ಶಿಯೋಮಿಯ Mi TV ಇನ್ಮುಂದೆ ಆಫ್‌ಲೈನ್ ಮಾರುಕಟ್ಟೆಯಲ್ಲೂ ಲಭ್ಯ..!

ಆನ್‌ಲೈನ್‌ನಲ್ಲಿ ಮಾತ್ರ ಲಭ್ಯವಿತ್ತು

ಈಗಾಗಲೇ ಮಾರುಕಟ್ಟೆಯಲ್ಲಿ ಶಿಯೋಮಿ ಮಾರಾಟ ಮಾಡುತ್ತಿರುವ Mi TV ಹೆಚ್ಚಿನ ಪ್ರಮಾಣದ ಖ್ಯಾತಿಯನ್ನು ಪಡೆದುಕೊಳ್ಳುತ್ತಿದ್ದು, Mi TV ಬೇಡಿಕೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಈ ಹಿನ್ನಲೆಯಲ್ಲಿ Mi TVಯನ್ನು ಆನ್ ಲೈನ್ ಮಾರುಕಟ್ಟೆಯಲ್ಲಿ ಮಾತ್ರವೇ ಅಲ್ಲದೇ ಆಫ್ ಲೈನ್ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ಚಿಂತನೆ ನಡೆಸಿದೆ. ಇಷ್ಟು ದಿನ ಕೇವಲ ಫ್ಲಿಪ್ಕಾರ್ಟ್ ಮೂಲಕ ಮಾತ್ರ ಆನ್ಲೈನಲ್ಲಿ ದೊರೆತಿದ್ದ ಟಿವಿ ಗಳು ಇನ್ನು ಮುಂದೆ ಆಫ್ ಲೈನ್ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲಿದೆ.

ಬಜೆಟ್‌ ಬೆಲೆಯಿಂದ ಫ್ಲಾಗ್‌ಶಿಪ್‌ವರೆಗೂ

ಈಗಾಗಲೇ ಹಲವು ಮಾದರಿಯ ಟಿವಿಗಳನ್ನು ಭಾರತೀಯ ಮಾರುಕಟ್ಟೆಗೆ ಪರಿಚಯಿಸುತ್ತಿರುವ ಶಿಯೋಮಿ. ಹೆಚ್ಚಿನ ಪ್ರಮಾಣದ ಯಶಸ್ಸನ್ನು ಕಂಡಿದ್ದು, ಮುಂದಿನ ದಿನಗಳಲ್ಲಿ ಇನ್ನೂ ಹಲವು ಮಾದರಿಗಳನ್ನು Mi TV ಮಾರುಕಟ್ಟೆಗೆ ಪರಿಚಯಿಸುವ ಸನಿಹದಲ್ಲಿದೆ. ಮಾರುಕಟ್ಟೆಯಲ್ಲಿ ಶಿಯೋಮಿ ಬಜೆಟ್ ಬೆಲೆಯಿಂದ ಹಿಡಿದು, ಫಾಗ್ ಶಿಪ್ ಮಾದರಿಯ ಸ್ಮಾರ್ಟ್ ಟಿವಿಯನ್ನು Mi TVಯಲ್ಲಿ ಲಾಂಚ್ ಮಾಡಿದೆ.

ಬೆಲೆ

Mi TV 4A ಮಾರುಕಟ್ಟೆಯಲ್ಲಿ ಎರಡು ಮಾದರಿಯಲ್ಲಿ ಕಾಣಿಸಿಕೊಳ್ಳಲಿದೆ. 32 ಇಂಚಿನ ಮತ್ತು 43 ಇಂಚಿನಲ್ಲಿ ದೊರೆಯುತ್ತಿದೆ. 32 ಇಂಚಿನ Mi TV 4A ರೂ. 13,999ಕ್ಕೆ ಹಾಗೂ 43 ಇಂಚಿನ Mi TV 4A ರೂ.22,999ಕ್ಕೆ ಮಾರಾಟವಾಗಲಿದೆ. ಇದೇ ಮಾದರಿಯಲ್ಲಿ ಶಿಯೋಮಿ 55 ಇಂಚಿನ ಟಾಪ್ ಎಂಡ್ Mi TV 4 ಅನ್ನು ಮಾರುಕಟ್ಟೆಗೆ ಲಾಂಚ್ ಮಾಡಿದೆ.

ಸ್ಪರ್ಧೆ

ಇದು ಸ್ಯಾಮ್ ಸಂಗ್ ಸೇರಿದಂತೆ ಬೇರೆ ಮಾದರಿಯ ಟಿವಿ ಕಂಪನಿಗಳಿಗೆ ಸಾಕಷ್ಟು ಹೊಡೆತವನ್ನು ನೀಡಿದೆ. ಈಗ ಶಿಯೋಮಿ ಆಫ್ ಲೈನ್ ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳುತ್ತಿರುವ ಹಿನ್ನಲೆಯಲ್ಲಿ ಬೇರೆ ಕಂಪನಿಗಳು ನಷ್ಟಕ್ಕೆ ಸಿಲುಕಲಿದೆ, ಅಲ್ಲದೇ ಮಾರುಕಟ್ಟೆಯಲ್ಲಿ ಬಳಕೆದಾರರಿಗೆ ಹೆಚ್ಚಿನ ಆಯ್ಕೆಯೂ ಲಭ್ಯವಾಗಲಿದೆ.