ನೀರಲ್ಲಿ ಮೊಬೈಲ್‌ ಬಿದ್ರೇ ಏನ್ ಮಾಡ್ತಿರಿ..? ಈ ತಂತ್ರಗಳನ್ನು ಅನುಸರಿಸಿ..!

ಕಂಪನಿಗೆ ನೀರಿನಲ್ಲಿ ಸ್ಮಾರ್ಟ್‌ಫೋನ್‌ ಬಿದ್ದಿರುವ ಬಗ್ಗೆ ಸುಳ್ಳು ಹೇಳಬೇಡಿ

ಸ್ಮಾರ್ಟ್‌ಫೋನ್‌ಗೆ ವಾರಂಟಿ ಇರುತ್ತದೆ. ಆದರೆ, ನಿಮ್ಮ ಕಂಪನಿ ಆಕಸ್ಮಿಕ ಘಟನೆಗಳಿಂದ ವಾರಂಟಿ ಸೇರಿಸದೆ ಹೋದರೆ ವಾರಂಟಿ ಸಿಗುವುದಿಲ್ಲ. ಅದಕ್ಕಾಗಿ ನಿಮ್ಮ ಒಪ್ಪಂದದ ಎಲ್ಲ ಷರತ್ತುಗಳನ್ನು ಓದಿದ್ದೀರಿ ಎಂದು ಖಚಿತಪಡಿಸಿಕೊಳ್ಳಿ. ಮರುಪಾವತಿ ಪಡೆಯಲು ಕೆಲವೊಮ್ಮೆ ಕೆಲವು ಷರತ್ತುಗಳನ್ನು ನೀವು ಅನುಸರಿಸಬೇಕಾಗುತ್ತದೆ. ಅದಲ್ಲದೇ ಇಮ್ಮರ್ಷನ್ ಘಟನೆಯನ್ನು ನಿರಾಕರಿಸಬೇಡಿ. ಏಕೆಂದರೆ ಸ್ಮಾರ್ಟ್‌ಫೋನ್‌ಗಳು ಇಮ್ಮರ್ಷನ್ ಸೆನ್ಸಾರ್ ಹೊಂದಿದ್ದು, ಅವು ದ್ರವಗಳೊಂದಿಗೆ ಸಂಪರ್ಕಕ್ಕೆ ಬಂದಾಗ ಬಣ್ಣ ಬದಲಾಯಿಸುತ್ತವೆ.

ಕೂದಲಿನ ಡ್ರೈಯರ್‌ನಿಂದ ಫೋನ್ ಒಣಗಿಸಬೇಡಿ

ಕೂದಲಿನ ಡ್ರೈಯರ್ ಉಷ್ಣಾಂಶ ತುಂಬಾ ಬಿಸಿಯಾಗಿರುತ್ತದೆ. ಇದರಿಂದ ಸ್ಮಾರ್ಟ್‌ಫೋನ್‌ನಲ್ಲಿರುವ ದುರ್ಬಲ ಅಥವಾ ಮೆದು ಎಲೆಕ್ಟ್ರಾನಿಕ್ ಘಟಕಗಳಿಗೆ ಹಾನಿಯಾಗುತ್ತದೆ. ಅಲ್ಲದೆ, ನಿಮ್ಮ ಸ್ಮಾರ್ಟ್‌ಫೋನ್‌ನ್ನು ಬಿಸಿ ಒವನ್ ಅಥವಾ ರೇಡಿಯೇಟರ್‌ನಲ್ಲಿ ಇಡಬೇಡಿ.

ಚಾರ್ಜರ್, ಯುಎಸ್‌ಬಿ, ಹೆಡ್‌ಫೋನ್ ಪ್ಲಗ್ ಮಾಡಬೇಡಿ

ಸ್ಮಾರ್ಟ್‌ಫೋನ್ ನೀರಿನಿಂದ ಹಾನಿಗೊಳಗಾದಾಗ ಮೊಬೈಲ್‌ನನ್ನು ಚಾರ್ಜ್‌ಗೆ ಹಾಕಬೇಡಿ. ಏಕೆಂದರೆ ಅದು ಶಾರ್ಟ್ ಸರ್ಕ್ಯೂಟ್‌ಗೆ ಕಾರಣವಾಗುತ್ತದೆ. ಮತ್ತು ಮೊಬೈಲ್‌ನ್ನು ಇನ್ನಷ್ಟು ಹಾನಿಗೊಳಿಸುತ್ತದೆ. ಇದಲ್ಲದೇ ಯುಎಸ್‌ಬಿ, ಹೆಡ್‌ಪೋನ್ ಸಹ ಕನೆಕ್ಟ್ ಮಾಡಬೇಡಿ. ಇದರಿಂದ ನೀರಿನ ಹನಿಗಳು ಇನ್ನು ಒಳಹೋಗುವ ಸಂಭವವೇ ಹೆಚ್ಚು.

ತಕ್ಷಣ ಸ್ವಿಚ್ ಆಫ್ ಮಾಡಿ

ಸ್ಮಾರ್ಟ್‌ಫೋನ್‌ ನೀರಿನಲ್ಲಿ ಬಿದ್ದ ತಕ್ಷಣ ಸ್ವಿಚ್ ಆಫ್ ಮಾಡುವುದು ಉತ್ತಮ ಆಯ್ಕೆ. ನೀರಿನಲ್ಲಿ ಬಿದ್ದ ಸ್ಮಾರ್ಟ್‌ಫೋನ್‌ನ್ನು ತಕ್ಷಣ ಬಳಸುವುದು ಅಪಾಯಕಾರಿ. ಅದಲ್ಲದೇ ಇದು ನಿಮ್ಮ ಸ್ಮಾರ್ಟ್‌ಫೋನ್‌ ಅಥವಾ ಮೊಬೈಲ್‌ಗೆ ಇನ್ನಷ್ಟು ಹಾನಿ ಮಾಡಿ, ನಿಮ್ಮ ಸ್ಮಾರ್ಟ್‌ಫೋನ್ ಕಾರ್ಯನಿರ್ವಹಣೆಯನ್ನು ನಿಲ್ಲಿಸಬಹುದು.

ಅಲುಗಾಡಿಸಿ ಮತ್ತು ಒಣಗಿಸಿ

ಸ್ವಿಚ್‌ ಆಫ್ ಮಾಡಿದ ನಂತರ ಒಣ ಬಟ್ಟೆ ತೆಗೆದುಕೊಂಡು ಸಂಪೂರ್ಣವಾಗಿ ಒರೆಸಿ. ನಂತರ, ಸಾಧ್ಯವಾದಷ್ಟು ಹೆಚ್ಚು ತೇವಾಂಶ ಹೀರಿಕೊಳ್ಳುವ ಕಾಗದದ ಉತ್ಪನ್ನಗಳಲ್ಲಿ ಅಥವಾ ಟವೆಲ್‌ನಲ್ಲಿ ಸ್ಮಾರ್ಟ್‌ಫೋನ್ ಕಟ್ಟಿ ಇಡಿ. ಹೆಡ್‌ಫೋನ್, ಕೇಬಲ್‌ಗಳನ್ನು ಅನ್‌ಪ್ಲಗ್ ಮಾಡಿ ಮತ್ತು SIM ಕಾರ್ಡ್, ಮೆಮೊರಿ ಕಾರ್ಡ್‌ಗಳನ್ನು ತೆಗೆದುಹಾಕಿ. ನಂತರ, ಸ್ಮಾರ್ಟ್‌ಫೋನ್ ಅಲುಗಾಡಿಸಿ ಇದರಿಂದ ಒಳ ಇರುವ ನೀರು ಹೊರಬರಲು ಸಹಾಯವಾಗುತ್ತದೆ.

ಸ್ಮಾರ್ಟ್‌ಫೋನ್‌ನ್ನು ಅಕ್ಕಿಯಲ್ಲಿ ಇಡಿ

ತೇವಾಂಶ ಹೀರಿಕೊಳ್ಳುವ ಸಲುವಾಗಿ ಅಕ್ಕಿ ಚೀಲದಲ್ಲಿ ಅಥವಾ ಗಾಳಿ ಬೀಸುವ ಪೆಟ್ಟಿಗೆಯಲ್ಲಿ ಮೊಬೈಲ್ ಇಡುವುದು ಉತ್ತಮ ಪರಿಹಾರ. ಇದರಿಂದ ಬೇಗ ನಿಮ್ಮ ಫೋನ್ ಮೊದಲಿನಂತೆ ಆಗುತ್ತದೆ. ಅಕ್ಕಿ ಪರ್ಯಾಯ ಪರಿಹಾರವಾಗುತ್ತದೆ, ಏಕೆಂದರೆ ಧಾನ್ಯಗಳು ತೇವಾಂಶ ಹೀರಿಕೊಳ್ಳುತ್ತವೆ. ಆದರೂ, ಅಕ್ಕಿಯಲ್ಲಿರುವ ಧೂಳು ಮೊಬೈಲ್ ಸೇರದಂತೆ ನೋಡಿಕೊಳ್ಳಿ. ಕನಿಷ್ಠ 24 ರಿಂದ 48 ಗಂಟೆ ಅಕ್ಕಿಯಲ್ಲಿಯೇ ಮೊಬೈಲ್ ಇದ್ದರೆ ಒಳಿತು.

ಸೂರ್ಯನ ಬೆಳಕಿನಲ್ಲಿಯೂ ಸ್ಮಾರ್ಟ್‌ಫೋನ್‌ನ್ನು ಒಣಗಲು ಇಡಬಹುದು

ಸ್ಮಾರ್ಟ್‌ಫೋನ್ ಒಣಗಿಸಲು ಬ್ಯಾಕ್ ಪ್ಯಾನೆಲ್ ತೆಗೆದು ನೇರವಾಗಿ ಸೂರ್ಯನ ಬೆಳಕಿನಲ್ಲಿ ಇರಿಸಬಹುದು. ಈ ಪ್ರಯತ್ನ ಹ್ಯಾಂಡ್‌ಸೆಟ್‌ನ್ನು ಸಂಪೂರ್ಣವಾಗಿ ಒಣಗಿಸಲು ಸಹಾಯ ಮಾಡುತ್ತದೆ.

ಶೀಘ್ರದಲ್ಲಿಯೇ ಎಲ್ಲಾ ಡೇಟಾ ಬ್ಯಾಕ್ ಅಪ್ ಮಾಡಿ

ಇಮ್ಮರ್ಶನ್ನಲ್ಲಿ ದ್ರವ ಅಥವಾ ನೀರು ಹೋದರೆ ಸ್ಮಾರ್ಟ್‌ಫೋನ್‌ಗಳಿಗೆ ಹಾನಿಯುಂಟಾಗುತ್ತದೆ. ಆದರೆ, ಕೆಲವು ಅದೃಷ್ಟವಶಾತ್ ಸಂದರ್ಭಗಳಲ್ಲಿ ಸಾಧನವು ಸಾಮಾನ್ಯ ಸ್ಥಿತಿಗೆ ಮರಳುತ್ತದೆ ಮತ್ತು ಶಕ್ತಿ ಹೆಚ್ಚಿಸುತ್ತದೆ. ಆದ್ದರಿಂದ ಆ ಸಂದರ್ಭದಲ್ಲಿ ನೀವು ಮಾಡಬೇಕಾದ ಮೊದಲ ಕೆಲಸ ಡೇಟಾ ಬ್ಯಾಕ್ ಅಪ್ ಮಾಡಿಕೊಳ್ಳುವುದು. ಏಕೆಂದರೆ ಯಾವಾಗ ಸ್ಮಾರ್ಟ್‌ಫೋನ್ ಕೈಕೊಡುತ್ತೋ ಗೊತ್ತಿಲ್ಲ.

ನೀವು ತಿಳಿದಿರಲೇಬೇಕಾದ 13 ಗೂಗಲ್ ಮ್ಯಾಪ್ಸ್‌ ಟ್ರಿಕ್ಸ್‌..!

ದೊಡ್ಡ ನಗರಗಳಲ್ಲಿ ನಮಗೆಲ್ಲಾ ದಾರಿ ತೋರಿಸುವ ಏಕೈಕ ಮಾರ್ಗದರ್ಶಿ ಎಂದರೆ ಗೂಗಲ್ ಮ್ಯಾಪ್ಸ್‌. ಆಡು ಮುಟ್ಟದ ಸೊಪ್ಪಿಲ್ಲ ಎಂಬಂತೆ ಗೂಗಲ್ ಮ್ಯಾಪ್ಸ್‌ ಆಪ್ ಇರದ ಆಂಡ್ರಾಯ್ಡ್‌ ಸ್ಮಾರ್ಟ್‌ಪೋನ್ ಇಲ್ಲ. ಅಷ್ಟರ ಮಟ್ಟಿಗೆ ನಮ್ಮೊಂದಿಗೆ ಗೂಗಲ್ ಮ್ಯಾಪ್ ಬೆರೆತು ಹೋಗಿದೆ. ಇದನ್ನು ಅರಿತಿರುವ ಗೂಗಲ್ ತನ್ನ ಆಪ್‌ನಲ್ಲಿ ದಿನಕ್ಕೊಂದು ಅಪ್‌ಡೇಟ್ ಮಾಡ್ತಾ ಇದೆ.

ಹೌದು, ಗೂಗಲ್ ಮ್ಯಾಪ್ಸ್‌ ಆಪ್ ಕೇವಲ ದಾರಿ ತೋರಿಸುವುದಕ್ಕೆ ಮಾತ್ರ ಬಳಸುವ ಆಪ್ ಅಲ್ಲ. ದಾರಿ ತೋರಿಸುವುದಲ್ಲದೇ ಅನೇಕ ಫೀಚರ್ಸ್‌ಗಳಿಂದ ಗೂಗಲ್‌ ಮ್ಯಾಪ್ ಜನರನ್ನು ಆಕರ್ಷಿಸುತ್ತದೆ. ಆದರೆ, ಮಾಹಿತಿಯ ಕೊರತೆಯಿಂದ ಹೊಸ ಫೀಚರ್ಸ್‌ಗಳನ್ನು ನಾವೆಲ್ಲಾ ಬಳಕೆ ಮಾಡೋದೆ ಇಲ್ಲ. ಅಂತಹ ನಿಮ್ಮ ಜೀವನವನ್ನು ಇನ್ನು ಸರಳಗೊಳಿಸುವ ಫೀಚರ್ಸ್‌ಗಳನ್ನು ಇಲ್ಲಿ ಪಟ್ಟಿ ಮಾಡಿದ್ದೇವೆ.

1. ಪಾರ್ಕಿಂಗ್ ಸ್ಥಳವನ್ನು ಉಳಿಸಿ

ನಿಮಗೆ ಪಾರ್ಕಿಂಗ್ ಸ್ಥಲ ಮರೆಯುವ ಅಭ್ಯಾಸ ಇದ್ದರೆ ಇನ್ಮುಂದೆ ಚಿಂತಿಸುವ ಅಗತ್ಯವಿಲ್ಲ. ಯಾಕೆಂದರೆ ಗೂಗಲ್ ಮ್ಯಾಪ್ ಬಳಸಿಕೊಂಡು ನಿಮ್ಮ ಪಾರ್ಕಿಂಗ್ ಸ್ಥಳವನ್ನು ಪಿನ್ ಮಾಡಿದರೆ ಸಾಕು. ಗೂಗಲ್ ಮ್ಯಾಪ್ ಲೋಕೆಷನ್ ಸೆಟ್ಟಿಂಗ್ಸ್‌ ಆಧಾರದಲ್ಲಿ ಪಾರ್ಕಿಂಗ್ ಲೋಕೆಷನ್‌ನ್ನು ಗುರುತಿಸುತ್ತದೆ. ವಾಹನವನ್ನು ನಿಲ್ಲಿಸಿದ ನಂತರ ನೀಲಿ ಚುಕ್ಕೆಯ ಮೇಲೆ ಟ್ಯಾಪ್ ಮಾಡಿ ಸೇವ್ ಯುವರ್ ಪಾರ್ಕಿಂಗ್ ಆಯ್ಕೆಯನ್ನು ಆಯ್ದುಕೊಳ್ಳಿ. ಅದಲ್ಲದೇ ಗೂಗಲ್ ಅಸಿಸ್ಟಂಟ್‌ಗೂ ಪಾರ್ಕಿಂಗ್ ಲೋಕೆಷನ್ ಉಳಿಸಲು ಹೇಳುವ ಆಯ್ಕೆ ನೀಡಲಾಗಿದೆ.

2. ಅನೇಕ ಸ್ಥಳಗಳಿಗೆ ಹೋಗುವ ಆಯ್ಕೆ ಪಡೆಯಿರಿ

ನೀವು ಆಫೀಸ್‌ಗೆ ಹೋಗುವಾಗ ನಿಮ್ಮ ಮಗುವನ್ನು ಶಾಲೆಗೆ ಡ್ರಾಪ್ ಮಾಡಬೇಕಾಗಿರುತ್ತದೆ. ಆಗ ನೀವು ಅನೇಕ ಸ್ಥಳಗಳನ್ನು ಸೇರಿಸಿ ಪ್ರಯಾಣವನ್ನು ಒಂದೇ ಬಾರಿಗೆ ಆರಂಭಿಸಬಹುದಾಗಿದೆ. ಈ ಫೀಚರ್ ಬಳಸಲು ಎ ಯಿಂದ ಬಿ ವರೆಗೆ ಡೈರೆಕ್ಷನ್ ನಿಗದಿಪಡಿಸಿ, ನಂತರ ಬಲ ಭಾಗದಲ್ಲಿ ಮೇಲೆ ಇರುವ 3 ಚುಕ್ಕೆಯ ಚಿಹ್ನೆಯನ್ನು ಆಯ್ಕೆ ಮಾಡಿಕೊಂಡು ಅನೇಕ ಸ್ಥಳಗಳನ್ನು ಸೇರಿಸಬಹುದು.

3. ನಿಮ್ಮದೇ ಆದ ಗೂಗಲ್ ಮ್ಯಾಪ್ ತಯಾರಿಸಿ

ನಿಮ್ಮ ಪ್ರಯಾಣದ ಪ್ಲಾನ್‌ನ್ನು ಸ್ನೇಹಿತರಿಗೆ ಮತ್ತು ಕುಟುಂಬಕ್ಕೆ ಹಂಚಿಕೊಳ್ಳುವಾಗ ಈ ಫೀಚರ್ ಬಹಳಷ್ಟು ಉಪಯುಕ್ತವಾಗುತ್ತದೆ. ನಿಮ್ಮದೇ ಆದ ಮ್ಯಾಪ್ ಸಿದ್ಧಪಡಿಸಿಕೊಂಡು ಅದರಲ್ಲಿ ಬೇಕಾಗುವ ಮಾಹಿತಿ, ಆಸಕ್ತಿ, ಡೈರೆಕ್ಷನ್, ಮಾರ್ಗಗಳನ್ನು ಸೇರಿಸಬಹುದಾಗಿದೆ. ನಿಮ್ಮದೇ ಆದ ಗೂಗಲ್ ಮ್ಯಾಪ್ ತಯಾರಿಸಿಕೊಳ್ಳಲು ಗೂಗಲ್ ಅಕೌಂಟ್‌ಗೆ ಸೈನ್ ಇನ್ ಆಗಬೇಕು. ಅಲ್ಲೊಂದು ಟ್ಯುಟೋರಿಯಲ್ ಬರುತ್ತದೆ. ಅದನ್ನು ನೋಡಿಕೊಂಡು ನಿಮ್ಮದೇ ಮ್ಯಾಪ್ ತಯಾರಿಸಿಕೊಳ್ಳಿ.

4. ಚಾಲನೆ ಮಾಡುವಾಗ ವಾಯ್ಸ್‌ ಕಮಾಂಡ್ ಬಳಸಿ

ಚಾಲನೆ ಮಾಡುವಾಗ ವಾಯ್ಸ್‌ ಕಮಾಂಡ್ ಬಳಸುವ ಆಯ್ಕೆ ನಿಮಗೆ ಭದ್ರತೆಯನ್ನು ನೀಡುತ್ತದೆ. ಇಲ್ಲಿ ಬಹಳಷ್ಟು ವಾಯ್ಸ್‌ ಕಮಾಂಡ್ ಆಯ್ಕೆಯೊಂದಿಗೆ ಗೂಗಲ್ ಮ್ಯಾಪ್ಸ್‌ ಬಳಸಬಹುದಾಗಿದೆ. ನೀವು ಸುಲಭವಾಗಿ ಮೈಕ್ರೊಪೋನ್ ಐಕಾನ್ ಮೇಲೆ ಕ್ಲಿಕ್ ಮಾಡಿ ಕಮಾಂಡ್ ಹೇಳಬಹುದು.

5. ನಿಮ್ಮ ಇಷ್ಟದ ಸ್ಥಳಗಳನ್ನು ಗುರುತಿಸಿ

ನೀವು ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಸ್ಥಳಗಳನ್ನು ಗುರುತಿಸಿಟ್ಟುಕೊಳ್ಳಬಹುದು. ನಿಮ್ಮ ಫ್ರೇಂಡ್ ಹೋಮ್, ರೆಸ್ಟೋರೆಂಟ್ ಮುಂತಾದ ಸ್ಥಳಗಳನ್ನು ಗೂಗಲ್ ಮ್ಯಾಪ್‌ನಲ್ಲಿ ಲೇಬಲ್ ಮಾಡಿ ಇಟ್ಟುಕೊಳ್ಳಬಹುದು. ಇದು ಪ್ರತಿ ಬಾರಿ ವಿವರವಾದ ವಿಳಾಸವನ್ನು ಟೈಪ್ ಮಾಡುವುದನ್ನು ತಪ್ಪಿಸುತ್ತದೆ. ಲೋಕೆಷನ್ ಸರ್ಚ್‌ನಲ್ಲಿ ಅಡ್ರೆಸ್ ಹಾಕುವ ಮೂಲಕ ಅಥವಾ ಸ್ಕ್ರೀನ್ ಮೇಲೆ ಲಾಂಗ್ ಪ್ರೆಸ್ ಮಾಡುವ ಮೂಲಕ ಮ್ಯಾಪ್‌ನಲ್ಲಿ ಪಿನ್ ಮಾಡಬಹುದಾಗಿದೆ.

6. ಆಫ್‌ಲೈನ್ ಮ್ಯಾಪ್ಸ್‌

ಗೂಗಲ್ ಮ್ಯಾಪ್‌ನಿಂದ ಮತ್ತೊಂದು ಉಪಯೋಗವೆನೆಂದರೆ ನೀವು ಮ್ಯಾಪ್‌ನ ಒಂದು ಭಾಗವನ್ನು ಡೌನ್‌ಲೋಡ್ ಮಾಡಬಹುದಾಗಿದೆ. ಇದರ ಮೂಲಕ ನಿಮ್ಮ ಹಳೆಯ ಸ್ಮಾರ್ಟ್‌ಪೋನ್ ಅನ್ನು ಜಿಪಿಎಸ್‌ ಡಿವೈಸ್ ಆಗಿ ಬೈಕ್ ಮತ್ತು ಕಾರ್‌ಗಳಲ್ಲಿ ಬಳಸಬಹುದು. ಆಫ್‌ಲೈನ್ ಮ್ಯಾಪ್ಸ್‌ ಆಯ್ಕೆಯಲ್ಲಿ ಆಪ್ ಹಾರಿಜಂಟಲ್ ಸೆಲೆಕ್ಷನ್ ಟೂಲ್ ನೀಡುತ್ತದೆ ಮತ್ತು ಎಷ್ಟು ಸ್ಥಳಾವಕಾಶ ಬೇಕು ಎಂಬುದನ್ನು ಕೇಳುತ್ತದೆ. ವೈ-ಫೈ ಸಂಪರ್ಕವಾದಾಗ ಸ್ವಯಂಚಾಲಿತವಾಗಿ ಡೌನ್‌ಲೋಡ್ ಮಾಡಿರುವ ಮ್ಯಾಪ್ ಅಪ್‌ಡೇಟ್‌ ಆಗುತ್ತದೆ.

7. ನಿಮ್ಮ ಡಿಫಾಲ್ಟ್‌ ವಿಳಾಸ ಉಳಿಸಿ

ನೀವು ಆಫ್‌ಲೈನ್ ಮ್ಯಾಪ್ ಡೌನ್‌ಲೋಡ್ ಮಾಡಿದ ನಂತರ ನಿಮ್ಮ ಮನೆ ಮತ್ತು ಕಚೇರಿ ವಿಳಾಸವನ್ನು ಡಿಫಾಲ್ಟ್‌ ಆಗಿ ಸೇರಿಸಿ ಉಪಯೋಗ ಮಾಡಬಹುದು. ಇದರಿಂದ ನ್ಯಾವೆಗೇಷನ್ ಬೇಗ ಆರಂಭವಾಗುತ್ತದೆ. ಮತ್ತು ನೀವು ಕಚೇರಿಯಲ್ಲಿ ಕೆಲಸ ಮಾಡುತ್ತಿರುವಾಗ ನೀವು ಹೋಗುವ ಮಾರ್ಗದ ಟ್ರಾಫಿಕ್ ಸೂಚನೆಯನ್ನು ತಿಳಿಸುತ್ತದೆ.

8. ನಿಮ್ಮ ಲೋಕೆಷನ್ ಹಂಚಿಕೊಳ್ಳಿ

ನಿಮ್ಮ ಸ್ನೇಹಿತರು ನಿಮ್ಮ ಸ್ಥಳವನ್ನು ಹುಡುಕುವುದಕ್ಕೆ ಬಹಳಷ್ಟು ಸಲ ಪ್ರಯಾಸ ಪಡುತ್ತಾರೆ. ಅದಕ್ಕೋಸ್ಕರ ಗೂಗಲ್ ಲೋಕೆಷನ್ ಶೇರಿಂಗ್ ಫೀಚರ್ ಪರಿಚಯಿಸಿದ್ದು, ಇದು ರಿಯಲ್ ಟೈಮ್ ಲೋಕೆಷನ್‌ನ್ನು ನಿಗದಿತ ಅವಧಿಯಲ್ಲಿ ಗೂಗಲ್ ಮ್ಯಾಪ್ ಮೂಲಕ ಶೇರ್ ಮಾಡಬಹುದಾಗಿದೆ. ಈ ಫೀಚರ್ ಸ್ನೇಹಿತರಿಗೆ ನಾನಿಲ್ಲೇ ಇದ್ದಿನಿ ಎಂದು ಹೇಳುವುದಕ್ಕೆ ಬಹಳಷ್ಟು ಉಪಯುಕ್ತವಾಗುತ್ತದೆ.

9. ನಿಮಗೆ ಹತ್ತಿರವಾದ ಸ್ಥಳ ಮತ್ತು ವ್ಯಾಪಾರ

ನಿಮ್ಮ ಮನೆ ಅಡುಗೆ ಮನೆಯಲ್ಲಿ ಸಾಮಗ್ರಿ ಇರುವುದಿಲ್ಲ. ಆಗ ಮನೆಗ್ಯಾರೋ ಹತ್ತಿರದ ಸಂಬಂಧಿ ಬರುತ್ತೇನೆ ಎಂದು ತಿಳಿಸುತ್ತಾರೆ. ಆಗ ನೀವೇನಾದ್ರೂ ತರಲು ಹೊರಹೋಗುತ್ತಿರಿ, ನಿಮ್ಮ ಬೈಕ್‌ನಲ್ಲಿ ಪೆಟ್ರೋಲ್ ಖಾಲಿಯಾಗಿ ದಾರಿ ಮಧ್ಯದಲ್ಲಿ ನಿಲ್ಲುತ್ತದೆ. ಆಗ ನಿಮ್ಮತ್ರ ಗೂಗಲ್ ಮ್ಯಾಪ್ ಇದ್ರೇ ನಿಮ್ಮ ಸಮಸ್ಯೆಗಳಿಗೆಲ್ಲಾ ಪರಿಹಾರ ಸಿಗುತ್ತದೆ. ಹತ್ತಿರದಲ್ಲಿ ಸಿಗುವ ಪ್ರಮುಖ ಸ್ಥಳ ಮತ್ತು ವ್ಯಾಪಾರಗಳನ್ನು ಗೂಗಲ್ ಮ್ಯಾಪ್ ತಿಳಿಸುತ್ತದೆ.

10. ಒಂದೇ ಕೈಯಲ್ಲಿ ಜೂಮ್ ಮಾಡಬಹುದು

ನ್ಯಾವಿಗೇಟ್ ಆಗುತ್ತಿರುವಾಗ ಮ್ಯಾಪ್‌ನಲ್ಲಿ ಜೂಮ್ ಮಾಡುವುಸು ಪ್ರಯಾಸದ ಕೆಲಸವಾಗಿತ್ತು. ಡಬಲ್ ಟ್ಯಾಪ್ ಮಾಡಿ ಜೂಮ್ ಮಾಡಬೇಕಾಗಿತ್ತು. ಮತ್ತು ನಿಮ್ಮ ಬೆರಳುಗಳು ಸ್ಕ್ರೀನ್ ಮೇಲೆ ಇರುವಂತೆ ಜಾಗೃತಿವಹಿಸಬೇಕಾಗಿತ್ತು. ಆದರೆ, ಈಗ ಮ್ಯಾನುವಲ್ ಆಗಿ ಜೂಮ್ ಇನ್ ಮತ್ತು ಜೂಮ್ ಔಟ್ ಮಾಡಬಹುದು.

11. ಬಸ್ ಮತ್ತು ರೈಲ್ವೇ ಸಮಯ ನೋಡಿ

ಭಾರತದಲ್ಲಿ ಗೂಗಲ್ ಮ್ಯಾಪ್ಸ್‌ ನಿಮ್ಮ ನಗರದಲ್ಲಿ ಕಾರ್ಯನಿರ್ವಹಿಸುವ ಬಸ್ ಮತ್ತು ರೈಲ್ವೇ ಸಮಯಗಳನ್ನು ತಿಳಿಸುತ್ತದೆ. ನೀವು ಹೋಗುವ ಮಾರ್ಗದಲ್ಲಿ ಸಾರ್ವಜನಿಕ ಸಾರಿಗೆಯನ್ನು ತೋರಿಸುವ ಆಯ್ಕೆ ನೀಡಿದರೆ ಸಾಕು. ಬಸ್ ಮಾರ್ಗದಲ್ಲಿ ಯಾವ ನಂಬರ್ ಬಸ್ ಎಲ್ಲಿಗೋಗುತ್ತೇ, ಎಷ್ಟು ನಿಲುಗಡೆ ಇವೆ ಎಂಬುದನ್ನು ತಿಳಿಸುತ್ತದೆ.

12. ನಿಮ್ಮ ಚಲನೆಯನ್ನು ಟ್ರಾಕ್ ಮಾಡಿ

ಹಿಂದೆ ನೀವ್ಯಾವುದೋ ಸ್ಥಳಕ್ಕೆ ಭೇಟಿ ನೀಡಿರುತ್ತಿರಿ. ಆದರೆ, ಆ ಸ್ಥಳದ ನೆನಪು ನಿಮಗೆ ಇರುವುದಿಲ್ಲ.ಚಿಂತೆ ಮಾಡಬೇಡಿ ಗೂಗಲ್ ಮ್ಯಾಪ್ ನಿಮ್ಮ ಪ್ರತಿದಿನದ ಚಲನೆಯನ್ನು ಹಿಸ್ಟರಿಯಲ್ಲಿ ಟ್ರಾಕ್ ಮಾಡಿಟ್ಟಿರುತ್ತೇ. ನೀವು ಟೈಮ್ ಲೈನ್ ಆಯ್ಕೆಯನ್ನು ಹೊಂದಿದ್ದು, ಅದರಲ್ಲಿ ನೀವು ಹೋದ ಮಾರ್ಗ, ನೀವು ಭೇಟಿ ನೀಡಿದ ಸ್ಥಳಗಳ ಬಗ್ಗೆ ಮಾಹಿತಿ ಹೊಂದಿರುತ್ತೆ.

13. ಸ್ಥಳೀಯ ಮಾರ್ಗದರ್ಶಕನಾಗಿ ಹಣ ಗಳಿಸಿ

ಗೂಗಲ್ ಮ್ಯಾಪ್‌ನಲ್ಲಿ ಗೂಗಲ್ ರಿವಾರ್ಡ್ಸ್ ಎಂಬ ಆಯ್ಕೆ ನೀಡಿದ್ದು, ಬಿಡುವಿಲ್ಲದ ಸಮಯದಲ್ಲಿಯೂ ಸರ್ವೇಗಳಿಗೆ ಪ್ರತಿಕ್ರಿಯೆ ನೀಡುತ್ತಾರೋ ಅವರಿಗೆ ಗೂಗಲ್ ಪಾವತಿಸುತ್ತದೆ. ಇದನ್ನೇ ಗೂಗಲ್ ಲೋಕಲ್ ಗೈಡ್ಸ್‌ ಎಂದು ಕರೆಯುತ್ತದೆ. ಈ ರಿವಾರ್ಡ್ ಪ್ರೋಗ್ರಾಂಗೆ ಸೈನ್ ಅಪ್ ಆಗಿ ನೀವಿರುವ ಸ್ಥಳದ ಕುರಿತು ಮಾಹಿತಿ ಸೇರಿಸಬೇಕು. ಅಂಗಡಿಗಳು, ರೆಸ್ಟೋರೆಂಟ್‌ಗಳು, ವ್ಯಾಪಾರದ ಬಗ್ಗೆ ಮಾಹಿತಿ ಮತ್ತು ಚಿತ್ರಗಳನ್ನು ಹಂಚಿಕೊಂಡು ಹಣ ಗಳಿಸಬಹುದು.