ಮೊಬೈಲ್ ಮೂಲಕ ಎಟಿಎಂಗಳಿಂದ ಹಣ ಡ್ರಾ ಮಾಡಿಕೊಳ್ಳುವುದು ಹೇಗೆ?

|

ಭಾರತದ ಅತಿದೊಡ್ಡ ಸರ್ಕಾರಿ ಬ್ಯಾಂಕ್ ಎಸ್‌ಬಿಐ ತನ್ನ ಗ್ರಾಹಕರಿಗೆ ಭರ್ಜರಿ ಸುದ್ದಿಯೊಂದನ್ನು ನೀಡಿದೆ. ದೇಶದಲ್ಲೇ ಇದೇ ಮೊದಲ ಬಾರಿಗೆ ಎಟಿಎಂ ಕಾರ್ಡ್‌ಗಳಿಲ್ಲದೇ ಎಟಿಎಂಗಳಿಂದ ಹಣ ಡ್ರಾ ಮಾಡಿಕೊಳ್ಳುವ ಆಯ್ಕೆಯನ್ನು ಎಸ್‌ಬಿಐ ಮಾಡಿಕೊಟ್ಟಿದ್ದು, ಎಸ್‌ಬಿಐ ಅಭಿವೃದ್ದಿಪಡಿಸಿರುವ ಬ್ಯಾಂಕಿಂಗ್ ಆಪ್ ಹಾಕಿಕೊಂಡು, ಇನ್ಮುಂದೆ ಕಾರ್ಡ್ ರಹಿತವಾಗಿ ಎಟಿಎಂಗಳಿಂದ ಹಣವನ್ನು ಪಡೆಯಬಹುದು ಎಂದು ಎಸ್‌ಬಿಐ ತಿಳಿಸಿದೆ.

ಈ ವ್ಯವಸ್ಥೆಗೆ ಚಾಲನೆ ನೀಡಿ ಮಾತನಾಡಿದ ಎಸ್ ಬಿಐ ಮುಖ್ಯಸ್ಥ ರಜನೀಶ್ ಕುಮಾರ್, ಗ್ರಾಹಕರಿಗೆ ಬ್ಯಾಂಕಿಂಗ್ ವ್ಯವಹಾರ ಹೆಚ್ಚಿಸಲು ಹಾಗೂ ಗರಿಷ್ಟ ಜನರನ್ನು ತಲುಪುವ ನಿಟ್ಟಿನಲ್ಲಿ ಎಸ್‌ಬಿಐ ಮತ್ತೊಂದು ಹೆಜ್ಜೆ ಇಟ್ಟಿದೆ. ಎಸ್‌ಬಿಐನ ಹೊಸ ವ್ಯವಸ್ಥೆ ಮೂಲಕ ಡೆಬಿಟ್ ಕಾರ್ಡ್ ಬಳಸದೆಯೂ ಗ್ರಾಹಕರು ನಗದು ವಿಥ್ ಡ್ರಾ ಮಾಡಿಕೊಳ್ಳಬಹುದು, ಮುಂದಿನ ಎರಡು ವರ್ಷಗಳಲ್ಲಿ ಮತ್ತಷ್ಟು ಸ್ನೇಹಿ ವ್ಯವಸ್ಥೆಯನ್ನಾಗಿ ಮಾಡಲಾಗುವುದು ಎಂದು ಹೇಳಿದ್ದಾರೆ.

ಮೊಬೈಲ್ ಮೂಲಕ ಎಟಿಎಂಗಳಿಂದ ಹಣ ಡ್ರಾ ಮಾಡಿಕೊಳ್ಳುವುದು ಹೇಗೆ?

ಇದೇ ಮೊದಲ ಬಾರಿಗೆ ದೇಶದಲ್ಲಿನ ಸುಮಾರು 16,500 ಸಾವಿರ ಎಟಿಎಂಗಳಿಂದ ಕಾರ್ಡ್ ರಹಿತ ಹಣ ಡ್ರಾ ಮಾಡಿಕೊಳ್ಳುವ ಅವಕಾಶ ಕಲ್ಪಿಸಲಾಗಿದೆ. ಹಾಗಾದರೆ, ಎಸ್‌ಬಿಐ ಬ್ಯಾಂಕ್ ಗ್ರಾಹಕರು ಎಟಿಎಂ ಕಾರ್ಡ್‌ಗಳಿಲ್ಲದೇ ಎಟಿಎಂಗಳಿಂದ ಹಣ ಡ್ರಾ ಮಾಡಿಕೊಳ್ಳುವುದು ಹೇಗೆ?, ಇದರಿಂದ ಆಗುವ ಲಾಭವೇನು?, ಎಟಿಎಂ ಕಾರ್ಡ್‌ಗಳಿಲ್ಲದೇ ಎಟಿಎಂಗಳಿಂದ ಹಣ ಡ್ರಾ ಮಾಡಿಕೊಳ್ಳಲು ನಾವು ಏನು ಮಾಡಬೇಕು ಎಂಬುದನ್ನು ಮುಂದಿನ ಸ್ಲೈಡರ್‌ಗಳಲ್ಲಿ ಓದಿ ತಿಳಿಯಿರಿ.

'ಯೊನೊ ಕ್ಯಾಷ್ ಪಾಯಿಂಟ್ಸ್'

'ಯೊನೊ ಕ್ಯಾಷ್ ಪಾಯಿಂಟ್ಸ್'

ದೇಶದಲ್ಲಿ ಇದೇ ಮೊದಲ ಬಾರಿಗೆ ದೇಶದಲ್ಲಿನ ಸುಮಾರು 16,500 ಸಾವಿರ ಎಟಿಎಂಗಳಿಂದ ಕಾರ್ಡ್ ರಹಿತ ಹಣ ಡ್ರಾ ಮಾಡಿಕೊಳ್ಳುವ ಅವಕಾಶ ಕಲ್ಪಿಸಲಾಗಿದೆ. ಇದಕ್ಕೆ 'ಯೊನೊ ಕ್ಯಾಷ್ ಪಾಯಿಂಟ್ಸ್' ಎಂದು ಎಸ್‌ಬಿಐ ಕರೆದಿದ್ದು, ಎಸ್‌ಬಿಐ ಅಭಿವೃದ್ದಿಪಡಿಸಿರುವ ಯೊನೊ ಆಪ್ ಮೂಲಕ ಎಟಿಎಂಗಳಿಂದ ಕಾರ್ಡ್ ರಹಿತ ಹಣ ಡ್ರಾ ಮಾಡಿಕೊಳ್ಳುವ ಅವಕಾಶ ಕಲ್ಪಿಸಲಾಗಿದೆ.

ಕ್ಲೋನಿಂಗ್ ಸಮಸ್ಯೆ ನಿವಾರಣೆ

ಕ್ಲೋನಿಂಗ್ ಸಮಸ್ಯೆ ನಿವಾರಣೆ

ಎಸ್‌ಬಿಐನ ಈ 'ಯೊನೊ ಕ್ಯಾಷ್ ಪಾಯಿಂಟ್ಸ್' ವ್ಯವಸ್ಥೆಯಿಂದಾಗಿ ಇನ್ಮುಂದೆ ಸ್ಕಿಮಿಂಗ್ ಮತ್ತು ಕ್ಲೋನಿಂಗ್ ಸಮಸ್ಯೆ ನಿವಾರಣೆಯಾಗಲಿದೆ. ಎಟಿಎಂಗಳಲ್ಲಿ ಸ್ಕಿಮ್ಮರ್‌ಗಳು ಕಾರ್ಡ್ ಮಾಹಿತಿಯನ್ನು ಕದ್ದು ಹಣ ಕದಿಯುವ ಸಮಸ್ಯೆ ಕೊನೆಯಾಗಲಿದೆ. ಜೊತೆಗೆ ಗ್ರಾಹಕರ ಬಳಿ ಕಾರ್ಡ್ ಇಲ್ಲದೇ, ಒಂದು ಫೋನ್ ಇದ್ದರೂ ಸಹ ಎಟಿಎಂನಲ್ಲಿ ಹಣವನ್ನು ಪಡೆಯಬಹುದಾಗಿದೆ.

ಕಾರ್ಡ್‌ಗಳಿಲ್ಲದೇ ಹಣ ಡ್ರಾ ಹೇಗೆ?

ಕಾರ್ಡ್‌ಗಳಿಲ್ಲದೇ ಹಣ ಡ್ರಾ ಹೇಗೆ?

ಎಸ್‌ಬಿಐ ಬ್ಯಾಂಕ್ ಗ್ರಾಹಕರು ತಮ್ಮ ಸ್ಮಾರ್ಟ್‌ಪೋನಿಗೆ 'ಯೊನೊ' ಆಪ್ ಅನ್ನು ಡೌನ್‌ಲೋಡ್ ಮಾಡಿಕೊಳ್ಳುವ ಮೂಲಕ ಎಟಿಎಂ ಕಾರ್ಡ್‌ಗಳಿಲ್ಲದೇ ಎಟಿಎಂಗಳಿಂದ ಹಣ ಡ್ರಾ ಮಾಡಿಕೊಳ್ಳಬಹುದಾಗಿದೆ. ಗ್ರಾಹಕರು ಯೊನೊ ಆಪ್ ಇನ್ ಸ್ಟಾಲ್ ಮಾಡಿಕೊಂಡ ನಂತರ, ಆಪ್‌ಗೆ ಲಾಗಿನ್ ಆಗಿ ಈ ವ್ಯವಹಾರಕ್ಕಾಗಿ ಪಿನ್ ಸೆಟ್ಟಿಂಗ್ ಮಾಡಬೇಕಾಗುತ್ತದೆ.

ಹಣ ಪಡೆಯುವ ವ್ಯವಸ್ಥೆ ಹೇಗೆ?

ಹಣ ಪಡೆಯುವ ವ್ಯವಸ್ಥೆ ಹೇಗೆ?

ಗ್ರಾಹಕರು ಯುನೊ ಆಪ್‌ಗೆ ಲಾಗಿನ್ ಆದ ನಂತರ ನಗದು ಹಿಂಪಡೆಯುವ ಪ್ರಕ್ರಿಯೆಯನ್ನು ಆರಂಭಿಸಬೇಕು. ಇದಾದ ನಂತರ ಗ್ರಾಹಕರು ತಮ್ಮ ನೋಂದಾಯಿತ ಮೊಬೈಲ್ ನಂಬರ್ ಗೆ ಆರು ಸಂಖ್ಯೆಯ ವಿವರಣೆ ಸಂಖ್ಯೆಯೊಂದಿಗೆ ಎಸ್‌ಎಂಎಸ್ ಪಡೆಯುತ್ತಾರೆ. ಇದು ಪಿನ್ ಸಂಖ್ಯೆಯಾಗಿದ್ದು,ಇದನ್ನು ಎಟಿಎಂನಲ್ಲಿ ನಮೂದಿಸಿದ ನಂತರ ಎಟಿಎಂನಲ್ಲಿ ಹಣ ಬರುತ್ತದೆ.

ಹಣ ಪಡೆಯಲು ಹೀಗೆ ಮಾಡಿ

ಹಣ ಪಡೆಯಲು ಹೀಗೆ ಮಾಡಿ

ಎಟಿಎಂ ಬಳಿ ಹೋಗಿ ಯುನೊ ಆಪ್ ಅನ್ನು ತೆರೆಯಿರಿ. ನಂತರ ಅದರಲ್ಲಿರುವ 'ಯೊನೊ ಕ್ಯಾಷ್ ಪಾಯಿಂಟ್ಸ್' ಅನ್ನು ಕ್ಲಿಕ್ ಮಾಡಿ. ಇದೇ ಸಮಯದಲ್ಲಿ ಎಟಿಎಂನಲ್ಲೂ ಇದೇ ರೀತಿಯ ಆಯ್ಕೆ ಕಾಣಿಸಲಿದೆ. ಅದನ್ನು ಕ್ಲಿಕ್ ಮಾಡಿ ಹಣವನ್ನು ಪಡೆದುಕೊಳ್ಳಲು ಆಯ್ಕೆಗಳನ್ನು ಒತ್ತಿ. ಇದಾದ ನಂತರ ನಿಮಗೆ ಪಿನ್ ಬರಲಿದೆ, ಅದನ್ನು ಎಟಿಎಂನಲ್ಲಿ ಹಾಕಿ ಹಣವನ್ನು ಪಡೆದುಕೊಳ್ಳಿ.

ಇದು ಎರಡು ಅಂಶದ ದೃಢೀಕರಣ

ಇದು ಎರಡು ಅಂಶದ ದೃಢೀಕರಣ

ಹಣ ಡ್ರಾ ಮಾಡಲು ಯೊನೊ ಆಪ್ ಬಳಸುವ ಕ್ರಮ ಬಲಿಷ್ಠವಾಗಿದೆ. ಈ ಸೇವೆಯ ಮೂಲಕ ಹಣ ಪಡೆಯುವ ಪ್ರಕ್ರಿಯೆಯು ಎರಡು ಅಂಶದ ದೃಢೀಕರಣವನ್ನು ಒಳಗೊಂಡಿದ್ದು, ಗ್ರಾಹಕರು ಅತ್ಯುತ್ತಮ ಡಿಜಿಟಲ್ ಸುರಕ್ಷತೆಯನ್ನು ಹೊಂದಿರುತ್ತಾರೆ. ಹಾಗಾಗಿಯೇ, ಮುಂದಿನ ದಿನಗಳಲ್ಲಿ ಈ ನೂತನ ವ್ಯವಸ್ಥೆಯನ್ನು ಮತ್ತಷ್ಟು ಪ್ರಚುರಪಡಿಸಲಾಗುವುದು ಎಂದು ಎಸ್‌ಬಿಐ ತಿಳಿಸಿದೆ.

ವೆಚ್ಸೈಟ್ ಮೂಲಕ ಸಹ ಲಭ್ಯ!

ವೆಚ್ಸೈಟ್ ಮೂಲಕ ಸಹ ಲಭ್ಯ!

ಎಟಿಎಂ ಕಾರ್ಡ್‌ಗಳಿಲ್ಲದೇ ಎಟಿಎಂಗಳಿಂದ ಹಣ ಡ್ರಾ ಮಾಡಿಕೊಳ್ಳುವ ಈ ಆಪ್ ಅಂಡ್ರಾಯ್ಡ್ ಮತ್ತು ಐಒಎಸ್ ಪವರ್ ಮೊಬೈಲ್ ಪೋನುಗಳಲ್ಲಿ ಲಭ್ಯವಿದೆ. ಇವುಗಳನ್ನು ಹೊರತುಪಡಿಸಿದಂತೆ ಯೊನೊ ವೆಬ್ ಸೈಟ್ ಮೂಲಕ ಇದನ್ನು ಪಡೆದುಕೊಳ್ಳಬಹುದಾಗಿದೆ.

Most Read Articles
Best Mobiles in India

English summary
The State Bank of India on Friday launched cardless cash withdrawal facility for its customers using the YONO app from its ATMs across the country. to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more