ನಿಮ್ಮ ಲೊಕೇಷನ್ ಹಂಚಿಕೊಳ್ಳುವುದಕ್ಕೆ ಇರುವ ನಾಲ್ಕು ಮಾರ್ಗಗಳು

ವಾಟ್ಸ್ ಆಪ್ ನಲ್ಲಿ ಲೊಕೇಷನ್ ಶೇರಿಂಗ್

ನೀವು ಯಾರೊಂದಿಗೆ ಲೊಕೇಷನ್ ಹಂಚಿಕೊಳ್ಳಬೇಕು ಎಂದುಕೊಂಡಿದ್ದೀರೋ ಅವರ ವಾಟ್ಸ್ ಆಪ್ ಕಾನ್ವರ್ಸೇಷನ್ ಗೆ ತೆರಳಿ.ಅಟ್ಯಾಚ್ ಬಟನ್ ನ್ನು ಟ್ಯಾಪ್ ಮಾಡಿ ಮತ್ತು ‘ಲೊಕೇಷನ್' ಆಯ್ಕೆಗೆ ತೆರಳಿ.ವಾಟ್ಸ್ ಆಪ್ ನಿಮ್ಮ ಲೊಕೇಷನ್ ನ್ನು ಗುರುತಿಸುತ್ತದೆ. ನಂತರ ‘ಸೆಂಡ್ ಯುವರ್ ಕರೆಂಟ್ ಲೊಕೇಷನ್' ನ್ನು ಟ್ಯಾಪ್ ಮಾಡಿ ಮತ್ತು ಕಾನ್ವರ್ಸೇಷನ್ ನಲ್ಲಿ ನಿಮ್ಮ ವಿಳಾಸ ಎಂಟರ್ ಆಗಿ ಸೆಂಡ್ ಆಗುತ್ತದೆ.

ಫೇಸ್ ಬುಕ್ ಮೆಸೇಂಜರ್ ನಲ್ಲಿ ಲೊಕೇಷನ್ ಶೇರಿಂಗ್

ಮೆಸೇಜ್ ಬಾಕ್ಸಿನ ಬಲಭಾಗದಲ್ಲಿ ನೀವು ಜಿಪಿಎಸ್ ಲೊಕೇಷನ್ ಸಿಂಬಲ್ ನ್ನು ಕಾಣುತ್ತೀರಿ. ಯಾವಾಗ ಫೇಸ್ ಬುಕ್ ನಿಮಗೆ ಮೆಸೇಂಜರ್ ಆಪ್ ನಲ್ಲಿ ಲೊಕೇಷನ್ ಆನ್ ಮಾಡುವುದಕ್ಕೆ ಕೇಳುತ್ತದೆಯೇ ಆಗ ಟರ್ನ್ ಆನ್ ನ್ನ ಟ್ಯಾಪ್ ಮಾಡಿ.ಇದರೊಂದಿಗೆ ನೀವು ಯಾವಾಗ ಮೆಸೇಜ್ ಕಳುಹಿಸುತ್ತೀರೋ ಆಗ ನಿಮ್ಮ ಲೊಕೇಷನ್ ಟ್ಯಾಗ್ ಆಗಿ ಇರುತ್ತದೆ.

ಎಸ್ಎಂಎಸ್ ಮೂಲಕ ಲೊಕೇಷನ್ ಶೇರಿಂಗ್

ಮೆಸೇಜ್ ಮೂಲಕವೂ ಕೂಡ ನೀವು ಲೊಕೇಷನ್ ಡಾಟಾವನ್ನು ಹಂಚಿಕೊಳ್ಳಬಹುದು. ನೀವು ಲೊಕೇಷನ್ ಹಂಚಿಕೊಳ್ಳಬೇಕೆಂದಿರುವವರ ಕಾನ್ವರ್ಸೇಷನ್ ಗೆ ತೆರಳಿ,ಪೇಪರ್ ಕ್ಲಿಪ್ ಐಕಾನ್ ನ್ನು ಹಿಟ್ ಮಾಡಿ ಮತ್ತು ಲೊಕೇಷನ್ ನ್ನು ಟ್ಯಾಪ್ ಮಾಡಿ. ನೀವು ಲೊಕೇಷನ್ ಹುಡುಕಾಡಬಹುದು ಅಥವಾ ಜಿಪಿಎಸ್ ಬಟನ್ ಮೂಲಕ ನೀವು ಎಲ್ಲಿದ್ದೀರೋ ಆ ಜಾಗವನ್ನ ಸ್ವಯಂಚಾಲಿತವಾಗಿ ಆಯ್ಕೆಯಾಗುವಂತೆಯೂ ಮಾಡಬಹುದು. ಯಾವಾಗ ನೀವು ‘ಸೆಂಡ್' ಬಟನ್ ನ್ನು ಹಿಟ್ ಮಾಡುತ್ತೀರೋ ನಿಮ್ಮ ಲೊಕೇಷನ್ನಿನ ಗೂಗಲ್ ಮ್ಯಾಪ್ ಐಡಿಯನ್ನು ರಿಸೀವ್ ಮಾಡುವವರು ಪಡೆಯುತ್ತಾರೆ.

ಗೂಗಲ್ ಮ್ಯಾಪ್ ಮೂಲಕ ಲೊಕೇಷನ್ ಶೇರಿಂಗ್

ಗೂಗಲ್ ಮ್ಯಾಪ್ ಗೆ ತೆರಳಿ ಮತ್ತು ನೀವು ಇಚ್ಛಿಸುವ ಲೊಕೇಷನ್ ನ್ನ ಹುಡುಕಾಡಿ, ನೀವು ಕಳಿಸಬೇಕು ಎಂದುಕೊಂಡಿರುವ ಆ ಲೊಕೇಷನ್ ನ್ನು ಪ್ರೆಸ್ ಮಾಡಿ ಮತ್ತು ಹೋಲ್ಡ್ ಮಾಡಿ.ಗೂಗಲ್ ಮ್ಯಾಪಿನ ಕೆಂಪು ಪಿನ್ನಿನ ಐಕಾನ್ ಮ್ಯಾಪ್ ನಲ್ಲಿ ಡ್ರಾಪ್ ಆಗುತ್ತದೆ ಜೊತೆಗೆ ವಿಳಾಸ ಕೆಳಭಾಗದಲ್ಲಿರುತ್ತದೆ.ವಿಳಾಸವನ್ನು ಟ್ಯಾಪ್ ಮಾಡಿ ಮತ್ತು ಸೇವ್ ಅಥವಾ ಶೇರ್ ಆಯ್ಕೆಯು ಲಭ್ಯವಾಗುತ್ತದೆ. ಬೇರೆಯವರಿಗೆ ಕಳುಹಿಸುವುದಕ್ಕಾಗಿ ಸೆಂಡ್ ನ್ನು ಟ್ಯಾಪ್ ಮಾಡಿ.

ಮೊಬೈಲ್ ನಲ್ಲಿ ಲೊಕೇಷನ್ ಟ್ರ್ಯಾಕಿಂಗ್ ಗಾಗಿ ಹಲವಾರು ಆಪ್ ಗಳು ಲಭ್ಯವಿದ್ದು ಫೈಂಡ್ ಮೈ ಫ್ರೆಂಡ್ಸ್, ಲೈಫ್ 360 ಫ್ಯಾಮಿಲಿ ಲೊಕೇಟರ್ ಮತ್ತು ಗ್ಲಿಂಪ್ಸೆ ಇತ್ಯಾದಿಗಳು ಸಹಾಯ ಮಾಡುತ್ತವೆ.