ಆನ್‌ಲೈನ್‌ ಡೇಟಿಂಗ್‌ ಮಾಡುವಾಗ ಸುರಕ್ಷತೆಗಾಗಿ ಈ ನಿಯಮಗಳನ್ನು ಅನುಸರಿಸಿ!

ಹೌದು, ಇತ್ತೀಚಿನ ದಿನಗಳಲ್ಲಿ ಆನ್‌ಲೈನ್ ಡೇಟಿಂಗ್ ಅಪ್ಲಿಕೇಶನ್‌ ಸಾಕಷ್ಟು ಜನಪ್ರಿಯತೆಯನ್ನು ಪಡೆದುಕೊಂಡಿವೆ. ಆದರೆ ಆನ್‌ಲೈನ್‌ ಡೇಟಿಂಗ್‌ ಅಪ್ಲಿಕೇಶನ್‌ ಬಳಸುವಾಗ ಸಾಕಷ್ಟು ಮುಂಜಾಗ್ರತೆಯನ್ನು ವಹಿಸಬೇಕಾಗುತ್ತೆ. ಆನ್‌ಲೈನ್‌ ಡೇಟಿಂಗ್‌ ಮೂಲಕ ನಿಮ್ಮ ಡೇಟಾ ಪ್ರೈವೆಸಿಯನ್ನು ಬೇರೆಯವರು ಕದಿಯುವ ಸಾದ್ಯತೆ ಕೂಡ ಇರುತ್ತದೆ. ಆದರಿಂದ ನೀವು ಆನ್‌ಲೈನ್‌ನಲ್ಲಿ ಡೇಟ್ ಮಾಡುವಾಗ ಸುರಕ್ಷಿತವಾಗಿರಲು ಯಾವ ಕ್ರಮಗಳನ್ನು ಅನುಸರಿಸಬೇಕು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಆನ್‌ಲೈನ್‌ನಲ್ಲಿ ಡೇಟಿಂಗ್ ಪ್ರೊಫೈಲ್ ಅನ್ನು ಸೆಕ್ಯುರ್‌ ಮಾಡುವುದು ಹೇಗೆ?

ಇತ್ತೀಚಿನ ವರದಿಯ ಪ್ರಕಾರ, ಟಿಂಡರ್ ನಂತಹ ಆನ್‌ಲೈನ್ ಡೇಟಿಂಗ್ ಅಪ್ಲಿಕೇಶನ್‌ನಲ್ಲಿ ನಿಮ್ಮ ಡೇಟಿಂಗ್ ಪ್ರೊಫೈಲ್ ವಿಶಾಲವಾಗಿ ಕೇವಲ ಮೂರು ವಸ್ತುಗಳನ್ನು ಒಳಗೊಂಡಿದೆ. ನಿಮ್ಮ ಫೋಟೋ, ನಿಮ್ಮ ಹೆಸರು ಮತ್ತು ನಿಮ್ಮ ಆಸಕ್ತಿಗಳಿಗೆ ಅನುಗುಣವಾಗಿ ನಿಮ್ಮ ಪ್ರೊಫೈಲ್‌ ಕ್ರಿಯೆಟ್‌ ಆಗಿರುತ್ತದೆ. ಆದರಿಂದ ಇದನ್ನು ಹೇಗೆ ಸೆಕ್ಯುರ್‌ ಮಾಡುವುದು ಅನ್ನೊದನ್ನ ಕೆಳಗಿನ ಹಂತಗಳಲ್ಲಿ ತಿಳಿಯಿರಿ

ನಿಮ್ಮ ಫೋಟೋಗಳು: ನಿಮ್ಮ ನೈಜ ಫೋಟೋಗಳನ್ನು ಬಳಸಿ, ಆದರೆ ನಿಮ್ಮ ವಿಳಾಸ, ಉದ್ಯೋಗದಾತ ಮತ್ತು ಮುಂತಾದ ಮಾಹಿತಿಯನ್ನು ನೀಡದಂತಹವುಗಳನ್ನು ಆರಿಸಿ. ಯಾವುದೇ ವೈಯಕ್ತಿಕ ಡೇಟಾ ಮತ್ತು ಇತರ ಜನರಿಲ್ಲದೆ ನೀವು ಪ್ರವಾಸಗಳಿಂದ ಅಥವಾ ಹೆಗ್ಗುರುತುಗಳಿಂದ ಫೋಟೋಗಳನ್ನು ಬಳಸಬಹುದು. ನಿಮ್ಮ ಸೊಶೀಯಲ್‌ ಮೀಡಿಯಾ ಪ್ರೊಫೈಲ್‌ಗಳನ್ನು ಹುಡುಕಲು ನೀವು ಪೋಸ್ಟ್ ಮಾಡಿದ ಫೋಟೋಗಳನ್ನು ಯಾರಾದರೂ ಬಳಸಬಹುದು ಎಂಬುದನ್ನು ನೆನಪಿಡಿ.

ನಿಮ್ಮ ಹೆಸರು: ನೀವು ಗುಪ್ತನಾಮವನ್ನು ಬಳಸುತ್ತೀರಾ ಅಥವಾ ನಿಮ್ಮ ನಿಜವಾದ ಹೆಸರು ನಿಮ್ಮ ಆಯ್ಕೆಯಾಗಿದೆ. ಆದರೆ ನಿಮ್ಮ ಪೂರ್ಣ ಹೆಸರನ್ನು ಇಲ್ಲಿ ಬಿಟ್ಟುಕೊಡಬೇಡಿ.

ನಿಮ್ಮ ಆಸಕ್ತಿಗಳು: ನೀವು ಸಂಬಂಧವನ್ನು ಹುಡುಕುತ್ತಿದ್ದರೆ, ಸಂಭಾವ್ಯ ಪಾಲುದಾರರಿಗೆ ಹವ್ಯಾಸಗಳು ಮತ್ತು ಆಸಕ್ತಿಗಳು ಪ್ರಮುಖ ಮಾನದಂಡಗಳಾಗಿರಬಹುದು ಎಂಬುದನ್ನು ನೆನಪಿನಲ್ಲಿಡಿ.

ಆನ್‌ಲೈನ್‌ನಲ್ಲಿ ಡೇಟಿಂಗ್ ಮಾಡುವಾಗ ಯಾವುದನ್ನು ಮಾಡಬಾರದು?

ನಿಮ್ಮ ಇನ್‌ಸ್ಟಾಗ್ರಾಮ್ ಅಥವಾ ಇತರ ಸಾಮಾಜಿಕ ಮಾಧ್ಯಮ ಖಾತೆಯನ್ನು ನಿಮ್ಮ ಡೇಟಿಂಗ್ ಅಪ್ಲಿಕೇಶನ್ ಪ್ರೊಫೈಲ್‌ಗೆ ಜೋಡಿಸಬೇಡಿ ಏಕೆಂದರೆ ಅದು ನಿಮ್ಮ ಬಗ್ಗೆ ಹೆಚ್ಚು ಬಳಸಬಹುದಾದ ಮಾಹಿತಿಯನ್ನು ನೀಡುತ್ತದೆ. ಗೌಪ್ಯತೆ ಮತ್ತು ಸುರಕ್ಷತೆಗಾಗಿ ನೀವು ಈಗಾಗಲೇ ಇನ್‌ಸ್ಟಾಗ್ರಾಮ್ ಅನ್ನು ಹೊಂದಿಸಿದ್ದರೂ ಸಹ, ಖಾತೆಗಳನ್ನು ಒಟ್ಟಿಗೆ ಕಟ್ಟುವಲ್ಲಿ ಪ್ರತಿಫಲಕ್ಕಿಂತ ಹೆಚ್ಚಿನ ಅಪಾಯವಿರಲಿದೆ. ಇದಲ್ಲದೆ ನಿಮ್ಮ ಫೋನ್ ಸಂಖ್ಯೆ ಅಥವಾ ಸಂದೇಶ ಕಳುಹಿಸುವ ಅಪ್ಲಿಕೇಶನ್ ಹ್ಯಾಂಡಲ್ ಅನ್ನು ಹಂಚಿಕೊಳ್ಳಬೇಡಿ. ನೀವು ಚಾಟ್ ಮಾಡುತ್ತಿರುವ ವ್ಯಕ್ತಿಯನ್ನು ನೀವು ನಂಬಬಹುದು ಎಂದು ಖಚಿತವಾಗುವವರೆಗೆ ಡೇಟಿಂಗ್ ಅಪ್ಲಿಕೇಶನ್‌ನ ಇಂಟರ್‌ಬಿಲ್ಟ್‌ ಮೆಸೇಜ್‌ ಪ್ಲಾಟ್‌ಫಾರ್ಮ್‌ ಅನ್ನು ಬಳಸಿರಿ. ನೀವು ಇನ್ನೊಂದು ಮೆಸೇಜಿಂಗ್ ಅಪ್ಲಿಕೇಶನ್‌ಗೆ ತೆರಳಲು ಸಿದ್ಧರಾದಾಗ, ನಿಮ್ಮ ಖಾಸಗಿ ಮಾಹಿತಿಯನ್ನು ಸುರಕ್ಷಿತವಾಗಿರಿಸಲು ಅದನ್ನು ಸೆಟ್‌ ಮಾಡಿ.

ಡೇಟಿಂಗ್ ಅಪ್ಲಿಕೇಶನ್‌ಗಳಲ್ಲಿ ಸುರಕ್ಷಿತವಾಗಿ ಕಮ್ಯೂನಿಕೇಶನ್‌ ನಡೆಸುವುದು ಹೇಗೆ?

ಒಮ್ಮೆ ನೀವು ಹೊಂದಾಣಿಕೆ ಮಾಡಿದ ನಂತರ, ನಿಮ್ಮ ಇಡೀ ಜೀವನದ ಕಥೆಯನ್ನು ಹೇಳಲು ಹೋಗಬೇಡಿ. ಅದು ಸಂಪೂರ್ಣವಾಗಿ ಸಾರ್ವಜನಿಕವಾಗಿದ್ದರೆ ನಿಮಗೆ ಕಷ್ಟವಾಗಲಿದೆ. ನೀವು ಅಪರಿಚಿತರೊಂದಿಗೆ ಮಾತನಾಡುತ್ತಿದ್ದೀರಿ ಎಂಬುದನ್ನು ನೆನಪಿಡಿ. ನೀವು ಮಾತನಾಡುವ ವ್ಯಕ್ತಿ ವಂಚಕರೂ ಆಗಿರಬಹುದು. ನಿಮ್ಮ ಕೆಲವು ಖಾಸಗಿ ಡೇಟಾವನ್ನು ಫಿಶ್ ಮಾಡಲು ಸಹ ಪ್ರಯತ್ನಿಸಬಹುದು, ಆದ್ದರಿಂದ ನಿಮ್ಮ ಫೋನ್‌ನಲ್ಲಿ ಅಪ್ಲಿಕೇಶನ್ ಅನ್ನು ಸ್ಥಾಪಿಸಲು ಅಥವಾ ನಿರ್ದಿಷ್ಟ ವೆಬ್‌ಸೈಟ್‌ಗೆ ಭೇಟಿ ನೀಡಲು ಕೇಳಿದರೆ ಅಥವಾ ಸಾಮಾನ್ಯ ವೆಬ್‌ಸೈಟ್ ಭದ್ರತಾ ಪ್ರಶ್ನೆಗಳಂತೆ ತೋರುವ ಪ್ರಶ್ನೆಗಳನ್ನು ಕೇಳಲು ಪ್ರಾರಂಭಿಸಿದರೆ ಜಾಗರೂಕರಾಗಿರಿ.