ಭಾರತದಲ್ಲಿ Noise Air Buds Pro 6 ಬಿಡುಗಡೆ!...50 ಗಂಟೆ ಬ್ಯಾಟರಿ ಬಾಳಿಕೆ!

ಜನಪ್ರಿಯ ಆಡಿಯೊ ಬ್ರ್ಯಾಂಡ್ Noise ಭಾರತದ ಮಾರುಕಟ್ಟೆಗೆ ತನ್ನ ಇತ್ತೀಚಿನ Noise Air Buds Pro 6 TWS ಏರ್‌ಬಡ್ಸ್ ಅನ್ನು ಪರಿಚಯಿಸಿದೆ. ಈ ಹೊಸ ಸಾಧನವು 12.4mm ಡ್ರೈವರ್‌ಗಳನ್ನು ಹೊಂದಿದ್ದು, ಡ್ಯುಯಲ್ ಡಿವೈಸ್ ಕನೆಕ್ಟಿವಿಟಿಯನ್ನು ಬೆಂಬಲಿಸುತ್ತದೆ. ಮತ್ತು ಒಂದೇ ಚಾರ್ಜ್‌ನಲ್ಲಿ 49dB ಹೈಬ್ರಿಡ್ ಆಕ್ಟಿವ್ ನಾಯ್ಸ್ ಕ್ಯಾನ್ಸಲೇಷನ್ (ANC) ಮತ್ತು ಏಳು ಗಂಟೆಗಳವರೆಗೆ ಪ್ಲೇಬ್ಯಾಕ್ ಸಮಯವನ್ನು ನೀಡುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಕಂಪೆನಿ ತಿಳಿಸಿದೆ. ಹಾಗಾದರೆ, ಈ ಹೊಸ Noise Air Buds Pro 6 TWS ಏರ್‌ಬಡ್ಸ್ ಸಾಧನವು ಹೇಗಿದೆ ಮತ್ತು ಬೆಲೆ ಎಷ್ಟು ಎಂಬುದನ್ನು ಮುಂದೆ ಓದಿ ತಿಳಿಯೋಣ ಬನ್ನಿ.

Noise Air Buds Pro 6 ವೈಶಿಷ್ಟ್ಯಗಳು, ವಿಶೇಷಣಗಳು
ಹೊಸ Noise Air Buds Pro 6 ಸಾಧನವು N52 ನಿಯೋಡೈಮಿಯಮ್ ಮ್ಯಾಗ್ನೆಟ್ ಮತ್ತು ತಾಮ್ರ ಸುರುಳಿಗಳನ್ನು ಒಳಗೊಂಡಂತೆ 12.4mm ಡೈನಾಮಿಕ್ ಟೈಟಾನಿಯಂ ಡ್ರೈವರ್‌ಗಳನ್ನು ಹೊಂದಿದೆ.ಇವು ಸ್ಪಷ್ಟ ಕರೆಗಳಿಗಾಗಿ 49dB ಹೈಬ್ರಿಡ್ ANC ಮತ್ತು ಕ್ವಾಡ್ ಮೈಕ್ ಸಿಸ್ಟಮ್-ಬೆಂಬಲಿತ ಪರಿಸರ ಶಬ್ದ ರದ್ದತಿ (ENC) ವರೆಗೆ ಬೆಂಬಲಿಸುತ್ತವೆ. ಕೇಸ್ ಮೆಟಲೈಸ್ಡ್ ಪೇಂಟ್ ಫಿನಿಶ್‌ನೊಂದಿಗೆ ಬರುತ್ತದೆ ಮತ್ತು ಇಯರ್‌ಫೋನ್‌ಗಳು IPX5 ಜಲ-ನಿರೋಧಕ ರೇಟಿಂಗ್ ಅನ್ನು ಹೊಂದಿವೆ.

Noise Air Buds Pro 6 ಸಾಧನವು ಬ್ಲೂಟೂತ್ 5.3 ಮತ್ತು ಡ್ಯುಯಲ್-ಡಿವೈಸ್ ಸಂಪರ್ಕವನ್ನು ಹಾಗೂ ಹೆಚ್ಚಿನ ರೆಸಲ್ಯೂಶನ್, ನಷ್ಟವಿಲ್ಲದ LHDC ಆಡಿಯೊ ಕೊಡೆಕ್ ಅನ್ನು ಬೆಂಬಲಿಸುತ್ತದೆ. ಇಷ್ಟೇ ಅಲ್ಲದೆ,ಇವು Google ಫಾಸ್ಟ್ ಪೇರ್, ಇನ್-ಇಯರ್ ಡಿಟೆಕ್ಷನ್ ವೈಶಿಷ್ಟ್ಯ ಮತ್ತು ಪ್ರಾದೇಶಿಕ ಆಡಿಯೊ ಅನುಭವವನ್ನು ಸಹ ಬೆಂಬಲಿಸುತ್ತವೆ. ಇಯರ್‌ಫೋನ್‌ಗಳು 50ms ವರೆಗೆ ಕಡಿಮೆ ಲೇಟೆನ್ಸಿಯನ್ನು ಒದಗಿಸುತ್ತವೆ ಎಂದು Noise ಕಂಪೆನಿ ಹೇಳಿಕೊಂಡಿದೆ.

ಬ್ಯಾಟರಿ ವಿಬಾಗದಲ್ಲಿ, Noise Air Buds Pro 6 ಸಾಧನವು ಒಂದೇ ಚಾರ್ಜ್‌ನಲ್ಲಿ ಏಳು ಗಂಟೆಗಳವರೆಗೆ ಮತ್ತು ಕೇಸ್‌ನೊಂದಿಗೆ 43 ಗಂಟೆಗಳವರೆಗೆ ಇರುತ್ತದೆ ಎಂದು ಹೇಳಲಾಗಿದೆ. ಇದರ ಪರಿಣಾಮವಾಗಿ ಒಟ್ಟು 50 ಗಂಟೆಗಳವರೆಗೆ ಬ್ಯಾಟರಿ ಬಾಳಿಕೆ ಬರುತ್ತದೆ. 10 ನಿಮಿಷಗಳ ತ್ವರಿತ ಚಾರ್ಜ್ 150 ನಿಮಿಷಗಳವರೆಗೆ ಪ್ಲೇಬ್ಯಾಕ್ ಒದಗಿಸುತ್ತದೆ ಎಂದು, ಹಾಗೂ ಒಂದೇ ಚಾರ್ಜ್‌ನಲ್ಲಿ 49dB ಹೈಬ್ರಿಡ್ ಆಕ್ಟಿವ್ ನಾಯ್ಸ್ ಕ್ಯಾನ್ಸಲೇಷನ್ (ANC) ಮತ್ತು ಏಳು ಗಂಟೆಗಳವರೆಗೆ ಪ್ಲೇಬ್ಯಾಕ್ ಸಮಯವನ್ನು ನೀಡುತ್ತವೆ ಎಂದು ಕಂಪೆನಿ ತಿಳಿಸಿದೆ.

ಭಾರತದಲ್ಲಿ Noise Air Buds Pro 6 ಬೆಲೆ, ಲಭ್ಯತೆ
ಭಾರತದಲ್ಲಿ Noise Air Buds Pro 6 ಸಾಧನದ ಬೆಲೆಯನ್ನು 3,499 ರೂ. ಗೆ ನಿಗದಿಪಡಿಸಲಾಗಿದ್ದು, ಈ ಸಾಧನವು ಇದೇ ಏಪ್ರಿಲ್ 9 ರಿಂದ ಅಮೆಜಾನ್ ಮತ್ತು ನಾಯ್ಸ್ ಇಂಡಿಯಾ ವೆಬ್‌ಸೈಟ್ ಮೂಲಕ ಖರೀದಿಗೆ ಲಭ್ಯವಿರುತ್ತವೆ ಎಂದು Noise ಕಂಪೆನಿ ತಿಳಿಸಿದೆ. ಈ ಸಾಧನ ಮಾರಾಟದ ದಿನದ ಮೊದಲು 499 ರೂ. ಮೌಲ್ಯದ ಪ್ರೀ-ಆರ್ಡರ್ ಪಾಸ್ ಪಡೆಯುವ ಗ್ರಾಹಕರು ರೂ. 999 ಮೌಲ್ಯದ ಕೂಪನ್ ಪಡೆಯಬಹುದು. ಇದರಿಂದ ಅವರು 2,500 ರೂ. ಗಳ ಪರಿಣಾಮಕಾರಿ ಬೆಲೆಗೆ TWS ಹೆಡ್‌ಸೆಟ್‌ಗಳನ್ನು ಪಡೆಯಲು ಸಾಧ್ಯವಾಗುತ್ತದೆ. ಇಷ್ಟೇ ಅಲ್ಲದೆ, ರಿಯಾಯಿತಿ ಕೂಪನ್ ಜೊತೆಗೆ, ಪ್ರಿ-ಆರ್ಡರ್ ಪಾಸ್ ಹೊಂದಿರುವವರು ದಿವಾ 2 ಸ್ಮಾರ್ಟ್‌ವಾಚ್ ಮೇಲೆ 700 ರೂ. ರಿಯಾಯಿತಿ ಸೇರಿದಂತೆ ರೂ. 1,000 ಮೌಲ್ಯದ ಹೆಚ್ಚುವರಿ ಲಾಭಗಳನ್ನು ಆನಂದಿಸಬಹುದು ಎಂದು ಕಂಪೆನಿ ತಿಳಿಸಿದೆ.