ಮೊಬೈಲ್‌ಗಾಗಿ ಸಿಗ್ನಲ್‌ನಲ್ಲಿ ಟೈಪಿಂಗ್ ಸೂಚಕಗಳನ್ನು ನಿಷ್ಕ್ರಿಯಗೊಳಿಸುವುದು ಹೇಗೆ?

| Published: Saturday, February 27, 2021, 19:51 [IST]

ಜನಪ್ರಿಯ ಮೆಸೇಜಿಂಗ್‌ ಅಪ್ಲಿಕೇಶನ್‌ ಸಿಗ್ನಲ್‌ ಈಗಾಗಲೇ ಬಳಕೆದಾರರ ಮನಗೆದ್ದಿದೆ. ತನ್ನ ಗೌಪ್ಯತೆ ಫೀಚರ್ಸ್‌ ಕಾರಣದಿಂದಾಗಿ ಹೆಚ್ಚಿನ ಬಳಕೆದಾರರನ್ನು ಆಕರ್ಷಿಸಿದೆ. ವಾಟ್ಸಾಪ್‌ನ ಹೊಸ ಸೇವಾ ನಿಯಮ ವಿವಾದದ ನಂತರ ಹೆಚ್ಚಿನ ಪ್ರಮಾಣದಲ್ಲಿ ಬಳಕೆದಾರರನ್ನು ಪಡೆದುಕೊಂಡಿದೆ. ಸದ್ಯ ಬಳಕೆದಾರರಿಗೆ ಹಲವು ಫೀಚರ್ಸ್‌ಗಳನ್ನ ಪರಿಚಯಿಸಿರುವ ವಾಟ್ಸಾಪ್‌ಗೆ ಸೆಡ್ಡು ಹೊಡೆದಿದೆ.

ಹೌದು, ಸಿಗ್ನಲ್ ಎನ್‌ಕ್ರಿಪ್ಶನ್ ಮತ್ತು ಭದ್ರತಾ ಫೀಚರ್ಸ್‌ಗಳಿಂದ ಪ್ರಸಿದ್ಧಿ ಪಡೆದುಕೊಂಡಿದೆ. ಗೌಪ್ಯತೆ ಫೀಚರ್ಸ್‌ ವಿಚಾರದಲ್ಲಿ ಸಿಗ್ನಲ್ ಅಪ್ಲಿಕೇಶನ್ ಉತ್ತಮ ಗೌಪ್ಯತೆ ಫೀಚರ್ಸ್‌ಗಳನ್ನು ಒದಗಿಸುತ್ತದೆ. ಇವುಗಳಲ್ಲಿ ಒಂದು ಚಾಟ್ ಮಾಡುವಾಗ ಟೈಪಿಂಗ್ ಸೂಚಕಗಳನ್ನು ಮರೆಮಾಡುವುದು. ಚಾಟ್‌ನಲ್ಲಿ ಸಂದೇಶ ಟೈಪಿಂಗ್ ಸೂಚನೆಯನ್ನು ನಿಷ್ಕ್ರಿಯಗೊಳಿಸಲು ಇದನ್ನು ನೀವು ಆಯ್ಕೆ ಮಾಡಬಹುದು. ಹಾಗಾದ್ರೆ ಸಿಗ್ನಲ್‌ ಅಪ್ಲಿಕೇಶನ್‌ನಲ್ಲಿ ಟೈಪಿಂಗ್‌ ಸೂಚಕಗಳನ್ನು ನಿಷ್ಕ್ರಿಯಗೊಳಿಸುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಸಿಗ್ನಲ್‌ ಅಪ್ಲಿಕೇಶನ್‌ನಲ್ಲಿ ನೀವು ಆಕಸ್ಮಿಕವಾಗಿ ಕೀಲಿಯನ್ನು ಹೊಡೆದರೆ ಅಥವಾ ನೀವು ಕಳುಹಿಸಲು ಉದ್ದೇಶಿಸದ ಯಾವುದನ್ನಾದರೂ ಟೈಪ್ ಮಾಡಿದರೆ ಅಥವಾ ನೀವು ದೀರ್ಘ ಸಂದೇಶಗಳನ್ನು ಟೈಪ್ ಮಾಡುತ್ತಿದ್ದರೆ ಅದನ್ನು ನಿಷ್ಕ್ರಿಯಗೊಳಿಸುವುದು ಉಪಯುಕ್ತವಾಗಿರುತ್ತದೆ. ಅಂತಹ ಸಂದರ್ಭಗಳನ್ನು ತಪ್ಪಿಸಲು ಸಿಗ್ನಲ್‌ನಲ್ಲಿ ಟೈಪಿಂಗ್ ಸೂಚಕವನ್ನು ನಿಷ್ಕ್ರಿಯಗೊಳಿಸಬಹುದಾಗಿದೆ. ಇದರಿಂದ ನೀವು ದೀರ್ಘ ಸಂದೇಶಗಳನ್ನು ಕಳುಹಿಸುವಾಗ ಯಾವುದೇ ತಪ್ಪಾಗದಂತೆ ಎಚ್ಚರಿಕೆ ವಹಿಸಬಹುದಾಗಿದೆ.

ಸಿಗ್ನಲ್ ಅಪ್ಲಿಕೇಶನ್‌ನಲ್ಲಿ ಟೈಪಿಂಗ್ ಸೂಚಕಗಳನ್ನು ನಿಷ್ಕ್ರಿಯಗೊಳಿಸುವುದು ಹೇಗೆ?

ಹಂತ:1 ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಸಿಗ್ನಲ್ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಿ.
ಹಂತ:2 ಮೇಲಿನ ಎಡ ಮೂಲೆಯಲ್ಲಿರುವ ನಿಮ್ಮ ಪ್ರೊಫೈಲ್ ಐಕಾನ್ ಅನ್ನು ಟ್ಯಾಪ್ ಮಾಡಿ, ನೀವು ಸಿಗ್ನಲ್ ಸೆಟ್ಟಿಂಗ್‌ಗಳನ್ನು ನಮೂದಿಸುತ್ತೀರಿ.
ಹಂತ:3 ಸೆಟ್ಟಿಂಗ್‌ಗಳ ಮೆನುವಿನಿಂದ ಗೌಪ್ಯತೆಯನ್ನು ಟ್ಯಾಪ್ ಮಾಡಿ ಮತ್ತು ಮುಂದಿನ ಪರದೆಯಲ್ಲಿ, ಟೈಪಿಂಗ್ ಸೂಚಕಗಳನ್ನು ಹೇಳುವ ಸ್ಲೈಡರ್ ಅನ್ನು ಟ್ಯಾಪ್ ಮಾಡಿ.

ಹಂತ:4 ಟೈಪಿಂಗ್ ಸೂಚಕಗಳನ್ನು ನಿಷ್ಕ್ರಿಯಗೊಳಿಸಿದ್ದರೆ, ನೀವು ಇತರರಿಂದ ಸಂದೇಶ ಟೈಪಿಂಗ್ ಸೂಚಕಗಳನ್ನು ನೋಡಲು ಸಾಧ್ಯವಾಗುವುದಿಲ್ಲ.
ಹಂತ:5 ಸ್ಲೈಡರ್ ಅನ್ನು ಆನ್‌ಗೆ ಬದಲಾಯಿಸುವ ಮೂಲಕ ನೀವು ಅದನ್ನು ಯಾವಾಗಲೂ ಆನ್ ಮಾಡಬಹುದು.
ಈ ಮೂಲಕ ಸಿಗ್ನಲ್‌ ಅಪ್ಲಿಕೇಶನ್‌ನಲ್ಲಿ ಟೈಪಿಂಗ್‌ ಸೂಚಕಗಳನ್ನು ನಿಷ್ಕ್ರಿಯಗೊಳಿಸಬಹುದಾಗಿದೆ.