K ಗುಣಮಟ್ಟದಲ್ಲಿ ಟಿವಿ ನೋಡಲು ಬಯಸುವವರಿಗೆ ಶಿಯೋಮಿ ಮಿ ಎಫ್ ಸರಣಿಯ 43-ಇಂಚಿನ ಟಿವಿ ಉತ್ತಮ ಆಯ್ಕೆಯಾಗಿದೆ. ಈ ಟಿವಿಯ ಮೂಲ ಬೆಲೆ ₹42,999 ಆಗಿದ್ದರೂ, ಫ್ಲಿಪ್‌ಕಾರ್ಟ್ ಸೇಲ್‌ನಲ್ಲಿ ಶೇಕಡಾ 41 ರಷ್ಟು ರಿಯಾಯಿತಿಯೊಂದಿಗೆ ಕೇವಲ ₹24,999 ಕ್ಕೆ ಲಭ್ಯವಿದೆ. ಇಷ್ಟೇ ಅಲ್ಲದೆ, ಈ ಟಿವಿಯನ್ನು ಖರೀದಿಸುವವರಿಗೆ ಬ್ಯಾಂಕ್ ರಿಯಾಯಿತಿಗಳು ಮತ್ತು ಹೆಚ್ಚುವರಿ ಕ್ಯಾಶ್‌ಬ್ಯಾಕ್ ಕೊಡುಗೆಗಳೂ ಸಿಗುತ್ತವೆ. ಈ ಟಿವಿ FireTV OS ನಲ್ಲಿ ರನ್ ಆಗುತ್ತದೆ ಮತ್ತು ಉತ್ತಮ ಆಡಿಯೋ ಅನುಭವಕ್ಕಾಗಿ ಡಾಲ್ಬಿ ಆಡಿಯೋ, ವೇಗದ ಕಾರ್ಯಕ್ಷಮತೆಗಾಗಿ 2GB RAM ಹಾಗೂ 32GB ಸ್ಟೋರೇಜ್ ಹೊಂದಿದೆ. ಇದು ಗೇಮಿಂಗ್ ಮತ್ತು ಹೈ-ರೆಸಲ್ಯೂಷನ್ ಚಲನಚಿತ್ರಗಳಿಗೂ ಸೂಕ್ತವಾಗಿದೆ.

ಥಾಮ್ಸನ್ ಫೀನಿಕ್ಸ್ ಸರಣಿಯ 43 ಇಂಚಿನ ಸ್ಮಾರ್ಟ್ ಟಿವಿ (Thomson Phoenix)

ಪ್ರಭಾವಶಾಲಿ ಆಡಿಯೋ ಗುಣಮಟ್ಟವನ್ನು ಬಯಸುವ ಗ್ರಾಹಕರಿಗೆ ಥಾಮ್ಸನ್ ಫೀನಿಕ್ಸ್ ಸರಣಿಯ ಈ ಟಿವಿ ಒಂದು ಪ್ರೀಮಿಯಂ ಆಯ್ಕೆಯಾಗಿದೆ. ಈ ಟಿವಿಯು ಬಿಡುಗಡೆಯ ಸಮಯದಲ್ಲಿ ₹31,999 ಬೆಲೆಯನ್ನು ಹೊಂದಿತ್ತು, ಆದರೆ ಈಗ ಶೇಕಡಾ 37 ರಷ್ಟು ರಿಯಾಯಿತಿಯೊಂದಿಗೆ ಕೇವಲ ₹19,999 ಕ್ಕೆ ಲಭ್ಯವಿದೆ. ಈ Android TV OS ಮಾದರಿಯು ಡಾಲ್ಬಿ ಅಟ್ಮಾಸ್ ತಂತ್ರಜ್ಞಾನ ಮತ್ತು ಶಕ್ತಿಯುತ 40W ಸ್ಟೀರಿಯೊ ಸ್ಪೀಕರ್‌ಗಳನ್ನು ಹೊಂದಿದ್ದು, ಯಾವುದೇ ಬಾಹ್ಯ ಸೌಂಡ್ ಬಾರ್ ಅಗತ್ಯವಿಲ್ಲದೆ ಹೋಮ್ ಥಿಯೇಟರ್ ಅನುಭವವನ್ನು ನೀಡುತ್ತದೆ. ಇದಕ್ಕೂ ಸಹ ಹೆಚ್ಚುವರಿ ಬ್ಯಾಂಕ್ ಆಫರ್‌ಗಳು ಮತ್ತು ಕ್ಯಾಶ್‌ಬ್ಯಾಕ್ ಕೊಡುಗೆಗಳು ಲಭ್ಯವಿದ್ದು, ಇದು ಗ್ರಾಹಕರಿಗೆ ಮತ್ತಷ್ಟು ಉಳಿತಾಯ ಮಾಡಲು ಸಹಾಯ ಮಾಡುತ್ತದೆ.

ಎಲ್‌ಜಿ ಎಐ ಟಿವಿ (LG AI TV)

ಅತ್ಯುತ್ತಮ ಪ್ರೀಮಿಯಂ ವೀಕ್ಷಣಾ ಅನುಭವವನ್ನು ಬಯಸುವವರಿಗೆ ಎಲ್‌ಜಿ ಎಐ ಟಿವಿ ಅತ್ಯುತ್ತಮ ಆಯ್ಕೆಯಾಗಿದೆ. ಈ ಸ್ಮಾರ್ಟ್ ಟಿವಿಯ ಮೂಲ ಬೆಲೆ ₹48,690 ಆಗಿದ್ದರೂ, ಫ್ಲಿಪ್‌ಕಾರ್ಟ್ ಸೇಲ್‌ನಲ್ಲಿ ಶೇಕಡಾ 36 ರಷ್ಟು ರಿಯಾಯಿತಿಯೊಂದಿಗೆ ₹30,990 ಕ್ಕೆ ಲಭ್ಯವಿದೆ. ಈ ಟಿವಿಯು WebOS ಆಪರೇಟಿಂಗ್ ಸಿಸ್ಟಮ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು ಸುಧಾರಿತ Alpha7 AI ಪ್ರೊಸೆಸರ್ ಅನ್ನು ಹೊಂದಿದ್ದು, ಬೆರಗುಗೊಳಿಸುವ 4K ಡಿಸ್‌ಪ್ಲೇಯನ್ನು ನೀಡುತ್ತದೆ. ಇದರ AI ತಂತ್ರಜ್ಞಾನವು ಚಿತ್ರ ಮತ್ತು ಧ್ವನಿಯನ್ನು ಸ್ವಯಂಚಾಲಿತವಾಗಿ ಉತ್ತಮಗೊಳಿಸುವುದರಿಂದ, ಯಾವುದೇ ವಿಷಯವನ್ನು ನೋಡುವಾಗ ಅತ್ಯುತ್ತಮ ಗುಣಮಟ್ಟದ ವೀಕ್ಷಣೆ ದೊರೆಯುತ್ತದೆ. ಈ ಟಿವಿಯು ವೇಗದ ಕಾರ್ಯಕ್ಷಮತೆ ಮತ್ತು ಸುಂದರವಾದ ವಿನ್ಯಾಸವನ್ನು ಹೊಂದಿದೆ.

ಈ ಫ್ಲಿಪ್‌ಕಾರ್ಟ್ ಫ್ರೀಡಂ ಸೇಲ್ ವಿಭಿನ್ನ ಬಜೆಟ್ ಮತ್ತು ಅವಶ್ಯಕತೆಗಳನ್ನು ಹೊಂದಿರುವ ಗ್ರಾಹಕರಿಗೆ ಅತ್ಯುತ್ತಮ ಆಯ್ಕೆಗಳನ್ನು ನೀಡುತ್ತಿದೆ. ನೀವು ನಿಮ್ಮ ಬಜೆಟ್ ಮತ್ತು ವೈಶಿಷ್ಟ್ಯಗಳ ಅಗತ್ಯಕ್ಕೆ ಅನುಗುಣವಾಗಿ, ಈ ಯಾವುದಾದರೂ ಟಿವಿಯನ್ನು ಆರಿಸಿಕೊಳ್ಳಬಹುದು. ಆದರೆ ಈ ರಿಯಾಯಿತಿಗಳು ಆಗಸ್ಟ್ 8 ರವರೆಗೆ ಮಾತ್ರ ಲಭ್ಯವಿರುವುದರಿಂದ, ತಡಮಾಡದೇ ನಿಮ್ಮ ನೆಚ್ಚಿನ ಸ್ಮಾರ್ಟ್ ಟಿವಿಯನ್ನು ಖರೀದಿಸಲು ಇದು ಸಕಾಲ. ಈ ಕುರಿತಂತೆ ನಿಮ್ಮ ಅನಿಸಿಕೆ ಏನು ಎಂಬುದನ್ನು ಈ ಕೆಳಗೆ ಕಾಮೆಂಟ್ ಮಾಡಿ ತಿಳಿಸಿ.