ಜೆಬ್ರಾನಿಕ್ಸ್ನಿಂದ 5 ಪೋರ್ಟ್ ಹೊಂದಿರುವ 'ಚಾರ್ಜಿಂಗ್ ಹಬ್' ಬಿಡುಗಡೆ!

ಮೊಬೈಲ್ ಬಿಡಿಭಾಗಗಳ ತಯಾರಿಕೆಯಲ್ಲಿ ಭಾರತದಲ್ಲೇ ಹೆಚ್ಚು ಹೆಸರಾಂತ ಕಂಪೆನಿಯಾಗಿರುವ 'ಜೆಬ್ರಾನಿಕ್ಸ್' ಈಗ ಅತ್ಯಾಧುನಿಕ 5 ಪೋರ್ಟ್ ಡಾಕಿಂಗ್ ಚಾರ್ಜಿಂಗ್ ಹಬ್ ಅನ್ನು ಬಿಡುಗಡೆ ಮಾಡಿದೆ. ಜೆಬ್ರಾನಿಕ್ಸ್ "ZEB-5SLCU3' ಹೆಸರಿನ ಈ 5 ಪೋರ್ಟ್ ಡಾಕಿಂಗ್ ಚಾರ್ಜಿಂಗ್ ಹಬ್, ಫಾಸ್ಟ್ ಚಾರ್ಜರ್ ಮತ್ತು ಎಲ್‌ಇಡಿ ಲ್ಯಾಂಪ್ ಫೀಚರ್ಸ್ ಹೊತ್ತು ಬಂದಿದೆ.

5 ಸಾಧನಗಳನ್ನು ಒಂದೇ ಬಾರಿಗೆ ಚಾರ್ಜ್ ಮಾಡಬಹುದಾದ ಸಾಮರ್ಥವನ್ನು ಹೊಂದಿರುವ ಈ ಡಾಕಿಂಗ್ ಚಾರ್ಜಿಂಗ್ ಹಬ್ಗೆ 'ZEB-5CSLU3' ಎಂದು ಹೆಸರಿಡಲಾಗಿದ್ದು, ಮನೆಯ ಗೋಡೆಗಳ ಮೇಲೆ ಅನೇಕ ವೈರ್‌ಗಳಲ್ಲಿ ಮೊಬೈಲ್‌ಗಳನ್ನು ತೂಗುಹಾಕುವ ಸಮಸ್ಯೆ ಡಾಕಿಂಗ್ ಚಾರ್ಜಿಂಗ್ ನಿವಾರಿಸಲಿದೆ ಮತ್ತು ಬೆಳಕಿನ ಲ್ಯಾಂಪ್ ಆಗಿರಲಿದೆ ಎಂದು 'ಜೆಬ್ರಾನಿಕ್ಸ್' ಕಂಪೆನಿ ತಿಳಿಸಿದೆ.

ನಿಮ್ಮ ಫೋನ್ ಅಥವಾ ಟ್ಯಾಬ್ಲೆಟ್ ಅನ್ನು ಈ 5 ಪೋರ್ಟ್ ಡಾಕಿಂಗ್ ಹಬ್‌ನಲ್ಲಿ ಹಾಕಿ ಫಾಸ್ಟ್ ಚಾರ್ಜ್ ವೈಶಿಷ್ಟ್ಯವನ್ನು ಹೊಂದಿದೆಯೆ ಎಂದು ನೋಡಬಹುದಾಗಿದೆ. ಫಾಸ್ಟ್ ಚಾರ್ಜ್ ವೈಶಿಷ್ಟ್ಯ ಹೆಚ್ಚು ಬಹು ಕಾರ್ಯದೊಂದಿಗೆ ಲಭ್ಯವಿದ್ದು ಮತ್ತು ಯಾವಾಗಲೂ ಬ್ಯಾಟರಿ ಉಳಿತಾಯ ಬಯಸುವವರಿಗೆ ಈ 5 ಪೋರ್ಟ್ ಚಾರ್ಜಿಂಗ್ ಹಬ್ ವರದಾನವಾಗಿದೆ.

ಆಲ್ ಇನ್ ಒನ್ ಮೊಬೈಲ್ ಮತ್ತು ಟ್ಯಾಬ್ಲೆಟ್ ಹೋಲ್ಡರ್ ಆಗಿರುವ ಈ ಜೆಬ್ರಾನಿಕ್ಸ್ "ZEB-5SLCU3' ಚಾರ್ಜಿಂಗ್ ಡಾಕ್, 5 ಯುಎಸ್‌ಬಿ ಪೋರ್ಟ್‌ಗಳನ್ನು ಹೊಂದಿರುವುದರ ಜೊತೆಗೆ ಫಾಸ್ಟ್ ಚಾರ್ಜಿಂಗ್ಗೆ ಸ್ಮಾರ್ಟ್ ಆದ ಐಸಿಯೊಂದಿಗೆ ಲಭ್ಯವಿದೆ. "ZEB-5SLCU3' ಚಾರ್ಜಿಂಗ್ ಡಾಕಿಂಗ್ ಸ್ಟೇಷನ್ ಒಟ್ಟು ಗರಿಷ್ಟ ಔಟ್ ಪುಟ್ 6A ಆಗಿದೆ ಎಂದು ಜೆಬ್ರಾನಿಕ್ಸ್ ಕಂಪೆನಿ ತಿಳಿಸಿದೆ.

ಉತ್ತಮ ವಿನ್ಯಾಸದೊಂದಿಗೆ ಅತ್ಯುತ್ತಮ ಸಾಮರ್ಥ್ಯವನ್ನು ಹೊಂದಿರುವ ಈ 5 ಪೋರ್ಟ್ ಚಾರ್ಜಿಂಗ್ ಡಾಕ್ ಯಾವಾಗಲೂ ಉತ್ತಮ ಸಾಮರ್ಥ್ಯ ನೀಡಲಿದೆ. ಎಲ್‌ಇಡಿ ಲೈಟ್ಗಳನ್ನು ಪ್ರತ್ಯೇಕಿಸಬಹುದಾದ ಬ್ಯಾಫಲ್ನೊಂದಿಗೆ ಲಭ್ಯವಿರುವ ಈ ಚಾರ್ಜಿಂಗ್ ಸ್ಟೇಷನ್ ಬೆಲೆ 3,495 ರೂ.ಗಳಾಗಿದ್ದು, ದೇಶದ ಎಲ್ಲಾ ಪ್ರಮುಖ ಮಳಿಗೆಗಳಲ್ಲಿ ಲಭ್ಯವಿದೆ ಎಂದು ಜೆಬ್ರಾನಿಕ್ಸ್ ತಿಳಿಸಿದೆ.