ಭಾರತದಲ್ಲಿ JBL Grip ಅಲ್ಟ್ರಾ-ಪೋರ್ಟಬಲ್ ಬ್ಲೂಟೂತ್ ಸ್ಪೀಕರ್ ಬಿಡುಗಡೆ!

ಭಾರತದಲ್ಲಿ ಪೋರ್ಟಬಲ್ ಆಡಿಯೊ ಸಾಧನಗಳ ಬೇಡಿಕೆ ಹೆಚ್ಚುತ್ತಿರುವ ಸಂದರ್ಭದಲ್ಲಿ, ಜನಪ್ರಿಯ ಆಡಿಯೋ ಬ್ರ್ಯಾಂಡ್ JBL ತನ್ನ ಹೊಸ ಅಲ್ಟ್ರಾ-ಪೋರ್ಟಬಲ್ ಬ್ಲೂಟೂತ್ ಸ್ಪೀಕರ್ ಅನ್ನು ಬಿಡುಗಡೆಗೊಳಿಸಿದೆ. JBL Grip ಹೆಸರಿನ ಈ ಸ್ಪೀಕರ್ ಸಣ್ಣ ಗಾತ್ರದಲ್ಲೇ ಶಕ್ತಿಯುತ ಧ್ವನಿ, ಸ್ಟೈಲಿಷ್ ಡಿಸೈನ್ ಮತ್ತು ಆಧುನಿಕ ಫೀಚರ್‌ಗಳನ್ನು ಒಟ್ಟುಗೂಂಡಿದ್ದು, ದಿನನಿತ್ಯದ ಸಂಗೀತ ಅನುಭವವನ್ನು ಮತ್ತಷ್ಟು ಸುಧಾರಿಸಲು ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪೆನಿಯು ತಿಳಿಸಿದೆ. ಹಾಗಾದರೆ, ಹೊಸ JBL Grip ಅಲ್ಟ್ರಾ-ಪೋರ್ಟಬಲ್ ಬ್ಲೂಟೂತ್ ಸ್ಪೀಕರ್ ಹೇಗಿದೆ?, ಬೆಲೆ ಎಷ್ಟು ಎಂಬುದನ್ನು ನೋಡೋಣ ಬನ್ನಿ.

ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ JBL Grip ಸ್ಪೀಕರ್‌ ಬೆಲೆ ₹11,999 ಆಗಿದೆ. ಈ ಸಾಧನವು Black, White, Purple, Red, Blue ಮತ್ತು Camo ಸೇರಿದಂತೆ ಹಲವು ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಿದೆ. ಗ್ರಾಹಕರು ಈ ಸಾಧನವನ್ನು JBL ಇಂಡಿಯಾ ಅಧಿಕೃತ ವೆಬ್‌ಸೈಟ್, ಪ್ರಮುಖ ರಿಟೇಲ್ ಅಂಗಡಿಗಳು ಹಾಗೂ ಪ್ರಮುಖ ಇ-ಕಾಮರ್ಸ್ ತಾಣಗಳ ಮೂಲಕ ಖರೀದಿಸಬಹುದು ಎಂದು ಕಂಪೆನಿಯು ತಿಳಿಸಿದೆ.

ಧ್ವನಿ ಗುಣಮಟ್ಟ ಮತ್ತು ಕಾರ್ಯಕ್ಷಮತೆ
JBL Grip ಸ್ಪೀಕರ್ 16W ಔಟ್‌ಪುಟ್ ಸಾಮರ್ಥ್ಯವನ್ನು ಒದಗಿಸುತ್ತದೆ ಎಂದು ಕಂಪನಿ ತಿಳಿಸಿದೆ. 43 × 80 ಮಿಮೀ ಫುಲ್-ರೇಂಜ್ ಟ್ರಾನ್ಸ್‌ಡ್ಯೂಸರ್ ಬಳಕೆಯಿಂದ 70Hz ರಿಂದ 20kHz ವರೆಗೆ ವಿಶಾಲ ಫ್ರೀಕ್ವೆನ್ಸಿ ಪ್ರತಿಕ್ರಿಯೆ ಸಿಗುತ್ತದೆ. ಜೊತೆಗೆ 80dB ಸಿಗ್ನಲ್-ಟು-ನಾಯ್ಸ್ ಅನುಪಾತವು ಸ್ಪಷ್ಟ ಮತ್ತು ಸಮತೋಲನಗೊಂಡ ಧ್ವನಿಯನ್ನು ನೀಡಲು ಸಹಕಾರಿಯಾಗಿದೆ. AI Sound Boost ತಂತ್ರಜ್ಞಾನವು ಸಂಗೀತವನ್ನು ರಿಯಲ್-ಟೈಮ್‌ನಲ್ಲಿ ವಿಶ್ಲೇಷಿಸಿ, ಹೆಚ್ಚಿನ ವಾಲ್ಯೂಮ್‌ನಲ್ಲೂ ಡಿಸ್ಟಾರ್ಷನ್ ಕಡಿಮೆ ಮಾಡುವ ಮೂಲಕ ಉತ್ತಮ ಆಡಿಯೊ ಅನುಭವವನ್ನು ನೀಡುತ್ತದೆ.

ಕನೆಕ್ಟಿವಿಟಿ ಮತ್ತು ಸ್ಮಾರ್ಟ್ ಫೀಚರ್‌ಗಳು
JBL Grip ನಲ್ಲಿ Bluetooth 5.4 ಬೆಂಬಲವಿದ್ದು, A2DP 1.4 ಮತ್ತು AVRCP 1.6 ಪ್ರೊಫೈಲ್‌ಗಳಿಗೂ ಇದು ಹೊಂದಿಕೊಳ್ಳುತ್ತದೆ. Android ಮತ್ತು iOS ಸಾಧನಗಳಿಗೆ ಲಭ್ಯವಿರುವ JBL Portable ಆಪ್ ಮೂಲಕ ಬಳಕೆದಾರರು ambient lighting ಅನ್ನು ಕಸ್ಟಮೈಸ್ ಮಾಡಬಹುದು ಹಾಗೂ ಸ್ಪೀಕರ್ ಸೆಟ್ಟಿಂಗ್‌ಗಳನ್ನು ನಿಯಂತ್ರಿಸಬಹುದು. Auracast ಫೀಚರ್ ಸಹಾಯದಿಂದ ಎರಡು ಸ್ಪೀಕರ್‌ಗಳನ್ನು ಸ್ಟೀರಿಯೋ ಮೋಡ್‌ನಲ್ಲಿ ಜೋಡಿಸುವುದು ಅಥವಾ ಹಲವು ಸ್ಪೀಕರ್‌ಗಳನ್ನು ಸಂಪರ್ಕಿಸಿ ದೊಡ್ಡ ಧ್ವನಿ ಅನುಭವವನ್ನು ಪಡೆಯಬಹುದು.

ಬ್ಯಾಟರಿ ಮತ್ತು ಪ್ಲೇಟೈಮ್
ಈ ಸ್ಪೀಕರ್ ಒಂದು ಚಾರ್ಜ್‌ನಲ್ಲಿ 12 ಗಂಟೆಗಳವರೆಗೆ ಪ್ಲೇಬ್ಯಾಕ್ ನೀಡುತ್ತದೆ ಎಂದು ಕಂಪನಿ ಹೇಳಿದೆ. Playtime Boost ಫೀಚರ್ ಮೂಲಕ ಇನ್ನೂ 2 ಗಂಟೆಗಳ ಹೆಚ್ಚುವರಿ ಬಳಕೆ ಸಮಯವನ್ನು ಪಡೆಯಬಹುದು. 10.01Wh Li-ion ಬ್ಯಾಟರಿ ಹೊಂದಿರುವ ಈ ಸಾಧನವು ಸುಮಾರು 3 ಗಂಟೆಗಳಲ್ಲಿ ಸಂಪೂರ್ಣ ಚಾರ್ಜ್ ಆಗುತ್ತದೆ.

ಡಿಸೈನ್ ಮತ್ತು ದೀರ್ಘ ಬಾಳಿಕೆ
JBL Grip ಸ್ಪೀಕರ್ IP68 ರೇಟಿಂಗ್ ಹೊಂದಿದ್ದು, ನೀರು ಮತ್ತು ಧೂಳಿನಿಂದ ರಕ್ಷಣೆ ನೀಡುತ್ತದೆ. ಜೊತೆಗೆ drop-resistant ವಿನ್ಯಾಸವು ಇದನ್ನು ಔಟ್‌ಡೋರ್ ಬಳಕೆಗೂ ಸೂಕ್ತವಾಗಿಸುತ್ತದೆ. ಸ್ಮಾರ್ಟ್ upright ಡಿಸೈನ್, ಹಿಂಭಾಗದ ambient lighting ಮತ್ತು rope loop ವ್ಯವಸ್ಥೆಯಿಂದ ಇದನ್ನು ಹಿಡಿದುಕೊಂಡು ಹೋಗುವುದು ಅಥವಾ ನೇತಾಡಿಸುವುದು ಸುಲಭ. ಇದರ ಗಾತ್ರ 64×153×65 ಮಿಮೀ ಆಗಿದ್ದು, ತೂಕ ಸುಮಾರು 385 ಗ್ರಾಂ ಮಾತ್ರ.

ಒಟ್ಟಾರೆಯಾಗಿ, JBL Grip ಸಣ್ಣ ಗಾತ್ರದಲ್ಲೇ ಶಕ್ತಿಯುತ ಧ್ವನಿ, ದೀರ್ಘ ಬ್ಯಾಟರಿ ಲೈಫ್, ಆಧುನಿಕ ಕನೆಕ್ಟಿವಿಟಿ ಮತ್ತು ಸ್ಟೈಲಿಷ್ ವಿನ್ಯಾಸವನ್ನು ಒಟ್ಟುಗೂಡಿಸಿರುವ ಪೋರ್ಟಬಲ್ ಬ್ಲೂಟೂತ್ ಸ್ಪೀಕರ್ ಆಗಿದೆ. ದಿನನಿತ್ಯ ಬಳಕೆ, ಟ್ರಾವೆಲ್ ಮತ್ತು ಔಟ್‌ಡೋರ್ ಚಟುವಟಿಕೆಗಳಿಗೆ ಇದು ಉತ್ತಮ ಆಯ್ಕೆಯಾಗಿ ಕಾಣಿಸುತ್ತದೆ. ವಿಶೇಷವಾಗಿ ಇದರಲ್ಲಿನ AI Sound Boost ಮತ್ತು Auracast ಬೆಂಬಲದಂತಹ ವೈಶಿಷ್ಟ್ಯಗಳು ಇದನ್ನು ತನ್ನ ವಿಭಾಗದಲ್ಲಿ ಗಮನಾರ್ಹ ಆಯ್ಕೆಯಾಗಿ ಮಾಡಿವೆ.