ಲ್ಯಾಪ್‌ಟಾಪ್ ಕೀಬೋರ್ಡ್, ಸ್ಕ್ರೀನ್ ಮತ್ತು ಮೌಸ್‌ ಕ್ಲೀನ್ ಮಾಡುವುದು ಹೇಗೆ?

ಬ್ಯಾಟರಿ ಸಂಪರ್ಕ ಕಡಿತಗೊಳಿಸಿ.

ಕೀಬೋರ್ಡ್, ಮಾನಿಟರ್ ಮತ್ತು ಮೌಸ್ ಯಾವುದೇ ಆಗಿರಲಿ ನಿಮ್ಮ ಲ್ಯಾಪ್‌ಟಾಪ್ ಸ್ವಚ್ಚಗೊಳಿಸುವ ಮುನ್ನ ಅದರ ಬ್ಯಾಟರಿ ಸಂಪರ್ಕ ಕಡಿತಗೊಳಿಸಿಸುವುದನ್ನು ಯಾವುದೇ ಕಾರಣಕ್ಕೂ ಮರೆಯಬೇಡಿ. ನೀವು ಬ್ಯಾಟರಿ ತೆರೆಯದೇ ಲ್ಯಾಪ್‌ಟಾಪ್‌ನ ಯಾವುದೇ ಬಿಡಿಭಾಗವನ್ನು ಸ್ವಚ್ಚಗೊಳಿಸಲು ಸಾಧ್ಯವೇ ಇಲ್ಲ ಎಂಬುದು ತಿಳಿದಿರಲಿ. ಹಾಗಾಗಿ, ಇದು ನಿಮಗೆ ಮುಖ್ಯ ಸೂಚನೆ.

ಕೀಬೋರ್ಡ್ ಕ್ಲೀನ್ ಮಾಡುವುದು

ಬ್ಯಾಟರಿ ಸಂಪರ್ಕ ಕಡಿತಗೊಳಿಸಿದ ನಂತರ ಕೀಬೋರ್ಡ್ ಮೇಲೆ ನಿಧಾನವಾಗಿ ಗಾಳಿಯನ್ನು ಊದಿ (ಚಿಕ್ಕ ಗಾಳಿ ಪಂಪ್ ಇದ್ದರೆ ಒಳ್ಳೆಯದು). ಇದು ಕೀಲಿಗಳ ನಡುವೆ ಸಿಲುಕಿರುವ ಕೆಲವು ವಸ್ತುಗಳನ್ನು ಅನ್ನು ಸಡಿಲಗೊಳಿಸುತ್ತದೆ. ನಂತರ ಕಿವಿಯನ್ನು ಸ್ವಚ್ಚಗೊಳಿಸಲು ಇರುವ ಹತ್ತಿ ಸ್ವ್ಯಾಬನ್ನು ಮದ್ಯದಿಂದ ತೇವಗೊಳಿಸಿ. ನಂತರ ಕೀಲಿಗಳ ನಡುವೆ ಅದರಿಂದ ಕ್ಲೀನ್ ಮಾಡಿ.

ಮಾನಿಟರ್ ಕ್ಲೀನ್ ಮಾಡುವುದು

ಧೂಳನ್ನು ತೆಗೆದುಹಾಕಲು ಗಾಳಿಯಿಂದ ನಿಮ್ಮ ಪರದೆಯನ್ನು ಸಿಂಪಡಿಸಿ. ವಿನೆಗರ್ ದ್ರಾವಣವನ್ನು ಮೃದುವಾದ ಮೈಕ್ರೋಫೈಬರ್ ಬಟ್ಟೆಯಿಂದ ನೆನೆಸಿ ಪರದೆಯನ್ನು ನಿಧಾನವಾಗಿ ಒರೆಸಿ. ಈ ಬಟ್ಟೆಗಳು ಕಂಪ್ಯೂಟರ್ ಪೂರೈಕೆ ಮಳಿಗೆಗಳು ಅಥವಾ ಆನ್‌ಲೈನಿನಲ್ಲಿ ಲಭ್ಯವಿದೆ. ವಿನೆಗರ್ ಜೊತೆಗೆ ಮದ್ಯ ಹಾಗೂ ಹತ್ತಿಯ ಸಹಾಯದಿಂದಲೂ ಪರದೆಯನ್ನು ಸ್ವಚ್ಚಗೊಳಿಸಬಹುದು.

ಮೌಸ್ ಕ್ಲೀನ್ ಮಾಡುವುದು.

ನಿಮ್ಮ ಲ್ಯಾಪ್‌ಟಾಪ್‌ನಲ್ಲಿ ನೀವು ಬಾಹ್ಯ ಮೌಸ್ ಹೊಂದಿದ್ದರೆ ಅದನ್ನು ಸ್ವಚ್ಚಗೊಳಿಸಲು ಮರೆಯಬೇಡಿ. ನಿಮ್ಮ ಲ್ಯಾಪ್‌ಟಾಪ್ ಅನ್ನು ಸ್ವಚ್ಚಗೊಳಿಸಲು ಇದು ಸುಲಭವಾದ ಭಾಗವಾಗಿದ್ದು, ವಿನೆಗರ್ ದ್ರಾವಣದೊಂದಿಗೆ ಹತ್ತಿಯನ್ನು ನೆನೆಸಿ ನಿಮ್ಮ ಮೌಸ್ ಅನ್ನು ಕ್ಲೀನ್ ಮಾಡಿ. ನಿಮ್ಮ ಮೌಸ್ ಸ್ವಚ್ಚಗೊಳಿಸುವ ಮೊದಲು ಅದನ್ನು ಲ್ಯಾಪ್‌ನಿಂದ ತೆರೆಯುವುದನ್ನು ಮರೆಯಬೇಡಿ.

ಒಣಗಿದ ನಂತರ ಬ್ಯಾಟರಿ ಜೋಡಿಸಿ

ಹೀಗೆ ನೀವು ಕಂಪ್ಯೂಟರ್ ಬಿಡಿಭಾಗಗಳನ್ನು ಸ್ವಚ್ಚಗೊಳಿಸಿದ ನಂತರ ಅವುಗಳು ಸಂಪೂರ್ಣವಾಗಿ ಒಣಗಿವೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಇದಾದ ನಂತರವಷ್ಟೇ ಲ್ಯಾಪ್‌ಟಾಪ್‌ಗೆ ಬ್ಯಾಟರಿಯನ್ನು ಜೋಡಿಸಿ. ಹೀಗೆ ಮಾಡುವುದರಿಂದ ನಿಮ್ಮ ಲ್ಯಾಪ್‌ಟಾಪ್ ಸುರಕ್ಷಿತವಾಗಿರುತ್ತದೆ. 15 ದಿನಗಳಿಗೊಮ್ಮೆಯಾದರೂ ಹೀಗೆ ಲ್ಯಾಪ್‌ಟಾಪ್ ಕ್ಲೀನ್ ಮಾಡುವುದನ್ನು ಮರೆಯದಿರಿ.