ಮೊಬೈಲ್ ಫೋಟೊಗ್ರಫಿಗೆ ಹೊಸ ಸಾಧ್ಯತೆ ಈ "ಮಾಡ್ಯುಲರ್ ಗ್ರಿಪ್ ಎಚ್1"!!..ಏಕೆ ಗೊತ್ತಾ?

ಏನಿದು ಮಾಡ್ಯುಲರ್ ಸ್ಮಾರ್ಟ್‌ಫೋನ್ ಗ್ರಿಪ್ ಎಚ್ 1?

ಸ್ಮಾರ್ಟ್‌ಫೋನ್ ಮೂಲಕ ಫೋಟೊಗ್ರಫಿ ಮಾಡುವಾಗ ಮೊಬೈಲ್ ಮೇಲಿನ ಹಿಡಿತ ತಪ್ಪದಿರಲು ಈ ಮಾಡ್ಯುಲರ್ ಗ್ರಿಪ್ ಅನ್ನು ಬಳಸಲಾಗುತ್ತದೆ. ಏನನ್ನಾದರೂ ಚಿತ್ರೀಕರಿಸುವಾಗ ಸೆರೆಹಿಡಿಯುವ ದೃಶ್ಯದ ಗುಣಮಟ್ಟ ಕೈ ಚಲನೆಯಿಂದ ಹಾಳಾಗದಂತೆ ರಕ್ಷಿಸುವ ಕೆಲಸವನ್ನು ಈ ಉಪಕರಣ ಮಾಡುತ್ತದೆ.!!

ಸಿನಿಮಾ ಚಿತ್ರೀಕರಿಸಬಹುದು!!

‘ಮಾಡ್ಯುಲರ್ ಸ್ಮಾರ್ಟ್‌ಫೋನ್ ಗ್ರಿಪ್ ಎಚ್ 1' ಒಂದು ಅತ್ಯುತ್ತಮ ಉಪಕರಣವಾಗಿದ್ದು, ಮೊಬೈಲ್ ಮೂಲಕ ಚಲನಚಿತ್ರ ಮತ್ತು ಸಾಕ್ಷ್ಯಚಿತ್ರಗಳನ್ನು ಚಿತ್ರೀಕರಿಸುವಾಗ ಅನೇಕ ಉಪಕರಣಗಳ ಅವಶ್ಯಕತೆಯಿರುತ್ತದೆ. ಅಂತಹ ಭಿನ್ನ ಉಪಕರಣಗಳನ್ನು ಒಂದೆಡೆ ಅಳವಡಿಸಿಕೊಳ್ಳಲು ಅನುಕೂಲವಾಗುವಂತೆ ಈ ಮಾಡ್ಯುಲರ್ ಅನ್ನು ವಿನ್ಯಾಸಗೊಳಿಸಲಾಗಿದೆ.!!

ಫ್ಲ್ಯಾಶ್ ಲೈಟ್ ಬಳಸಬಹುದು!!

ಮೊಬೈಲ್ ಮೂಲಕ ಚಲನಚಿತ್ರ ಮತ್ತು ಸಾಕ್ಷ್ಯಚಿತ್ರಗಳನ್ನು ಚಿತ್ರೀಕರಿಸುವಾಗ ಶಬ್ದವನ್ನು ಸೆರೆಹಿಡಿಯಲು ಬಳಕೆಯಾಗುವ ಮೈಕ್ರೊಫೋನ್ ಹಾಗೂ ಬೆಳಕನ್ನು ಹೆಚ್ಚಿಸಲು ಫ್ಲ್ಯಾಶ್ ಲೈಟ್‌ಗಳನ್ನು ಹ್ಯಾಂಡಲ್‌ಗಳ ಮೂಲಕ ಅಡ್ಜೆಸ್ ಮಾಡಿಕೊಳ್ಳುವಂತೆ ಸ್ಮಾರ್ಟ್‌ಫೋನ್ ಗ್ರಿಪ್ ಎಚ್ 1 ಅನ್ನು ವಿನ್ಯಾಸ ಮಾಡಲಾಗಿದೆ.

ಕಿಟ್ ಸಹ ಲಭ್ಯವಿದೆ.!!

ಸ್ಮಾರ್ಟ್‌ಫೋನ್‌ಗಳನ್ನು ಸುರಕ್ಷಿತವಾಗಿ ಹ್ಯಾಂಡಲ್‌ಗಳಿಗೆ ಅಳವಡಿಸಿ ಹಿಡಿತ ಸಾಧಿಸಲು ‘ಡಬ್ಲ್ಯು 1 ರಿಸ್ಟ್ ಸ್ಟ್ರ್ಯಾಪ್' ಎಂಬ ಚಿಕ್ಕ ಬೆಲ್ಟ್ ಅನ್ನು ಈ ಕಿಟ್‌ನಲ್ಲಿ ನೀಡಲಾಗಿದೆ. ಇವುಗಳೆಲ್ಲವನ್ನೂ ಗಟ್ಟಿಯಾಗಿ ಹಿಡಿದಿಟ್ಟುಕೊಳ್ಳಲು ‘ಜೆಡ್ 1 ಕೊಲ್ಡ್ ಶೂ' ಎಂಬ ಅಳವಡಿಕೆಯು ಇದರಲ್ಲಿದ್ದು, ಸ್ಮಾರ್ಟ್‌ಫೋನ್ ಮತ್ತು ಗ್ರಿಪ್ ಎಚ್ 1 ಸುರಕ್ಷತೆ ಬಗ್ಗೆ ಚಿಂತಿಸಬೇಕಿಲ್ಲ.!!

ಕಡಿಮೆ ಬೆಲೆಯಲ್ಲಿ ಎಲ್ಲವೂ ನಡೆಯುತ್ತದೆ!!

ಮೊದಲೆಲ್ಲಾ ಒಂದು ಸಿನಿಮಾ ಚಿತ್ರೀಕರಿಸಲು ಬೇಕಾಗಿದ್ದ ಕ್ಯಾಮೆರಾ ಬೆಲೆಯೇ ಕೋಟಿ ರೂಗಳಿಷ್ಟು. ಆದರೆ, ಅತ್ಯಂತ ಕಡಿಮೆ ಬೆಲೆಯಲ್ಲಿ ಎಲ್ಲರೂ ಫೋಟೊಗ್ರಫಿಗೆ ಕಾಲಿಡಲು ಈ ಸಾಧನ ಪ್ರೇರಕವಾಗಿದೆ. ಈಗಾಗಲೇ ಹಲವು ಮಾಧ್ಯಮಗಳು ಈ ಮಾಡ್ಯುಲರ್ ಅನ್ನು ಬಳಸಲು ಆರಂಭಿಸಿವೆ.!!