ನಿಮ್ಮ ಫೋನಿನಲ್ಲಿ ಯೂಟ್ಯೂಬ್ ಟಿವಿ ಸೈನ್‌-ಇನ್ ಮಾಡಲು ಹೀಗೆ ಮಾಡಿರಿ

ಟೆಕ್ ದೈತ್ಯ ಗೂಗಲ್ ಸಂಸ್ಥೆಯ ಇತ್ತೀಚೆಗೆ ಆಂಡ್ರಾಯ್ಡ್‌ ಟಿವಿ (Android TV) ಅಥವಾ ಗೂಗಲ್ ಟಿವಿ (Google TV) ಗಾಗಿ ಯೂಟ್ಯೂಬ್ (YouTube) ಅಪ್ಲಿಕೇಶನ್ ಅನ್ನು ಹೊಸ ಲಾಗಿನ್ ವಿಧಾನದೊಂದಿಗೆ ನವೀಕರಿಸಿದೆ. ಇದು ಬಳಕೆದಾರರಿಗೆ ಯೂಟ್ಯೂಬ್ ಟಿವಿ ಅಪ್ಲಿಕೇಶನ್‌ನೊಂದಿಗೆ ತಮ್ಮ ಖಾತೆಗಳನ್ನು ಲಿಂಕ್ ಮಾಡಲು ಸುಲಭವಾಗಿದೆ. ಅಪ್‌ಡೇಟ್ ಮಾಡಿರುವ ಭಾಗವಾಗಿ, ಎರಡೂ ಸಾಧನಗಳು ಒಂದೇ ವೈ-ಫೈ ನೆಟ್‌ವರ್ಕ್‌ಗೆ ಸಂಪರ್ಕಗೊಂಡಿರುವವರೆಗೆ ಬಳಕೆದಾರರು ತಮ್ಮ ಸ್ಮಾರ್ಟ್‌ಫೋನ್ ಬಳಸಿ ತಮ್ಮ ಯೂಟ್ಯೂಬ್ ಟಿವಿಗೆ ಲಾಗಿನ್ ಮಾಡಲು ಸಾಧ್ಯವಾಗುತ್ತದೆ.

ಈ ಮೊದಲು, ಬಳಕೆದಾರರು ಟಿವಿ ಮತ್ತು ರಿಮೋಟ್‌ನಲ್ಲಿ ವರ್ಚುವಲ್ ಕೀಬೋರ್ಡ್ ಬಳಸಿ ತಮ್ಮ ಪಾಸ್‌ವರ್ಡ್ ಅನ್ನು ಹಸ್ತಚಾಲಿತವಾಗಿ ನಮೂದಿಸಬೇಕಾಗಿತ್ತು, ಇದು ಬೇಸರದ ಪ್ರಕ್ರಿಯೆಯಾಗಿದೆ. ವಿಶೇಷವಾಗಿ ಇದು ದೀರ್ಘ ಗೂಗಲ್ ಖಾತೆಯ ಪಾಸ್‌ವರ್ಡ್ ಹೊಂದಿರುವ ಜನರಿಗೆ. ಇನ್ನು ನಿಮ್ಮ ಟಿವಿಯಲ್ಲಿ ಯೂಟ್ಯೂಬ್ ಗೆ ಸೈನ್ ಇನ್ ಮಾಡಲು ನಿಮ್ಮ ಸ್ಮಾರ್ಟ್‌ಫೋನ್ ಅನ್ನು ಹೇಗೆ ಬಳಸುವುದು ಎಂದು ಯೋಚಿಸುತ್ತಿದ್ದಾರಾ?..ಈ ಲೇಖನದಲ್ಲಿ ನೀಡಿರುವ ಸರಳ ಹಂತಗಳನ್ನು ಅನುಸರಿಸಿ.

ಪೂರ್ವ ಅವಶ್ಯಕತೆಗಳು:

ಒಂದೇ Wi-Fi ನೆಟ್‌ವರ್ಕ್‌ನೊಂದಿಗೆ ಟಿವಿ ಮತ್ತು ಸ್ಮಾರ್ಟ್‌ಫೋನ್ ಎರಡನ್ನೂ ಸಂಪರ್ಕಿಸಿ

ಟಿವಿಯಲ್ಲಿ YouTube ಗೆ ಲಾಗಿನ್ ಮಾಡಲು ಸ್ಮಾರ್ಟ್‌ಫೋನ್ ಬಳಸುವ ಹಂತಗಳು

ಹಂತ 1. ನಿಮ್ಮ ಟಿವಿಯಲ್ಲಿ ಯೂಟ್ಯೂಬ್ ಅಪ್ಲಿಕೇಶನ್ ತೆರೆಯಿರಿ ಮತ್ತು ಫೋನ್ ಮೂಲಕ ಸೈನ್ ಇನ್ ಆಯ್ಕೆಯನ್ನು ಕ್ಲಿಕ್ ಮಾಡಿ

ಹಂತ 2. ನಿಮ್ಮ ಸ್ಮಾರ್ಟ್‌ಫೋನ್ ಮತ್ತು ಟಿವಿಯಲ್ಲಿ ಅಪ್ಲಿಕೇಶನ್‌ನ ಇತ್ತೀಚಿನ ಆವೃತ್ತಿಯನ್ನು ಡೌನ್‌ಲೋಡ್ ಮಾಡಿ ಮತ್ತು ಸ್ಥಾಪಿಸಲು ಖಚಿತಪಡಿಸಿಕೊಳ್ಳಿ

ಹಂತ 3. ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಯೂಟ್ಯೂಬ್ ಅಪ್ಲಿಕೇಶನ್ ತೆರೆಯಲು ಅಪ್ಲಿಕೇಶನ್ ನಿಮ್ಮನ್ನು ಕೇಳುತ್ತದೆ

ಒಮ್ಮೆ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಅಪ್ಲಿಕೇಶನ್ ತೆರೆದರೆ, ಯೂಟ್ಯೂಬ್ ಟಿವಿ ಅಪ್ಲಿಕೇಶನ್ ಸ್ವಯಂಚಾಲಿತವಾಗಿ ಲಿಂಕ್ ಮಾಡಿದ ಖಾತೆಯನ್ನು ಪತ್ತೆ ಮಾಡುತ್ತದೆ ಮತ್ತು ಅದರೊಂದಿಗೆ ಲಾಗಿನ್ ಆಗುತ್ತದೆ. ಅಷ್ಟೇ, ನೀವು ಈಗ ನಿಮ್ಮ ಸ್ಮಾರ್ಟ್‌ಟಿವಿಯಲ್ಲಿ ನಿಮ್ಮ ಪ್ಲೇಪಟ್ಟಿ, ಉಳಿಸಿದ ವೀಡಿಯೊಗಳು, ಆದ್ಯತೆಗಳು ಮತ್ತು ಹೆಚ್ಚಿನದನ್ನು ಆನಂದಿಸಬಹುದು.