'ಸ್ಮಾರ್ಟ್‌ಟಿವಿ' ಖರೀದಿಸುವ ಮುನ್ನ ತಿಳಿದಿರಲೇಬೇಕಾದ 7 ವಿಷಯಗಳಿವು!!

ಟಿವಿಯ ಗಾತ್ರ ಮತ್ತು ವೀಕ್ಷಣೆ

ಬರ್ನಾರ್ಡ್ ಲೆಚ್ನರ್ ಎಂಬವರು 30 ವರ್ಷಗಳ ಕಾಲ ಸಂಶೋಧನೆ ನಡೆಸಿ ಒಂದು ಅಂಶವನ್ನು ಕಂಡುಕೊಂಡಿರುವ ಪ್ರಶಸ್ತ ಅಂತರದ ಕುರಿತ ಪಿಡಿಎಫ್ ಚಾರ್ಟ್ ಇಂಟರ್ನೆಟ್‌ನಲ್ಲಿ ದೊರೆಯುತ್ತದೆ. 42 ಇಂಚು ಪರದೆಯ 1080ಪಿಕ್ಸೆಲ್ ಸ್ಕ್ರೀನ್ ಇರುವ ಟಿವಿಯನ್ನು ನೋಡಲು ಪ್ರಶಸ್ತವಾದ ಅಂತರವೆಂದರೆ 5.5 ಅಡಿ. 46 ಇಂಚಿನ ಟಿವಿ ನೋಡಬೇಕಾದ ಪ್ರಶಸ್ತ ಅಂತರ 6 ಅಡಿ. ಅಂತರಕ್ಕೆ ತಕ್ಕಂತೆ ಸ್ಕ್ರೀನ್ ಗಾತ್ರವಿರುವ ಟಿವಿಯನ್ನು ಆಯ್ಕೆ ಮಾಡಿಕೊಳ್ಳಬೇಕು.

1080p ಫುಲ್ ಹೆಚ್‌ಡಿ ಮತ್ತು ಹೆಚ್ಚಿನದು!

ಹೆಚ್ಚು ರೆಸೊಲ್ಯುಶನ್ ಇದ್ದಷ್ಟೂ ಟಿವಿಯಲ್ಲಿ ಚಿತ್ರಗಳು ಸ್ಪಷ್ಟವಾಗಿ ಕಾಣಿಸುತ್ತವೆ. ಹೀಗಾಗಿ, ನಿಮ್ಮ ಬಜೆಟ್ ಹೆಚ್ಚಿನದ್ದಾಗಿದ್ದರೆ 4ಕೆ ಟಿವಿ ಉತ್ತಮ. ಇಲ್ಲವಾಗಿದ್ದರೆ ಕನಿಷ್ಠಪಕ್ಷ ಫುಲ್ ಹೆಚ್‌ಡಿ ಟಿವಿ ಖರೀದಿಸಿ. ಮುಖ್ಯವಾಗಿ HD ರೆಡಿ (1366 x 768 ಪಿಕ್ಸೆಲ್ಸ್), ಫುಲ್ HD (1920 x 1080 ಪಿಕ್ಸೆಲ್ಸ್) ಮತ್ತು 4K (3840 x 2160 ಪಿಕ್ಸೆಲ್ಸ್) ಟಿವಿಗಳನ್ನು ಖರೀದಿ ಮಾಡಿ.!

LED ಅಥವಾ OLED

OLED (ಆರ್ಗ್ಯಾನಿಕ್ ಲೈಟ್ ಎಮಿಟಿಂಗ್ ಡಯೋಡ್) ಡಿಸ್‌ಪ್ಲೇ ತಂತ್ರಜ್ಞಾನವು ಸಾಮಾನ್ಯ LED ಟಿವಿಗಳಿಗಿಂತ ಉತ್ತಮ. ಏಕೆಂದರೆ, ಸ್ಮಾರ್ಟ್‌ಫೋನ್‌ನಲ್ಲಿರುವಂತೆಯೇ OLED ಟಿವಿಗಳಲ್ಲಿ ನಿರ್ದಿಷ್ಟ ಪಿಕ್ಸೆಲ್‌ಗಳನ್ನು ಆನ್/ಆಫ್ ಮಾಡಬಹುದಾಗಿದೆ. ಇದು ವಿದ್ಯುತ್ ಉಳಿತಾಯಕ್ಕೆ ಪೂರಕ. OLED ಗಳಲ್ಲಿ ವೀಕ್ಷಣೆಯ ಕೋನವೂ ವಿಸ್ತಾರವಾಗಿರುತ್ತದೆ ಮತ್ತು ಬಣ್ಣಗಳು ಉತ್ತಮವಾಗಿ ಗೋಚರಿಸುತ್ತವೆ.

ಯಾವ ವಿಧದ ಎಷ್ಟು ಪೋರ್ಟ್‌ಗಳು ಬೇಕು?

ಹೊಸ ಟಿವಿ ಖರೀದಿಸುವಾಗ ಹೆಚ್ಚಿನವರು ನಿರ್ಲಕ್ಷಿಸುವುದೆಂದರೆ ಅದರಲ್ಲಿ ಎಷ್ಟು ಪೋರ್ಟ್‌ಗಳಿರಬೇಕು ಎಂಬ ಅಂಶ. ಹೆಚ್ಚು ಪೋರ್ಟ್‌ಗಳಿದ್ದಷ್ಟು ಹೆಚ್ಚು ಸಾಧನಗಳನ್ನು ನಿಮ್ಮ ಟಿವಿಗೆ ಸಂಪರ್ಕಿಸಬಹುದಾಗಿದೆ. ಹೀಗಾಗಿ, ಕನಿಷ್ಠ 3 ಹೆಚ್‌ಡಿಎಂಐ ಪೋರ್ಟ್‌ಗಳು, ಎರಡು ಯುಎಸ್‌ಬಿ ಪೋರ್ಟ್‌ಗಳು ಹಾಗೂ ಆಪ್ಟಿಕಲ್ ಆಡಿಯೋ ಪೋರ್ಟ್ ಇರುವ ಟಿವಿ ಖರೀದಿಸುವುದು ಉತ್ತಮ.

ಎಲ್ಲ ಸ್ಮಾರ್ಟ್ ಟಿವಿಗಳು ಒಂದೇ ರೀತಿಯೇ?

ಯಾವುದೇ ಸ್ಮಾರ್ಟ್ ಟಿವಿಯಲ್ಲಿ ಆನ್‌ಲೈನ್ ಮೂಲಗಳು ಅಥವಾ ಸ್ಥಳೀಯ ಸಾಧನಗಳಿಂದ ವೈವಿಧ್ಯಮಯ ಆಡಿಯೋ-ವೀಡಿಯೋ ಫೈಲುಗಳನ್ನು ಸ್ವೀಕರಿಸುವ ಇಂಟರ್ಫೇಸ್ ಇರುತ್ತದೆ. ಕೆಲವು ಟಿವಿಗಳಲ್ಲಿ ಆಪ್‌ಗಳು, ಸೋಷಿಯಲ್ ನೆಟ್‌ವರ್ಕ್ ಆಪ್‌ಗಳನ್ನು ಇನ್‌ಸ್ಟಾಲ್ ಮಾಡಿಕೊಳ್ಳುವ ಸೌಲಭ್ಯವಿರುತ್ತದೆ. ಹಾಗಾಗಿ, ಆಂಡ್ರಾಯ್ಡ್ ಅಥವಾ ವೆಬ್ಒಎಸ್ ಇರುವ ಟಿವಿಗಳು ಅತ್ಯುತ್ತಮ ಆಯ್ಕೆ.

ಪ್ರಚಾರವಿರದ ಬ್ರ್ಯಾಂಡ್‌ಗಳನ್ನು ನಂಬಬಹುದೇ?

ಹೆಚ್ಚಿನ ಖರೀದಿದಾರರು ಸ್ಯಾಮ್ಸಂಗ್, ಎಲ್‌ಜಿ, ಸೋನಿ, ಪ್ಯಾನಾಸೋನಿಕ್ ಮತ್ತು ಫಿಲಿಪ್ಸ್‌ನಂಥ ಹೆಚ್ಚು ಪ್ರಚಾರದಲ್ಲಿರುವ ಬ್ರ್ಯಾಂಡ್‌ಗಳಿಗೇ ಮೊರೆ ಹೋಗುತ್ತಾರೆ. ಆದರೆ, ಕಡಿಮೆ ಪ್ರಚಾರ ಇರುವವುಗಳ ಗುಣಮಟ್ಟವೇನೂ ತೀರಾ ಕಳಪೆಯಾಗಿರುವುದಿಲ್ಲ.ಶಿಯೋಮಿ, ಧಾಮ್ಸ್ನ್ ವಿಯು ಮತ್ತು ಇಂಟೆಕ್ಸ್ ಮುಂತಾದ ಕಂಪನಿಗಳ ಟಿವಿಗಳು ಚೆನ್ನಾಗಿವೆ ಮತ್ತು ಬೆಲೆ ಕೂಡ ಓಕೆ.!

ಸರಿಯಾದ ಜಾಗದಲ್ಲಿ ಇರಿಸಿ

ಟಿವಿಯನ್ನು ಎಲ್ಲಿರಿಸುತ್ತೀರಿ ಎಂಬುದನ್ನು ಸಹ ನೀವು ಮೊದಲೇ ತಿಳಿದಿರಬೇಕು. ಹೆಚ್ಚಿನ ಸ್ಮಾರ್ಟ್ ಟಿವಿಗಳಲ್ಲಿ ಗೋಡೆಯಲ್ಲಿ ತಗುಲಿ ಹಾಕುವ ಆಯ್ಕೆ ಇರುತ್ತದೆ. ಪದೇ ಪದೇ ಜಾಗ ಬದಲಿಸದಿರಲು, ಸ್ಥಳಾವಕಾಶ ಸರಿದೂಗಿಸಲು ಇದು ಅತ್ಯುತ್ತಮ. ಹೆಚ್ಚು ವೈರುಗಳು ಕಾಣಿಸದಂತೆ, ಸುರಕ್ಷಿತವಾಗಿ ನೋಡಿಕೊಂಡು, ಗೋಡೆಯಲ್ಲಿ ಟಿವಿಯನ್ನು ತಗುಲಿ ಹಾಕಿ.!