Jio PC ಬಿಡುಗಡೆ: ತಿಂಗಳಿಗೆ 400 ರೂ. ಪಾವತಿಸಿ, ಹೈ ಎಂಡ್ ಕಂಪ್ಯೂಟರ್ ಪಡೆಯಿರಿ!

ಭಾರತದಲ್ಲಿ ಡಿಜಿಟಲ್ ಪರಿಸರ ವ್ಯವಸ್ಥೆಯನ್ನು ವಿಸ್ತರಿಸಲು ಮುಂದಾಗಿರುವ ರಿಲಯನ್ಸ್ ಜಿಯೋ ಇದೀಗ ತನ್ನ ಹೊಸ "ಜಿಯೋಪಿಸಿ" (Jio PC) ಸೇವೆಯನ್ನು ಘೋಷಣೆ ಮಾಡಿದೆ. ಇದು ಕ್ಲೌಡ್ ಆಧಾರಿತವಾದ ವರ್ಚುವಲ್ ಡೆಸ್ಕ್ ಟಾಪ್ ಪ್ಲಾಟ್ ಫಾರ್ಮ್ ಆಗಿದ್ದು, ಇದು ಎಐ- ಸಿದ್ಧವಾದ ಮತ್ತು ಸುರಕ್ಷಿತವಾದ ಕಂಪ್ಯೂಟಿಂಗ್ ಅನ್ನು ಪ್ರತಿ ಭಾರತೀಯ ಕುಟುಂಬಗಳಿಗೆ ತರುತ್ತದೆ. ಇದನ್ನು ಭಾರತದಲ್ಲಿ ಕಂಪ್ಯೂಟಿಂಗ್ ಅನ್ನು ಕ್ರಾಂತಿಕಾರಿಗೊಳಿಸುವುದಕ್ಕಾಗಿ ರೂಪಿಸಲಾಗಿದೆ ಎಂದು ಜಿಯೋ ಸಂಸ್ಥೆ ತಿಳಿಸಿದೆ. ಹಾಗಾದರೆ, ಏನಿದು 'ಜಿಯೋಪಿಸಿ'?, ಇದರ ಲಾಭಗಳೇನು ಎಂಬುದನ್ನು ಮುಂದೆ ಓದಿ ತಿಳಿಯೋಣ ಬನ್ನಿ.

ಏನಿದು 'ಜಿಯೋಪಿಸಿ'?

ಜಿಯೋಪಿಸಿ ಎಂಬುದು ಕ್ಲೌಡ್ ಆಧಾರಿತವಾದ ವರ್ಚುವಲ್ ಡೆಸ್ಕ್ ಟಾಪ್ ಪ್ಲಾಟ್ ಫಾರ್ಮ್ ಆಗಿದೆ. ಮುಂಚಿತವಾಗಿಯೇ ಯಾವುದೇ ಹೂಡಿಕೆಯನ್ನು ಮಾಡುವುದರ ಅಗತ್ಯವೇ ಇಲ್ಲದೆ ಕನಿಷ್ಠ ಐವತ್ತು ಸಾವಿರ ರೂಪಾಯಿಯ ಮೌಲ್ಯದ ಹೈ-ಎಂಡ್ ಪಿಸಿಯಲ್ಲಿ ಇರುವಂಥ ಫೀಚರ್ ಗಳು ಮತ್ತು ಪರ್ಫಾರ್ಮೆನ್ಸ್ ಪಡೆಯಬಹುದು. ಅದು ಕೂಡ ತಿಂಗಳಿಗೆ ಕೇವಲ 400 ರೂಪಾಯಿಯ ಅರಂಭಿಕ ಪ್ಲಾನ್ ನೊಂದಿಗೆ ಎಂದು ಜಿಯೋ ತಿಳಿಸಿದೆ. ಗ್ರಾಹಕರು ಇದೇ ಮೊದಲ ಬಾರಿಗೆ ತಮಗೆ ಬೇಕಾದ ರೀತಿಯ ಮಾಡೆಲ್‌ಗೆ ಹಣ ಪಾವತಿಸಿ ಪಡೆಯಬಹುದಾಗಿದ್ದು, ಯಾವುದೇ ಲಾಕ್- ಇನ್ ಅವಧಿ ಇರುವುದಿಲ್ಲ ಮತ್ತು ಶೂನ್ಯ ನಿರ್ವಹಣೆ ಆಗಿರುತ್ತದೆ. ಜಿಯೋಪಿಸಿ ಭಾರತದ ಡಿಜಿಟಲ್ ಪ್ರಯಾಣದಲ್ಲಿ ಪರಿವರ್ತನೆಯ ದೊಡ್ಡ ಹೆಜ್ಜೆಯಾಗಿ ದಾಖಲಾಗುತ್ತದೆ ಎಂದು ಜಿಯೋ ಹೇಳಿದೆ.

ಜಿಯೋಪಿಸಿಯು ಯಾವುದೇ ಸ್ಕ್ರೀನ್ ಅನ್ನು ಪೂರ್ಣ ಪ್ರಮಾಣದ ಕಂಪ್ಯೂಟರ್ ಆಗಿ ಪರಿವರ್ತಿಸುತ್ತದೆ. ಮತ್ತು ಅದಕ್ಕಾಗಿ ಯಾವುದೇ ದುಬಾರಿ ಹಾರ್ಡ್ ವೇರ್ ಅಥವಾ ಅಪ್ ಗ್ರೇಡ್ ಬೇಕಾಗಿಲ್ಲ. ಕೇವಲ ಪ್ಲಗ್ ಇನ್ ಮಾಡಿ, ಸೈನ್ ಅಪ್ ಆದ ನಂತರದಲ್ಲಿ ಕಂಪ್ಯೂಟಿಂಗ್ ಆರಂಭವಾಗುತ್ತದೆ. ಕ್ಲೌಡ್ ನಿಂದ ಬೆಂಬಲಿತವಾದ, ಮುಂದಿನ ತಲೆಮಾರಿನ ಎಐ ಸಿದ್ಧವಾದ ಅನುಭವವನ್ನು ದೊರಕಿಸಿಕೊಡುವ ಮೂಲಕವಾಗಿ ಜಿಯೋಪಿಸಿ ವೈಯಕ್ತಿಕ ಕಂಪ್ಯೂಟಿಂಗ್ ಮರುವ್ಯಾಖ್ಯಾನಿಸುತ್ತದೆ.

ಇದು ಯಾವಾಗಲೂ ಹೊಚ್ಚ ಹೊಸ ತಂತ್ರಜ್ಞಾನದ ಜೊತೆಗೆ ಅಪ್ ಟು ಡೇಟ್ ಆಗಿರುತ್ತದೆ. ವೇಗವಾಗಿ ಹಾಗೂ ಯಾವುದೇ ಅಡೆತಡೆಗಳಿಲ್ಲದೆ, ತಕ್ಷಣವೇ ಬೂಟ್ ಅಪ್ ಆಗುತ್ತದೆ ಮತ್ತು ಲ್ಯಾಗ್ ಇರುವುದಿಲ್ಲ. ಡಿಸೈನ್ ಮೂಲಕ ಸುರಕ್ಷಿತವಾಗಿದೆ, ನೆಟ್ ವರ್ಕ್ ಮಟ್ಟದಲ್ಲಿ ವೈರಸ್ ಗಳು ಹಾಗೂ ಮಾಲ್ ವೇರ್ ಗಳಿಂದ ರಕ್ಷಣೆ ಪಡೆದಿದೆ. ಎಲ್ಲಿಂದಲಾದರೂ ಇದರ ಸಂಪರ್ಕ ಪಡೆದು ಬಳಸಬಹುದು, ಅದು ಕೂಡ ಕೇವಲ ಜಿಯೋ ಸೆಟ್ ಟಾಪ್ ಬಾಕ್ಸ್, ಕೀಬೋರ್ಡ್, ಮೌಸ್ ಮತ್ತು ಸ್ಕ್ರೀನ್ ಬಳಸಿಕೊಂಡು ಸಾಧ್ಯವಾಗಲಿದೆ ಎಂದು ಜಿಯೋ ಹೇಳಿದೆ.

ಯಾವುದೇ ರೀಪೇರಿ ಇರುವುದಿಲ್ಲ. ಸವಕಳಿ (ಡಿಪ್ರಿಸಿಯೇಷನ್) ಇರುವುದಿಲ್ಲ, ಎಲ್ಲ ಹಾರ್ಡ್ ವೇರ್ ಗಳಿಗೂ ಹೊಂದಾಣಿಕೆ ಆಗುತ್ತದೆ, ಜಿಯೋಪಿಸಿ ಎಂಬುದು ಭಾರತದಲ್ಲಿ ಬದಲಾಗುತ್ತಿರುವ ಎಲ್ಲ ಅಗತ್ಯಗಳಿಗಾಗಿ ರೂಪುಗೊಂಡಿದೆ. ವಿದ್ಯಾರ್ಥಿಗಳು, ವೃತ್ತಿಪರರು, ಸಣ್ಣ ಉದ್ದಿಮೆದಾರರು, ಮತ್ತು ಬೆಳೆಯುತ್ತಿರುವ ಕುಟುಂಬಗಳಿಗೆ ಎಲ್ಲರಿಗೂ ತನ್ನ ಸೇವೆ ಒದಗಿಸುತ್ತದೆ. ಸೃಜನಾತ್ಮಕತೆ ಹಾಗೂ ಉತ್ಪಾದಕತೆ ಬಲಗೊಳಿಸುವ ಕಾರಣಕ್ಕಾಗಿ ಜಿಯೋಪಿಸಿ ಅಡೋಬ್ ಜೊತೆಗೆ ಸಹಭಾಗಿತ್ವ ವಹಿಸಿದೆ. ಇದರೊಂದಿಗೆ ಬಳಕೆದಾರರಿಗೆ ಉಚಿತವಾಗಿ ಅಡೋಬ್ ಎಕ್ಸ್ ಪ್ರೆಸ್ ಬಳಕೆಗೆ ಅವಕಾಶ ಆಗುತ್ತದೆ. ಅಂದ ಹಾಗೆ ಈ ಅಡೋಬ್ ಎಕ್ಸ್ ಪ್ರೆಸ್ ವಿಶ್ವದರ್ಜೆಯ ಡಿಸೈನ್ ಹಾಗೂ ಎಡಿಟಿಂಗ್ ಟೂಲ್ ಆಗಿದೆ.

ಇನ್ನು ಇದರ ಜೊತೆಗೆ ಈ ಪ್ಲಾಟ್ ಫಾರ್ಮ್ ಎಲ್ಲ ಮುಖ್ಯ ಎಐ ಟೂಲ್ ಗಳಿಗೆ ಸಂಪರ್ಕ ಒಳಗೊಂಡಿದೆ. ಇದರೊಂದಿಗೆ ಎಲ್ಲ ಜನಪ್ರಿಯ ಅಪ್ಲಿಕೇಷನ್ ಗಳನ್ನು ಸಹ ಒದಗಿಸುತ್ತದೆ. 512 ಜಿಬಿ ಕ್ಲೌಡ್ ಸಂಗ್ರಹ ದೊರೆಯುತ್ತದೆ. ಅದು ಸಬ್ ಸ್ಕ್ರಿಪ್ಷನ್ ಜೊತೆಗೆ ಸೇರಿಕೊಂಡಿದೆ. ಭಾರತದ ತುಂಬ ವೇಗವಾಗಿ ಬೆಳೆಯುತ್ತಿರುವ ಡಿಜಿಟಲ್ ಆರ್ಥಿಕತೆಗಾಗಿಯೇ ಜಿಯೋಪಿಸಿ ರೂಪಿಸಲಾಗಿದೆ. ಏಕ ವ್ಯಕ್ತಿ ವ್ಯಾಪಾರದಿಂದ, ಸಣ್ಣ ವ್ಯವಹಾತ ಮಾಡುವವರ ತನಕ, ಶಾಲೆ ವಿದ್ಯಾರ್ಥಿಗಳ ತನಕ ಆರಾಮದಾಯಕ, ಆನ್ ಡಿಮ್ಯಾಂಡ್ ಕಂಪ್ಯೂಟಿಂಗ್ ಒದಗಿಸುತ್ತದೆ, ಅದು ಯಾವುದೇ ಸಮಯದಲ್ಲಿ ಅಪ್ ಗ್ರೇಡ್ ಮಾಡಬಹುದಾಗಿರುತ್ತದೆ.

ಸಬ್ ಸ್ಕ್ರಿಪ್ಷನ್ ಮಾದರಿಯಾದ್ದರಿಂದ ಹೆಚ್ಚಿಗೆ ಪಾವತಿ ಮಾಡಿದೆವು ಅಥವಾ ಸರಿಯಾದ ಪರ್ಫಾರ್ಮೆನ್ಸ್ ಇಲ್ಲ ಎಂಬುದು ಯಾವತ್ತಿಗೂ ಆಗಲ್ಲ. ಎಐ ಸಿದ್ಧವಾದ ಟೂಲ್ ಗಳು ನವೀನ ಬಗೆಯ ಕಲಿಕೆಗೆ, ಎಲ್ಲಿಂದಲಾದರೂ ಕೆಲಸ ಮಾಡುವ (ವರ್ಕ್ ಫ್ರಂ ಎನಿವೇರ್) ಮತ್ತು ದೈನಂದಿನ ಕಾರ್ಯ ನಿರ್ವಹಿಸುವುದಕ್ಕೆ ಅನುಕೂಲಕರವಾಗಿರುತ್ತದೆ.

ಜಿಯೋಪಿಸಿ ದೇಶದಾದ್ಯಂತ ಈಗಿರುವ ಎಲ್ಲ ಮತ್ತು ಹೊಸ ಜಿಯೋಫೈಬರ್ ಮತ್ತು ಜಿಯೋ ಏರ್ ಫೈಬರ್ ಗ್ರಾಹಕರಿಗೆ ಲಭ್ಯವಿದೆ. ಹೊಸ ಬಳಕೆದಾರರಿಗೆ ಒಂದು ತಿಂಗಳು ಈ ಸೇವೆ ಉಚಿತವಾಗಿರುತ್ತದೆ. ಜಿಯೋಪಿಸಿ ಕಂಪ್ಯೂಟಿಂಗ್ ಸ್ಮಾರ್ಟ್, ಸುರಕ್ಷಿತ ಮತ್ತು ಭವಿಷ್ಯ ಸುಭದ್ರವಾಗಿಸುತ್ತದೆ. ಯಾವುದೇ ಮಾಲೀಕತ್ವದ ಹೊರೆ ಇರುವುದಿಲ್ಲ. ಇದು ಗ್ರಾಹಕರೊಂದಿಗೇ ಬದಲಾಗುತ್ತದೆ, ಜೊತೆಗೆ ಕಲಿಕೆ ಮಾಡುತ್ತದೆ ಮತ್ತು ಗ್ರಾಹಕರು ಅಗತ್ಯಗಳಿಗೆ ಪ್ರತಿಸ್ಪಂದಿಸುತ್ತಾ ಬೆಳೆಯುತ್ತದೆ. ಶಾಲಾ ತರಗತಿಯಿಂದ ಬೀದಿ ಬದಿಯ ಮಳಿಗೆ ತನಕ, ಗೃಹಕಚೇರಿಯಿಂದ ಕ್ರಿಯೇಟಿವ್ ಸ್ಟುಡಿಯೋಸ್ ತನಕ- ಜಿಯೋಪಿಸಿ ಭಾರತದ ಕಂಪ್ಯೂಟರ್ ಆಗಿ ಸೇವಾ ಕ್ರಾಂತಿ ಮಾಡುತ್ತದೆ ಎಂದು ಕಂಪೆನಿ ಹೇಳಿಕೊಂಡಿದೆ.

ಜಿಯೋಪಿಸಿ ಬಗ್ಗೆ ನೀವು ತಿಳಿದಿರಬಹುದಾದ ಮಾಹಿತಿ.

ಆರಂಭಿಕವಾಗಿ ತಿಂಗಳಿಗೆ 400 ರೂಪಾಯಿಯಿಂದ ಪ್ಲಾನ್ ಆರಂಭ, ಯಾವುದೇ ಲಾಕ್- ಇನ್ ಅವಧಿ ಇಲ್ಲ
ಹಾರ್ಡ್ ವೇರ್ ಅಗತ್ಯವಿಲ್ಲ- ಯಾವುದೇ ಸ್ಕ್ರೀನ್ ಅನ್ನು ಸ್ಮಾರ್ಟ್ ಪಿಸಿ ಮಾಡುತ್ತದೆ
ವೇಗವಾದ ಬೂಟ್-ಅಪ್, ಸದಾ ಅಪ್ ಡೇಟೆಡ್, ಮತ್ತು ಎಂದಿಗೂ ಕಾರ್ಯ ನಿರ್ವಹಣೆ ನಿಧಾನ ಆಗುವುದಿಲ್ಲ
ನೆಟ್ ವರ್ಕ್ ಹಂತದ ಭದ್ರತೆ- ವೈರಸ್, ಮಾಲ್ ವೇರ್ ಹಾಗೂ ಹ್ಯಾಕ್ ಪ್ರೂಫ್ ಆಗಿದೆ
ಕಲಿಕೆಗೆ, ಕೆಲಸಕ್ಕೆ ಮತ್ತು ಸೃಜನಾತ್ಮಕತೆಗೆ ಎಐ ಸಿದ್ಧವಾದ ಟೂಲ್ ಗಳು
ಜಿಯೋಫೈಬರ್ ಮತ್ತು ಜಿಯೋ ಏರ್ ಫೈಬರ್ ಬಳಕೆದಾರರಿಗೆ ಭಾರತದಾದ್ಯಂತ ಲಭ್ಯವಿದೆ
ಒಂದು ತಿಂಗಳು ಉಚಿತ ಟ್ರಯಲ್, ಜಿಯೋ ವರ್ಕ್ ಪ್ಲೇಸ್, ಮೈಕ್ರೋಸಾಫ್ಟ್ ಆಫೀಸ್ (ಬ್ರೌಸರ್) ಒಳಗೊಂಡಿರುತ್ತದೆ, ಜೊತೆಗೆ 512 ಜಿಬಿ ಕ್ಲೌಡ್ ಸಂಗ್ರಹ

ಜಿಯೋಪಿಸಿ ಅಳವಡಿಸಿಕೊಳ್ಳುವುದು ಹೇಗೆ?

1. ಜಿಯೋ ಸೆಟ್ ಟಾಪ್ ಬಾಕ್ಸ್ ಪವರ್ ಆನ್ ಮಾಡಿ ಹಾಗೂ ಆಪ್ಸ್ ಸೆಕ್ಷನ್ ತೆರಳಿ
2. ಜಿಯೋಪಿಸಿ ಆಪ್ ಲಾಂಚ್ ಮಾಡಿ ಹಾಗೂ "ಗೆಟ್ ಸ್ಟಾರ್ಟೆಡ್" ಎಂಬುದರ ಮೇಲೆ ಕ್ಲಿಕ್ ಮಾಡಿ
3. ಕೀಬೋರ್ಡ್ ಮತ್ತು ಮೌಸ್ ಪ್ಲಗ್ ಇನ್ ಮಾಡಿ
4. ಜೋಡಣೆಯಾದ ಕಾಂಟ್ಯಾಕ್ಟ್ ನಂಬರ್ ಬಳಸಿ ಸೈನ್ ಇನ್ ಮಾಡಿ, ಅಥವಾ ನೋಂದಣಿ ಮಾಡುವುದಕ್ಕೆ ಮಾಹಿತಿಯನ್ನು ನಮೂದಿಸಿ
5. ಲಾಗ್ ಇನ್ ಆಗಿ ಮತ್ತು ತಕ್ಷಣವೇ ನಿಮ್ಮ ಕ್ಲೌಡ್ ಕಂಪ್ಯೂಟರ್ ಬಳಸುವುದಕ್ಕೆ ಆರಂಭಿಸಿ.
ಇನ್ನಷ್ಟು ಮಾಹಿತಿಗೆ ನೀವು https://www.jio.com/jiopc ಭೇಟಿ ನೀಡಬಹುದು.