ನಿಂಟೆಂಡೊ ಸ್ವಿಚ್ 2 ಪರಿಚಯ: ಹೊಸ ವೈಶಿಷ್ಟ್ಯಗಳು ಯಾವುವು ಮತ್ತು ಬೆಲೆ ಎಷ್ಟು ನೋಡಿ!

ವಿಶ್ವದಾದ್ಯಂತ ಗೇಮಿಂಗ್ ಪ್ರಿಯರು ಎದುರುನೋಡುತ್ತಿದ್ದ 'ನಿಂಟೆಂಡೊ ಸ್ವಿಚ್ 2' ಸಾಧನವು ಮಾರುಕಟ್ಟೆಗೆ ಪರಿಚಯಗೊಂಡಿದೆ. ಬುಧವಾರದಂದು ನಿಂಟೆಂಡೊ ತನ್ನ ಈ ಹೊಸ ಗೇಮಿಂಗ್ ಕನ್ಸೋಲ್ ನಿಂಟೆಂಡೊ ಸ್ವಿಚ್ 2 ಅನ್ನು ಪರಿಚಯಿಸಿದ್ದು, ಜನವರಿಯಲ್ಲಿ ಫಸ್ಟ್-ಲುಕ್ ಟ್ರೇಲರ್‌ನಲ್ಲಿ ನೋಡಿದಂತೆಯೇ ಈ ಹೊಸ ಕನ್ಸೋಲ್ ಮೂಲ ಸ್ವಿಚ್‌ಗಿಂತ ದೊಡ್ಡದಾಗಿ ಮತ್ತು ಉತ್ತಮವಾಗಿ ಬಿಡುಗಡೆಯಾಗುತ್ತಿದೆ.. ಈ ಹೊಸ ಸಾಧನದ ಪ್ರತಿ ವಿಭಾಗದಲ್ಲೂ ಮೂಲ ಸ್ವಿಚ್‌ಗೆ ಅಪ್‌ಗ್ರೇಡ್‌ಗಳನ್ನು ತಂದಿರುವ ನಿಂಟೆಂಡೊ, ಈ ಹೊಸ ಗೇಮಿಂಗ್ ಕನ್ಸೋಲ್‌ನಲ್ಲಿ 7.9-ಇಂಚಿನ 1080p LCD ಡಿಸ್‌ಪ್ಲೇಯನ್ನು ಅಳವಡಿಸಿದೆ, ಈ ಡಿಸ್‌ಪ್ಲೇಯು 120Hz ವರೆಗಿನ ರಿಫ್ರೆಶ್ ರೇಟ್ ಬೆಂಬಲಿಸುತ್ತದೆ. ಹಾಗಾದರೆ, ಹೊಸ ನಿಂಟೆಂಡೊ ಸ್ವಿಚ್ 2 ಗೇಮಿಂಗ್ ಕನ್ಸೋಲ್ ಇತರೆ ಏನೆಲ್ಲಾ ವೈಶಿಷ್ಟ್ಯಗಳನ್ನು ಹೊಂದಿದೆ ಮತ್ತು ಬೆಲೆ ಎಷ್ಟು ಎಂಬುದನ್ನು ಮುಂದೆ ಓದಿ ತಿಳಿಯೋಣ ಬನ್ನಿ.

ಮೊದಲೇ ಹೇಳಿದಂತೆ, ಈ ನಿಂಟೆಂಡೊ ಸ್ವಿಚ್ 2 ಸಾಧನವು 120Hz ವರೆಗೆ ರಿಫ್ರೆಶ್ ರೇಟ್ ಬೆಂಬಲದ 7.9-ಇಂಚಿನ 1080p LCD ಡಿಸ್‌ಪ್ಲೇ ಹೊಂದಿದೆ. ಇದು ಡಾಕ್ಡ್ ಮೋಡ್‌ನಲ್ಲಿ 4K ರೆಸಲ್ಯೂಶನ್ ಅನ್ನು ಬೆಂಬಲಿಸುತ್ತದೆ ಮತ್ತು HDR ಮತ್ತು 120fps ಗೇಮ್‌ಪ್ಲೇ ಒದಗಿಸುತ್ತದೆ ಎಂದು ನಿಂಟೆಂಡೊ ತಿಳಿಸಿದೆ. ಕಂಪೆನಿಯು ಈ ಹಿಂದೆಯೇ ಸುಳಿವು ನೀಡಿದಂತೆ, ನಿಂಟೆಂಡೊ ಸ್ವಿಚ್ 2 ಸಾಧನವು ಮರುವಿನ್ಯಾಸಗೊಳಿಸಲಾದ ಮ್ಯಾಗ್ನೆಟಿಕ್ ಜಾಯ್-ಕಾನ್ಸ್‌ನೊಂದಿಗೆ ಬರುವುದನ್ನು ದೃಢಪಡಿಸಲಾಗಿದೆ, ಇದನ್ನು ಮೌಸ್ ಆಗಿಯೂ ಸಹ ನಿರ್ವಹಿಸಬಹುದು ಎಂದು ಹೇಳಲಾಗಿದೆ.

ನಿಂಟೆಂಡೊ ಸ್ವಿಚ್ 2 ಸಾಧನವು ಇದರ ಹಿಂದಿನ ಆವೃತ್ತಿಯಂತೆಯ 13.9 ಮಿಮೀ ದಪ್ಪದಲ್ಲಿ ಬರುತ್ತದೆ. ಈ ಸಾಧನವು ಪ್ರಬಲವಾದ ಮತ್ತು ಮರುವಿನ್ಯಾಸಗೊಳಿಸಲಾದ ಹೊಸ ಜಾಯ್-ಕಾನ್ಸ್ ಮತ್ತು ಗೇಮಿಂಗ್ ಹಾರ್ಡ್‌ವೇರ್ ಹೊಂದಿದ್ದು, ಮರುವಿನ್ಯಾಸಗೊಳಿಸಲಾದ ಜಾಯ್-ಕಾನ್ಸ್ ಮತ್ತು ಗೇಮಿಂಗ್, ಸ್ಕ್ರೀನ್ ಹಂಚಿಕೆ ಮತ್ತು ನಿಂಟೆಂಡೊ ಕನ್ಸೋಲ್‌ಗಳಲ್ಲಿ ಗೇಮ್ ಹಂಚಿಕೆ ಮಾಡುವಾಗ ಡಿಸ್ಕಾರ್ಡ್-ಶೈಲಿಯ ಧ್ವನಿ ಮತ್ತು ವೀಡಿಯೊ ಚಾಟ್ ಅನ್ನು ಬೆಂಬಲಿಸುವ ಹೊಸ ಆಟದ ಸಂವಹನ ವ್ಯವಸ್ಥೆಗಳನ್ನು ನೀಡುತ್ತದೆ. ಗೇಮಿಂಗ್, ಸ್ಕ್ರೀನ್ ಹಂಚಿಕೆ ಮತ್ತು ಗೇಮ್ ಹಂಚಿಕೆಗಾಗಿ ಹೊಸ ಆಟದ ಸಂವಹನ ವ್ಯವಸ್ಥೆಗಳಿವೆ.

ನಿಂಟೆಂಡೊ ಸ್ವಿಚ್ 2 ಸಾಧನವು 256GB ಆಂತರಿಕ ಸಂಗ್ರಹಣೆಯೊಂದಿಗೆ ಬರುತ್ತದೆ, ಇದನ್ನು ಮೈಕ್ರೊ ಎಸ್‌ಡಿ ಎಕ್ಸ್‌ಪ್ರೆಸ್ ಕಾರ್ಡ್‌ಗಳ ಮೂಲಕ ವಿಸ್ತರಿಸಬಹುದಾಗಿದೆ. ಮೊದಲೇ ದೃಢಪಡಿಸಿದಂತೆ, ಕನ್ಸೋಲ್ ನಿಂಟೆಂಡೊ ಸ್ವಿಚ್ ಡಿಜಿಟಲ್ ಮತ್ತು ಭೌತಿಕ ಆಟಗಳೊಂದಿಗೆ ಹಿಮ್ಮುಖವಾಗಿ ಹೊಂದಿಕೊಳ್ಳುತ್ತದೆ. ಸುಧಾರಿತ CPU ಮತ್ತು GPU ಕಾರ್ಯಕ್ಷಮತೆ ಜೊತೆಗೆ 3D ಆಡಿಯೊ ಬೆಂಬಲ ಮತ್ತು ಗೇಮ್‌ಚಾಟ್ ಮತ್ತು ವೀಡಿಯೊ ಚಾಟ್‌ಗಾಗಿ ಹೊಸ 'ಸಿ' ಬಟನ್, ಹಾಗೂ ಇನ್‌ಪುಟ್‌ಗಾಗಿ ಮೇಲ್ಮೈಗಳಲ್ಲಿ ಸ್ಲೈಡ್ ಮಾಡಬಹುದಾದ ಹಲವಾರು ವಿಶೇಷ ವೈಶಿಷ್ಟ್ಯಗಳಲ್ಲಿ ಬಂದಿದೆ.

ನಿಂಟೆಂಡೊ ಸ್ವಿಚ್ 2 ಸಾಧನವು ಈಗ ಹೆಚ್ಚು ವಿವರವಾದ ಗ್ರಾಫಿಕ್ಸ್ ಮತ್ತು ವೇಗವಾದ ಲೋಡಿಂಗ್ ಸಮಯವನ್ನು ಬೆಂಬಲಿಸುತ್ತದೆ. ಗೇಮ್‌ಚಾಟ್ ಎಂಬ ಹೊಸ ಆನ್‌ಲೈನ್ ಸಂವಹನ ವೈಶಿಷ್ಟ್ಯವು ಆಟಗಾರರು ಗೇಮಿಂಗ್ ಮಾಡುವಾಗ ಆನ್‌ಲೈನ್‌ನಲ್ಲಿ ಇತರ ಆಟಗಾರರೊಂದಿಗೆ ಮಾತನಾಡಲು ಅನುವು ಮಾಡಿಕೊಡುತ್ತದೆ. ವೀಡಿಯೊ ಚಾಟ್ ಅನ್ನು ಸಕ್ರಿಯಗೊಳಿಸಲು, ನಿಂಟೆಂಡೊ ಪ್ರತ್ಯೇಕವಾಗಿ ಮಾರಾಟ ಮಾಡುವ ನಿಂಟೆಂಡೊ ಸ್ವಿಚ್ 2 ಕ್ಯಾಮೆರಾವನ್ನು USB ಟೈಪ್-ಸಿ ಪೋರ್ಟ್ ಮೂಲಕ ಕನ್ಸೋಲ್‌ಗೆ ಸಂಪರ್ಕಿಸಬಹುದು.

ಬೆಲೆ ಮತ್ತು ಲಭ್ಯತೆ
ನಿಂಟೆಂಡೊ ಸ್ವಿಚ್ 2 ನ 256GB ಶೇಖರಣಾ ಆಯ್ಕೆಯು ಅಮೆರಿಕಾದಲ್ಲಿ $449.99 (ಸುಮಾರು ರೂ. 38,500) ಬೆಲೆಯನ್ನು ಹೊಂದಿದೆ. ಮಾರಿಯೋ ಕಾರ್ಟ್ ವರ್ಲ್ಡ್ ಎಂಬ ಹೊಸ ಮಾರಿಯೋ ಕಾರ್ಟ್ ಆಟದೊಂದಿಗೆ ಕನ್ಸೋಲ್ ಅನ್ನು ಬಂಡಲ್‌ನಲ್ಲಿಯೂ ಖರೀದಿಸಬಹುದು, ಇದರ ಬೆಲೆ $499.99 (ಸುಮಾರು ರೂ. 42,725). ಈ ಕನ್ಸೋಲ್ ಜೂನ್ 5, 2025 ರಂದು ಬಿಡುಗಡೆಯಾಗಲಿದೆ ಮತ್ತು ಪೂರ್ವ-ಆರ್ಡರ್‌ಗಳು ಏಪ್ರಿಲ್ 9, 2025 ರಂದು ಪ್ರಾರಂಭವಾಗುತ್ತವೆ. ಭಾರತದಲ್ಲಿ ನಿಂಟೆಂಡೊ ಸ್ವಿಚ್ ನಂತೆ, ನಿಂಟೆಂಡೊ ಸ್ವಿಚ್ 2 ಸಾಧನವು ಕೂಡ ಅಧಿಕೃತವಾಗಿ ಬಿಡುಗಡೆ ಆಗುವುದಿಲ್ಲ, ಆದರೆ ಆನ್ಲೈನ್‌ನಲ್ಲಿ ಖರೀದಿಸಬಹುದು.