JioEV Aries: ಎಲೆಕ್ಟ್ರಿಕ್ ಕಾರು ಮಾರುಕಟ್ಟೆಗೆ ಜಿಯೋ ಎಂಟ್ರಿ! ಹೊಸ ಚಾರ್ಜರ್ ಬಿಡುಗಡೆ: ಶೇ.23ರಷ್ಟು ಡಿಸ್ಕೌಂಟ್‌!

ದೇಶದಲ್ಲಿ ಈಗ ಎಲೆಕ್ಟ್ರಿಕ್ ಕಾರುಗಳ ಜಮಾನ ಶುರುವಾಗಿದೆ. ಇತ್ತೀಚಿನ ದಿನಗಳಲ್ಲಿ ಪೆಟ್ರೋಲ್, ಡೀಸೆಲ್ ಕಾರುಗಳಷ್ಟೇ ಎಲೆಕ್ಟ್ರಿಕ್ ಕಾರುಗಳಿಗೂ ಬೇಡಿಕೆ ಹೆಚ್ಚಾಗಿದೆ. ಹೀಗಾಗಿ, ಪ್ರಮುಖ ಕಂಪನಿಗಳು ಎಲೆಕ್ಟ್ರಿಕ್ ಕಾರು ಮತ್ತು ಚಾರ್ಜರ್‌ಗಳನ್ನು ತಯಾರಿಸುವತ್ತ ಚಿತ್ತ ನೆಟ್ಟಿವೆ. ಅದರಂತೆ, ಪ್ರಮುಖ ಭಾರತೀಯ ಟೆಲಿಕಾಂ ಆಪರೇಟರ್ ರಿಲಯನ್ಸ್ ಜಿಯೋ ಹೊಸ ಉತ್ಪನ್ನವನ್ನು ಪರಿಚಯಿಸಿದೆ. ತನ್ನ ಹೊಸ EV ಚಾರ್ಜಿಂಗ್ ಉತ್ಪನ್ನವಾದ JioEV Aries Charger ಅನ್ನು Amazon ನಲ್ಲಿ ಪಟ್ಟಿ ಮಾಡಿದೆ. ಇದು ಜಿಯೋ ಎಲೆಕ್ಟ್ರಿಕ್ ವಾಹನ ಚಾರ್ಜ್‌ಗಾಗಿ ಸೂಕ್ತವಾದ ಮತ್ತು ಅನುಕೂಲಕರವಾದ ಕಾಂಪ್ಯಾಕ್ಟ್ ಚಾರ್ಜರ್ ಅನ್ನು ನೀಡುತ್ತದೆ.

ಇ-ಕಾಮರ್ಸ್ ಪೋರ್ಟಲ್‌ನಲ್ಲಿ ಲಭ್ಯವಾಗಿರುವ ಉತ್ಪನ್ನದ ವಿವರಗಳ ಪ್ರಕಾರ, JioEV Aries ಚಾರ್ಜರ್ 7.4 kW ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ. ಎಲೆಕ್ಟ್ರಿಕ್ ವಾಹನಗಳ ಬ್ಯಾಟರಿಗಳನ್ನು ರಾತ್ರಿಯಿಡೀ ಚಾರ್ಜ್ ಮಾಡಲು ಇದು ಸೂಕ್ತವಾಗಿದೆ. ಎಲೆಕ್ಟ್ರಿಕ್ ಕಾರುಗಳಿಗಾಗಿ ಈ JioEV ಏರೀಸ್ ವಾಲ್‌ಬಾಕ್ಸ್ CE ಮತ್ತು ARAI ಪ್ರಮಾಣೀಕರಣಗಳೊಂದಿಗೆ ಬರುತ್ತದೆ. ಇದು ಎಲ್ಲಾ ಎಲೆಕ್ಟ್ರಿಕ್ ಮತ್ತು ಪ್ಲಗ್-ಇನ್ ಹೈಬ್ರಿಡ್ ಕಾರುಗಳಿಗೆ ಹೊಂದಿಕೆಯಾಗುವ ಸಾರ್ವತ್ರಿಕ ಟೈಪ್ 2 ಚಾರ್ಜಿಂಗ್ ಕನೆಕ್ಟರ್ ಅನ್ನು ಹೊಂದಿದೆ.

JioEV Aries Chargerನ ವಿಶೇಷತೆಗಳೇನು?

ಜಿಯೋ ಕಂಪನಿಯು ತನ್ನ ಹೊಸ EV ಚಾರ್ಜರ್ 3.3 kW ಚಾರ್ಜರ್‌ಗೆ ಹೋಲಿಸಿದರೆ, ಒಟ್ಟು ಚಾರ್ಜಿಂಗ್ ಸಮಯವನ್ನು ಕಡಿಮೆ ಮಾಡುತ್ತದೆ ಎಂದು ಹೇಳಿಕೊಂಡಿದೆ. JioEV ಏರೀಸ್ ಚಾರ್ಜರ್ ಅನ್ನು IP55 ಮತ್ತು IK10 ರೇಟಿಂಗ್‌ನೊಂದಿಗೆ ತಯಾರಿಸಲಾಗಿದೆ. ಅಂದರೆ ಇದು ಧೂಳು ಮತ್ತು ನೀರು ನಿರೋಧಕವಾಗಿದೆ. ಅಮೆಜಾನ್ ಇ-ಕಾಮರ್ಸ್ ಪಟ್ಟಿಯ ಪ್ರಕಾರ, ಕಠಿಣ ಹವಾಮಾನ ಪರಿಸ್ಥಿತಿಗಳಲ್ಲಿಯೂ ಸಹ ದೀರ್ಘಾವಧಿಯ ಬಾಳಿಕೆ ನೀಡುತ್ತದೆ.

ಈ JioEV Aries ಹೊಸ ಚಾರ್ಜರ್ Tata Nexon, Tiago, Punch, Mahindra XUV400, Hyundai Ioniq, Kia EV6 ಮತ್ತು ಎಲ್ಲಾ ಇತ್ತೀಚಿನ ಹೈಬ್ರಿಡ್ ಕಾರುಗಳನ್ನು ಬೆಂಬಲಿಸುತ್ತದೆ. ಸುಧಾರಿತ ಸುರಕ್ಷತೆ ಮತ್ತು ಸಂರಕ್ಷಣಾ ಫೀಚರ್‌ಗಳನ್ನು ಒಳಗೊಂಡಿರುವ ಈ ಚಾರ್ಜರ್ 360-ಡಿಗ್ರಿ ರಕ್ಷಣೆಯನ್ನು ಒದಗಿಸುತ್ತದೆ. ಈ ಎಲೆಕ್ಟ್ರಿಕ್ ವೆಹಿಕಲ್ ಚಾರ್ಜರ್‌ನಲ್ಲಿ ಒದಗಿಸಲಾದ ಆಂತರಿಕ ಆರ್‌ಸಿಡಿ ಶಾರ್ಟ್ ಸರ್ಕ್ಯೂಟ್, ಓವರ್ ಕರೆಂಟ್, ಓವರ್ ಟೆಂಪರೇಚರ್ ಮತ್ತು ಓವರ್ ವೋಲ್ಟೇಜ್ ವಿರುದ್ಧ ರಕ್ಷಣೆ ನೀಡುತ್ತದೆ.

3.75 ಕೆಜಿ ತೂಕ, RFID ತಂತ್ರಜ್ಞಾನ

ಕೇವಲ 3.75 ಕೆಜಿ ತೂಕದ JioEV Aries ಚಾರ್ಜರ್ ಅನ್ನು ವಾಲ್‌ಬಾಕ್ಸ್, ಗೋಡೆ, ಕಂಬ ಅಥವಾ ಕಂಬದಲ್ಲಿ ಎಲ್ಲಿ ಬೇಕಾದರೂ ಇರಿಸಬಹುದಾಗಿದೆ. ಪ್ಲಗ್-ಅಂಡ್-ಪ್ಲೇ ಸಾಧನವು RFID ತಂತ್ರಜ್ಞಾನದೊಂದಿಗೆ ಬರುತ್ತದೆ. ಇದು ಬಳಕೆದಾರರಿಗೆ ವಿದ್ಯುತ್ ಸರಬರಾಜಿಗೆ ಸಂಪರ್ಕಿಸಲು, RFID ಅನ್ನು ಟ್ಯಾಪ್ ಮಾಡಲು ಮತ್ತು ಚಾರ್ಜ್ ಮಾಡಲು ಆರಂಭಿಸಲು ಅವಕಾಶ ಮಾಡಿಕೊಡುತ್ತದೆ.

ಸ್ಮಾರ್ಟ್ ಕನೆಕ್ಟಿವಿಟಿ ಆಯ್ಕೆಗಳು

ಇನ್ನೂ JioEV Aries ಚಾರ್ಜರ್‌ನ ಸ್ಮಾರ್ಟ್ ಕನೆಕ್ಟಿವಿಟಿ ಆಯ್ಕೆಗಳ ಬಗ್ಗೆ ಹೇಳುವುದಾದರೆ, Jio TruePower ಅಪ್ಲಿಕೇಶನ್‌ನಲ್ಲಿನ ಸಕ್ರಿಯ ಸ್ಮಾರ್ಟ್ ಫೀಚರ್‌ಗಳು 4G, Wi-Fi ಮತ್ತು LAN ಸಂಪರ್ಕ ಆಯ್ಕೆಗಳನ್ನು ಒಳಗೊಂಡಿವೆ. ಈ ಉತ್ಪನ್ನವು Amazon ನಲ್ಲಿ ಕೆಲವು ಸಕಾರಾತ್ಮಕ ಗ್ರಾಹಕ ವಿಮರ್ಶೆಗಳನ್ನು ಸ್ವೀಕರಿಸಿದೆ. ಈ ಚಾರ್ಜರ್ Jio TruePower ಅಪ್ಲಿಕೇಶನ್‌ನೊಂದಿಗೆ ಬರುತ್ತದೆ ಮತ್ತು ಅನೇಕ ಸ್ಮಾರ್ಟ್ ವೈಶಿಷ್ಟ್ಯಗಳನ್ನು ಸಹ ಹೊಂದಿದೆ.

ಈ ಚಾರ್ಜರ್‌ನ ಬೆಲೆ ಎಷ್ಟು? ಆಫ್‌ರ್‌ಗಳೇನು?‌

JioEV Aries Charger ಅಮೆಜಾನ್‌ನಲ್ಲಿ 59,999 ರೂ.ಗೆ ಖರೀದಿಗೆ ಲಭ್ಯವಿದೆ. ಆದರೆ, ಇದರ ಮೇಲೆ ಶೇ.23ರಷ್ಟು ಡಿಸ್ಕೌಂಟ್‌ ನೀಡಲಾಗುತ್ತದೆ. ನೀವು 46,499 ರೂ.ಗೆ ಈ ಚಾರ್ಜರ್‌ ಕೊಂಡುಕೊಳ್ಳಬಹುದು. ಈ ಎಲೆಕ್ಟ್ರಿಕ್ ವೆಹಿಕಲ್ ಚಾರ್ಜರ್‌ನಲ್ಲಿ ಅಮೆಜಾನ್ ನೋ ಕಾಸ್ಟ್ ಇಎಂಐ ಆಫರ್ ಅನ್ನು ಸಹ ನೀಡುತ್ತಿದೆ. ಈ ಜಿಯೋ ಎಲೆಕ್ಟ್ರಿಕ್ ವೆಹಿಕಲ್ ಚಾರ್ಜರ್ ಅನ್ನು ನೇರವಾಗಿ ಖರೀದಿಸಲು ಬಯಸುವವರು Buy From Here ಲಿಂಕ್ ಅನ್ನು ಕ್ಲಿಕ್ ಮಾಡಿ ನೇರವಾಗಿ ಖರೀದಿಸಬಹುದು.