ನಿಮ್ಮ ಸ್ಮಾರ್ಟ್‌ಫೋನ್ ಅನ್ನು ಭದ್ರಪಡಿಸಲು ಇಚ್ಛಿಸುತ್ತಿದ್ದೀರಾ?..ಹಾಗಾದ್ರೆ ಇಲ್ಲಿ ನೋಡಿ!!

ಸ್ಪ್ಯಾಮ್‌ ಸಂದೇಶಗಳು

ನಿಮ್ಮ ವೆಬ್ ಬ್ರೌಸರ್ ಮೂಲಕ ಮಾಲ್‌ವೇರ್‌ಗಳು ನಿಮ್ಮ ಕಂಪ್ಯೂಟರ್ ಅನ್ನು ಪ್ರವೇಶಿಸುವ ಸಾಧ್ಯತೆ ಇರುತ್ತದೆ. ಹಾಗಾಗಿ, ಸ್ಮಾರ್ಟ್‌ಫೋನ್ ಅಥವಾ ಕಂಪ್ಯೂಟರ್‌ನಲ್ಲಿ ಇಮೇಲ್‌ಗೆ ಬರುವ ಸ್ಪ್ಯಾಮ್‌ ಸಂದೇಶಗಳ ಫೈಲ್‌ಗಳನ್ನು ತೆರೆಯಬೇಡಿ. ತೆರೆದರೂ ಅದರಲ್ಲಿ ಲಾಟರಿ ಹೊಡೆದಿರುವ ಬಗ್ಗೆ ಎಂದೂ ನಂಬಬೇಡಿ.!

ಆಪರೇಟಿಂಗ್ ಸಿಸ್ಟಮ್ ನವೀಕರಿಸಿ!!

ಭದ್ರತೆ ಮತ್ತು ಅದರ ಬಳಕೆಯನ್ನು ಅನುಸರಿಸಿ ಕಂಪ್ಯೂಟರ್ ಆಪರೇಟಿಂಗ್ ಸಿಸ್ಟಮ್ ಆರಿಸಿ. ಬಳಕೆದಾರರ ಖಾತೆಗಳು, ಫೈಲ್ ಅನುಮತಿಗಳು ಮೊದಲಾದ ಮಾಹಿತಿಗಳನ್ನು ಆಗಾಗ್ಗೆ ನವೀಕರಿಸಲಾಗುತ್ತಿದೆಯೇ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ. ನಿಮ್ಮ ಆಪರೇಟಿಂಗ್ ವ್ಯವಸ್ಥೆಯನ್ನು ಭದ್ರತಾ ನವೀಕರಣಗಳೊಂದಿಗೆ ನವೀಕರಿಸುತ್ತಿರಿ.

ವಿಶ್ವಾಸಾರ್ಹ ಮೂಲ

ಯಾವುದೇ ಸಾಫ್ಟ್‌ವೇರ್ ಅನ್ನು ಡೌನ್‌ಲೋಡ್ ಮಾಡುವ ಸಂದರ್ಭದಲ್ಲಿ ವಿಶ್ವಾಸಾರ್ಹ ಮೂಲಗಳಿಂದ ಅವುಗಳನ್ನು ಹುಡುಕಿ ಮತ್ತು ಅದರ ಬಗ್ಗೆ ಮಾಹಿತಿ ಸಂಗ್ರಹಿಸಿ. ಅದಕ್ಕೂ ಮುಖ್ಯವಾಗಿ ನಿಮಗೆ ಹೆಚ್ಚಿನ ಅರಿವಿಲ್ಲದ ಸಾಫ್ಟ್‌ವೇರ್‌ಗಳನ್ನು ಸ್ಮಾರ್ಟ್‌ಫೋನ್ ಮತ್ತು ಕಂಪ್ಯೂಟರ್‌ಗೆ ಇನ್‌ಸ್ಟಾಲ್ ಮಾಡಬೇಡಿ.!

ಆಯಂಟಿ ಸಾಫ್ಟ್‌ವೇರ್ ಇನ್‌ಸ್ಟಾಲ್ ಮಾಡಿ

ಆಯಂಟಿ ಸ್ಪೈವೇರ್ ಮತ್ತು ಆಯಂಟಿ ಮಾಲ್‌ವೇರ್ ಪ್ರೊಗ್ರಾಮ್ ಆದ ಸ್ಪೈಬೋಟ್ ಅನ್ನು ನಿಮ್ಮ ಕಂಪ್ಯೂಟರ್‌ನಲ್ಲಿ ನೀವು ಚಾಲನೆ ಮಾಡುವುದು ಅತೀ ಅವಶ್ಯಕವಾಗಿದೆ.ಸ್ಮಾರ್ಟ್‌ಫೋನ್ ಮತ್ತು ಕಂಪ್ಯೂಟರ್‌ಗೆ ಉತ್ತಮ ಕಂಪನಿಯ ಆಯಂಟಿ ವೈರಸ್‌ ಸಾಫ್ಟ್‌ವೇರ್‌ ಮಾತ್ರ ಇನ್‌ಸ್ಟಾಲ್ ಮಾಡಿಕೊಳ್ಳಿ.!

ಒಕೆ ಕ್ಲಿಕ್ ಮಾಡಲೇಬೇಡಿ!!

ಯಾವುದಾದರೂ ಬ್ರೌಸರ್ ತೆರೆದರೆ ಅಲ್ಲಿ ಕಾಣಸಿಗುವ ವೈರಸ್‌ ಸ್ಕ್ಯಾನ್ಸ್, ಫ್ರೀ ಪಿಸಿ ಸ್ಕ್ಯಾನ್ಸ್, ಕ್ಲೀನ್ ಯುವರ್ ಸಿಸ್ಟಮ್‌ ಇತ್ಯಾದಿ ಆಫರ್‌ಗಳನ್ನು ಒಪ್ಪಿಕೊಳ್ಳಬೇಡಿ. ಒಮ್ಮೆ ನೀವು ಅವುಗಳಿಗೆ ಒಪ್ಪಿದರೆ ನಿಮ್ಮ ಸೆಕ್ಯುರಿಟಿ ಮಾಹಿತಿ ಅವರ ಪಾಲಾಗಬಹುದು ಅಥವಾ ಅವರು ನಿಮ್ಮನ್ನು ವಂಚಿಸಬಹುದು.!

ಲಾಗೌಟ್ ಮಾಡುವುದನ್ನು ಮರೆಯದಿರಿ!!

ಸ್ಮಾರ್ಟ್‌ಫೋನ್ ಮತ್ತು ಕಂಪ್ಯೂಟರ್‌ನಲ್ಲಿ ಇಮೇಲ್‌ ಖಾತೆ, ಬ್ಯಾಂಕ್‌ ಖಾತೆಗಳಿಗೆ ಲಾಗಿನ್‌ ಆದ ನಂತರ ಲಾಗೌಟ್ ಆಗಲು ಮರೆಯಬೇಡಿ.ಸ್ಮಾರ್ಟ್‌ಫೋನ್ ಮತ್ತು ಕಂಪ್ಯೂಟರ್‌ನಲ್ಲಿ ಏನೇ ಡೌನ್‌ಲೋಡ್‌ ಮಾಡಿಕೊಳ್ಳುವಾಗ 'ಇಂತಹ ಸಾಫ್ಟ್‌ವೇರ್‌, ಗೇಮ್‌ನಿಂದ ನಿಮ್ಮ ಕಂಪ್ಯೂಟರ್‌ಗೆ ಹಾನಿಯಾಗಬಹುದು' ಎಂಬ ಸಂದೇಶಗಳನ್ನು ನಿರ್ಲಕ್ಷಿಸಬೇಡಿ.