'ವಾಟ್ಸ್ಆಪ್ ಸ್ಟೇಟಸ್' ಟು 'ಫೇಸ್‌ಬುಕ್ ಸ್ಟೋರಿ': ನೇರವಾಗಿ ಶೇರ್ ಮಾಡಿ!

|

ಕಳೆದ ತಿಂಗಳು ವಾಟ್ಸ್ಆಪ್ ಬೀಟಾ ಆವೃತ್ತಿಯಲ್ಲಿ 'ವಾಟ್ಸ್ಆಪ್ ಬೈ ಫೇಸ್‌ಬುಕ್' ಬ್ರ್ಯಾಂಡಿಂಗ್ ಅನ್ನು ಪರಿಚಯಿಸುವ ಮೂಲಕ ಜನಪ್ರಿಯ ಜಾಲತಾಣ ಫೇಸ್‌ಬುಕ್ ಮತ್ತೊಂದು ಸಿಹಿಸುದ್ದಿ ನೀಡಿದೆ. ವಾಟ್ಸ್ಆಪ್ ಸ್ಟೇಟಸ್ ಅಪ್‌ಡೇಟ್‌ಗಳನ್ನು ನೇರವಾಗಿ ಫೇಸ್‌ಬುಕ್ ಸ್ಟೋರಿಯಾಗಿ ಹಂಚಿಕೊಳ್ಳಲು ಬಯಸುವ ಜನರು ಇನ್ಮುಂದೆ ಪ್ರತ್ಯೇಕವಾಗಿ ಫೇಸ್‌ಬುಕ್ ತೆರೆಯಬೇಕಾಗಿಲ್ಲ. ಏಕೆಂದರೆ, ನೀವೀಗ ವಾಟ್ಸ್ಆಪ್ ಸ್ಟೇಟಸ್ ಅನ್ನು ನೇರವಾಗಿ ಫೇಸ್‌ಬುಕ್ ಸ್ಟೋರಿಯಾಗಿ ಶೇರ್ ಮಾಡಬಹುದಾದ ಆಯ್ಕೆ ಲಭ್ಯವಿದೆ.

ಪ್ರತ್ಯೇಕವಾಗಿ

ಹೌದು, ಫೇಸ್‌ಬುಕ್, ಮೆಸೆಂಜರ್, ವಾಟ್ಸಾಪ್ ಮತ್ತು ಇನ್‌ಸ್ಟಾಗ್ರಾಮ್ ಎಲ್ಲಾ ಸೇವೆಗಳನ್ನು ಸಂಯೋಜಿಸುವ ಯೋಜನೆಯು ಪ್ರಕಟವಾದ ನಂತರ, ಇದೀಗ ವಾಟ್ಸ್ಆಪ್ ಸ್ಟೇಟಸ್ ಅನ್ನು ನೇರವಾಗಿ ಫೇಸ್‌ಬುಕ್ ಸ್ಟೋರಿಯಾಗಿ ಶೇರ್ ಮಾಡಬಹುದಾದ ಆಯ್ಕೆ ಸಿಕ್ಕಿದೆ. ವಾಟ್ಸ್‌ಆಪ್ ಸ್ಟೇಟಸ್ ಅನ್ನು ಫೇಸ್‌ಬುಕ್ ಸ್ಟೋರಿ ಎಂದು ಹಂಚಿಕೊಳ್ಳಲು ಬಯಸುವವರು ಪ್ರತ್ಯೇಕವಾಗಿ ಫೇಸ್‌ಬುಕ್ ತೆರೆಯದೇ ಕೇವಲ ಒಂದು ಗುಂಡಿಯನ್ನು ಒತ್ತುವ ಮೂಲಕ ವಾಟ್ಸ್‌ಆಪ್ ಸ್ಟೇಟಸ್ ಅನ್ನು ಫೇಸ್‌ಬುಕ್ ಸ್ಟೋರಿಯಾಗಿ ಪ್ರಕಟಿಸಬಹುದಾಗಿದೆ.

ಸ್ಥಿರ ಆವೃತ್ತಿಯಲ್ಲಿ ಲಭ್ಯ

ವಾಟ್ಸ್ಆಪ್ ಸ್ಟೇಟಸ್ ಅನ್ನು ಫೇಸ್‌ಬುಕ್ ಸ್ಟೋರಿಯಂತೆ ಹಂಚಿಕೊಳ್ಳುವ ಈ ವೈಶಿಷ್ಟ್ಯವು ವಾಟ್ಸಾಪ್ ಆಂಡ್ರಾಯ್ಡ್ ಮತ್ತು ಐಒಎಸ್ ಆಧಾರಿತ ಅಪ್ಲಿಕೇಶನ್‌ಗಳ ಸ್ಥಿರ ಆವೃತ್ತಿಯಲ್ಲಿ ಲಭ್ಯವಿದ್ದು, ಇದಕ್ಕಾಗಿ ನೀವು ಮಾಡಬೇಕಿರುವುದು ಇಷ್ಟು. ವಾಟ್ಸ್ಆಪ್ ಸ್ಟೇಟಸ್ ಅನ್ನು ಟ್ಯಾಪ್ ಮಾಡಿ. ನಂತರ ಬಲ ತುದಿಯಲ್ಲಿರುವ ಮೂರು ಚುಕ್ಕೆಗಳನ್ನು ಟ್ಯಾಪ್ ಮಾಡಿ. ಶೇರ್ ಟು ಫೇಸ್‌ಬುಕ್ ಆಯ್ಕೆಯನ್ನು ಟ್ಯಾಪ್ ಮಾಡಿ. ಈಗ, ವಾಟ್ಸ್ಆಪ್ ನಿಮ್ಮನ್ನು ಫೇಸ್‌ಬುಕ್ ಪ್ರವೇಶಿಸಲು ಅನುಮತಿ ಕೇಳುತ್ತದೆ. ಓಪನ್ ಆಯ್ಕೆಯನ್ನು ಟ್ಯಾಪ್ ಮಾಡಿ

ಸ್ಟೋರಿಯಾಗಿ ಶೇರ್ ಆಗುತ್ತದೆ

ಫೇಸ್‌ಬುಕ್ ಪ್ರವೇಶಿಸಲು ವಾಟ್ಸ್ಆಪ್‌ಗೆ ಅನುಮತಿ ನೀಡಿದ ನಂತರ, ವಾಟ್ಸ್ಆಪ್ ಸ್ಟೇಟಸ್ ಅನ್ನು ಫೇಸ್‌ಬುಕ್ ಸ್ಟೋರಿಯಾಗಿ ಹಂಚಿಕೊಳ್ಳಲು ಶೇರ್ ನೌ ಆಯ್ಕೆ ಕಾಣಿಸುತ್ತದೆ. ನಂತರ ಅದನ್ನು ಟ್ಯಾಪ್ ಮಾಡಿದರೆ ನಿಮ್ಮ ವಾಟ್ಸ್ಆಪ್ ಸ್ಟೇಟಸ್ ಫೇಸ್‌ಬುಕ್ ಸ್ಟೋರಿಯಾಗಿ ಶೇರ್ ಆಗುತ್ತದೆ. ಇನ್ನು ಹೀಗೆ ಶೇರ್ ಆದ ನಿಮ್ಮ ಸ್ಟೇಟಸ್ ಸಮಯ ಕೂಡ ಸಾಮಾನ್ಯವಾಗಿದ್ದು, ವಾಟ್ಸ್ಆಪ್ ಸ್ಟೇಟಸ್ ಅಥವಾ ಫೇಸ್‌ಬುಕ್ ಸ್ಟೋರಿ (ಅಥವಾ ಇನ್‌ಸ್ಟಾಗ್ರಾಮ್ ಸ್ಟೋರಿ) ಎಲ್ಲವೂ ನೀವು ಹಂಚಿಕೊಂಡ 24 ಗಂಟೆಗಳ ಒಳಗೆ ಕಣ್ಮರೆಯಾಗುತ್ತವೆ.

 ಗ್ರಾಹಕ ಕೇಂದ್ರಿತ ದೊಡ್ಡ ತಂತ್ರಜ್ಞಾನ

ಈ ವರ್ಷದ ಆರಂಭದಲ್ಲಿ ಫೇಸ್‌ಬುಕ್ ತನ್ನ ಎಲ್ಲ ಸೇವೆಗಳಾದ ಫೇಸ್‌ಬುಕ್, ಮೆಸೆಂಜರ್, ವಾಟ್ಸ್ಆಪ್ ಮತ್ತು ಇನ್‌ಸ್ಟಾಗ್ರಾಮ್ ಅನ್ನು ಸಂಯೋಜಿಸುವ ಯೋಜನೆಗಳನ್ನು ಪ್ರಕಟಿಸಿದೆ. ಫೇಸ್‌ಬುಕ್ ಮತ್ತು ಅದರ ಅಪ್ಲಿಕೇಶನ್‌ಗಳ ಕುಟುಂಬಗಳ ನಡುವೆ ಹೆಚ್ಚು ಸಂಪರ್ಕವನ್ನು ಏರ್ಪಡಿಸಿ ಗ್ರಾಹಕ ಕೇಂದ್ರಿತ ದೊಡ್ಡ ತಂತ್ರಜ್ಞಾನ ಕಂಪನಿಯಾಗಲು ಫೇಸ್‌ಬುಕ್ ಇಚ್ಚಿಸಿದೆ. ಹಾಗಾಗಿಯೇ, ವಾಟ್ಸ್ಆಪ್ ಬಳಕೆದಾರರಿಗೆ ತಮ್ಮ ಸ್ಟೇಟಸ್ ಅಪ್‌ಡೇಟ್‌ಗಳನ್ನು ಫೇಸ್‌ಬುಕ್‌ನಲ್ಲಿ ಅಪ್ಲಿಕೇಶನ್‌ನಿಂದ ಹಂಚಿಕೊಳ್ಳಲು ಅನುಮತಿಸುವ ವೈಶಿಷ್ಟ್ಯಗಳನ್ನು ನೀಡಿದೆ.

Most Read Articles
Best Mobiles in India

English summary
The feature to share WhatsApp Status as Facebook Story is available on both the stable version of WhatsApp Android and iOS based apps. to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X