ಗೂಗಲ್ ಕ್ರೋಮ್‌ನಲ್ಲಿ ಮೂಡುವ ಪಾಪ್-ಅಪ್‌ ಬ್ಲಾಕ್ ಮಾಡುವುದು ಹೇಗೆ?

ಪಾಪ್‌– ಅಪ್‌ ಬ್ಲಾಕ್‌ ಮಾಡುವುದು ಹೇಗೆ?

ನಿಮ್ಮ ಆಂಡ್ರಾಯ್ಡ್ ಮೊಬೈಲ್‌ನಲ್ಲಿ ಗೂಗಲ್‌ ಕ್ರೋಮ್‌ ಆಪ್‌ ತೆರೆಯಿರಿ. ಕ್ರೋಮ್‌ ತೆರೆದ ನಂತರ ನಿಮ್ಮ ಬಲ ಭಾಗದಲ್ಲಿ ಕಾಣುವ ಮೂರು ಚುಕ್ಕೆಗಳ ಮೆನು ಬಟನ್ ಮೇಲೆ ಕ್ಲಿಕ್ಕಿಸಿ. ಹಲವು ಆಯ್ಕೆಗಳು ಕಾಣಿಸುತ್ತವೆ ಅದರಲ್ಲಿ 'ಸೆಟ್ಟಿಂಗ್ಸ್ ಅಡ್ವಾನ್ಸ್ಡ್' ಆಯ್ಕೆ ಮೇಲೆ ಕ್ಲಿಕ್‌ ಮಾಡಿ.!!

ಸೈಟ್‌ ಸೆಟ್ಟಿಂಗ್ಸ್‌ ಮೇಲೆ ಕ್ಲಿಕ್‌ ಮಾಡಿ.!!

'ಸೆಟ್ಟಿಂಗ್ಸ್ ಅಡ್ವಾನ್ಸ್ಡ್' ಆಯ್ಕೆ ಮೇಲೆ ಕ್ಲಿಕ್‌ ಮಾಡಿದ ನಂತರ ಹಲವು ಆಯ್ಕೆಗಳು ಮತ್ತೆ ಮೂಡುತ್ತವೆ. ಅದರಲ್ಲಿ 'ಸೈಟ್‌ ಸೆಟ್ಟಿಂಗ್ಸ್' ಎಂಬ ಆಯ್ಕೆ ಕಾಣಿಸುತ್ತದೆ ಅದನ್ನು ಕ್ಲಿಕ್ ಮಾಡಿ. ನಂತರ ಪಾಪ್‌-ಅಪ್ಸ್ ಆಯ್ಕೆ ಕಾಣಿಸುತ್ತದೆ. ನೀವು ಪಾಪ್‌-ಅಪ್‌ ಬ್ಲಾಕ್‌ ಮಾಡಲು ಅಲ್ಲಿ ಕಾಣುವ ಬಟನ್‌ ಅನ್ನು ಆಫ್( ಎಡಕ್ಕೆ) ಎಳೆಯಿರಿ. ಎಡಕ್ಕೆ ಎಳೆದರೆ ಪಾಪ್‌-ಅಪ್‌ಗಳು ಬ್ಲಾಕ್‌ ಆಗುತ್ತವೆ.

ಮತ್ತೆ ತೆಗೆಯಬೇಕೆಂದರೆ

ನಿಮಗೆ ಪಾಪ್‌-ಅಪ್‌ನಿಂದಲೇ ಹೆಚ್ಚು ಅನುಕೂಲವಾಗುತ್ತದೆ ಎಂದು ಅನಿಸಿದರೆ ಮೊದಲಿನ ಹಾಗೆಯೇ ಆಯ್ಕೆಗಳನ್ನು ಮಾಡಿರಿ. ನಂತರ ಪಾಪ್‌-ಅಪ್‌ ಆಯ್ಕೆಗೆ ಹೋಗಿ ಬಟನ್‌ ಅನ್ನು ಬಲಕ್ಕೆ ಎಳೆದರೆ ಪಾಪ್‌-ಅಪ್‌ ಎನೆಬಲ್ ಆಗುತ್ತದೆ. ಬ್ರೌಸಿಂಗ್‌ ಮಾಡುವಾಗ ಪಾಪ್‌-ಅಪ್‌ಗಳು ನಿಮ್ಮ ಪರದೆಯ ಮೇಲೆ ಮತ್ತೆ ಕಾಣಿಸಿಕೊಳ್ಳುತ್ತವೆ.!!

ಪಾಪ್–ಅಪ್‌ ಬ್ಲಾಕ್‌ ಮಾಡುವುದು ಒಳ್ಳೆಯದು!!

ಬ್ರೌಸಿಂಗ್‌ ಅಭ್ಯಾಸ ಹೆಚ್ಚಾಗಿರುವ ಹಲವರು ಪಾಪ್‌-ಅಪ್‌ಗಳನ್ನು ಬ್ಲಾಕ್‌ ಮಾಡುವುದು ಸಾಮಾನ್ಯ. ಪಾಪ್‌-ಅಪ್‌ಗಳನ್ನು ಹ್ಯಾಕರ್‌ಗಳು ಗಾಳದಂತೆ ಬಳಸುವುದು ಹೆಚ್ಚು. ಹಾಗಾಗಿ, ಇಂತಹ ಪಾಪ್‌-ಅಪ್‌ ಮೇಲೆ ಕ್ಲಿಕ್ಕಿಸಿ ಅನಗತ್ಯವಾಗಿ ಸೈಬರ್ ಕ್ರಿಮಿನಲ್‌ಗಳಿಗೆ ಸಿಲುಕದೇ ಇರಬಹುದು.!!