ಜಿಯೋ ಫೈಬರ್‌ ಜೊತೆಗೆ ಉಚಿತ '4ಕೆ' ಸ್ಮಾರ್ಟ್‌ಟಿವಿ ಪಡೆಯುವುದು ಹೇಗೆ?

ಜಿಯೋ ವೆಲ್ಕಮ್ ಆಫರ್ ಎಂಬುದು ''ಜಿಯೋ ಫಾರೆವರ್''' ವಾರ್ಷಿಕ ಯೋಜನೆಗಳನ್ನು ಕರೆಯುತ್ತಿರುವ ವಾರ್ಷಿಕ ಬ್ರಾಡ್‌ಬ್ಯಾಂಡ್ ಯೋಜನೆಗಳಾಗಿವೆ. 699 ರೂ.ನಿಂದ 8,499 ರೂ.ವರೆಗಿನ ಎಲ್ಲಾ ಜಿಯೋ ಫೈಬರ್‌ ಯೋಜನೆಗಳು ಕೂಡ ಈ ಜಿಯೋ ವೆಲ್ಕಮ್ ಆಫರ್ ಲಭ್ಯವಿದೆ. ಈ ಪ್ರಸ್ತಾಪದ ಅಡಿಯಲ್ಲಿ, ಎಲ್ಲಾ ಯೋಜನೆಗಳು ಡಬಲ್ ಡೇಟಾ ಲಾಭ, ಒಟಿಟಿ ಅಪ್ಲಿಕೇಶನ್‌ಗಳಿಗೆ ವಾರ್ಷಿಕ ಚಂದಾದಾರಿಕೆ ಮತ್ತು ಎರಡು ತಿಂಗಳ ಹೆಚ್ಚುವರಿ ಸೇವೆಯೊಂದಿಗೆ ಬರುತ್ತದೆ. ಅಂದರೆ, ಎರಡು ತಿಂಗಳು ಉಚಿತವಾಗಿರುತ್ತದೆ.

ಉದಾಹರಣೆಗೆ ನೀವು ಪ್ರವೇಶ ಮಟ್ಟದ 699.ರೂ.ಗಳ ಜಿಯೋ ಫೈಬರ್ ವಾರ್ಷಿಕ ಯೋಜನೆ ಹಾಕಿಸಿಕೊಂಡರೆ, ಈ ಯೋಜನೆಗೆ ನೀವು 8,398 ರೂ.ಪಾವತಿಸಬೇಕಾಗುತ್ತದೆ ಮತ್ತು ಇದು ಒಟ್ಟು 2400GB ಅಥವಾ 2.4TB ಡೇಟಾವನ್ನು ನೀಡುತ್ತದೆ. ಆದರೆ, ನೀವು ಜಿಯೋ ವೆಲ್ಕಮ್ ಆಫರ್ ಪಡೆಯುವುದರಿಂದ ಕಂಪನಿಯು 1,398 ರೂ ಮೌಲ್ಯದ ಎರಡು ತಿಂಗಳ ಹೆಚ್ಚುವರಿ ಸೇವೆಯನ್ನು ಉಚಿತವಾಗಿ ನೀಡುತ್ತದೆ. ಗ್ರಾಹಕರು 2,999 ರೂಪಾಯಿ ಮೌಲ್ಯದ ಮ್ಯೂಸ್ 2- 6 ಡಬ್ಲ್ಯೂ ಬ್ಲೂಟೂತ್ ಸ್ಪೀಕರ್ ಅನ್ನು ಸಹ ಉಚಿತವಾಗಿ ಪಡೆಯುತ್ತಾರೆ.

2500 ರೂ. ಪಾವತಿಸಿ 'ಜಿಯೋ ಫೈಬರ್' ಖರೀದಿಸಿದರೆ ಏನೇನೆಲ್ಲಾ ಸಿಗಲಿದೆ?!

ಹೀಗೆಯೇ ನೀವು ಹೆಚ್ಚು ಮೊತ್ತದ ಫೈಬರ್ ವಾರ್ಷಿಕ ಯೋಜನೆ ಹಾಕಿಸಿಕೊಂಡು 4ಕೆ ಟೆವಿಯನ್ನು ಪಡೆಯಬಹುದಾಗಿದೆ. ಜಿಯೋ ಫೈಬರ್ ಡೈಮಂಡ್ ಯೋಜನೆ ಮೇಲ್ಪಟ್ಟ ಮತ್ತು ಪ್ಲಾಟಿನಂ ವಾರ್ಷಿಕ ಯೋಜನೆ ಚಂದಾದಾರರಿಗೆ ಉಚಿತ ಟಿವಿ ಸಿಗುತ್ತದೆ (ಪ್ರತಿ ಯೋಜನೆಗೆ ವಿಭಿನ್ನ ಪರದೆಯ ಗಾತ್ರ). ಗೋಲ್ಡ್ ಪ್ಲಾನ್ ಚಂದಾದಾರರು 12,990 ರೂ. ಬೆಲೆಯ 24 ಇಂಚಿನ ಎಚ್‌ಡಿ ಟಿವಿಯನ್ನು ಮಾತ್ರ ಪಡೆಯುತ್ತಾರೆ. ಆದರೆ, ಈ ಟಿವಿ ಪಡೆಯಲು ಎರಡು ವರ್ಷದ ಯೋಜನೆಯನ್ನು ಒಟ್ಟಿಗೆ ಪಡೆಯಬೇಕು. ಅಂದರೆ, ನೀವು ಇದಕ್ಕಾಗಿ 31,000 ರೂ. ಪಾವತಿಸಬೇಕು.!

ನೀವೇನಾದರೂ ಫೈಬರ್ ಜೊತೆಗೆ 108 ಇಂಚಿನ ಎಚ್‌ಡಿ ಟಿವಿಯನ್ನು ಉಚಿತವಾಗಿ ಪಡೆಯಬೇಕು ಎಂದರೆ, ನೀವು ಜಿಯೋ ಫೈಬರ್ ವಾರ್ಷಿಕ ಯೋಜನೆಯ ಟೈಟಾನಿಯಂ ಯೋಜನೆಯನ್ನು ಪಡೆಯಬೇಕು. ಪ್ರತಿ ತಿಂಗಳು 8,499 ರೂಪಾಯಿಗಳ ಬೆಲೆ ಹೊಂದಿರುವ ಈ ಯೋಜನೆಯ ವಾರ್ಷಿಕ ಮೊತ್ತ 101,988 ರೂಪಾಯಿಗಳನ್ನು ಪಾವತಿಸಬೇಕು. ನೀವು ಇಷ್ಟು ಹಣವನ್ನು ಪಾವತಿಸಿ ಯೋಜನೆಗಳನ್ನು ಪಡೆದರೆ ನಿಮಗೆ 44,990 ರೂ. ಬೆಲೆಯ ಉಚಿತ ಸಿಗಲಿದೆ ಮತ್ತು ಒಂದು ಜಿಬಿಪಿಎಸ್ ವೇಗದಲ್ಲಿ ವರ್ಷದಲ್ಲಿ 60 ಸಾವಿರ ಜಿಬಿ ಡೇಟಾ ದೊರೆಯಲಿದೆ.

ಬಹುನಿರೀಕ್ಷಿತ 'ಜಿಯೋ ಫೈಬರ್‌' ಮೆಗಾ ಆಫರ್ ಪ್ರಕಟ!

ಜಿಯೋ ಫೈಬರ್ ಗೋಲ್ಡ್ ಮೇಲ್ಪಟ್ಟ ಯಾವುದೇ ವಾರ್ಷಿಕ ಯೋಜನೆಗೆ ಉಚಿತ ಟಿವಿಗಳನ್ನು ಜಿಯೋ ನೀಡುತ್ತಿದೆ. ಆದರೆ, ಜಿಯೋ ನೀಡುವ ಟಿವಿ ಯಾವ ಬ್ರ್ಯಾಂಡ್ ಟಿವಿ ಎಂಬುದನ್ನು ಕಂಪೆನಿ ತಿಳಿಸಿಲ್ಲ. ಇನ್ನು ನೀವು ಕನಿಷ್ಟ 24 ಇಂಚಿನ ಎಚ್‌ಡಿ ಟಿವಿಯನ್ನು ಪಡೆಯಬೇಕೆಂದರೂ ಸಹ 31,000 ರೂ. ಪಾವತಿಸಿ ಜಿಯೋ ಫೈಬರ್ ರೀಚಾರ್ಜ್ ಮಾಡಿಸಬೇಕಾಗುತ್ತದೆ. ಒಂದು ರೀತಿಯಲ್ಲಿ ಇದು ಇತ್ತ ನುಂಗಲೂ ಆಗದ ಅತ್ತ ಉಗಿಯಲು ಆಗದ ಬಿಸಿತುಪ್ಪದಂತೆ ಕಾಣುತ್ತಿದೆ. ವರ್ಷಪೂರ್ತಿ ಬ್ರ್ಯಾಂಡ್‌ಬ್ಯಾಂಡ್ ಬಳಕೆದಾರರಿಗಷ್ಟೇ ಇದರ ಪ್ರಯೋಜನವಾಗಲಿದೆ.