ವಾಟ್ಸಾಪ್‌ನಲ್ಲಿ ವಾಯ್ಸ್‌ ಕಾಲ್‌ಗಳನ್ನು ರೆಕಾರ್ಡ್ ಮಾಡುವುದು ಹೇಗೆ ಗೊತ್ತಾ?

ಹೌದು, ವಾಟ್ಸಾಪ್‌ನಲ್ಲಿ ನೀವು ವಾಯ್ಸ್‌ ಕಾಲ್‌ಗಳನ್ನ ರೆಕಾರ್ಡ್‌ ಮಾಡಬಹುದು. ಕೆಲವೊಮ್ಮೆ ನೀವು ಇತರ ಫೋನ್ ಸಂಭಾಷಣೆಗಳನ್ನು ರೆಕಾರ್ಡ್ ಮಾಡಬೇಕಾಗಬಹುದು. ಅಲ್ಲದೆ ಕರೆ ಹನಿಗಳ ಕಾರಣದಿಂದಾಗಿ ಹೆಚ್ಚಾಗಿ ವಾಟ್ಸಾಪ್ ವಾಯ್ಸ್‌ ಕಾಲ್‌ಗಳನ್ನು ಅವಲಂಬಿಸಬೇಕಾಗಬಹದು. ಇಂತಹ ಸಮಯದಲ್ಲಿ ನೀವು ವಾಟ್ಸಾಪ್‌ ವಾಯ್ಸ್‌ ಕಾಲ್‌ ಅನ್ನು ರೆಕಾರ್ಡ್‌ ಮಾಡಬಹುದು. ಇದಕ್ಕಾಗಿ ನೀವು ಕೆಲವು ಹಂತಗಳನ್ನು ಅನುಸರಿಸಬೇಕಾಗುತ್ತದೆ. ಆಂಡ್ರಾಯ್ಡ್ ಅಥವಾ ಐಫೋನ್ ಆಗಿರಲಿ, ವಾಟ್ಸಾಪ್ ವಾಯ್ಸ್‌ಗಳನ್ನು ರೆಕಾರ್ಡ್ ಮಾಡುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ವಾಟ್ಸಾಪ್‌ನಲ್ಲಿ ವಾಯ್ಸ್‌ ಕಾಲ್‌ ರೆಕಾರ್ಡ್‌ ಮಾಡುವುದು ಸ್ವಲ್ಪ ಟ್ರಿಕಿ ಆಗಿದೆ. ಅಲ್ಲದೆ ನಿಮ್ಮ ಆಂಡ್ರಾಯ್ಡ್ ಫೋನ್‌ಗೆ ಹೆಚ್ಚುವರಿಯಾಗಿ ಮ್ಯಾಕ್‌ಬುಕ್ ಮತ್ತು ಐಫೋನ್ ಸೆಟ್‌ ಮಾಡುವ ಅವಶ್ಯಕತೆ ಇರುತ್ತದೆ. ನಿಮ್ಮ Android ಫೋನ್ ನಿಮ್ಮ ವಾಟ್ಸಾಪ್ ಖಾತೆಯನ್ನು ಲಾಗ್ ಇನ್ ಮಾಡಿರಬೇಕು ಮತ್ತು ವಾಯ್ಸ್‌ ಕಾಲ್‌ಗಳನ್ನು ಬೆಂಬಲಿಸಬೇಕು. ನಂತರ ನಿಮ್ಮ Android ಫೋನ್‌ನಲ್ಲಿ ವಾಟ್ಸಾಪ್ ಕರೆಗಳನ್ನು ರೆಕಾರ್ಡ್ ಮಾಡಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ.

ವಾಟ್ಸಾಪ್‌ನಲ್ಲಿ ವಾಯ್ಸ್‌ ಕಾಲ್‌ಗಳನ್ನು ರೆಕಾರ್ಡ್ ಮಾಡುವುದು ಹೇಗೆ

ಹಂತ 1: ಮೊದಲು ಲೈಟಿಂಗ್‌ ಕೇಬಲ್ ಬಳಸಿ ಐಫೋನ್ ಅನ್ನು ಮ್ಯಾಕ್‌ಗೆ ಕನೆಕ್ಟ್‌ ಮಾಡಿರಿ.

ಹಂತ 2: ನಂತರ ಐಫೋನ್‌ನಲ್ಲಿ ‘Trust this computer' ಆಯ್ಕೆಮಾಡಿ.

ಹಂತ 3: ಮುಂದೆ ಮ್ಯಾಕ್‌ಬುಕ್‌ನಲ್ಲಿ ಕ್ವಿಕ್‌ಟೈಮ್ ತೆರೆಯಿರಿ ಮತ್ತು ಫೈಲ್ ಆಯ್ಕೆಯ ಅಡಿಯಲ್ಲಿ ಹೊಸ ಆಡಿಯೊ ರೆಕಾರ್ಡಿಂಗ್ ಆಯ್ಕೆಯನ್ನು ಆರಿಸಿ

ಹಂತ 4: ಕ್ವಿಕ್‌ಟೈಮ್‌ನಲ್ಲಿನ ರೆಕಾರ್ಡ್ ಬಟನ್‌ನ ಪಕ್ಕದಲ್ಲಿಯೇ ನೀವು ಕೆಳಕ್ಕೆ ತೋರಿಸುವ ಬಾಣವನ್ನು ಕ್ಲಿಕ್ ಮಾಡಬೇಕಾಗುತ್ತದೆ ಮತ್ತು ಅಲ್ಲಿಂದ ಐಫೋನ್ ಅನ್ನು ಆರಿಸಬೇಕಾಗುತ್ತದೆ

ಹಂತ 5: ಮುಂದೆ ಕ್ವಿಕ್‌ಟೈಮ್‌ನಲ್ಲಿನ ರೆಕಾರ್ಡ್ ಬಟನ್ ಕ್ಲಿಕ್ ಮಾಡಿ

ಹಂತ 6: ನಂತರ ಐಫೋನ್ ಬಳಸಿ ನಿಮ್ಮ ಆಂಡ್ರಾಯ್ಡ್ ಫೋನ್‌ಗೆ ವಾಟ್ಸಾಪ್ ಮೂಲಕ ಕರೆ ಮಾಡಿ, ನಂತರ ಆಡ್ ಯೂಸರ್ ಐಕಾನ್ ಒತ್ತಿರಿ.

ಹಂತ 7: ನಂತರ ನೀವು ಮಾತನಾಡಲು ಬಯಸುವ ವ್ಯಕ್ತಿಯನ್ನು ನೀವು ಆರಿಸಬೇಕಾಗುತ್ತದೆ. ಇದು ಕಾಲ್‌ ಮತ್ತು ರೆಕಾರ್ಡಿಂಗ್ ಅನ್ನು ಪ್ರಾರಂಭಿಸುತ್ತದೆ.

ಹಂತ 8: ಒಮ್ಮೆ ಮಾಡಿದ ಕರೆಯನ್ನು ಕೊನೆಗೊಳಿಸಿ ಮತ್ತು ಕ್ವಿಕ್‌ಟೈಮ್‌ನಲ್ಲಿ ರೆಕಾರ್ಡಿಂಗ್ ನಿಲ್ಲಿಸಿ ಮತ್ತು ಫೈಲ್ ಅನ್ನು ಮ್ಯಾಕ್‌ನಲ್ಲಿ ಉಳಿಸಿ.

ಇದಲ್ಲದೆ ನೀವು ವಾಟ್ಸಾಪ್‌ ಗ್ರೂಪ್‌ ವಾಯ್ಸ್‌ ಕಾಲ್‌ ರೆಕಾರ್ಡ್‌ ಮಾಡಿದರೆ, ಗ್ರೂಪ್ ವಾಯ್ಸ್ ಕರೆಯಲ್ಲಿ ಭಾಗವಹಿಸುವ ಎಲ್ಲರಿಗೂ ಕರೆ ರೆಕಾರ್ಡ್ ಆಗುತ್ತಿದೆ ಎಂದು ಕಂಡುಹಿಡಿಯಲು ಸಾಧ್ಯವಾಗುತ್ತದೆ. ಆದ್ದರಿಂದ, ನೀವು ವಾಯ್ಸ್‌ ಕಾಲ್‌ ಅನ್ನು ರಹಸ್ಯವಾಗಿ ರೆಕಾರ್ಡ್ ಮಾಡಲು ಯಾವುದೇ ಮಾರ್ಗಗಳಿಲ್ಲ.