ನಿಮ್ಮ ನೆಟ್‌ಫ್ಲಿಕ್ಸ್ ಪ್ರೊಫೈಲ್ ಅನ್ನು ಲಾಕ್ ಮಾಡುವುದು ಹೇಗೆ?

ಹೌದು, ನೀವು ನೆಟ್‌ಫ್ಲಿಕ್ಸ್‌ ಐಡಿ ಪಾಸ್‌ವರ್ಡ್‌ ಅನ್ನು ನಿಮ್ಮ ಸ್ನೇಹಿತರ ಜೊತೆಗೆ ಹಂಚಿಕೊಳ್ಳಬಹುದು. ಈ ಮೂಲಕ ನಿಮ್ಮ ಐಡಿಯ ನೆಟ್‌ಫ್ಲಿಕ್ಸ್‌ ಖಾತೆಯನ್ನ ಬೇರೆಯವರು ಸಹ ಬಳಸಬಹುದು. ಆದರೆ ಇದರಿಂದ ನಿಮ್ಮ ವಿಷಯಗಳನ್ನು ಖಾಸಗಿಯಾಗಿ ಇಡುವುದು ಸ್ವಲ್ಪ ಕಷ್ಟಕರವಾಗಬಹುದು. ಆದರಿಂದ ನೀವು ನಿಮ್ಮ ನೆಟ್‌ಫ್ಲಿಕ್ಸ್ ಪ್ರೊಫೈಲ್ ಅನ್ನು ನಿಮ್ಮ ಸ್ನೇಹಿತರು ಅಥವಾ ಕುಟುಂಬದವರ ವ್ಯಾಪ್ತಿಯಿಂದ ಸುರಕ್ಷಿತವಾಗಿ ಮತ್ತು ದೂರವಿರಿಸಲು ಬಯಸಿದರೆ ನಿಮ್ಮ ಪ್ರೊಫೈಲ್ ಲಾಕ್‌ ಮಾಡಬೇಕಾಗುತ್ತದೆ. ಹಾಗಾದ್ರೆ ನಿಮ್ಮ ನೆಟ್‌ಫ್ಲಿಕ್ಸ್‌ ಖಾತೆಯ ಪ್ರೊಫೈಲ್‌ ಅನ್ನು ಲಾಕ್ ಮಾಡುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ನಿಮ್ಮ ನೆಟ್‌ಫ್ಲಿಕ್ಸ್‌ ಖಾತೆಯ ಐಡಿಯನ್ನು ಬೇರೆಯವರಿಗೆ ಕೊಟ್ಟಾಗ ನಿಮ್ಮ ಪ್ರೊಫೈಲ್‌ ಲಾಕ್‌ ಮಾಡಬೇಕಾದ ಸನ್ನಿವೇಶ ಬರಬಹುದು. ಇಲ್ಲಿ ನೀವು ನಿಮ್ಮ ಪ್ರೊಫೈಲ್ ಅನ್ನು ನೀವು ಮರೆಮಾಡಲು ಸಾಧ್ಯವಾಗದಿದ್ದರೂ, ನೀವು ಅದನ್ನು ಪಾಸ್‌ವರ್ಡ್‌ನೊಂದಿಗೆ ಖಂಡಿತವಾಗಿಯೂ ರಕ್ಷಿಸಬಹುದು. ಇದರಿಂದಾಗಿ ನಿಮ್ಮ ನೆಟ್‌ಫ್ಲಿಕ್ಸ್ ಪ್ರೊಫೈಲ್ ಅನ್ನು ನೀವು ಬಯಸಿದ ತನಕ ಅನಪೇಕ್ಷಿತ ಜನರಿಗೆ ಪರಿಶೀಲಿಸಲು ಸಾಧ್ಯವಾಗುವುದಿಲ್ಲ.

ನಿಮ್ಮ ನೆಟ್‌ಫ್ಲಿಕ್ಸ್ ಪ್ರೊಫೈಲ್ ಅನ್ನು ಲಾಕ್ ಮಾಡುವುದು ಹೇಗೆ?

ಹಂತ 1: ಒಮ್ಮೆ ನೀವು ನೆಟ್‌ಫ್ಲಿಕ್ಸ್ ವೆಬ್‌ಸೈಟ್‌ನಲ್ಲಿದ್ದರೆ, ನಿಮ್ಮ ರುಜುವಾತುಗಳೊಂದಿಗೆ ಲಾಗ್ ಇನ್ ಮಾಡಿ.

ಹಂತ 2: ಈಗ, ಎಲ್ಲಾ ಪ್ರೊಫೈಲ್‌ಗಳನ್ನು ಪ್ರದರ್ಶಿಸುವ ಪುಟವನ್ನು ನೀವು ನೋಡುತ್ತೀರಿ. ನೀವು ಲಾಕ್ ಮಾಡಲು ಬಯಸುವದನ್ನು ಟ್ಯಾಪ್ ಮಾಡಿ.

ಹಂತ 3: ಮೇಲಿನ ಬಲ ಮೂಲೆಯಲ್ಲಿ ಇರಿಸಲಾಗಿರುವ ಪ್ರೊಫೈಲ್ ಚಿತ್ರದೊಂದಿಗೆ ನೀವು ಈಗ ಖಾತೆ ಆಯ್ಕೆಯನ್ನು ಆರಿಸಬೇಕಾಗುತ್ತದೆ.

ಹಂತ 4: ‘ಪ್ರೊಫೈಲ್ ಮತ್ತು ಪೋಷಕರ ನಿಯಂತ್ರಣಗಳು' ಆಯ್ಕೆಯನ್ನು ಪಡೆಯಲು ಸ್ವಲ್ಪ ಕೆಳಗೆ ಸ್ಕ್ರಾಲ್ ಮಾಡಿ.

ಹಂತ 5: ಈ ಆಯ್ಕೆಯು ಸಣ್ಣ ತಲೆಕೆಳಗಾದ ತ್ರಿಕೋನದೊಂದಿಗೆ ಇರುತ್ತದೆ. ಹೆಚ್ಚಿನ ಆಯ್ಕೆಗಳನ್ನು ನೋಡಲು ಅದರ ಮೇಲೆ ಟ್ಯಾಪ್ ಮಾಡಿ.

ಹಂತ 6: ನೀವು ಈಗ ಪ್ರೊಫೈಲ್ ಲಾಕ್ ಆಯ್ಕೆಯನ್ನು ನೋಡುತ್ತೀರಿ. ಅದನ್ನು ಆಯ್ಕೆ ಮಾಡಿ ಮತ್ತು ದೃಡೀಕರಿಸಲು ನಿಮ್ಮ ನೆಟ್‌ಫ್ಲಿಕ್ಸ್ ಪಾಸ್‌ವರ್ಡ್ ಅನ್ನು ನಮೂದಿಸಿ.

ಹಂತ 7: ಈಗ ನೀವು ನಿಮ್ಮ ಪ್ರೊಫೈಲ್‌ನಲ್ಲಿ 4-ಅಂಕಿಯ ಪಿನ್ ಅನ್ನು ಸೆಟ್‌ಮಾಡಿ, ಪಾಸ್‌ಕೋಡ್ ಅನ್ನು ದೃಡೀಕರಿಸಬೇಕಾಗುತ್ತದೆ.

ಕೆಲವು ನಿಮಿಷಗಳ ನಂತರ, ನಿಮ್ಮ ನೆಟ್‌ಫ್ಲಿಕ್ಸ್ ಪ್ರೊಫೈಲ್ ಅನ್ನು ಪಿನ್‌ನೊಂದಿಗೆ ಸುರಕ್ಷಿತಗೊಳಿಸಲಾಗುತ್ತದೆ. ಇದೀಗ ನೀವು ವೀಕ್ಷಿಸುತ್ತಿರುವ ವಿಷಯವನ್ನು ಪ್ರವೇಶಿಸಲು ಯಾರಿಗೂ (ನಿಮಗೆ ಬೇಕಾದವುಗಳನ್ನು ಹೊರತುಪಡಿಸಿ) ಸಾಧ್ಯವಾಗುವುದಿಲ್ಲ.