Nothing Ear 3 ವಿನ್ಯಾಸ ಅನಾವರಣ: ಏನಿದು ಹೊಸ ರಹಸ್ಯ Talk ಬಟನ್?!

ಯುಕೆ ಮೂಲದ ಜನಪ್ರಿಯ ತಂತ್ರಜ್ಞಾನ ಕಂಪನಿ Nothing ತನ್ನ ಹೊಸ Nothing Ear 3 ವೈರ್‌ಲೆಸ್ ಇಯರ್‌ಬಡ್ಸ್ ವಿನ್ಯಾಸವನ್ನು ಅನಾವರಣಗೊಳಿಸಿದೆ. ಈ ಹಿಂದಿನ Nothing Ear 2 ಪಾರದರ್ಶಕ ಕೇಸ್‌ಗೆ ಬದಲಾಗಿ, ಈ ಹೊಸ ಇಯರ್‌ಬಡ್ಸ್ ಹೊಸ ಲೋಹದ ಕೇಸ್ ಮತ್ತು ಪ್ರೀಮಿಯಂ ವಿನ್ಯಾಸವನ್ನು ಹೊಂದಿವೆ. ಆದರೂ, ಬ್ರ್ಯಾಂಡ್‌ನ ವಿಶಿಷ್ಟ ಪಾರದರ್ಶಕ ವಿನ್ಯಾಸವನ್ನು ಉಳಿಸಿಕೊಂಡು, ಕೇಸ್‌ನ ಮೇಲ್ಭಾಗ ಪಾರದರ್ಶಕವಾಗಿಯೇ ಇರುವಂತೆ ನೋಡಿಕೊಳ್ಳಲಾಗಿದೆ.

ಇದೇ ಸೆಪ್ಟೆಂಬರ್ 18 ರಂದು Nothing Ear 3 ವೈರ್‌ಲೆಸ್ ಇಯರ್‌ಬಡ್ಸ್ ಸಾಧನವು ಅಧಿಕೃತವಾಗಿ ಬಿಡುಗಡೆಯಾಗಲಿದೆ. ಅದಕ್ಕೂ ಮೊದಲೇ Nothing Ear 3 ವೈರ್‌ಲೆಸ್ ಇಯರ್‌ಬಡ್ಸ್ ವಿನ್ಯಾಸವು ಬಹಿರಂಗವಾಗಿದ್ದು, ಇದರಲ್ಲಿನ ಹೊಸ ಮತ್ತು ರಹಸ್ಯವಾಗಿರುವ 'ಟಾಕ್' (Talk) ಬಟನ್ ಎಲ್ಲರ ಗಮನಸೆಳೆದಿದೆ. ಹಾಗಾದರೆ, ಹೊಸ Nothing Ear 3 ವೈರ್‌ಲೆಸ್ ಇಯರ್‌ಬಡ್ಸ್ ಸಾಧನ ಹೇಗಿದೆ? ಏನಿದು ರಹಸ್ಯ ಬಟನ್ ಎಂಬುದನ್ನು ನೋಡೋಣ ಬನ್ನಿ.

ಹೇಗಿದೆ Nothing Ear 3 ವೈರ್‌ಲೆಸ್ ಇಯರ್‌ಬಡ್ಸ್?
ಮೊದಲೇ ಹೇಳಿದಂತೆ, Nothing Ear 3 ವೈರ್‌ಲೆಸ್ ಇಯರ್‌ಬಡ್ಸ್ ಲೋಹದ ಮೇಲ್ಮೈಯನ್ನು ಹೊಂದಿವೆ. ಆದರೂ, ಬ್ರ್ಯಾಂಡ್‌ನ ವಿಶಿಷ್ಟ ಪಾರದರ್ಶಕ ವಿನ್ಯಾಸವನ್ನು ಉಳಿಸಿಕೊಂಡು, ಕೇಸ್‌ನ ಮೇಲ್ಭಾಗ ಪಾರದರ್ಶಕವಾಗಿಯೇ ಇರಲಿದೆ. ಇಯರ್‌ಬಡ್ಸ್‌ನ ಕಾಂಡವು ಸಹ ಪಾರದರ್ಶಕವಾಗಿದ್ದು, ಇದರ ಒಳಭಾಗದಲ್ಲಿ ಲೋಹದ ಅಂಶಗಳನ್ನು ಸೇರಿಸಲಾಗಿದೆ. ಇದರಿಂದ ಇಯರ್‌ಬಡ್ಸ್‌ಗಳು ಹೆಚ್ಚು ಪ್ರೀಮಿಯಂ ಹಾಗೂ ಬಲಿಷ್ಠವಾಗಿ ಕಾಣುತ್ತವೆ.

ದಿ ವರ್ಜ್ (The Verge) ವರದಿಯ ಪ್ರಕಾರ, ಅರ್ 3 ಕೇಸ್ ಅನ್ನು "100% ಮರುಬಳಕೆ ಮಾಡಿದ ಅಲ್ಯೂಮಿನಿಯಂ" ಬಳಸಿ ತಯಾರಿಸಲಾಗಿದೆ. ಇದು ಸಾಧನವನ್ನು ಪರಿಸರ ಸ್ನೇಹಿ ಮತ್ತು ಹೆಚ್ಚು ಬಾಳಿಕೆ ಬರುವಂತೆ ಮಾಡುತ್ತದೆ. ಜೊತೆಗೆ, ಹೊಸ ಆಂಟೆನಾ ವಿನ್ಯಾಸವು ಇಯರ್‌ಬಡ್ಸ್‌ಗಳನ್ನು ಇನ್ನಷ್ಟು ತೆಳ್ಳಗಾಗಿಸಲು ಸಹಕಾರಿಯಾಗಿದೆ.

ಏನಿದು ರಹಸ್ಯಮಯ 'ಟಾಕ್' (Talk) ಬಟನ್?
ನಥಿಂಗ್ ಈ ಬಾರಿ ಹೊಸ 'ಟಾಕ್' ಬಟನ್ ಅನ್ನು ಪರಿಚಯಿಸಿದೆ. ಇದು ಪೇರಿಂಗ್ ಬಟನ್‌ನಂತಿಲ್ಲ. ಕಂಪನಿಯು ಕೇಸ್‌ನಲ್ಲಿ "ಸೂಪರ್ ಮೈಕ್" (Super Mic) ಅನ್ನು ಅಳವಡಿಸಿರುವುದನ್ನು ದೃಢಪಡಿಸಿದೆ. ಈ ಟಾಕ್ ಬಟನ್ ಗದ್ದಲದ ಪರಿಸರದಲ್ಲಿಯೂ ಸ್ಪಷ್ಟವಾಗಿ ಸಂವಹನ ನಡೆಸಲು ಸಹಾಯ ಮಾಡಬಹುದು ಎಂದು ಊಹಿಸಲಾಗಿದೆ. ಕಂಟೆಂಟ್ ರಚನೆಕಾರರಿಗೆ ಇದು ಸಹಾಯಕವಾಗಬಹುದು ಅಥವಾ ಇದು ವಾಕಿ-ಟಾಕಿ ಮಾದರಿಯ ಸಂವಹನಕ್ಕಾಗಿ ಬಳಸಬಹುದು ಎಂದು ವದಂತಿಗಳಿವೆ.

Nothing Ear 3 ವೈರ್‌ಲೆಸ್ ಇಯರ್‌ಬಡ್ಸ್: ಪ್ರಮುಖ ವೈಶಿಷ್ಟ್ಯಗಳು
ಲೋಹದ ಕೇಸ್: ಈ ಸರಣಿಯಲ್ಲಿ ಮೊದಲ ಬಾರಿಗೆ ಅಲ್ಯೂಮಿನಿಯಂ ಬಳಕೆ.
ಪ್ರೀಮಿಯಂ ವಿನ್ಯಾಸ: ಪಾರದರ್ಶಕತೆ ಮತ್ತು ಲೋಹದ ಮಿಶ್ರಣದಿಂದ ಆಕರ್ಷಕ ನೋಟ.
ಪರಿಸರ ಸ್ನೇಹಿ ನಿರ್ಮಾಣ: 100% ಮರುಬಳಕೆ ಮಾಡಿದ ಲೋಹದ ಬಳಕೆ.
ಸೂಪರ್ ಮೈಕ್ ತಂತ್ರಜ್ಞಾನ: ಶಬ್ದವನ್ನು ಹೆಚ್ಚು ಸ್ಪಷ್ಟವಾಗಿ ಸೆರೆಹಿಡಿಯುವ ಸಾಮರ್ಥ್ಯ.
ಟಾಕ್ ಬಟನ್: ಹೊಸ ರೀತಿಯ ಸಂವಹನ ಅಥವಾ ಧ್ವನಿ ನಿಯಂತ್ರಣಕ್ಕಾಗಿ ವಿಶಿಷ್ಟ ವೈಶಿಷ್ಟ್ಯ.
ಸಣ್ಣದಾದ ಆಂಟೆನಾ ವಿನ್ಯಾಸ: ತೆಳ್ಳಗೆ, ಹಗುರ ಮತ್ತು ಸುಲಭವಾಗಿ ಸಾಗಿಸಲು ಸೂಕ್ತ.

Nothing Ear 3ವಿನ್ಯಾಸ ಮತ್ತು ತಂತ್ರಜ್ಞಾನದಲ್ಲಿ ಹಿಂದಿನ ಮಾದರಿಗಿಂತ ಬದಲಾಗಿದೆ. ಲೋಹದ ಬಳಕೆ ದೃಢತೆ ನೀಡಿದರೆ, ಹೊಸದಾಗಿ ಸೇರಿಸಿದ ಟಾಕ್ ಬಟನ್ ಇಯರ್‌ಬಡ್ಸ್ ಬಳಕೆಯ ಅನುಭವವನ್ನು ಮತ್ತಷ್ಟು ಸುಧಾರಿಸುವ ನಿರೀಕ್ಷೆ ಇದೆ. ಇದೇ ಸೆಪ್ಟೆಂಬರ್ 18 ರಂದು ಬಿಡುಗಡೆಯಾದಾಗ, ಈ ಎಲ್ಲಾ ವೈಶಿಷ್ಟ್ಯಗಳ ಬಗ್ಗೆ ಇನ್ನಷ್ಟು ಮಾಹಿತಿ ಲಭ್ಯವಾಗಲಿದೆ. ಅಲ್ಲಿಯವರೆಗೂ ನೀವು ಕನ್ನಡ ಗಿಜ್‌ಬಾಟ್‌ನಲ್ಲಿ ಟ್ಯೂನ್ ಆಗಿರಿ.