Boom Party 210, Party 110: ಮ್ಯೂಸಿಕ್ ಪ್ರೇಮಿಗಳಿಗೆ ಹೊಸ ಪಾರ್ಟಿ ಸ್ಪೀಕರ್‌ಗಳು!

ಜನಪ್ರಿಯ ಮೊಬೈಲ್ ಅಕ್ಸೆಸರೀಸ್ ಬ್ರ್ಯಾಂಡ್ ಇನ್‌ಬೇಸ್ ಟೆಕ್ನಾಲಜೀಸ್ (Inbase Technologies) ತನ್ನ ಪಾರ್ಟಿ ಸ್ಪೀಕರ್‌ಗಳ ಶ್ರೇಣಿಗೆ ಹೊಸ ಸೇರ್ಪಡೆಗಳನ್ನು ಘೋಷಿಸಿದೆ. ಹಬ್ಬದ ಸಂಭ್ರಮಕ್ಕೆ ಇನ್ನಷ್ಟು ಕಳೆ ನೀಡುವ ಉದ್ದೇಶದಿಂದ ಕಂಪನಿಯು Boom Party 210 ಮತ್ತು Boom Party 110 ಮಾದರಿಗಳನ್ನು ಬಿಡುಗಡೆ ಮಾಡಿದೆ .ಕಂಪನಿಯ ಪ್ರಕಾರ, ಈ ಹೊಸ ಸ್ಪೀಕರ್‌ಗಳು ಶಕ್ತಿಶಾಲಿ ಹಾಗೂ ಸ್ಪಷ್ಟವಾದ ಧ್ವನಿ ಅನುಭವ ನೀಡುತ್ತವೆ ಮತ್ತು ಪ್ರತಿಯೊಂದು ಪಾರ್ಟಿಯನ್ನೂ ಮರೆಯಲಾರದ ಅನುಭವವನ್ನಾಗಿಸುತ್ತವೆ. ಇದರ ಜೊತೆಗೆ, ವಿಲಾಸಿ ಧ್ವನಿ ತಂತ್ರಜ್ಞಾನವನ್ನು ಸುಲಭ ಬೆಲೆಯಲ್ಲಿ ಒದಗಿಸುವ ಮೂಲಕ, ಸಂಗೀತ ಪ್ರಿಯರನ್ನು ಸೆಳೆಯುವ ಗುರಿಯನ್ನು ಇನ್‌ಬೇಸ್ ಹೊಂದಿದೆ.

Boom Party 210 ಮತ್ತು Boom Party 110 ಎರಡು ಸ್ಪೀಕರ್‌ಗಳು ಹಲವಾರು ವಿಶೇಷ ವೈಶಿಷ್ಟ್ಯಗಳೊಂದಿಗೆ ಬಂದಿವೆ. ಇವುಗಳಲ್ಲಿ ಎರಡು ವೈರ್‌ಲೆಸ್ ಕ್ಯಾರಿಯೋಕೆ ಮೈಕ್ರೊಫೋನ್‌ಗಳು ರಿಮೋಟ್ ಕಂಟ್ರೋಲ್, LED ಲೈಟ್ ಮತ್ತು ಗಿಟಾರ್ ಪ್ಲಗ್ ಇನ್‌ಗಾಗಿ ಮೀಸಲಾದ ಪೋರ್ಟ್ ಸೇರಿವೆ. ಈ ವೈಶಿಷ್ಟ್ಯಗಳು ಇದನ್ನು ಕೇವಲ ಸ್ಪೀಕರ್ ಆಗಿ ಮಾತ್ರವಲ್ಲದೆ, ಒಂದು ಸಂಪೂರ್ಣ ಮನರಂಜನಾ ವ್ಯವಸ್ಥೆಯನ್ನಾಗಿ ಪರಿವರ್ತಿಸುತ್ತವೆ. 100W ಶಕ್ತಿಯುತ ಧ್ವನಿ, ಬಾಸ್-ಹೆವಿ ಆಡಿಯೊವನ್ನು ಯಾವುದೇ ಅಸ್ಪಷ್ಟತೆ ಇಲ್ಲದೆ ನೀಡುತ್ತದೆ. ಇದರೊಂದಿಗೆ, ಇದು ಕೇವಲ ಒಂದೇ ಚಾರ್ಜ್‌ನಲ್ಲಿ 8 ಗಂಟೆಗಳ ತಡೆರಹಿತ ಪ್ಲೇಟೈಮ್ ಅನ್ನು ನೀಡುತ್ತದೆ ಎಂದು ಕಂಪೆನಿಯು ತಿಳಿಸಿದೆ.

Boom Party 210 ಮತ್ತು Boom Party 110 ಸ್ಪೀಕರ್‌ಗಳ 10 ಪ್ರಮುಖ ವೈಶಿಷ್ಟ್ಯಗಳು ಇಲ್ಲಿವೆ:
100W ಶಕ್ತಿಶಾಲಿ ಧ್ವನಿ: ಕೋಣೆಯನ್ನೇ ತುಂಬುವಂತಹ, ಸ್ಪಷ್ಟವಾದ ಮತ್ತು ಬಾಸ್-ಹೆವಿ ಆಡಿಯೊ.
8 ಗಂಟೆಗಳ ಪ್ಲೇಟೈಮ್: ಒಂದೇ ಚಾರ್ಜ್‌ನಲ್ಲಿ 8 ಗಂಟೆಗಳವರೆಗೆ ಸಂಗೀತವನ್ನು ಆನಂದಿಸಬಹುದು.
LED ಲೈಟ್: ಸಂಗೀತದ ಬೀಟ್‌ಗೆ ಅನುಗುಣವಾಗಿ ಮಿಂಚುವ ಅಂತರ್ನಿರ್ಮಿತ LED ಲೈಟ್‌ಗಳು ಪಾರ್ಟಿ ಮೂಡ್ ಅನ್ನು ಹೆಚ್ಚಿಸುತ್ತವೆ.
ಕರೋಕೆ ಮೋಡ್: ಎರಡು ವೈರ್‌ಲೆಸ್ ಮೈಕ್ರೊಫೋನ್‌ಗಳೊಂದಿಗೆ ಕರೋಕೆ ಹಾಡಲು ಮತ್ತು ಮೈಕ್ ವಾಲ್ಯೂಮ್ ನಿಯಂತ್ರಿಸಲು ಅವಕಾಶವಿದೆ.
ಮೀಸಲಾದ ಗಿಟಾರ್ ಪೋರ್ಟ್: ಗಿಟಾರ್‌ಗಳನ್ನು ನೇರವಾಗಿ ಸಂಪರ್ಕಿಸಲು ಪ್ರತ್ಯೇಕ ಪೋರ್ಟ್ ಇದ್ದು, ವಾದಕರಿಗೆ ಸಹಕಾರಿಯಾಗಿದೆ.
ಟ್ರಾಲಿ ವಿನ್ಯಾಸ: ಚಕ್ರಗಳು ಮತ್ತು ಪುಲ್ ಹ್ಯಾಂಡಲ್ ಇರುವ ಟ್ರಾಲಿ ಶೈಲಿಯ ವಿನ್ಯಾಸವು ಸ್ಪೀಕರ್ ಅನ್ನು ಎಲ್ಲಿ ಬೇಕಾದರೂ ಸುಲಭವಾಗಿ ಕೊಂಡೊಯ್ಯಲು ಸಹಾಯ ಮಾಡುತ್ತದೆ.
ಬಹು ಸಂಪರ್ಕ ಆಯ್ಕೆಗಳು: ಬ್ಲೂಟೂತ್, AUX, USB, SD ಕಾರ್ಡ್ ಮತ್ತು FM ರೇಡಿಯೋ ಸಂಪರ್ಕವನ್ನು ಬೆಂಬಲಿಸುತ್ತದೆ.
ರಿಮೋಟ್ ಕಂಟ್ರೋಲ್: ದೂರದಿಂದಲೇ ಸ್ಪೀಕರ್ ಕಾರ್ಯಗಳನ್ನು ನಿಯಂತ್ರಿಸಲು ರಿಮೋಟ್ ಕಂಟ್ರೋಲ್ ನೀಡಲಾಗಿದೆ.
EQ ಮೋಡ್‌ಗಳು: ವಿಭಿನ್ನ ಆಡಿಯೊ ಅನುಭವಕ್ಕಾಗಿ ಮೀಸಲಾದ EQ ಮೋಡ್‌ಗಳಿವೆ.

ಬೆಲೆ ಮತ್ತು ಲಭ್ಯತೆ
Boom Party 210 ಮತ್ತು Boom Party 110 ಎರಡೂ ಸ್ಪೀಕರ್‌ಗಳು ಪರಿಚಯಾತ್ಮಕ ಬೆಲೆಯಾದ 9,499 ರೂ. ಕ್ಕೆ ಲಭ್ಯವಿದೆ. ಇವುಗಳನ್ನು ಅಮೆಜಾನ್, ಫ್ಲಿಪ್‌ಕಾರ್ಟ್ ಮತ್ತು ಇನ್‌ಬೇಸ್‌ನ ಅಧಿಕೃತ ವೆಬ್‌ಸೈಟ್‌ ಸೇರಿದಂತೆ ಪ್ರಮುಖ ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಮತ್ತು ಆಫ್‌ಲೈನ್ ಚಿಲ್ಲರೆ ಅಂಗಡಿಗಳಲ್ಲಿ ಖರೀದಿಸಬಹುದು.

ಇನ್‌ಬೇಸ್ ಟೆಕ್ನಾಲಜೀಸ್‌ನ ಸಹ-ಸಂಸ್ಥಾಪಕ ಶ್ರೀ ನಿತೇಶ್ ಕುಂಭಾಟ್ ಅವರು, ಹಬ್ಬದ ಸೀಸನ್‌ನಲ್ಲಿ ಪೋರ್ಟಬಲ್ ಮತ್ತು ಶಕ್ತಿಯುತ ಪಾರ್ಟಿ ಸ್ಪೀಕರ್‌ಗಳಿಗೆ ಬೇಡಿಕೆ ಹೆಚ್ಚುತ್ತಿರುವುದನ್ನು ಗಮನಿಸಿ ಈ ಉತ್ಪನ್ನಗಳನ್ನು ಪರಿಚಯಿಸಲಾಗಿದೆ ಎಂದು ಹೇಳಿದ್ದಾರೆ. ಈ ಸ್ಪೀಕರ್‌ಗಳು ಕೇವಲ ಸಂಗೀತಕ್ಕೆ ಮಾತ್ರವಲ್ಲದೆ, ಕ್ಯಾರಿಯೋಕೆ ಮತ್ತು ಸಣ್ಣ ಸಭೆಗಳಿಗೂ ಸೂಕ್ತವಾಗಿವೆ. ಈ ಹಬ್ಬದ ಸೀಸನ್‌ನಲ್ಲಿ, ಪ್ರತಿ ಆಚರಣೆಯನ್ನೂ ಇನ್ನಷ್ಟು ಸಂಭ್ರಮದಿಂದ ಆಚರಿಸಲು ಈ ಸ್ಪೀಕರ್‌ಗಳು ಸಹಕರಿಸುತ್ತವೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.