ಮ್ಯೂಸಿಕ್ ಪ್ರಿಯರಿಗೆ ಬೆಸ್ಟ್ ಗ್ಯಾಜೆಟ್..! ಬೆಲೆ ಕಡಿಮೆ, ಉಪಯೋಗ ಜಾಸ್ತಿ..!

ಬ್ಲೂಟೂತ್ ಸ್ಪೀಕರ್:

ಶಿಯೋಮಿ Mi ಪಾಕೆಟ್ ಸ್ಪೀಕರ್ 2 ಬ್ಲೂಟೂತ್ 4.1 ನಲ್ಲಿ ಕಾರ್ಯನಿರ್ವಹಿಸುವ ಮೊದಲ ಪಾಕೆಟ್ ಸರಣಿಯ ಸ್ಪೀಕರ್ ಆಗಿದ್ದು, ಮಿ. ಕಾಮ್ ನಲ್ಲಿ ಮಾತ್ರವೇ ಇಂದಿನಿಂದ ಎಕ್ಸ್ ಕ್ಲೂಸಿವ್ ಆಗಿ ಬಿಡುಗಡೆಯಾಗಲಿದೆ. ಈ ಸ್ಪೀಕರ್ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಇತರೆ ಸ್ಪೀಕರ್ ಗಳಿಗೆ ಸೆಡ್ಡು ಹೊಡೆಯಲಿದೆ.

7 ಗಂಟೆಗಳ ಬ್ಯಾಟರಿ;

ಶಿಯೋಮಿ Mi ಪಾಕೆಟ್ ಸ್ಪೀಕರ್ 2ನಲ್ಲಿ ಗುಣಮಟ್ಟದ 1200mAh ಬ್ಯಾಟರಿಯನ್ನು ಅಳವಡಿಸಲಾಗಿದ್ದು, ಇದು ಬಳಕೆದಾರರಿಗೆ 7 ಗಂಟೆಗಳ ಕಾಲ ಬ್ಯಾಕಪ್ ನೀಡಲಿದೆ. ಒಮ್ಮೆ ಚಾರ್ಜ್ ಮಾಡಿದರೆ ಸತತ 7 ಗಂಟೆಗಳ ಕಾಲ ಇದನ್ನು ಬಳಕೆ ಮಾಡಿಕೊಳ್ಳಬಹುದಾಗಿದೆ. ಈ ಆಯ್ಕೆಯೇ ಶಿಯೋಮಿ Mi ಪಾಕೆಟ್ ಸ್ಪೀಕರ್ 2ನ ಯುಎಸ್ ಪಿ ಎಂದರೆ ತಪ್ಪಾಗುವುದಿಲ್ಲ.

ಮೈಕ್ರೋ ಫೋನ್ ಇದೆ;

ಇದಲ್ಲದೇ ಶಿಯೋಮಿ Mi ಪಾಕೆಟ್ ಸ್ಪೀಕರ್ 2 ನಲ್ಲಿ ಬಿಲ್ಟ್ ಇನ್ ಮೈಕ್ರೋ ಫೋನ್ ಅನ್ನು ಕಾಣಬಹುದಾಗಿದೆ. ಇದರಿಂದಾಗಿ ನೀವು ನಿಮ್ಮ ಸ್ಮಾರ್ಟ್ ಫೋನ್ ಅನ್ನು ಬ್ಲೂಟೂತ್ ಮೂಲಕ ಸಂಪರ್ಕಿಸಿದ ಸಂದರ್ಭದಲ್ಲಿ ಸ್ಪೀಕರ್ ಸಹಾಯದಿಂದಲೇ ಮಾತನಾಡಬಹುದಾಗಿದೆ.

ಎರಡು ಬಣ್ಣಗಳಲ್ಲಿ ಲಭ್ಯ:

ಮಾರುಕಟ್ಟೆಯಲ್ಲಿ ಬ್ಲೂಟೂತ್ ಪಾಕೆಟ್ ಸ್ಪೀಕರ್ ಗಳ ಬೇಡಿಕೆಯೂ ಹೆಚ್ಚಾಗುತ್ತಿರುವ ಹಿನ್ನಲೆಯಲ್ಲಿ ಶಿಯೋಮಿ Mi ಪಾಕೆಟ್ ಸ್ಪೀಕರ್ 2 ಅನ್ನು ಲಾಂಚ್ ಮಾಡಿದ್ದು, ಇದು ಎರಡು ಬಣ್ಣಗಳಲ್ಲಿ ದೊರೆಯುತ್ತಿದೆ. ಬ್ಲಾಕ್ ಮತ್ತು ವೈಟ್ ಬಣ್ಣಗಳಲ್ಲಿ ಮಾರಾಟವಾಗುತ್ತಿದೆ.

ಬೆಲೆ:

ನೋಡಲು ಉತ್ತಮ ವಿನ್ಯಾಸವನ್ನ ಹೊಂದಿರುವ ಶಿಯೋಮಿ Mi ಪಾಕೆಟ್ ಸ್ಪೀಕರ್ 2 ಅಲ್ಯೂಮಿನಿಯಮ್ ನಿಂದ ಮಾಡಲ್ಪಟ್ಟಿದೆ. ಇದು ಮಾರುಕಟ್ಟೆಯಲ್ಲಿ ರೂ.1499ಕ್ಕೆ ಮಾರಾಟವಾಗುತ್ತಿದೆ. ಬೇರೆ ಕಂಪನಿಗಳ ಸ್ಪೀಕರ್ ಗಳಿಗೆ ಹೋಲಿಸಿಕೊಂಡರೆ ಇದು ಅತ್ಯಂತ ಕಡಿಮೆ ಬೆಲೆ ಎಂದೇ ಹೇಳಬಹುದಾಗಿದೆ.