ಮೈಕ್ರೋಸಾಫ್ಟ್ ಟೀಂಗಳಲ್ಲಿ ಲಿಂಕ್ಡ್ಇನ್ ಅನ್ನು ಬಳಸುವುದು ಹೇಗೆ?

ಹೌದು, ಮೈಕ್ರೋಸಾಫ್ಟ್‌ ಟೀಂನಲ್ಲಿ ಲಿಂಕ್ಡ್‌ಇನ್‌ ಅನ್ನು ಸೇರಿಸುವುದಾಗಿ ಮೈಕ್ರೋಸಾಫ್ಟ್‌ ಹೇಳಿದೆ. ಈ ಏಕೀಕರಣದಿಂದ ಉದ್ಯೋಗಿಗಳು ತಮ್ಮ ಸಹದ್ಯೋಗಿಗಳ ಬಗ್ಗೆ ಪರಿಪೂರ್ಣವಾಗಿ ತಿಳಿದುಕೊಳ್ಳಲು ಸಾದ್ಯವಾಗಲಿದೆ. ಇನ್ನು ಮೈಕ್ರೋಸಾಫ್ಟ್‌ ಗ್ರೂಫ್‌ನಲ್ಲಿ ಲಿಂಕ್ಡ್‌ಇನ್‌ ಸೇವೆ ಮಾರ್ಚ್ 2022 ರಿಂದ ಲಭ್ಯವಾಗಲಿದೆ ಎಂದು ಹೇಳಲಾಗಿದೆ. ಇದು ಮೈಕ್ರೋಸಾಫ್ಟ್ ಟೀಂನ ವೆಬ್ ಮತ್ತು ಡೆಸ್ಕ್‌ಟಾಪ್ ಆವೃತ್ತಿಯಲ್ಲಿ ಎಲ್ಲಾ ಜಾಗತಿಕ ಬಳಕೆದಾರರಿಗೆ ಲಭ್ಯವಾಗಲಿದೆ. ಹಾಗಾದ್ರೆ ಮೈಕ್ರೋಸಾಫ್ಟ್‌ ಟೀಂನಲ್ಲಿ ಲಿಂಕ್ಟ್‌ಇನ್‌ ಅನ್ನು ಬಳಸುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಮೈಕ್ರೋಸಾಫ್ಟ್ ಟೀಂಗಳಲ್ಲಿ ಲಿಂಕ್ಡ್ಇನ್ ಅನ್ನು ಬಳಸುವುದು ಹೇಗೆ?

ಹಂತ:1 ಮೈಕ್ರೋಸಾಫ್ಟ್‌ ಟೀಂನಲ್ಲಿ ನೀವು ಪರಿಶೀಲಿಸಲು ಬಯಸುವ ಲಿಂಕ್ಡ್‌ಇನ್ ಪ್ರೊಫೈಲ್‌ನ ವ್ಯಕ್ತಿಯ ಚಾಟ್‌ಗೆ ಹೋಗಿ.
ಹಂತ:2 ಲಿಂಕ್ಡ್‌ಇನ್‌ ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ. ಈಗ ನೀವು ಆ ವ್ಯಕ್ತಿಯ ಅನುಭವ, ಕೌಶಲ್ಯಗಳು ಮತ್ತು ಇತರ ವಿವರಗಳನ್ನು ಕಾಣಬಹುದು

ಮೈಕ್ರೋಸಾಫ್ಟ್‌ ಟೀಂ ನಲ್ಲಿ ಲಿಂಕ್ಡ್‌ಇನ್ ಮತ್ತು ಮೈಕ್ರೋಸಾಫ್ಟ್ ಖಾತೆಗಳನ್ನು ಕನೆಕ್ಟ್‌ ಮಾಡುವುದು ಹೇಗೆ?

ಇನ್ನು ಮೈಕ್ರೋಸಾಫ್ಟ್‌ ಟೀಂ ಬಳಕೆದಾರರು ತಮ್ಮ ಲಿಂಕ್ಡ್‌ಇನ್ ಖಾತೆಗಳನ್ನು ತಮ್ಮ ಮೈಕ್ರೋಸಾಫ್ಟ್ ಖಾತೆಗಳೊಂದಿಗೆ ಸಂಪರ್ಕಿಸದಿದ್ದರೂ ಸಹ ಲಿಂಕ್ಡ್‌ಇನ್ ಏಕೀಕರಣ ಫೀಚರ್ಸ್‌ ಕಾರ್ಯನಿರ್ವಹಿಸಲಿದೆ. ಆದರೆ ಅವರು ತಮ್ಮ ಲಿಂಕ್ಡ್‌ಇನ್ ಮತ್ತು ಮೈಕ್ರೋಸಾಫ್ಟ್ ಖಾತೆಗಳನ್ನು ಸಂಪರ್ಕಿಸಲು ಆಯ್ಕೆಮಾಡಿದರೆ, ಅವರು ಟೀಂನಲ್ಲಿ ಚಾಟ್‌ ಮಾಡಿದ ವ್ಯಕ್ತಿಯ ಹೆಚ್ಚಿನ ವಿವರ ತಿಳಿದುಕೊಳ್ಳಬಹುದು. ಇದರಿಂದ ನಿಮ್ಮ ಟೀಂಗಳಿಂದ ಹೊರಬರದೇ ಲಿಂಕ್ಡ್‌ಇನ್‌ನಲ್ಲಿ ಸಂಪರ್ಕಿಸಿ ಎಂದು ಮೈಕ್ರೋಸಾಫ್ಟ್ ಬ್ಲಾಗ್ ಪೋಸ್ಟ್‌ನಲ್ಲಿ ಬರೆದಿದೆ.

ಮೈಕ್ರೋಸಾಫ್ಟ್‌ ಮತ್ತು ಲಿಂಕ್ಡ್‌ಇನ್‌ ಖಾತೆಗಳನ್ನು ಕನೆಕ್ಟ್‌ ಮಾಡುವುದು ಹೇಗೆ?

ಹಂತ:1 ಮೈಕ್ರೋಸಾಫ್ಟ್‌ ಟೀಂನಲ್ಲಿ ಯಾವುದೇ ಒಂದು ಚಾಟ್‌ಗೆ ಹೋಗಿ ಮತ್ತು ಲಿಂಕ್ಡ್‌ಇನ್ ಟ್ಯಾಬ್ ಕ್ಲಿಕ್ ಮಾಡಿ.
ಹಂತ:2 ನಿಮ್ಮ ಲಿಂಕ್ಡ್‌ಇನ್ ಖಾತೆಯನ್ನು ಸಂಪರ್ಕಿಸಲು ಸೈನ್ ಇನ್ ನೌ ಆಯ್ಕೆಯನ್ನು ಆರಿಸಿ.
ಹಂತ:3 ನಂತರ ನಿಮ್ಮ ಲಿಂಕ್ಡ್‌ಇನ್ ಖಾತೆಯನ್ನು ಮೈಕ್ರೋಸಾಫ್ಟ್‌ ಅಪ್ಲಿಕೇಶನ್‌ಗಳಿಗೆ ಕನೆಕ್ಟ್‌ ಮಾಡಿ. ಲಿಂಕ್ಡ್‌ಇನ್ ಅನ್ನು ಬಳಸಲು, ನಿಮ್ಮ ಲಿಂಕ್ಡ್‌ಇನ್ ಖಾತೆ ಡೇಟಾವನ್ನು ನಿಮ್ಮ ಮೈಕ್ರೋಸಾಫ್ಟ್‌ ಅಪ್ಲಿಕೇಶನ್‌ಗಳೊಂದಿಗೆ ಹಂಚಿಕೊಳ್ಳಬೇಕಾಗುತ್ತದೆ.
ಹಂತ:4 ನಿಮ್ಮ ಮೈಕ್ರೋಸಾಫ್ಟ್‌ ಅಕೌಂಟ್‌ ಅನ್ನು ಈ ಮೂಲಕ ಲಿಂಕ್ಡ್‌ಇನ್‌ಗೆ ಕನೆಕ್ಟ್‌ ಮಾಡಿ.