7 ಟೆಕ್ ತಪ್ಪುಗಳನ್ನು ಮಾಡಬೇಡಿ

Posted By:

    ಗ್ಯಾಜೆಟ್‌ಗಳು ಹೆಚ್ಚು ಹೆಚ್ಚು ನಮ್ಮಲ್ಲಿ ಸಂಗ್ರಹವಾದಂತೆ ಅವುಗಳ ರಕ್ಷಣೆಯ ಜವಾಬ್ದಾರಿ ಸಹ ಹೆಚ್ಚಿರುತ್ತದೆ. ಆದರೆ ಕೆಲವೊಮ್ಮೆ ನಮ್ಮದೇ ಆದ ಕೆಲವು ತಪ್ಪುಗಳಿಂದ ಗ್ಯಾಜೆಟ್‌ಗಳನ್ನು ಹಾಳುಮಾಡಿಕೊಳ್ಳುತ್ತೇವೆ. ಹೀಗಾಗಿಇಂದು ಟೆಕ್‌ ಗ್ಯಾಜೆಟ್‌ಗಳನ್ನು ಖರೀದಿಸುವಾಗ,ಬಳಸುವಾಗ ಏನೇನು ಎಚ್ಚರಿಕೆ ಕ್ರಮಗಳನ್ನು ಅನುಸರಿಸಬೇಕು ಎನ್ನುವ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ.ಒಂದೊಂದೆ ಪುಟವನ್ನು ತಿರುಗಿಸಿ ಓದಿಕೊಂಡು ಹೋಗಿ.

    ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ

    ಮಕ್ಕಳ ಕೈಗೆ ಸಾಧನ ಸಿಗದಿರಲಿ:


    ಮಕ್ಕಳ ಕೈಗೆ ಸುಲಭವಾಗಿ ಎಲೆಕ್ಟ್ರಾನಿಕ್‌ ಸಾಧನ ಸಿಗುವಂತೆ ಇಡಬೇಡಿ. ಆಟದ ಸಾಮಾಗ್ರಿ ಎಂದು ಭಾವಿಸಿ ಮಕ್ಕಳು ಆಟ ಆಡಿ ಬೀಳಿಸಿದರೆ ಸಾಧನ ಹಾಳಾಗುವ ಸಾಧ್ಯತೆ ಇರುತ್ತದೆ.

    ಫೈಲ್‌ ಫಾರ್ಮೆಟ್‌:


    ಬಹಳಷ್ಟು ಜನ ಕಡತ(ಫೈಲ್‌) ಬೇರೆ ಯಾವುದೋ ಫಾರ್ಮೆಟ್‌ನಲ್ಲಿ ಸೇವ್‌ ಮಾಡುತ್ತಾರೆ. ಈ ರೀತಿ ಮಾಡದೇ ಸೇವ್‌ ಮಾಡುವ ಮೊದಲು ಅದು ಯಾವ ಫಾರ್ಮೆಟ್‌‌ನಲ್ಲಿ ಸೇವ್‌ ಆಗುತ್ತದೆ ಎಂಬುದನ್ನು ನೋಡಿಕೊಂಡು ಸೇವ್‌ ಮಾಡಿದ್ದರೆ ಉತ್ತಮ

    ಉಚಿತ ಆಪ್‌ ಡೌನ್‌ಲೋಡ್‌ ಮಾಡಬೇಡಿ:


    ಸ್ಮಾರ್ಟ್‌ಫೋನ್‌/ಟ್ಯಾಬ್ಲೆಟ್‌ಗಳಲ್ಲಿ ಬೇಕಾದ ಆಪ್‌ಗಳನ್ನೇ ಮಾತ್ರ ಡೌನ್‌ಲೋಡ್‌ ಮಾಡಿ. ಆಪ್‌ ಅಂಗಡಿಗಳಲ್ಲಿ ಉಚಿತವಾಗಿ ಸಿಗುತ್ತದೆ ಎಂದು ಆಪ್‌ಗಳನ್ನು ಡೌನ್‌ಲೋಡ್‌ ಮಾಡಬೇಡಿ. ಡೌನ್‌ಲೋಡ್‌ ಮಾಡಿದ ಬಳಿಕ ಇಷ್ಟವಾಗದಿದ್ದಲ್ಲಿ ಅದನ್ನು ಅನ್‌ ಇನ್‌ಸ್ಟಾಲ್‌ ಮಾಡಿಬಿಡಿ.ಅನ್‌ಇನ್‌ಸ್ಟಾಲ್‌ ಮಾಡದಿದ್ದಲ್ಲಿ ಫೋನಿನ ಮೆಮೊರಿಯ ರ್‍ಯಾಮ್‌ ಮೆಮೊರಿಯನ್ನು ಕಬಳಿಸುತ್ತಿರುತ್ತದೆ.

    ಕಡಿಮೆ ಬ್ಯಾಟರಿಯಲ್ಲಿ ಪ್ರಯಾಣ:


    ಮನೆ ಬಿಟ್ಟು ಬೇರೆ ಕಡೆಗೆ ಹೋಗುವಾಗ ಬಹಳಷ್ಟು ಜನ ತಮ್ಮ ಸ್ಮಾರ್ಟ್‌ಫೋನ್‌‌‌/ಟ್ಯಾಬ್ಲೆಟ್‌‌ ಬ್ಯಾಟರಿ ಚಾರ್ಜ್‌ ಮಾಡದೇ ಪ್ರಯಾಣ ಮಾಡುತ್ತಾರೆ.ಪ್ರಯಾಣದ ಸಂದರ್ಭದಲ್ಲಿ ಮೊಬೈಲ್‌ ಇಂಟರ್‌ನೆಟ್‌ ಬಳಸಲು ಆರಂಭಿಸಿದ್ದರೆ ಕೆಲವೇ ಕ್ಷಣದಲ್ಲಿ ಸಾಧನದಲ್ಲಿರುವ ಬ್ಯಾಟರಿ ಖಾಲಿಯಾಗುತ್ತದೆ. ಹೀಗಾಗಿ ಹೊರಗಡೆ ಪ್ರಯಾಣಕ್ಕೆ ಹೋಗುವ ಮೊದಲು ಸಂಪೂರ್ಣ‌ವಾಗಿ ಬ್ಯಾಟರಿಯನ್ನು ಚಾರ್ಜ್‌ ಮಾಡಿ ಪ್ರಯಾಣ ಮಾಡುವುದು ಉತ್ತಮ.

    ಹಳೇಯ ಆಂಡ್ರಾಯ್ಡ್ ಫೋನ್‌ ಖರೀದಿಸಬೇಡಿ:


    ಗೂಗಲ್ ಆಂಡ್ರಾಯ್ಡ್ ಓಎಸ್‌‌ನ್ನು ಅಪ್‌ಗ್ರೇಡ್‌ ಮಾಡುತ್ತಲೇ ಇರುತ್ತದೆ. ಹೀಗಾಗಿ ಕಡಿಮೆ ಬೆಲೆ ಎನ್ನುವ ಕಾರಣಕ್ಕೆ ಹಳೇಯ ಆಂಡ್ರಾಯ್ಡ್‌ ಓಎಸ್‌‌ ಸ್ಮಾರ್ಟ್‌ಫೋನ್‌ ಖರೀದಿಸಬೇಡಿ.ಸಾಧ್ಯವಾದಷ್ಟು ಆಂಡ್ರಾಯ್ಡ್‌ ಹೊಸ ಓಎಸ್‌‌,ಅಥವಾ ಕಂಪೆನಿ ಓಎಸ್‌ ಅಪ್‌ಗ್ರೇಡ್‌ಗೆ ಅವಕಾಶ ಕಲ್ಪಿಸುತ್ತದೋ ಎನ್ನುವುದನ್ನು ನೋಡಿಕೊಂಡು ಖರೀದಿಸಿದರೆ ಉತ್ತಮ.

    ಸಮಸ್ಯೆ ನಿವಾರಿಸಲು ಪ್ರಯತ್ನಿಸಿ:


    ಯಾವುದೇ ಸಮಸ್ಯೆ ಸೃಷ್ಟಿಯಾದಲ್ಲಿ ಕೂಡಲೇ ಬೇರೆಯವರ ಸಹಾಯ ಕೇಳಬೇಡಿ. ಇಂಟರ್‌ನೆಟ್‌ನಲ್ಲಿ ಆ ಸಮಸ್ಯೆಯನ್ನು ನಿವಾರಿಸುವುದು ಹೇಗೆ ಎಂದು ಟೈಪ್‌ ಮಾಡಿದರೆ ಬೇಕಾದಷ್ಟು ಫಲಿತಾಂಶ ತೋರಿಸುತ್ತದೆ. ಈ ಫಲಿತಾಂಶವನ್ನು ನೋಡಿ ಸಮಸ್ಯೆ ನಿವಾರಿಸಲು ಪ್ರಯತ್ನಿಸಿ. ಆ ಬಳಿಕವೂ ಸಮಸ್ಯೆ ಪರಿಹಾರವಾಗದಿದ್ದಲ್ಲಿ ತಜ್ಞರನ್ನು ಸಂಪರ್ಕಿಸಿ.

    ಇಮೇಲ್‌ ಐಡಿ:


    sunilsexy@gmail.com ಈ ಇಮೇಲ್‌ ಐಡಿ ಈಗ ಇಷ್ಟವಾಗಬಹುದು. ಆದರೆ ಉದ್ಯೋಗ ಸಂದರ್ಭದಲ್ಲಿ ಅಥವಾ ಬೇರೆಯವರಿಗೆ ಇಮೇಲ್‌ ಮೂಲಕ ಪ್ರತಿಕ್ರಿಯಿಸುವಾಗ ಈ ಐಡಿ ಅಷ್ಟೇನು ಸರಿ ಕಾಣುವುದಿಲ್ಲ.

    ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ

    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more