ನಿಮ್ಮ ಮೊಬೈಲ್ ಬ್ಯಾಟರಿ ಹೆಚ್ಚು ಬಾಳಿಕೆ ಬರಲು ಹೀಗೆ ಮಾಡುದ್ರೆ ಸಾಕು!!

ವೈಬ್ರೇಷನ್ ಆಫ್ ಮಾಡಿ

ಸ್ಮಾರ್ಟ್‌ಫೋನ್ ವೈಬ್ರೇಟ್ ರಿಂಗ್ ಆಗುವ ರೀತಿ ಸೆಟ್ಟಿಂಗ್ಸ್ ಬೇಡವೇ ಬೇಡ. ಏಕೆಂದರೆ, ವೈಬ್ರೇಷನ್ ಎಷ್ಟು ಜೋರಾಗಿ ಇರುತ್ತದೋ ಅಷ್ಟೇ ಹೆಚ್ಚು ಬ್ಯಾಟರಿ ಬಳಕೆಯಾಗುತ್ತದೆ. ಪೋನಿನಲ್ಲಿ ವೈಬ್ರೇಷನ್ ಹುಟ್ಟಿಹಾಕಲು ಇರುವ ಸಾಧನವೇ ಬೇರೆ ಇರುವುದರಿಂದ ಬ್ಯಾಟರಿ ಬಹಳ ವೇಗವಾಗಿ ವಿನಿಯೋಗವಾಗುತ್ತದೆ.

ಲೊಕೇಷನ್ ಬಳಕೆ ಬೇಡ

ಸ್ಮಾರ್ಟ್‌ಫೋನ್ ಬ್ಯಾಟರಿ ಉಳಿಸಬೇಕೆಂದರೆ ಯಾವಾಗಲೂ ಲೊಕೇಷನ್ ಬಳಕೆ ಮಾಡದಿರುವುದು ಉತ್ತಮ. ಏಕೆಂದರೆ, ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳಲ್ಲಿ ಲೊಕೇಷನ್ ಸರ್ವೀಸ್ ಬಳಕೆ ಹೆಚ್ಚು ಬ್ಯಾಟರಿಯನ್ನು ಬಳಕೆ ಮಾಡಿಕೊಳ್ಳಲಿದೆ. ಹಾಗಾಗಿ, ಬ್ಯಾಟರಿ ಸೇವಿಂಗ್ ಮೋಡ್‌ನಲ್ಲಿ ಲೊಕೇಷನ್ ಸರ್ವೀಸ್ ಬಳಸಿದರೆ ಒಳ್ಳೆಯದು.

ಅನಗತ್ಯವಾಗಿ ಓವರ್ ಚಾರ್ಜ್ ಮಾಡಬೇಡಿ

ಎಂದಿಗೂ ನಿಮ್ಮ ಸ್ಮಾರ್ಟ್‌ಫೋನ್ ಬ್ಯಾಟರಿಯನ್ನು ಅನಗತ್ಯವಾಗಿ ಓವರ್ ಚಾರ್ಜ್ ಮಾಡಬೇಡಿ. ಸ್ಮಾರ್ಟ್‌ಫೋನ್ ಚಾರ್ಜ್ ಆಗಲು ಯಾವಾಗಲೂ ಪ್ಲಗ್ ಮಾಡಿ ಬಿಟ್ಟರೆ ಬ್ಯಾಟರಿ ಸೆಲ್ಸ್‌ಗಳು ಬಹುಬೇಗ ಹಾಳಾಗುತ್ತವೆ. ಇದರಿಂದ ಸ್ವಲ್ಪ ದಿವಸಗಳಲ್ಲಿಯೇ ನಿಮ್ಮ ಸ್ಮಾರ್ಟ್‌ಫೋನ್ ಬ್ಯಾಟರಿ ತನ್ನ ಶಕ್ತಿಯನ್ನು ಕಳೆದುಕೊಳ್ಳಬಹುದು.

ನೋಟಿಫಿಕೇಷನ್‌ಗಳಿಗೆ ಗುಡ್‌ಬೈ ಹೇಳಿ

ಒಂದು ಅಂದಾಜಿನ ಪ್ರಕಾರ ಪ್ರತಿಯೋರ್ವರ ಸ್ಮಾರ್ಟ್‌ಪೋನಿಗೆ ಪ್ರತಿದಿನ 50 ಕ್ಕೂ ಹೆಚ್ಚು ನೋಟಿಫಿಕೇಷನ್‌ಗಳು ಬರುತ್ತವೆಯಂತೆ. ಮೆಸೇಜ್, ಆಪ್‌ಗಳು ಹೀಗೆ ಹಲವು ನೋಟಿಫಿಕೇಷನ್‌ಗಳು ಬ್ಯಾಟರಿಯನ್ನು ತಿನ್ನುತ್ತಿವೆ. ಹಾಗಾಗಿ, ಅಗತ್ಯಗತ್ಯವೆನಿಸಿದ ಇಮೇಲ್ ನೋಟಿಫಿಕೇಷನ್ ಮಾತ್ರ ಎನೇಬಲ್ ಮಾಡಿ ಬ್ಯಾಟರಿ ಉಳಿಸಿಕೊಳ್ಳಿ.

ಸ್ಕ್ರೀನ್ ಟೈಮ್ ಔಟ್

ನಿಮಗೆ ಗೊತ್ತಾ? ಮೊಬೈಲ್ ಟಾರ್ಚ್ ಆನ್ ಆದಾಗ ಬಳಕೆಯಾಗುವ ಬ್ಯಾಟರಿ ಶಕ್ತಿಗಿಂತ ಸ್ಕ್ರೀನ್ ಆನ್ ಆಗಿದ್ದಾಗ ಹೆಚ್ಚು ಬ್ಯಾಟರಿ ಶಕ್ತಿ ಖಾಲಿಯಾಗುತ್ತದೆ. ಹಾಗಾಗಿ, ನಿಮ್ಮ ಸ್ಮಾರ್ಟ್‌ಫೋನ್ ಯಾವುದೇ ಆಗಿರಲಿ ಸ್ಕ್ರೀನ್ ಟೈಮ್ ಔಟ್ ಸೆಟ್ ಮಾಡುವಾಗ ಅತೀ ಕಡಿಮೆ ಅವಧಿಯ ಟೈಮ್ ಔಟ್ ಸೆಟ್ ಮಾಡಿ ಬ್ಯಾಟರಿಯನ್ನು ಉಳಿಸಿ.

ಬ್ಲೂಟೂತ್ ಮತ್ತು ವೈಫೈ

ಬ್ಯಾಟರಿ ಹೆಚ್ಚು ಹೊತ್ತು ಬಾಳಿಕೆ ಬರುವಂತೆ ಮಾಡಲು ಬ್ಲೂಟೂತ್ ಮತ್ತು ವೈಫೈಗಳನ್ನು ಅಗತ್ಯವಿದ್ದಾಗ ಮಾತ್ರ ಆನ್ ಮಾಡಿಕೊಳ್ಳಿ. ಕೆಲವೊಮ್ಮೆ ಈ ಎಲ್ಲಾ ಆಯ್ಕೆಗಳನ್ನು ನಿಮಗೆ ಗೊತ್ತಿಲ್ಲದೇ ನೀವು ಆನ್ ಮಾಡಿರುವುದರಿಂದ ನಿಮ್ಮ ಬ್ಯಾಟರಿ ನಿಮಗೇ ಗೊತ್ತಿಲ್ಲದಂತೆ ಖಾಲಿಯಾಗುತ್ತಿರುತ್ತದೆ.