ಆಧಾರ್‌ ಕಾರ್ಡ್‌ ಎನ್‌ರೋಲ್‌ಮೆಂಟ್‌ ಸ್ಟೇಟಸ್‌ ಅನ್ನು ಚೆಕ್‌ ಮಾಡುವುದು ಹೇಗೆ?

| Published: Saturday, December 11, 2021, 20:36 [IST]

ಇಂದಿನ ದಿನಗಳಲ್ಲಿ ಸರ್ಕಾರದ ಯಾವುದೇ ಸೌಲಭ್ಯ ಪಡೆಯಬೇಕಾದರೂ ಆಧಾರ್‌ ಕಾರ್ಡ್‌ ಅತ್ಯಗತ್ಯವಾಗಿದೆ. ಆಧಾರ್‌ ಕಾರ್ಡ್‌ ನಿಮ್ಮ ಗುರುತಿನ ಪುರಾವೆಯಾಗಿಯೂ ಕಾರ್ಯನಿರ್ವಹಿಸುತ್ತಿದೆ. ಇದೇ ಕಾರಣಕ್ಕೆ ಪ್ರತಿಯೊಬ್ಬರೂ ಆಧಾರ್‌ ಕಾರ್ಡ್‌ ಅನ್ನು ಹೊಂದುವುದು ಅವಶ್ಯಕವಾಗಿದೆ. ಇನ್ನು ಆಧಾರ್‌ ಕಾರ್ಡ್‌ ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ ನೀಡುವ ಕಾರ್ಡ್‌ ಆಗಿದೆ. ಇದು 12 ಅಂಕಿಯ ಯಾದೃಚ್ಛಿಕ ಸಂಖ್ಯೆಯನ್ನು ಹೊಂದಿರಲಿದೆ. ನೀವು ಆಧಾರ್‌ ಕಾರ್ಡ್‌ನ ಈ ನಂಬರ್‌ ಅನ್ನು ನೋಂಧಾಯಿಸುವ ಮೂಲಕ ಸರ್ಕಾರದ ಸೇವೆಗಳನ್ನು ಪಡೆದುಕೊಳ್ಳಬಹುದಾಗಿದೆ.

ಹೌದು, ಆಧಾರ್‌ ಕಾರ್ಡ್‌ ಇಂದಿನ ದಿನಗಳಲ್ಲಿ ಅತಿ ಅವಶ್ಯಕವಾಗಿದೆ. ಭಾರತದ ನಾಗರೀಕರಾಗಿರುವವರು ಆಧಾರ್‌ ಕಾರ್ಡ್‌ ಅನ್ನು ಪಡೆದುಕೊಳ್ಳಬಹುದಾಗಿದೆ. ಆಧಾರ್ ಸಂಖ್ಯೆಯನ್ನು ಪಡೆಯಲು ಸ್ವಯಂ ಪ್ರೇರಣೆಯಿಂದ ನೋಂದಾಯಿಸಿಕೊಳ್ಳಬಹುದು. ಆಧಾರ್‌ಗಾಗಿ ನಿಮ್ಮನ್ನು ನೋಂದಾಯಿಸಿಕೊಳ್ಳಲು ನೀವು ನೋಂದಣಿ ಪ್ರಕ್ರಿಯೆಯಲ್ಲಿ ಕನಿಷ್ಟ ಜನಸಂಖ್ಯಾ ಮತ್ತು ಬಯೋಮೆಟ್ರಿಕ್ ಮಾಹಿತಿಯನ್ನು ಒದಗಿಸಬೇಕಾಗುತ್ತದೆ. ಆಧಾರ್‌ಗಾಗಿ ಅರ್ಜಿ ಸಲ್ಲಿಸಿದ ಜನರು ಇದಿಗ ತನ್ನ ನೋಂದಣಿ ಸ್ಟೇಟಸ್‌ ಅನ್ನು ಆನ್‌ಲೈನ್‌ನಲ್ಲಿ ಕೂಡ ಪರಿಶೀಲನೆ ನಡೆಸಬಹುದಾಗಿದೆ. ಹಾಗಾದ್ರೆ ನಿಮ್ಮ ಆಧಾರ್‌ ಅಪ್ಲಿಕೇಶನ್‌ ಸ್ಟೇಟಸ್‌ ಅನ್ನು ಚೆಕ್‌ ಮಾಡುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಆಧಾರ್‌ ಕಾರ್ಡ್‌ ಪಡೆಯಲು ಅರ್ಜಿ ಸಲ್ಲಿಸಿದ ಜನರು ತಮ್ಮ ಎನ್‌ರೋಲ್‌ಮೆಂಟ್‌ ಸ್ಟೇಟಸ್‌ ಅನ್ನು ಆನ್‌ಲೈನ್‌ನಲ್ಲಿ ಚೆಕ್‌ ಮಾಡಬಹುದು. ಇದಕ್ಕಾಗಿ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಆಧಾರ್‌ನೊಂದಿಗೆ ಅಪ್ಡೇಟ್‌ ಮಾಡುವಂತೆ ಯುಐಡಿಎಐ ಹೇಳಿದೆ. ನಿಮ್ಮ #ಆಧಾರ್ ಎನ್‌ರೋಳ್‌ಮೆಂಟ್‌ ಸ್ಟೇಟಸ್‌ ಅನ್ನು https://resident.uidai.gov.in/check-aadhaarನಲ್ಲಿ ಚೆಕ್‌ ಮಾಡಬಹುದಾಗಿದೆ. ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು https://uidai. gov.in/my-aadhaar/about-your-aadhaar/updating-data-on-aadhaar.html ಸೈಟ್‌ಗೆ ಬೇಟಿ ನೀಡಿ ಎಂದು UIDAI ಟ್ವೀಟ್ ಮಾಡಿದೆ.

ಆಧಾರ್ ಸ್ಟೇಟಸ್‌ ಅನ್ನು ಆನ್‌ಲೈನ್‌ನಲ್ಲಿ ಚೆಕ್‌ ಮಾಡುವುದು ಹೇಗೆ?

ನಿಮ್ಮ ಆಧಾರ್ ಕಾರ್ಡ್‌ ಸ್ಟೇಟಸ್‌ ಅನ್ನು ಆನ್‌ಲೈನ್‌ನಲ್ಲಿ ಚೆಕ್‌ ಮಾಡಬಹುದು. ನಿಮ್ಮ ಕಾರ್ಡ್‌ ಕ್ರಿಯೆಟ್‌ ಆಗಿದೆಯಾ, ಅಪ್ಡೇಟ್‌ ಮಾಡಲಾಗಿದೆಯಾ ಎನ್ನುವ ವಿಚಾರವನ್ನು ನೀವು ಪರಿಶೀಲಿಸಬಹುದು. ಆದರೆ ನಿಮ್ಮ ಆಧಾರ್ ಸ್ಟೇಟಸ್‌ ಅನ್ನು ಪರಿಶೀಲಿಸಲು ನಿಮಗೆ EID ನಂಬರ್‌ ಅಗತ್ಯವಿರುತ್ತದೆ. ಇನ್ನು EID ಸಂಖ್ಯೆಯನ್ನು ನೀವು ನಿಮ್ಮ ದಾಖಲಾತಿ/ಅಪ್‌ಡೇಟ್ ಸ್ವೀಕೃತಿ ಸ್ಲಿಪ್‌ನ ಮೇಲ್ಭಾಗದಲ್ಲಿ ಕಾಣಬಹುದು. ಇದು 14 ಅಂಕಿಗಳ ದಾಖಲಾತಿ ಸಂಖ್ಯೆ ಯನ್ನು ಹೊಂದಿರುತ್ತದೆ. ಈ ನೋಂದಣಿಯ 14 ಅಂಕಿ ದಿನಾಂಕ ಮತ್ತು ಸಮಯವನ್ನು (dd/mm/yyyy hh:mm:ss) ಒಳಗೊಂಡಿದೆ. ಈ 28 ಅಂಕೆಗಳು ಒಟ್ಟಾಗಿ ನಿಮ್ಮ ದಾಖಲಾತಿ ID (EID) ಆಗಿರುತ್ತದೆ. ಒಂದು ವೇಳೆ ನೀವು EID ಕಳೆದುಕೊಂಡರೆ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯ ಮೂಲಕ ಕಳೆದುಹೋದ ಅಥವಾ ಮರೆತುಹೋದ EID ಅನ್ನು ನೀವು ಪಡೆದುಕೊಳ್ಳಬಹುದಾಗಿದೆ.

ನಿಮ್ಮ ಆಧಾರ್ ಸ್ಟೇಟಸ್‌ ಚೆಕ್‌ ಮಾಡಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ

ಹಂತ:1 ಮೊದಲಿಗೆ UIDAI ನ ಅಧಿಕೃತ ವೆಬ್‌ಸೈಟ್‌ಗೆ ಹೋಗಿ
ಹಂತ:2 ನಂತರ ನೀವು ನಿಮ್ಮ ದಾಖಲಾತಿ ID (EID) ಮತ್ತು ದಾಖಲಾತಿಯ ಸಮಯವನ್ನು ನಮೂದಿಸಬೇಕು.
ಹಂತ:3 ಇದಾದ ನಂತರ ಅಲ್ಲಿ ಕಂಡುಬರುವ ಕ್ಯಾಪ್ಚಾವನ್ನು ಪರಿಶೀಲಿಸಿ.
ಹಂತ:4 ಅಂತಿಮವಾಗಿ ಚೆಕ್ ಸ್ಟೇಟಸ್ ಬಟನ್ ಮೇಲೆ ಕ್ಲಿಕ್ ಮಾಡಿ.

ಹೀಗೆ ಮಾಡುವ ಮೂಲಕ ನಿಮ್ಮ ಆಧಾರ್‌ ಕಾರ್ಡ್‌ ಸ್ಟೇಟಸ್‌ ಅನ್ನು ಸುಲಭವಾಗಿ ಪರಿಶೀಲಿಸಬಹುದಾಗಿದೆ.

ಆನ್‌ಲೈನ್‌ನಲ್ಲಿ ಆಧಾರ್ ಕಾರ್ಡ್‌ನಲ್ಲಿ ಫೋನ್ ಸಂಖ್ಯೆಯನ್ನು ಅಪ್‌ಡೇಟ್ ಮಾಡಲು ಹೀಗೆ ಮಾಡಿ:

ಹಂತ 1: ಹತ್ತು-ಅಂಕಿಯ ಮೊಬೈಲ್ ಸಂಖ್ಯೆಯನ್ನು ನವೀಕರಿಸಲು, ನೀವು ಮೊದಲು UIDAI ವೆಬ್ ಪೋರ್ಟಲ್‌ಗೆ ask.uidai.gov.in ಗೆ ಭೇಟಿ ನೀಡಬೇಕಾಗುತ್ತದೆ.
ಹಂತ 2: ನೀವು ನವೀಕರಿಸಲು ಬಯಸುವ ಫೋನ್ ಸಂಖ್ಯೆಯನ್ನು ಸೇರಿಸಿ.
ಹಂತ 3: ಮುಂದಿನ ಪೆಟ್ಟಿಗೆಗಳಲ್ಲಿ ಕ್ಯಾಪ್ಚಾದಲ್ಲಿ ಟೈಪ್ ಮಾಡಿ.
ಹಂತ 4: ನಂತರ ನೀವು ‘ಕಳುಹಿಸು ಒಟಿಪಿ' ಆಯ್ಕೆಯನ್ನು ಕ್ಲಿಕ್ ಮಾಡಿ ಮತ್ತು ನಿಮ್ಮ ಫೋನ್ ಸಂಖ್ಯೆಗೆ ಕಳುಹಿಸಿದ ಒಟಿಪಿಯನ್ನು ನಮೂದಿಸಬೇಕಾಗುತ್ತದೆ.
ಹಂತ 5: ನಂತರ ‘ಸಬ್‌ಮಿಟ್ ಒಟಿಪಿ & ಪ್ರೊಸೀಡ್' ಆಯ್ಕೆಯನ್ನು ಕ್ಲಿಕ್ ಮಾಡಿ.
ಹಂತ 6: ನಂತರ ನೀವು ‘ಆನ್‌ಲೈನ್ ಆಧಾರ್ ಸೇವೆಗಳು' ಎಂದು ಸೂಚಿಸುವ ಡ್ರಾಪ್‌ಡೌನ್ ಮೆನುವನ್ನು ನೋಡಬಹುದು.
ಹಂತ 7: ಹೆಸರು, ವಿಳಾಸ, ಲಿಂಗ, ಇಮೇಲ್ ಐಡಿ, ಮೊಬೈಲ್ ಸಂಖ್ಯೆ ಮತ್ತು ಹೆಚ್ಚಿನವುಗಳನ್ನು ಒಳಗೊಂಡಂತೆ ಹಲವಾರು ಆಯ್ಕೆಗಳನ್ನು ಪಟ್ಟಿ ತೋರಿಸುತ್ತದೆ. ಆಧಾರ್‌ನಲ್ಲಿ ಫೋನ್ ಸಂಖ್ಯೆಯನ್ನು ನವೀಕರಿಸಲು ಮೊಬೈಲ್ ಸಂಖ್ಯೆಯನ್ನು ಆಯ್ಕೆ ಮಾಡಿ.
ಹಂತ 8: ನಂತರ ನೀವು ಅಗತ್ಯವಿರುವ ಎಲ್ಲಾ ವಿವರಗಳನ್ನು ಭರ್ತಿ ಮಾಡಬೇಕಾಗುತ್ತದೆ. ‘ನೀವು ಏನು ನವೀಕರಿಸಲು ಬಯಸುತ್ತೀರಿ' ಆಯ್ಕೆಯನ್ನು ಆರಿಸಲು ಖಚಿತಪಡಿಸಿಕೊಳ್ಳಿ.
ಹಂತ 9: ಮುಂದೆ ಹೊಸ ಪುಟವು ತೋರಿಸುತ್ತದೆ ಮತ್ತು ನೀವು ಕ್ಯಾಪ್ಚಾವನ್ನು ನಮೂದಿಸಬೇಕಾಗುತ್ತದೆ.