ಮೊಬೈಲ್ ಲಾಕ್ ಮಾಡಿದ್ದರೂ ನಿಮ್ಮ ಸಂಪರ್ಕ ಡಿಸ್‌ಪ್ಲೇ ಮೇಲೆ ಮೂಡುವಂತೆ ಹೀಗೆ ಮಾಡಿ!

'ಎಮರ್ಜೆನ್ಸಿ ಕಾಲ್‌' ಸೌಲಭ್ಯ

ಮೊಬೈಲ್ ಲಾಕ್ ಮಾಡಿದ್ದರೂ ನಿಮ್ಮ ಸಂಪರ್ಕ ಡಿಸ್‌ಪ್ಲೇ ಮೇಲೆ ಮೂಡುವಂತೆ ಇರುವ ಸೌಲಭ್ಯ ಈ 'ಎಮರ್ಜೆನ್ಸಿ ಕಾಲ್‌' ಲಾಕ್‌ ಆದ ಸ್ಕ್ರೀನ್‌ನ ಮೇಲೆ ಸುಮ್ಮನೆ ಸ್ವೈಪ್ ಮಾಡುವಾಗ ಅದರಲ್ಲಿ 'ಎಮರ್ಜೆನ್ಸಿ ಕಾಲ್‌' ಸೌಲಭ್ಯ ಕಾಣಿಸುತ್ತದೆ. ಅದರಲ್ಲಿ ನಿಮ್ಮ ಫೋನ್‌ನಲ್ಲಿನ ಆಯ್ದ ನಂಬರ್‌ಗಳನ್ನು ಸಹ ಎಮರ್ಜೆನ್ಸಿ ಕಾಂಟ್ಯಾಕ್ಟ್ ಆಗಿ ನೀವು ಸೇವ್ ಮಾಡಬಹುದು.

ಉಪಯೋಗ ಹೇಗೆ?

ನಿಮ್ಮ ಫೋನ್‌ನಲ್ಲಿನ ಆಯ್ದ ನಂಬರ್‌ಗಳನ್ನು ಸಹ ಎಮರ್ಜೆನ್ಸಿ ಕಾಂಟ್ಯಾಕ್ಟ್ ಆಗಿ ನೀವು ಸೇವ್ ಮಾಡುವುದರಿಂದ ಮೊಬೈಲ್ ಸಿಕ್ಕ ವ್ಯಕ್ತಿಗೆ ನಿಮ್ಮ ಸಂಪರ್ಕ ಸಂಖ್ಯೆ ಮಾತ್ರ ಕಾಣಿಸುತ್ತದೆ. ನೀವು ಸಿಮ್ ಬ್ಲಾಕ್ ಮಾಡಿದ್ದರೂ ಕೂಡ ಅವರು ನಿಮ್ಮನ್ನು ಆ ನಂಬರ್ ಮೂಲಕ ಸಂಪರ್ಕಿಸಲು ಸಾಧ್ಯವಾಗುತ್ತದೆ.

'ಎಮರ್ಜೆನ್ಸಿ ಕಾಲ್‌' ಆಯ್ಕೆ ಹೇಗೆ?

ಇತ್ತೀಚಿಗೆ ಮಾರುಕಟ್ಟೆಗೆ ಬಂದಿರುವ ಬಹುತೇಕ ಎಲ್ಲಾ ಸ್ಮಾರ್ಟ್‌ಫೋನ್‌ಗಳಲ್ಲಿಯೂ ಈ 'ಎಮರ್ಜೆನ್ಸಿ ಕಾಲ್‌' ಆಯ್ಕೆ ಲಭ್ಯವಿರುತ್ತದೆ. ಆಂಡ್ರಾಯ್ಡ್, ಐಫೋನ್ ಮತ್ತು ಸ್ಯಾಮ್‌ಸಂಗ್ ಫೋನ್‌ಗಳಲ್ಲಿ ಇವುಗಳ ಸೆಟ್ಟಿಂಗ್ಸ್ ಬೇರೆ ಬೇರೆ ರೀತಿಯಲ್ಲಿದ್ದು, ಅವುಗಳಲ್ಲಿ ಸೆಟ್ಟಿಂಗ್ಸ್ ಹೇಗೆ ಎಂದು ತಿಳಿಯಿರಿ.

ಆಂಡ್ರಾಯ್ಡ್‌ನಲ್ಲಿ 'ಎಮರ್ಜೆನ್ಸಿ ಕಾಲ್‌' ಆಯ್ಕೆ

ಆಂಡ್ರಾಯ್ಡ್‌ ಫೋನ್‌ಗಳಲ್ಲಿ ಸೆಟ್ಟಿಂಗ್ಸ್ ತೆರೆದು ನಂತರ ಯೂಸರ್ಸ್ ಎಂಬ ಆಯ್ಕೆಯನ್ನು ಕ್ಲಿಕ್ ಮಾಡಿ. ಅಲ್ಲಿ ಎಮರ್ಜೆನ್ಸಿ ಇನ್‌ಫಾರ್ಮೇಶನ್‌ಗೆ ಹೋಗಿ ನಿಮ್ಮ ಸ್ವ ವಿವರಗಳನ್ನು ತುಂಬಬಹುದು. ಇಲ್ಲಿ ನಿಮ್ಮದೇ ನಂಬರ್ ನೀಡುವುದರಿಂದ ಎಮರ್ಜೆನ್ಸಿ ಕಾಲ್ ಆಯ್ಕೆಯಲ್ಲಿ ಅದು ಕಾಣಿಸುತ್ತದೆ.

ಐಫೋನ್‌ಗಳಲ್ಲಿ 'ಎಮರ್ಜೆನ್ಸಿ ಕಾಲ್‌' ಆಯ್ಕೆ

ಐಫೋನ್‌ನಲ್ಲಿ 'ಹೆಲ್ತ್' ಆಪ್‌ ಓಪನ್‌ ಮಾಡಿ, 'ಮೆಡಿಕಲ್ ಐಡಿ' ಟ್ಯಾಪ್ ಮಾಡಿ, ನಂತರ 'ಎಡಿಟ್‌' ಅನ್ನು ಒತ್ತಿ. ಈ ಮಾಹಿತಿ ನಿಮ್ಮ ಫೋನ್‌ನಲ್ಲಿ ಸೇವ್ ಆಗಿದ್ದರೆ, ಆ ನಿಮ್ಮ ಹತ್ತಿರದವರಿಗೆ ನಿಮ್ಮ ಫೋನ್‌ನ್ನು ಯಾರು ಪಡೆದಿದ್ದಾರೆ ಎಂಬ ವಿಷಯ ತಿಳಿಯಬಹುದು.

ಸ್ಯಾಮ್ಸಂಗ್ ಫೋನ್‌

ಸ್ಯಾಮ್‌ಸಂಗ್ ಫೋನ್‌ಗಳು ಆಂಡ್ರಾಯ್ಡ್ ಮೂಲಕವೇ ಕಾರ್ಯನಿರ್ವಹಣೆ ನೀಡಿದರೂ ಸಹ ಕೆಲವು ಸ್ಯಾಮ್ಸಂಗ್ ಫೋನ್‌ಗಳಲ್ಲಿ ಈ ಸೇವೆಯ ಸೆಟ್ಟಿಂಗ್ಸ್ ಬೇರೆಯಾಗಿರುತ್ತದೆ. ಫೋನ್ ಕಾಂಟ್ಯಾಕ್ಸ್ಟ್ ತೆರೆದು ಗ್ರೂಫ್ಸ್ ಆಯ್ಕೆ ಮಾಡಿ ನಂತರ ಐಸಿಇ- ಎಮರ್ಜೆನ್ಸಿ ಕಾಂಟ್ಯಾಕ್ಸ್ಟ್‌ಗೆ ಹೋಗಿ ನಂಬರ್‌ ಸೇವ್ ಮಾಡಬೇಕು.