'ಗೂಗಲ್ ಲೆನ್ಸ್' ಆಪ್‌ನಿಂದ ಇಷ್ಟು ಉಪಯೋಗ ಅಂತ ಇವತ್ತೇ ಗೊತ್ತಾಗಿದ್ದು!!

ಏನಿದು ಗೂಗಲ್ ಲೆನ್ಸ್!

ನಿಮಗೆಲ್ಲಾ ಈಗಾಗಲೇ ಗೂಗಲ್ ಲೆನ್ಸ್ ಎಂದರೇನು ಎಂಬುದು ತಿಳಿದಿರಬಹುದು. ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನಕ್ಕೆ ಅತ್ಯುತ್ತಮ ಉದಾಹರಣೆಯಾಗಿರುವ ಗೂಗಲ್ ಲೆನ್ಸ್ ಒಮದು ಅಂತರದೃಷ್ಟಿ ಇದ್ದಂತೆ. ಈ ಗೂಗಲ್ ಲೆನ್ಸ್ ಮೂಲಕ ಯಾವುದಾದರೂ ವಸ್ತುವನ್ನು ನೋಡಿದರೆ ಅದರ ಬಗೆಗಿನ ಎಲ್ಲಾ ವಿವರಗಳನ್ನು ಈಗಲೇ ತಿಳಿಸಿಬಿಡುತ್ತದೆ.

ಹೇಗೆ ಬಳಸುವುದು ?

ಗೂಗಲ್ ಲೆನ್ಸ್ ಎಂಬುದು ಗೂಗಲ್ ಗಾಗಲ್ಸ್‌ನ (ಕನ್ನಡಕ ತಂತ್ರಜ್ಞಾನ) ಸುಧಾರಿತ ಆವೃತ್ತಿ. ಪ್ಲೇ ಸ್ಟೋರ್‌ನಿಂದ ಗೂಗಲ್ ಲೆನ್ಸ್ ಆಪ್ ಇನ್‌ಸ್ಟಾಲ್ ಮಾಡಿಕೊಂಡು, ಅದನ್ನು ಓಪನ್ ಮಾಡಿ, ಫೋನ್ ಕ್ಯಾಮೆರಾವನ್ನು ಯಾವುದಾದರೂ ಪಠ್ಯ ಅಥವಾ ವಸ್ತುವಿನ ಮುಂದೆ ಹಿಡಿದು ನೋಡಿದರಾಯಿತು. ನಿಮಗೆ ಬೇಕಾದ ಮಾಹಿತಿಗಳು ನಿಮ್ಮ ಬಳಿಇರುತ್ತವೆ.

ಏನೆಲ್ಲಾ ಮಾಡಬಹುದು ?

ಗೂಗಲ್ ಲೆನ್ಸ್ ಮೂಲಕ ಯಾವುದಾದರೂ ಒಂದು ವಸ್ತುವನ್ನು ಸ್ಕ್ಯಾನ್ ಮಾಡಿಸ್ಕ್ರೀನ್ ಮೇಲೆ ಟಚ್ ಮಾಡಿದರೆ ಸಾಕು, ಅದು ಯಾವ ವಸ್ತು, ಅದರ ಹೆಸರೇನು ಹೀಗೆ ಎಲ್ಲ ಮಾಹಿತಿಯು ಗೂಗಲ್ ಸರ್ಚ್ ಎಂಜಿನ್ ಮೂಲಕ ನಿಮ್ಮ ಮೊಬೈಲ್ ಸ್ಕ್ರೀನ್ ಮೇಲೆ ಕಾಣಿಸತೊಡಗುತ್ತದೆ. ಪ್ರಾಣಿ, ಪಕ್ಷಿ ಹೂವು, ಕಟ್ಟಡ ಹೀಗೆ ಯಾವುದಾದರೂ ವಸ್ತುವಾದರೂ ಸಹ.!

ಕೃತಕ ಬುದ್ದಿಮತ್ತೆ ಹೇಗಿದೆ?

ಪತ್ರಿಕೆ ಅಥವಾ ಕಾಗದದಲ್ಲಿ ಯಾರದ್ದಾದರೂ ಫೋನ್ ನಂಬರ್ ಇರುತ್ತದೆ. ಅದರ ಮೇಲೆ ಗೂಗಲ್ ಲೆನ್ಸ್ ಹಿಡಿದ ನಂತರ ಫೋನ್ ನಂಬರ್ ಇರುವ ಜಾಗದಲ್ಲಿ ಸ್ಪರ್ಶಿಸಿದರೆ ಸಾಕು. ತಕ್ಷಣವೇ ಗೂಗಲ್ ಲೆನ್ಸ್ ಅದನ್ನು ಸೆರೆಹಿಡಿಯುತ್ತದೆ ಮತ್ತು ಸ್ಕ್ರೀನ್ ಮೇಲೆ ಅಲ್ಲಿಂದಲೇ ಸ್ಪರ್ಶಿಸಿದ ಕೂಡಲೇ ಡಯಲ್ ಮಾಡುವ ಆಯ್ಕೆ ಕಾಣಿಸುವುದು ಇದಕ್ಕೆ ಒಂದು ಉದಾಹರಣೆ.

ಇದರ ಸಾಮರ್ಥ್ಯ ಇಷ್ಟೇ ಅಲ್ಲ!

ಒಂದು ಗಾಜಿನ ಲೋಟದಲ್ಲಿ ಯಾವುದಾದರೂ ಪಾನಿಯವನ್ನು ತುಂಬಿಸಿಕೊಂಡು ಅದನ್ನು ಗೂಗಲ್ ಲೆನ್ಸ್ ಕ್ಯಾಮೆರಾಕ್ಕೆ ತೋರಿಸಿದರೆ ಸಾಕು, ಆ ಗ್ಲಾಸ್‌ನಲ್ಲಿರುವುದು ಮದ್ಯವೋ, ಅಥವಾ ನೀರೋ ಅಂತ ಈ ಗೂಗಲ್ ಕಣ್ಣು ತಕ್ಷಣ ಕಂಡುಹಿಡಿದುಬಿಡುತ್ತದೆ!. ಕನ್ನಡದಲ್ಲಿ ಓದಿ, ಅರ್ಥ ಮಾಡಿಕೊಂಡು, ಇಂಗ್ಲಿಷಿನಲ್ಲಿ ಮಾಹಿತಿ ಮುಂದಿಡಲು ಗೂಗಲ್ ಸಿದ್ಧವಾಗಿದೆ! .

Harman Kardon Allure: features and capabilities of the wireless speaker

ವಿವರಗಳೂ ಒಂದು ಕ್ಲಿಕ್!

ಪ್ರವಾಸಕ್ಕೆ ತೆರಳಿದ್ದೀರಾ ಎಂದಿಟ್ಟುಕೊಳ್ಳಿ. ಈ ಗೂಗಲ್ ಲೆನ್ಸ್ ಆಪ್ ಇದ್ದರೆ ಎಲ್ಲಾ ಸ್ಥಳಗಳ ಬಗ್ಗೆ ಚಿತ್ರದ ಮೂಲಕ ಮಾಹಿತಿ ತಿಳಿಯಬಹುದು. ಯಾವುದಾದರು ಒಂದು ಹೋಟೆಲ್‌ ನಾಮಫಲಕಕ್ಕೆ ಗೂಗಲ್ ಲೆನ್ಸ್ ಹಿಡಿದರೆ. ಆ ಹೋಟೆಲ್‌ಗೆ ಹೋಗುವ ದಾರಿ, ಸ್ಟಾರ್ ರೇಟಿಂಗ್, ಮೆನು ಹೀಗೆ ಎಲ್ಲಾ ವಿವರಗಳೂ ಒಂದು ಕ್ಲಿಕ್‌ನಲ್ಲಿ ನಿಮಗೆ ಕಾಣಿಸುತ್ತವೆ.