ಗೂಗಲ್‌ ಮ್ಯಾಪ್‌ನಲ್ಲಿ ನಿಮ್ಮ ನೆಚ್ಚಿನ ಸ್ಥಳಗಳನ್ನು ಗುರುತಿಸುವುದು ಹೇಗೆ?

ಹೌದು, ನೀವು ಸಾಗಬೇಕಾದ ದಾರಿ, ಹತ್ತಿರ ಇರುವ ಕಚೇರಿ ಸಂಸ್ಥೆಗಳು, ಎಲ್ಲವನ್ನು ಹುಡುಕುವುದಕ್ಕೆ ಗೂಗಲ್‌ ಮ್ಯಾಪ್‌ ಒಂದೇ ಉತ್ತರ. ಎಲ್ಲದಕ್ಕೂ ಗೂಗಲ್ ಮ್ಯಾಪ್‌ ಸಹಾಯ ಮಾಡಲಿದೆ. ಇದಲ್ಲದೆ ಗೂಗಲ್‌ ಮ್ಯಾಪ್‌ ನಿರ್ವಹಿಸಬಹುದಾದ ವಿವಿಧ ಫೀಚರ್ಸ್‌ಗಳ ಜೊತೆಗೆ, ಕೆಲವು ಸ್ಥಳಗಳನ್ನು ನೀವು ಗೂಗಲ್‌ ಮ್ಯಾಪ್‌ನಲ್ಲಿ ಸೇವ್‌ ಮಾಡುವುದಕ್ಕೆ ಒಂದು ಆಯ್ಕೆಯೂ ಇದೆ. ಹೀಗೆ ಆಯ್ಕೆ ಮಾಡುವುದ್ದರಿಂದ ಅವುಗಳನ್ನು ಮತ್ತೆ ಹುಡುಕುವುದು ಎಂದಿಗೂ ತೊಂದರೆಯಾಗುವುದಿಲ್ಲ. ಹಾಗಾದ್ರೆ ಗೂಗಲ್‌ ಮ್ಯಾಪ್‌ನಲ್ಲಿ ನಿಮಗೆ ಇಷ್ಟವಾದ ಸ್ಥಳಗಳನ್ನು ಸೇವ್‌ ಮಾಡುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಗೂಗಲ್‌ ಮ್ಯಾಪ್‌ನಲ್ಲಿ ನಿಮ್ಮ ನೆಚ್ಚಿನ ಸ್ಥಳಗಳನ್ನು ಸೇವ್‌ ಮಾಡುವುದು ಹೇಗೆ?

ಹಂತ 1: ನಿಮ್ಮ Android ಅಥವಾ iOS ಡಿವೈಸ್‌ನಲ್ಲಿ ಗೂಗಲ್‌ ಮ್ಯಾಪ್‌ ಅಪ್ಲಿಕೇಶನ್‌ಗೆ ಹೋಗಿ.

ಹಂತ 2: ನೀವು ನ್ಯಾವಿಗೇಟ್ ಮಾಡಲು ಬಯಸುವ ಸ್ಥಳವನ್ನು ಹುಡುಕಿ ಮತ್ತು ಅದನ್ನು ನಿಮ್ಮ ನೆಚ್ಚಿನ ಸ್ಥಳವಾಗಿ ಸೇವ್‌ ಮಾಡಿ.

ಹಂತ 3: ಸ್ಥಳವನ್ನು ಟ್ಯಾಪ್ ಮಾಡಿ.

ಹಂತ 4: ಪರದೆಯ ಮೇಲೆ ಕಾಣುವ ವಿವಿಧ ಆಯ್ಕೆಗಳ ಪೈಕಿ, ‘ಸೇವ್‌' ಆಯ್ಕೆ ಇದೆ. ಅದರ ಮೇಲೆ ಟ್ಯಾಪ್ ಮಾಡಿ.

ಹಂತ 5: ಈಗ, ನಿಮಗೆ ಇಷ್ಟವಾದ, ಹಾಗೂ ನೀವು ಹೋಗಲು ಬಯಸುವ ಮತ್ತು ಸ್ಟಾರ್‌ ಮಾಡಿದ ಸ್ಥಳಗಳಂತಹ ವರ್ಗಗಳ ಪಟ್ಟಿ ಕಾಣಿಸುತ್ತದೆ. ಮೆಚ್ಚಿನವುಗಳ ಆಯ್ಕೆಯನ್ನು ಆರಿಸಿ, ಮೇಲಿನ ಬಲ ಮೂಲೆಯಲ್ಲಿ ಎಂಡ್‌ ಆಯ್ಕೆಯನ್ನು ಒತ್ತಿ, ಮತ್ತು ನೀವು ಈಗ ನಿಮ್ಮ ನೆಚ್ಚಿನ ಸ್ಥಳವನ್ನು ಗೂಗಲ್‌ ಮ್ಯಾಪ್‌ನಲ್ಲಿ ಸೇವ್‌ ಮಾಡಬಹುದು.

ಹಂತ 6: ನಂತರ ಗೂಗಲ್ ಮ್ಯಾಪ್‌ನಲ್ಲಿ ನಿಮ್ಮ ನೆಚ್ಚಿನ ಸ್ಥಳಗಳನ್ನು ಪ್ರವೇಶಿಸಲು, ಅಪ್ಲಿಕೇಶನ್ ತೆರೆಯಿರಿ, ಸೇವ್‌ ವಿಭಾಗಕ್ಕೆ ಹೋದರೆ ನಿಮ್ಮ ಆಯ್ಕೆಯ ಸ್ಥಳವನ್ನಯು ನೋಡಬಹುದು.

ವೆಬ್‌ ಆವೃತ್ತಿಯ ಗೂಗಲ್‌ ಮ್ಯಾಪ್‌ನಲ್ಲಿ ನೆಚ್ಚಿನ ಸ್ಥಳಗಳನ್ನು ಸೇವ್‌ ಮಾಡುವುದು ಹೇಗೆ?

ಗೂಗಲ್‌ ಮ್ಯಾಪ್‌ನ ವೆಬ್‌ ಆವೃತ್ತಿಯಲ್ಲಿಯೂ ಸಹ ನಿಮ್ಮ ಮೆಚ್ಚಿನ ಸ್ಥಳಗಳನ್ನು ಉಳಿಸಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ.

ಹಂತ 1: ಗೂಗಲ್ ನಕ್ಷೆಗಳ ವೆಬ್‌ಸೈಟ್‌ಗೆ ಭೇಟಿ ನೀಡಿ.

ಹಂತ 2: ನೀವು ಮೆಚ್ಚಿದ ಸ್ಥಳಗಳೆಂದು ಗುರುತಿಸಲು ಬಯಸುವ ಸ್ಥಳವನ್ನು ಹುಡುಕಿ.

ಹಂತ 3: ಸ್ಥಳವನ್ನು ಆಯ್ಕೆಮಾಡಿ, ಅದರ ನಂತರ ಹಲವಾರು ಆಯ್ಕೆಗಳು ಅದರ ಕೆಳಗೆ ಗೋಚರಿಸುತ್ತವೆ.

ಹಂತ 4: ಈಗ, ಸ್ಥಳವನ್ನು ನೆಚ್ಚಿನ ಎಂದು ವರ್ಗೀಕರಿಸಲು ಸೇವ್ ಆಯ್ಕೆಯನ್ನು ಆರಿಸಿ ಮತ್ತು ನಂತರ ಮೆಚ್ಚಿನವುಗಳ ಆಯ್ಕೆಯನ್ನು ಆರಿಸಿ.

ಹಂತ 5: ಇದನ್ನು ಮಾಡಿದ ನಂತರ, ನಿಮ್ಮ ಸ್ಥಳಗಳ ಆಯ್ಕೆಯನ್ನು ಆರಿಸುವ ಮೂಲಕ ನೀವು ಹ್ಯಾಂಬರ್ಗರ್ ಮೆನುವಿನಿಂದ (ಮೇಲಿನ ಎಡ ಮೂಲೆಯಲ್ಲಿ) ನೆಚ್ಚಿನ ಸ್ಥಳಗಳನ್ನು ಪ್ರವೇಶಿಸಬಹುದು.

ಒಮ್ಮೆ ನೀವು ನಿಮ್ಮ ನೆಚ್ಚಿನ ಸ್ಥಳಗಳನ್ನು ಗುರುತಿಸಿದರೆ, ಅವು ಗೂಗಲ್‌ ಮ್ಯಾಪ್‌ ಅಪ್ಲಿಕೇಶನ್ ಮತ್ತು ವೆಬ್ ಆವೃತ್ತಿಗಳಲ್ಲಿ ಗೋಚರಿಸುತ್ತವೆ. ಗೂಗಲ್‌ ಮ್ಯಾಪ್‌ಗಳಲ್ಲಿ ನೀವು ಆಗಾಗ್ಗೆ ಹುಡುಕುವ ಸ್ಥಳಗಳನ್ನು ಹುಡುಕುವ ಸುಲಭತೆಯನ್ನು ಇದು ಖಚಿತಪಡಿಸುತ್ತದೆ.