Instagram ನಲ್ಲಿರುವ ನಿಮ್ಮ ಡೇಟಾವ ನ್ನು ಡೌನ್‌ಲೋಡ್ ಮಾಡುವುದು ಹೇಗೆ ಗೊತ್ತಾ?

ಹೌದು, ಇನ್‌ಸ್ಟಾಗ್ರಾಮ್ ಬಳಕೆದಾರರಾಗಿದ್ದು, ಇನ್‌ಸ್ಟಾಗ್ರಾಮ್‌ನಲ್ಲಿರುವ ವೀಡಿಯೊಗಳು ಅಥವಾ ಸ್ಟೋರಿಗಳನ್ನು ಡೌನ್‌ಲೋಡ್‌ ಮಾಡಬೇಕಾದರೆ ಕೆಲವು ಹಂತಗಳನ್ನ ಅನುಸರಿಸಬೇಕಾಗುತ್ತದೆ. ಇನ್‌ಸ್ಟಾಗ್ರಾಮ್‌ನಲ್ಲಿರುವ ನಿಮ್ಮ ಆಯ್ಕೆಯ ವೀಡಿಯೋಗಳನ್ನ ಸರಳ ಹಂತಗಳ ಮೂಲಕ ಡೌನ್‌ಲೋಡ್‌ ಮಾಡಬಹುದಾಗಿದೆ. ಆದರೆ, ನೀವು ಯಾವುದೇ ಇನ್‌ಸ್ಟಾಗ್ರಾಮ್ ವೀಡಿಯೊವನ್ನು ಡೌನ್‌ಲೋಡ್ ಮಾಡಲು ಹೋಗುವ ಮೊದಲು, ಬಳಕೆದಾರರ ಅನುಮತಿಯನ್ನು ತೆಗೆದುಕೊಳ್ಳುವಂತೆ ಸೂಚಿಸಲಾಗುತ್ತದೆ. ಇದು ಸಹ ನಿಮಗೆ ತಿಳಿದಿಲ್ಲದಿದ್ದರೆ, ನಿಮ್ಮ ಎಲ್ಲಾ ಡೇಟಾವನ್ನು ಲಿಂಕ್ ಮೂಲಕ ಡೌನ್‌ಲೋಡ್ ಮಾಡುವುದಕ್ಕೆ ಅವಕಾಶವಿದೆ. ಆದರೆ, ಇತರರ ವೀಡಿಯೊಗಳನ್ನು ಡೌನ್‌ಲೋಡ್ ಮಾಡಬೇಕಾದರೆ, ನೀವು ಇತರ ವೆಬ್‌ಸೈಟ್‌ಗಳನ್ನು ಅವಲಂಬಿಸಬೇಕಾಗುತ್ತದೆ.

ನಿಮ್ಮ ಸ್ವಂತ Instagram ಡೇಟಾವ ನ್ನು ಡೌನ್‌ಲೋಡ್ ಮಾಡುವುದು ಹೇಗೆ

ನಿಮ್ಮ ಇನ್‌ಸ್ಟಾಗ್ರಾಮ್ ಡೇಟಾವನ್ನು ಡೌನ್‌ಲೋಡ್ ಮಾಡಲು, www.instagram.com/download/request/ ಗೆ ಹೋಗಿ. ಇಲ್ಲಿ ಒಂದು ಪೇಜ್‌ ಓಪನ್‌ ಆಗಲಿದೆ. ಅಲ್ಲಿ ನಿಮ್ಮ ಇಮೇಲ್ ವಿಳಾಸವನ್ನು ಎಂಟ್ರಿ ಮಾಡಬೇಕು. ಇದು ನೀವು ನಿಮ್ಮ ಖಾತೆಯನ್ನು ನೋಂದಾಯಿಸಲು ಬಳಸಿದ ಇಮೇಲ್ ವಿಳಾಸವೇ ಆಗಿರಬೇಕು. ನಂತರ ಸ್ಕ್ರೀನ್‌ನಲ್ಲಿ ನಿಮ್ಮ ಖಾತೆಯ ಪಾಸ್‌ವರ್ಡ್ ಅನ್ನು ನಮೂದಿಸಿ. ನೀವೇ ದೃಡೀಕರಿಸಿದ ನಂತರ, ಕಂಪನಿಯು ನಿಮ್ಮ ವಿನಂತಿಯನ್ನು ಪ್ರಕ್ರಿಯೆಗೊಳಿಸುತ್ತದೆ. ನಿಮ್ಮ ಡೇಟಾವನ್ನು ಪ್ರಕ್ರಿಯೆಗೊಳಿಸಲು ಮತ್ತು ಡೌನ್‌ಲೋಡ್ ಮಾಡಲು ಅವಕಾಶ ಸಿಗುವಂತೆ ಮಾಡಲು ಇದು 48 ಗಂಟೆಗಳವರೆಗೆ ಸಮಯ ತೆಗೆದುಕೊಳ್ಳಲಿದೆ ಎನ್ನಲಾಗುತ್ತದೆ.

ಇತರ Instagram ವೀಡಿಯೊಗಳು ಅಥವಾ ಸ್ಟೋರಿಗಳನ್ನು ಡೌನ್‌ಲೋಡ್ ಮಾಡುವುದು ಹೇಗೆ

ಹಂತ 1: Instagram ವೀಡಿಯೊಗಳು, ಫೋಟೋಗಳು ಅಥವಾ ಸ್ಟೋರಿಗಳನ್ನು ಡೌನ್‌ಲೋಡ್ ಮಾಡಲು "Storysaver.net" ವೆಬ್‌ಸೈಟ್‌ಗೆ ಹೋಗಿ.

ಹಂತ 2: ಒಮ್ಮೆ ನೀವು ಆ ಸೈಟ್‌ನಲ್ಲಿದ್ದರೆ, ನೀವು ಸರ್ಚ್‌ ಬಾಕ್ಸ್‌ನಲ್ಲಿ ಇನ್‌ಸ್ಟಾಗ್ರಾಮ್ ಖಾತೆ ಬಳಕೆದಾರ ಹೆಸರನ್ನು ನಮೂದಿಸಿ ಮತ್ತು ಡೌನ್‌ಲೋಡ್ ಬಟನ್ ಒತ್ತಿರಿ. ಇದು ನಿಮಗೆ ಫೋಟೋಗಳು ಅಥವಾ ಸ್ಟೋರಿಗಳನ್ನು ತೋರಿಸುತ್ತದೆ. ನೀವು ಸಾರ್ವಜನಿಕ ಖಾತೆಯ ನಿರ್ದಿಷ್ಟ ವೀಡಿಯೊವನ್ನು ಡೌನ್‌ಲೋಡ್ ಮಾಡಲು ಬಯಸಿದರೆ, ನೀವು ಆ ವೀಡಿಯೊದ ಲಿಂಕ್ ಅನ್ನು ಸರ್ಚ್‌ ಬಾಕ್ಸ್‌ನಲ್ಲಿ ನಮೂದಿಸಿ ಮತ್ತು ಡೌನ್‌ಲೋಡ್ ಅನ್ನು ಒತ್ತಿರಿ. ನಂತರ ನೀವು "Save as video" ಬಟನ್ ಒತ್ತಿ.

ಹಂತ 3: ನಂತರ ನೀವು ಬಳಕೆದಾರ ಹೆಸರನ್ನು ನಮೂದಿಸಿದ್ದರೆ, ಸ್ಟೋರಿಗಳನ್ನು ನೋಡಲು ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ಸೇವ್ ಬಟನ್ ಒತ್ತಿರಿ.